اييييي الفيس لازم من البداية يازعم يبشر بالهدووء ..
ولكن تحت السواهي دوواااهي .. ههههههههههههههههههههههههه
قالت ليي انه الباص جديد وخايفة ما تعرفه اوول يوم ..
احنا صار لينا الاخس ..
اليوم صدق كان يوووم متعبببببببب ..
لدرجة اني نمت من 3 الى 11 ..
قعدت اليوم الساعة 2 ونص الفجر..
قعدت ع الكمبيوتر ..
الساعة 4 صليت .. 5 ونص لبست ثياب المدرسة
لوو تجووفووووون المريول الكحلي عليي .. فخاااامة .. ههههههههههههه
شعوور لا يووصف ..
اول ما دشينا المدرسة ..
حسيتها صغييرة ..كل شي فيها صغير ..
لانه متعودين على الاعدادي مدرستنا كبيييييييرة حدهاا ..
بدأنا ويا الربع مشووار تدوير الصفوف ..
ثنتين من ربعنا في فرقة 6 ..
وحدة في 4 ..
اني جفت اسمي في فرقة 1 ويااا ................... تتوقعوون من هههههههههه
جفته ويا احجيوو ..
انصددددمت واستانسنااااا ..
وبعدين طول ما احنا نداور في معالم المدرسة مستانسييين ..
وكل ما تجي وحدة من ربعنا تروح احجيوو وتدوور وياها صفها ..
المهم .. يوم طق الجرس والكل راح صفه ..
احنا رحنا صفنا فرقة 1 ..
واني كنت مو مصدقة انه اني ويا احجيوو .. قعدت اتأكد من الاسامي ..
الا طلع اني مو في هالصف
.. رحت فرقة 2 الا اسمي هناك ..
طلع انه احنا جفنا اسمي في فرقة 2 وحسبناه فرقة 1 ..
وانقهررررررت ..
دشيت عند الباب كانت وحدة اعرفها ويايي في الابتدائي والاعدادي .. نوعا ما رفيقتي .. اسمها آيات
قعدت صوبها ..
اني وحدة طبيعتي اقعد هااادئة مااا احب اتعرف على اي احد
..و على قولت الناس انطوائية مو اجتماعية ..
يعني لو مو وياي آيات جان قعدت بروحي ..
بعدين قامت آيات وتعرفت على الي ورانا .. بنات ثنتين من عالي يعني بحارنة
في البداية ما كنت اتكلم وياهم .. بعدين ضربتها سووالف وياهم وكأني اعرفهم من دهـر .. هههههه
اكتشفت انه وحدة منهم فيها اصل من السنابس واستانست وطلعت سياسية بعد .. ههههههه
وبعدين طبعا كل معلمة تجي وتسوي لينا محاضرة من محاضراتهم الي حفضناها على مر القرون ..
جت لينا معلمة تقريبا عمرها 22 .. صدقوووني مو صاحية .. حركاتها حركات مجانين .. وكله تضحك بدون سبب ..
ما اصدق انها صاحية ولا الموووت .. بعدين قالوا ليها روحي صف غير .. وراحت
بعدين جت المديرة .. مصرررررررية .. الا تقول الي ورايي كلا كلا للتجنيس
.. وافطس من الضحك
قامت تتحجى المديرة .. تحاول انه تتكلم بحريني .. بس ابدا مو عااارفة .. ههههه
قامت تقول احنا مستانسين لانه انضميتون لينا .. في اسرة مدرسة النور
وقامت تهر تهر وتهر ..
وتقول احنا يجمعنا اساس المحبة و الحب والتعاون والاحترام ..
اني هني ما قدرت .. انفجرررررت من الضحك .. اقول بعد ما باقي الا تقول والغرام ..
يوم خلصت من كلامها .. دارت ليي .. تقول شاللي بدحك .. عاد اني زيدت في الضحك هههههههههههههه ..
بس شكلها طيبة يعني ..
بس الي ورايي الي من السنابس مووو متقبلة شكلها ابدا ..
الشي الي عجبني المدرسة كللللها بحارنة .. وفي شووي عجم وسنة وجلف ..
اما صفنا ما اتوقع انه ويانا جلف .. لانه اشكالهم كلهم بحارنة .. وعندنا بعد عجم ..
بعدين صق جرس الفسحة ..
طلعت الا صف احجيوو للحين معلمتهم ما طلعت قاعدة تهدر ..
قعدت احارسها ..
بعدين رحنا ويا الربع .. ومستانسين السنة رقوونا كفتيريا .. ههههههههه
قعدنا ناكل في البراااد .. مو كل سنة نقعد في الشمس وننصلخ
اكلنا بعدين طلعنا نتمشى ..
قعدنا في الساحة الي ورا .. نطالع مدرستنا الاعدادية .. ونقول جااان زين نرجع لييها ..
تونا حاسين بنعمتها .. هههههههه
لانه الاعدادية صدق كانت حليييوة وكبيييرة ..
والزراعة كله حشيش وورد .. يعني الوان في الوان ..
في النور الزراعة حسيتها صحراااء جرداء .. ماافيها شي ابدا غير الرمل ..
بعدين في نهاية الدوام ..
بنات منطقتنا كلهم معتمدين انه في باص وزارة .. لانه كل سنة يجيبون لينا ..
وانصدمنا يوم قالوا مافي .. ونقعنا في الحررر .. انصلخنا صرنا سووددااان ..
بعدين اني رجعت ويا ام وحدة من ربعنا .. واحجيوو نفس الشي ..
والكل تدبرها ..
رجعت البيت تعبااااااانة حدددي .. من الدوارة في المدرسة ومن النقعة في الشمس والحالة ..
نمت 3 قعدت 11
والحمامات اول شي انصدمنا لانه صغار ..
بعدين عرفنا انه وين ما نروح حمامات .. وااااجد في حمامات ..
اني الي صار عندي .. حيا و فيز.. نفس الشي احجيوو
في بنات عندهم كيم ..
ووووووووه تعب تعب اول يوم ..