~¤¦¦§¦¦¤~ ريحانة المصطفى ~¤¦¦§¦¦¤~

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

~¤¦¦§¦¦¤~ ريحانة المصطفى ~¤¦¦§¦¦¤~


 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
اللهم صل على محمد وال محمد وعجل فرجهم والعن اعدائهم

شاطر | 
 

 رواية رومانسية ((خالد ودلال))

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الإثنين مايو 09, 2011 9:18 am


بعد يومين .....

كانت ام خالد وشيخة ومنيرة قاعدين على الطاولة يتغدون .....وكانوا يسولفون ....

دخل خالد البيت ....كان توه ياي من الجامعة .....

خالد : السلام عليكم ....

ام خالد وشيخة ومنيرة : وعليكم السلام ....

ام خالد :تعال خالد... تغدى معانا .....

خالد : مو مشتهي ..توني شارب قهوة .....

ام خالد : انزين بس اقعد لا تاكل ....

راح وقعد معاهم على الطاولة ....

الام : ها رحت الجامعة ؟؟ كلمت الدكتور ...

خالد ماله خلق : ايه ...

الام : اشقالك ..؟

خالد : قالي شد حيلك بالفاينل وراح ادبلك الدرجة ...بس هذا الي قالي اياه ...

شيخة : حشا على هالسنين الي درستها المفروض تاخذ الدكتوراه هالسنة ..

خالد يطالعها من فوق لي تحت .......يلف ويها ...ويطالع امه ...

خالد : يما صبيلي ماي ....حدي عطشان...

منيرة اتطالعه : انزين ليش ماتقولي انا ...الماي يمي ....!!!

خالد معصب : مو قاعد تاكلين ...!!!!

منيرة : وشنو يعني ...اهد الي بيدي واصبلك ....

الام :هدوا هدوا ....خلاص... صبي ماي حق ريلج .....

اتصب منيرة ماي حق خالد .....

منيرة واهي قاعدة اتصب: دقيت عليك اليوم الصبح ....ليش ماترد علي ؟؟

خالد : كنت مشغول ....

منيرة : انزين عقب مافضيت ...ليش مارديت دقيت ...؟؟

خالد يعصب: اوووه ...وبعدين يعني ...بتسوينها لويه ....يعني اشتبين ..!!
ياليت عندج سالفة عاد....

منيرة : شفتيه عمتي ...كل ما اقوله شي يعصب ....خليج شاهده ...

الام : خالد الله يهداك خالد...يعني يمكن تبي منك شي شيات ..لازم اترد ادق عليها ....

خالد : لا ماتبي شي ....ماعندها سالفة ....

منيرة اتنزل راسها ...و اتطالع صحنها ...ولا تتكلم ولا كلمة ...ام خالد اتطالعها واترد اتكمل ....

ام خالد : كانت رايحة عند الدكتور ...وكانت تبيك اتيي معاها ....

خالد : لا انا ماحب اروح عند الدكاتره ...ذيج المرة يوم رحت معاها قعدنا ننطر 3 ساعات ....اصلا حتى لو انا راد جان مارحت معاها .....

منيرة اتقوم من الطاوله ومتضايقة حيل من اسلوب خالد .....

منيرة : الحمدالله .....

خالد : ايه زين قومي ...لاتكثرين واتقثين الياهل ...

منيرة : استغفر الله العظيم ...اللهم طولج يارووح .....

شيخة : خاااااالد!!!!

الام اتضيع الموضوع ....

الام : ماكليتي ....؟

منيرة اتطالع خالد: شبعت هم وغم ....<<< تصعد فوق....

الام اتهز راسها مو عاجبها الي يسويه خالد : خالد اشفيك على البنية ؟؟ حراام عليك ...مسكينه عاد طوول الوقت اتقول ابي خالد ايي معاي وابي خالد ايي معاي ...ليش كله داقرها ومو معطيها وي ..؟؟ كان ودها اليوم اتيي
معاها عشان الدكتورة قايلتلها اليوم يبين شنو فيها بنت ويلا ولد ....

خالد :يما منور تبيني ايي معاها ...عشان تمسك ايدي ..واتسوي افلام ...عشان اذا شافوها رفيجاتها تتفلسف على راسهم ....ترا انتي ماتعرفينها !!!...وثانيا....عادي انا مايهمني بنت ويلا ولد ...المهم يكون بصحة وعافية ...

شيخة اتطالع خالد ومعصبة : ويع ويع ..لو انت ريلي جان من زمان انا هاجة منك ..اتييب المرض ...

الام : استحي على ويهج ...وتكلمي مع اخوج عدل ...شقلت الادب هذي ؟؟

اتهد الاكل واتقوم .....

شيخة : لا ماراح استحي على ويهي ...هذا الصج ...والمسكينه منيرة متحملته ...عشان شنو....ويلا ولدج محد يصبر عليه ....قطيعه...

خالد يطالعها : اقول ...صكي حلجج لا بالجوتي الحين ....

شيخة : يما شفتي اسلوبه الخايس ...!!!

الام : خالد يما ...شالحجي ...؟؟ عيب مايصير اتقول جذي...ولا وجدامي بعد ...!!!

خالد : خل تحترم بنتج نفسها ...وانا اكلمها عدل ....لاكن تقعد اتصرخ والله ما
سكت لها ...بروحا مالي خلق ولا شي ....

الام : ليش مالك خلق شي ...؟؟ اشعندك انت ..؟؟ فاضي ...اتنام واتقوم على كيفك ...الحين حتى الجامعة ماقمت اتروح ...والله يستر ..قاعدين اندزك دز ...

خالد : ايه مالي خلق ولاشي ....فخل اتكف خيرها شرها عشان ماتسمع كلام مايعجبها ....

شيخة صاعدة الدري تتحلطم : مينون مينون ...ماعليه شرها ..الحمدالله والشكر ..الناس تكبر اتعقل... وهذا يرد ياهل ....

خالد يسمعها اتقول جذي ...يقوم بسرعة ...ويروح صوبها ...ويرها من شعرها .....

خالد صاك ضروسه : تكلمي عدل وصيري مره...لا والله لا اكوفنج ...ترا هذا السانج عادي اقصلج اياه ...سامعة ياحيوانه ....

شيخة : انزين انزين هدني ...هدني ...ترا قاعد اتعورني ...يماااه شوفيه ...

الام اتفاججهم : خلاص يا خالد تعوذ من ابليس ....

واتطالع شيخة : يالله روحي فوق دارج ...ومرة ثانية تكلمي مع اخوج عدل ...

شيخة تبجي : ايه دلعي دلعي الصبيان ...وانا كله الغلطانه ....<<<تركض تصعد دارها ...

الام معصبة اتطالع خالد ....

الام : تعال اقعد بكلمك ....

خالد يروح يقعد وتقعد يمه امه : انا ماحبيت اقوي شوكتها عليك ...بس ترا مالك حق اتمد ايدك على اختك ...

خالد : لا لي حق ونص ...عشان تتأدب واتعرف اشلون اتكلم اخوها العود...الظاهر مافي احد يربيها هالحيوانه....

الام : وانا وين رحت ؟؟ لا مت ضيج الساعة سو الي تبي ...بس بدام انا حية ..مارضى انك اتمد ايدك على اختك ..ولا اتضايقها .....

خالد : بسم الله عليج يما ...شالحجي الله يهداج ...

الام : اشفيك يمااا ؟؟؟ ليش كله متضاايق وشايل هم الدنيا على راسك ...؟؟

خالد : ويييه يمه ...الحين ماعندكم غير هالسالفة ....خلاص مافيني شي ولا ابي احد يسألني اشفيك .....

الام : انت خالد ..الحليو.. الهادي... الي ينضرب المثل فيك ...شالي غيرك وقلب كيانك فوق تحت ...مو انت ولدي الي اعرفه ....

خالد :تبين اقولج الي بقلبي يعني ....

الام : ايه اكييد ....مابي غير الي بقلبك ....

خالد : انا مو مرتاح بحياتي .....

ام خالد : ردينا على طير يالي !!!!

خالد : سألتيني وجاوبتج ...

الام تمسح على ظهره : خلاص يماا ..البنيه حامل واتحبك ...انت ماحولت حتى تتقرب منها ..؟؟

خالد متنرفز : يما شنو ماحاولت اتقرب منها ...انتي اشدراج اني ماحاولت ويلا مو قاعد احاول ؟؟؟ عيل اشلون احملت بالله ؟!!

الام انحرجت وساكته ....

خالد: وترا لا تحسبين ان اهيا هامها..والله انها اتسوي روحها مسكينه ...مشاء الله ماتقعد بالبيت ...كله طالعة وهايته مع رفيجاتها ....يعني الي ضايق خلقه ينثبر بالبيت ...اهيا ولا همها ..بس تتمسكن جدامكم ...تبي الدنيا كلها اتييلها على طبق من ذهب ...وانا مو مقصر معاها بشي ...من يوم المستشفى ماتهاوشت معاها ...وقاعد اعطيها فلوس الي تبي ...بس عاد قلبي مو بيدي ...ماتقدرين تجبريني اني احبها ...

ام خالد : ايه صح كلامك ...وادري انك مو قاعد تتهاوش معاها ...بس مو قاعد اتكلمها عدل وكله جاعمها ...يعني اقعد معاها ..اطلع معاها ...روحوا اشتروا اغراض حق البيبي مع بعض ....

خالد : يما على فكره ...منور ماتحب الا نفسها ...ترا اهيا متزوجة مو علشان اتحبني ولابطيخ ...ترا والله قاصة عليكم ....اهيا متزوجة عشان رفيجاتها مايصيرون احسن منها ...والله ترا اهيااااا تااااااافهة ...محد يعرفها كثري ...لمن اقعد معاها ساعات بالصاله واكون قاعد اطالع تلفزيون ...واهيا قااعدة تقرق وتطحن فوق راسي ...تعالي سمعي سوالفها ...افلانه وعلانه ...بس اهم شي انها اتكون احسن منهم ...وماعندها سوالف... وسخيفة ...والله والله لو مو الياهل الي بطنها جان مطلقها من زمان ...بس انتي ماتدرين ....خليني ساكت ...

الام سااكته واتطالعه وبعدين اتكمل : انت بادر ...وقولها شنو تبي ...وشنو اتحب ....وخل اتسويلك اياه ...

خالد ياخذ نفس : يما خلاص ...لاتبطلين معاي هالموضوع مره ثانية ...والي يسلمج ...

الام اتدمع عنها : انا مو قاعدة انام الليل بس افكر فيك ...واحاتيك ...لا اتحسسني اني ظلمتك بهالزواج ....والله ماتدري اشقاعد يصير فيني ....

خالد يطالع امه منزل راسه: خلاص يما...إخلصت ...ماكو فايدة من الحجي الحين ...هذا نصيبي ...والطيور طارت بارزاقها ....لا تخافين ..ماراح اطلق منيرة ...وبجابل ولدي الي ياي ...وبقط كل شي بحر...اتعرفين ليش؟؟ لأن ماكو فايدة ...كل شي راح ...كل شي....

الام : لا ماكو شي راح ...كل شي راح يبدي من يديد ....بس انت افتح صفحة يديدة مع نفسك ....وحاول اتعيش هالايام الحلوة الي بحياتك ...وشد حيلك بدراستك ....مو علشاني ولا عشان منيره ....علشان بنيتك الي يايه بالطريج ...

يطالعها خالد : بنتي ؟؟؟؟

الام : ايه ...منيرة فيها بنيه !!!!!


*************************

عقب اسبوع من ملجة دلال وزياد ............
دلال طالعة مع زياد ....رايحين الافنيوز ...عشان بيشوفون لهم غرفة نوم ...راحوا صوب the one والمحلات الي يمه ....واختارت دلال غرفة اعجبتها ....وبعدين راحو اقعدوا ابـ لورانزينو....

اول ماقعدت دلال...ويلا زياد متوتر ويتلفت وراه ....

زياد : قومي بدلي مكانج معاي....

دلال : شنو ؟؟ اي شي صح !!!

زياد : قومي ..في جدامج مصبنه ....ماحب جذي انا....

دلال اتقرب صوب زياد : زياد ...فشله ...ترا الاوادم يحسون انك امبدل مكاني عشان هالشي....

مارد عليها زياد ...جان يوقف ويروح صوبها...اهيا افتشلت وقامت ....

تقعد دلال وحيل متنرفزة .....

دلال : شالحركة البايخة ...؟؟ شنو يعني ماكو ثقة ؟؟؟!!

زياد : لا انا واثق ...بس مو واثق من الي حواليج ....

دلال :لو سمحت لاتعيد هالحركة مرة ثانية.....

زياد : اذا اضطريت ..فأنا آسف ... راح اعيدها ....

جان تقعد دلال امطنقرة....

زياد : خلاص دلال ...والله اني اغار عليج ....

دلال : اتغار علي ..شي بيني وبينك ...مو جدام الناس اتفشلني...

زياد : خلاص انتي لاتخذينها من هالناحية ...شفتي كل هالبنات الي حواليج ...يتمنون رياييلهم يغارون عليهم ....

دلال : كل الرياييل يغارون ...بس مايسوون جذي..

زياد : ليش ..انتي اشدراج ان الرياييل جذي ويلا مو جذي؟؟

دلال : شن يعني ..؟؟ ماشوف ويلا ما اسمع الي حوالي ....؟؟

زياد : والله انا غير....انا دمي حار...اغار عليج ...

دلال مربعه ايدها الثنتين وساكته:...................

زياد يساحلها : عاد يالله دلوله ...لاتخربين الطلعة ...شسوي ليش انتي حلوه ...لو انج جيكره جان ماغرت عليج ....

دلال :.....................

زياد :واي ياحلو بوزج لما اتعصبين ...واي اينن...

دلال اتضيع الموضوع وماتبي اتخرب الطلعة ....
دلال: انا بروح الحمام اشوي...عن اذنك ...

راحت دلال الحمام ....وبعدين ضبطت شعرها ...وحمرتها....تذكرت ان سارة موصيتها إن تشتريلها شي من بووتس...بطلت جنطتها ...وادور موبايلها ...مالقته ....

دلال (( أكيد نسيته على الطاوله ))

راحت دلال عند الطاولة .....

دلال : ماشفت موبايلي؟؟؟؟

زياد : لا ....مو معاج ؟؟؟

دلال : مادري ماتذكر متى استخدمته آخر مرة .....

زياد : انا اتذكر يوم كنا بالسيارة كلمتي امج ...

دلال : ايه صح عيل نسيته بالسيارة ....

زياد :اشمعنه فقدتيه يوم رحتي الحمام ... كنتي بدقين على منو؟؟

دلال مستغربه: بدق على اختي؟؟!! ليش مستغرب يعني..؟؟

زياد : لا يعني قصدي...ليش لما رحتي الحمام بدقين ...ليش مادقيتي اهني...؟؟

دلال اتطالعه وحيل مستغربه : شالاسئله الغريبه...لان الحمام جبال بووتس ...وانا تذكرت ان ساارونه اموصيتني على شي ...فكنت بدق علشان اسألها شنو كانت تبي !!! ما أظن ان الموضووع وايد خطييير!!!!!

زياد : لا لا عادي...بس استغربت يعني ...(يقلبها ضحك ) أخاف تبين اتحشين فيني عند اختج ...

دلال: ايه يمكن ...ليش لأ ...<<< منقهره منه...

زياد يضيع الموضوع.....

زياد : والله خوش غرفة الي اخترتيها ...الصراحة ذوقج وايد حلو ....

دلال :اممم ... انا احب الناعم والبسيط ....احسن من اللوية ....

زياد : صح ...وخصوصا الفراش ...شكله مو طبيعي ومريح ....

دلال : امم ..صح ...

زياد يطالعها بنظرة غريبه : آآخ.. ماتتخيلين اشكثر ناطر هاللحظة الي اتيين واتعيشين عندي ...واتنامين يمي بالفراش ....و....<<يسكت

دلال منزله راسها : ..........................

زياد : اشفيج ....

دلال : ما فيني شي....

زياد يمسك ايدها : والله دلال ..ناطر هاليوم واايد ....ابيج ابيج ...

يسكت ويكمل : انزين اشرايج عندي اقتراح ؟؟؟

دلال : شنو ؟

زياد : احجز غرفة ابفندق ...انروح ونستانس....<<قبل لايكمل

دلال تسحب ايدها : اشقلت !!؟؟ انت من صجك !!!

زياد اخترع من ردت فعلها : اشفيج ...ترا انا ريلج على سنة الله ورسوله ...ليش فزيتي جذي....!!!

دلال : لا والله ...وليش ما تنطر لين العرس...؟؟

زياد : لاتكبرين السالفة وايد ...ترا عادي ...انا اعرف جم واحد من ربعي مرته من قبل العرس حامل ....يعني ادخلوا عليهم ايام الملجة.....!!

دلال : قلتها ...ربعك!! ...وانا غير عن حريمهم ...ورجاءً انا ماحب هالمواضيع ...وانسى السالفة الي قلتلي عنها ....

زياد : انتي واايد جدية ....وترا ماحب جمودج وجديتج ....

دلال :كيفك لاتحب... و انا موجدية ...أنا سنعه !!!....واظن لو انت عندك بنت ماترضى ان ريلها يجيسها قبل العرس...صح ...

زياد : بس انا ريلج !!!

دلال : اوكي ترضى على بنتك !!!؟؟

زياد : ايه ارضى ....

دلال : لا ماترضى والله ماترضى ...انت اتقول جذي عشان اتلين راسي....

زياد : اوكي على راحتج ....

دلال : زياد ماله داعي اتعصب...انا ماقتلك شي....!!!

زياد معصب اشوي : لأ انتي مادري اشلون ...وايد شادة معاي...لازم اتصيرين اشويه مرنه ...يعني انا الحين صارلي اسبوع معاج ..وليلحين ماخليتيني ابوسج ...

دلال : اشششش ...شوي شوي...يمنا طاولات ....

راحو السيارة ....وزياد معصب...اصلا كان قاعد يمشي اسرع من دلال ..واهيا صايرة اشوي وراه ...

زياد :ترا مانسيت الموضوع...صح ويلا لأ....

دلال :شنو صح ويلا لأ....

زياد : انتي شادة معاي...موقاعدة اتحاولين تتقربين مني ....

دلال : لاعادي...بس انا استحي....

زياد : كل البنات يستحون ....بس عادي يبون هالشي من رياييلهم !!! ترا انا ريال واعرف....يعني الوحدة اول يوم تستحي ثاني يوم ...مو اسبوع ...واذا حاولت اقرب يمج احس انج اتكشين ...انتي شكلج مو متقبلتني....شنو انا مو عاجبج ...

دلال : زياد اشفيك ....شقاعد اتقول ....لو انك مو عاجبني جان ماوفقت عليك ...

زياد معصب : بعد يمكن مغصوبه ....لان طريقتج معاي مو طبيعية ....لاتمسكين ايدي ...ماتعطيني وي ...وكله شادة ...وحتى بوسه بوسه ماني قادر آخذ منج !!!


دلال اتطالعه مخترعة : انزين ليش معصب....انا ليلحين ماتعودت عليك ....ليش اتصرخ علي.....

زياد ياخذ نفس ويغمض عينه اشوي ووطي نبرة صوته : دلال اذا انتي مو حابتني ...ولاتبيني ...قولي ....ترا تونا عالبر .......

دلال بهاللحظة اتفكر بكلامه ....وتتخيل ان اتقوله مابيك ...وتتطلق ...
وفجأه اييلها فلاش وتتخيل خالد مع منيرة ومع البيبي مالهم ....وتتخيل انهم مستانسين... وايها كئيبة ووحيدة ...ومطلقة ....

دلال اتروح صوب زياد واتبوسه على خده : لأ انا ابيك ....وراح اسوي الي تبيه مني ...بس الا الفندق ماروح ...كل شي بوقته حلو ....

.................................................. ................




زياد امودي دلال البيت ....وقبل لايوصلون بشوي....جان تتذكر ....

دلال : ايه صح ...موبايلي ....

زياد يطالع يمه : ماكو شي اهني ...شوفي تحتج .....

ترتفع دلال واتشوف : ماكووو شي .....

زياد : شوفي تحت ريلج ...يمكن طااح تحت ريلج ....؟

دلال اتدور...وبكل مكان دورت : لا ماكو شي بعد ....(دلال اتفكر ) عسى ماطاح مني وانا نازلة السيارة ....؟؟!!

زياد : دوري عدل ...ورا ....

زياد ودلال يدورون .......

دلال : ماكو شي ....عاد انا ماستغنى عن موبايلي ...!!!

دلال اتكمل : ايه صج دق عليه ...خنشوف يدق ويلا لأ ؟؟

زياد يدق ويحطه سبيكر ...ويلا قاعد يرن .....

دلال : يعني مو مبيوق ؟؟؟ جان لقيته مغلق ؟؟!!

زياد : حبيبتي نزلي ...وأنا اروح الافنيو اسأل ...يمكن طاح منج اهناك ....

دلال : بروح معاك ....

زياد : لا لا نزلي ...انا اروح بسرعة واشوف ...واعطيج خبر ....
بس اول ماتنزلين دقي على من تلفون بيتكم .....اوكي ...

دلال : اوكي ....

انزلت دلال ...مشى زياد ....

ادخلت بيتهم ...ويلا أمها و سارة ونورة قاعدين بالصالة...

دلال : السلام عليكم ...

كلهم : وعليكم السلام ......

دلال : واااي ضااايق خلقي...مادري وين موبايلي ....

الام : انا اول ماطلعتي كنت داقة عليج ...!!

دلال : ايه هذي اخر مرة استخدمته ....ماذكر اذا نزلته معاي من السيارة او لأ....مادري طاح مني....انا مو متحسفة عالموبايل كثر التشب...الحين من وين ايمع الارقام ..!!! اففففف استغفر الله ....

نورة : جان رديتوا سؤلتوا...يمكن بالمطعم طاح منج وانتي ماتدرين ....؟

سارة : ايه ...او يمكن كنتي حاطته بحضنج ويوم نزلتي طاح ...انا وايد اتصير فيني هالحركة ....!!

دلال : ايه زياد راح ايشوف....بيدور هناك ...واشوا انه ايرن مو مسكر...هذا الي مريحني نوعا ما ....يعني مو مبيوق...

الام : والله مو شرط ...مو انتو اجهزتكم الحين مو كل من يعرفلها....بلو بيري مادري بلاك بيري ...يمكن إلشطه هندي ..ويلا واحد مايعرف ايسكره ....

دلال : واااي يمااا ...لاتحبطيني ....(تسكت) لا لا ان شاء الله...


يدخل مشاري ...

مشاري: السلام عليكم .....

ايروح يقعد يم نورة ......نورة اتطالعه وتبتسم .....

نورة : ماطولت بالدوانية ....

مشاري: اي ماحب اطول....بعد باجر دوامات ....

يطالع دلال ويكمل : عاد وانا ياي البيت شفت زياد صافط عند الفرع الي عند قطعة 5 ....

دلال : متى ...توه ؟؟؟

مشاري : ايه توه الحين ....شفت سيارته سافطة ...واهو داخل السيارة ؟؟
بغيت اطقله هرن... بس كان لاهي ... منزل راسه ...شكله قاعد يدز مسج ...

دلال استغربت ....



زياد كان قاعد اجبال الفرع الي يم بيت اهل دلال ...يعني مو يمهم حيل ...لا اشوي بعيد ....كان ماسك موبايل دلال !!!!! ايه موبايل دلال كان عنده طووول الوقت ...كان خاشة بجيب الكرسي من ورا...وحاطه سايلنت ...لان خاف ان يسكره ويكون فيه باسوورد...وكان قاعد يقرا مسجات دلال ...والارقام الي داقه عليها والارقام الي مستقبلتها ....والحمدالله ان دلال كانت ماسحة كل مسجات خالد ...وما كانت حافظة ولا مسج منهم ....
تعبث تعبث تعبث ...بس مالقا ولاشي ...ماكو 10 دقايق جان اتدق دلال...

ادق عليه دلال من تلفون البيت .....

دلال : الووو ...

زياد : هلا دلوله ....

دلال : زياد وينك ...

زياد : ها... انا كاني توني طالع من الافنيو ...

دلال : انت من اول ماقطيتني على طوول رحت الافنيو ؟؟

زياد : ايه ..!!! ليش؟؟؟

دلال : مارحت ولا مكان ...يعني الجمعية ولاشي ..؟؟

زياد : لا ...ليش ؟؟؟

دلال : لا بس جذي اسأل..


زياد :عاد اتصدقين مال الحلال مايضيع ....لقيت موبايلج ...!!!

دلال : صج !!! وين ؟؟؟

زياد : ماكو توني سافط عند المواقف الي سفطنها فيها ...ويلا القا طايح بالارض ...

دلال مستانسة : وااااي الحمد الله ...اشلون مانباق ...وااي ..الله يحبني ...

زياد : جم بوسه تعطيني ...

دلال من وناستها ان لقاه : الي تبي...

زياد :يالله انا 5 دقايق واوصل عندج ....

دلال : خلاص انا اخلي الخدامة تنطرك بره ...

زيااد يسكت ......

دلال : الووو ....

زياد : الخدااامة !!!! يعني ليش ماتقولين تعال ادخل ..حياك الله ....

دلال : تبي اتيي ...حياك الله ..

زياد : لا خلاص ..شكلج مالج خلق ....

دلال : لا لاعادي ...تعال ....بس كل اهلي موجودين بالصاله ...

زياد :عيل طلعيلي برة ..خل نتمشى اشوي بالسيارة ..عشان اعطيج الموبايل مره وحدة ...

دلال اتغمض عينها حيل ..لانها مالها خلق ومن ورا قلبها : اوكي ....

اطلعت دلال ...ووقفت صوب الرصبف ...تنطر زياد ...واهيا واقفه بره ...ويلا خالد يطلع من بيتهم ....وكان سافط سيارته بالمواقف ...فاذا طلع اتصير دلال ابويها ..عشان يركب سيارته ...واهوا رايح صوب سيارته ....يعني المسافة بينهم مترين تقريبا ....اتطبح عينه بعين دلال...خالد يطالع دلال ...وبعدين يلف ويها ..

خالد من بعيد : السلام عليكم ....

دلال فز قلبها يوم شافته : وعليكم السلام ....

ويفتح باب سيارته ...ويدخل ...ويقعد فيها عشان يحررها ...ومسكر ليتات السيارة....

خالد قاعد يطالعها طول الوقت ...واهيا قاعدة اتطالعه...وكل واحد ينادي الثاني بعيونه.....

خالد (( آآآآخ يادلال ..صار بيني وبينج سلام بس....وانتي الي كلمت حبيبتي واحبج ماكانت اتطيح من الساني ...وانتي الي لا ولهت عليج شفتج ومسكت ايدج ...وكحلت عيني بسوفت اعيونج ....صج ان الدنيا وسخة ومالها امان ..)))

دلال (( آآآه ياخالد ....شوف اشلون الزمن مايتم على حال....كنت حياتي كلها وسولفي واحلامي....والحين ابوق النظرة ...ياعسى عينك ما اتغمض...كفاية على اني اشوفك بخير)))

ماكو دقايق ويلا يوصل زياد ....دلال نزلت راسها ...وافتحت باب السيارة وادخلت ....وزياد قاعد يطالعها ويبتسم ...ودلال قاعده اتطالع سيده ...لانه تدري ان خالد قاعد يطالعهم من على جنب ...

بهاللحظة كان قلب خالد يطق يطق يطق حييييل ....يحس الدم كله وصل لي راسه...بينفجر ...كان يحس بالغيرة تاكله يوم شاف دلال مع زياد (( استغفر الله العظيم ..ليش اييلي هالاحساس ....خلاص البنت تزوجت ...وانا بعد تزوجت ...مالي شغل فيها ...مالي شغل فيها ....ياربي ...ياربي ...ليش ليلحين احبها ))


ويتمشى زياد مع دلال بالسيارة ...ودلال ساكته ....

زياد : اشفيج دلوله ساكته ؟؟؟ ا

دلال : ماكو ...بس راسي يعورني اشوي ...فيني النوم ...

زياد : الله الله الله ياكبر النغزة ....يعني ردني البيت ....

دلال : زياد ليش كل ماقولك شي اتقول نغزة ونغزة ..؟؟!! ليش كله اتفسر كلامي بسوء نيه ؟؟؟ انت سألتني وانا جاوبتك ....<<< متنرفزة من عقب ماشافت خالد ....

زياد يطالعها : شوفي ...رديتي حق طبعج ....ماكو امساع تتعذرين واتقولين بتغير ...وباقل من ساعة اتردين على طبعج الوسخ ....

دلال : طبعي الوسخ ...لا لو سمحت ...حسن الفاظك معاي ...انا ماسمحلك اتقولي جذي ....

زياد يصرخ : ايه طبعج وسخ ونص ...نفسج خاايسة ...وفجأة اتطنقرين ...ترى انا مو على مزاجج....

دلال اتطالعه : انا ماقتلك شي...بس صج انت كل مااقولك اي شي عبالك اني قاعدة اقط نغزة ..وانا موقصدي جذي...
زياد : هاج موبايلج ....

ويدوس بالسيارة .....ومايتكلم ولا كلمة.....ويسفط عند باب بيت دلال....

زياد ساكت ...ويعني جنه يقول (( يالله نزلي))

دلال تفتح باب السيارة واتطالعه : تصبح على خير....

زياد من غير مايطالعها : بس هذا الي قدرتي عليه ....

دلال : ياربي انت معصب بعد...اشتبيني اقولك !!!!

زياد : لا تقولين شي....يالله نزلي.....

تنزل دلال ....وتدخل بيتهم ....ويلا سارة والام والابو قاعدين ....

الام : ماطولتي....؟؟

دلال امبين انها متضايقة : ايه بس خذيت موبايلي ...بعد اهوا دوام ...والساعة الحين 12 وشي...

اتكمل دلال : تصبحون على خير...<<< تصعد بتنام .....وتلحقها سارة....

دلال قاعدة اتبدل اهدومها...وسرحانه واتفكر...سارة اتطق الباب وتدخل....

سارة : عادي اقعد معاج ....

دلال : ايه تعالي...

دلال تنسدح على الفراش....

سارة : اشلونج مع زياد ؟؟

دلال : عادي ...زين...

سارة : عادي ؟!؟ زين؟؟! هذي الكلمتين ماتنقال من وحدة صارلها اسبوع مالجة!!! الا اذا كانت مو مستانسة ولا مرتاحة ....!!!!

دلال : مادري سوير...مو علشان شي...ولا علشان خــا...(تسكت وماتكمل اسم خالد ) بس مادري...احس تصرفاته غريبة اليوم ...احس انه ...مادري مادري...

سارة : اتحسين شنو ؟؟

دلال : احس واايد يسألني ...منو عندج خط ثاني ؟؟ منو داق عليج ؟ اذا دقيت شيليه؟؟ واذا ماشلته يشكل علي ويدق 100 مره ..احس انه شكاك !!!


سارة : لا دلول تراوالج ...لانكم توكم متزوجين ...بعدين راح يتغير كل شي...راح اتصيرون طبيعيين مع الوقت ...

دلال : لا لا سارو...حتى ذيج المرة داق على ومتنرفز ...يقولي ..ليش مكالماتج 96 ؟؟؟ تخيلي امتشيك على مكالماتي ؟؟!!!! شكووو ....

سارة : يمكن رايح يدفع حق مكالماته وشاف مكالماتج ...

دلال : اولا ماله حق يشوف جم على مكالمات ....لان هذا الشي خاص فيني ...وثانيا لو انه مو شاكاك ليش عصب يوم عرف ان مكالماتي هالكثر....

دلال ساكته واتفكر: اتصدقين قمت اربط اشياء.....حتى سالفت موبايلي اليوم احس انه ماكان ضايع ...احس انه اهو الي كان خاشه ...واكبر دليل ان اهوا قايلي ان رايح افنيو ...ومشاري شافه عند الفرع ابمنطقتنا ...ومتأكدة ان كان قاعد يتعبث ابموبايلي....

سارة : دلول دلول ..عن التفكير المريض....شكلج تتخيلين ...الواحد لا كره احد طلّع فيه عيوب الدنيا ....

دلال : لا لا شكو ...او منو قالج اني اكره زياد ...بلعكس انا اعزه ....

سارة تضحك اتطبطب على خد دلال : دلول ...شنو اعزه ؟؟!!! هذا ريلج ... مو واحد من الربع .....لازم اتحبينه مو تعزينه....

دلال : اي اوكي...ماقدر احبه على طول...

سارة : ولا راح اتحبينه ...بدام قاعدة اتفكرين بغيره ....

تسكت دلال واتكمل: عاد توني شايفته بره ....

سارة : منو خالد!!!!! شافج ؟؟؟؟

دلال اتهز راسها : اممم ..شافني....واحسه ليلحين يحبني ..من نظرته...

سارة اتقوم امعصبه: تصبحين على خير ....

دلال اتيرها من ايدها :وين رايحه ...اشفيج معصبة ...؟؟

سارة: دلول اتنرفزين ....ما جنه عمرج 25 ...احسج مراهقة ...خلاص الريال تزوج وبينه وبين مرته ياهل...خلاص لا تتكلمين عنه ....

دلال منزله راسها ساكته ....

سارة : اقولج الصج والي ابقلبي..؟؟!!!

دلال اتطالعها ......

سارة : ماصدق الكلام الي اتقولينه عن زياد ....احس انج اتطلعين اي سالفة ....تبين اتشوهين سمعته...يمكن تبين يطلقج ...مادري عنج....

دلال : حرام عليج سوير ...ليش اتقولين جذي....يعني انا جذابة ...!!!

سارة : لأ مو جذابه ....بس تتخيلين!!..و مو حابه الريال ...فقاعدة اتطلعين فيه عيوب...مرة مليق ومرة شكاك ومرة مادري شنو ...كل يوم امطلعه فيه 100 شي....ترا حطي ابالج ..امي ومشاري يدرون عن سالفتج مع خالد ...لاتخلينهم يربطون السوالف مع بعض....ويشكون فيج ...ويحسون انج اتسوين جذي عشان ليلحين اتحبين خالد...وتبين تتطلقين...ترا خالد خلاص ...بااااااح ...راح ...ماكو فايدة ...حتى لو راح تتطلقين من زياد ماراح تاخذينه ....فتمسكي بالي عندج ...ترا 1000 غيرج يتمنون واحد نفسه ....

دلال : الحين اهوا زعلان مني ...شسوي؟؟!!

سارة : زياد ؟؟!!

دلال : ايه ....

سارة : بسيطة ...دقي راضيه وطيبي خاطره ....شوفي مشاري ونورة ..اول ماتزوجوا كانوا كل واحد بصوب ومومرتاحين من بعض وازعلوا من بعض...بس لا تشوفينهم الحين ....جنهم عصافير ...ايننون ...((واتقرب سارة يم دلال )) وكاهي نورو ..كانت اتحب واحد من قبل ...ونسته وقامت اتحب مشاري اخوي واتموت عليه ..امبين عليها ...اتعرفين ليش...؟؟؟

دلال : ليش ؟؟

سارة: لانها حاولت انها اتحبها..وقطت كل ماضيها بحر...واتقربت منه ....

سارة اتقوم تقعد يم دلال بالفراش .....

سارة : دلول ادري انج اختي الكبيرة ...والله والله ماحب اضغط عليج بالحجي...بس انتي اختي ووحيدتي ...ووايد اخاف عليج وافكر فيج ...مابي تتخصبقين ...وبعدين اتغمضين عينج واتبطلينها وتلقين نفسج ابروحج بالدنيا ...

دلال اتهز راسها : صح كلامج ....انا وعدت زياد اني راح اغير طبعي ...وراح اوعدج اني راح اغير طبعي ....ولا راح اتهور ...وافكر بعقلي مو بقلبي....

سارة اتحط ايدها على صدرها صوب ارقبتها واتطالع دلال : مو على شاني دلول ...علشانج ...على شان حياتج تمشي...لاتخلين الشيطان يقص عليج ويهدم بيتج على ولا شي...على اوهام مالها اساس..والله ان زياد حبوب وحليو ..لاتخسرينه حرام ...

دلال : خلاص راح ادق عليه واطيب خاطره ...

تطلع سارة من غرفة دلال...تنسدح دلال على الفراش....تذكر خالد ...وتذكر عيونه ...(( خالد ادري اني لو الف الدنيا كلها مالقى واحد نفسك ...انا ليش ماني قادرة اتأقلم مع زياد عشان قاعد اقارنه فيك ...بكل شي انت غير عنه ...بأسلوبك ...بلمست ايدك ..بنظرتك....بحنانك ...بكل كل تفاصيلك ....ومن اول يوم عرفتك فيه حسيت بكل هالاشياء ..الي ماني قادرة احسها مع زياد ...مع ان صارلي فترة اكلمه ..واسبوع مالجة ...بس مشاعري مو راضية تتحرك صوبه ...آآآه ...آآآآه ياخالد ...ياليتك زياد ...جان انا انسانه ثانية الحين...))

تتذكر سوالف زياد (( لازم اتغير...لازم احاول اني اتقرب منه ...خلاص..مابقى شي على العرس....وراح اعيش معاه ابيت واحد ...هذي الفترة اهي فرصتي ...لازم ادوس على نفسي...واكيد اكيد راح احبه ...او على الاقل اتقبله ..واتعود عليه ...))

تمسك موبايلها ...اتدق عليه ...ومايرد....اتطالع الساعة ويلا الساعة 1 وشي...

يرد زياد عليها : الووو ...

دلال : هلا زياد ...نايم

زياد : لا ...ٌقاعد...

دلال : شتسوي...؟

زياد : منسدح على الفراش...ومسكر الليتات ...وقاعد احاول انام...

دلال : زعلان مني ...

زياد : لا.. بس اشوي متضايق ....

دلال :...تحملني زياد ...ترا انا طبعي غير عن جذي...بس خل اتعود عليك اشوي...

زياد : ادري ...وانا عشان جذي صابر...ترى انا اقرا الشخصيات ...انتي حنونه وطيبة ...بس مزاجية حيل...فجأة تقلبين ...

دلال : وانت عصبي ...ماتقول ان هالبنية توها ماتعرفني عدل...مو متعوده علي...ترا حتى انت اتشد علي ...وتبيني اعاملك على الطبع الي يناسبك ...عطني وقت ....واوعدك مع الوقت راح اتغير....

زياد : مو اعطيج وقت وبس ...اعطيج اعيوني اذا تبين ...

دلال : تسلم .....اعـ.. يونك...




.................................................. ..................................



خالد كان رايح القهوة يوم شافته دلال ....طول الطريج يتذكر شكل دلال مع ريلها ...وينقهر اكثر ويدوووس حيل ...زين مادعم ....لين وصل القهوة ...


ويلا عبدالوهاب ناطره بالقهوة ...

اول ماقعد طلب شيشة ...

عبدالوهاب : لاااااااااااااااااااااا غلطان ...جان ماييت احسن ...

خالد متنرفز: كان عندي شغل ...

عبدالوهااب : ادق عليك ليش ماتشيله ؟؟!!!

خالد : ماكان لي خلق ارد على احد!!!!

عبدالوهاب : ليش اشفيك بعد... متهاوش مع المره ؟؟!!

خالد : لا ....ومافيني شي...وماحب هالسؤال....ولا تقول مره ثانية اشفيك ...

عبدالوهاب : زين زين عاد...لا تشب فينا حريجة يامعود....ياعني انت ماعندك غير سالفتين يخلونك اتعصب يا مرتك يادلال....توك اتقول مو مرتك ...يعني السالفة فيها دلال ....

خالد ساكت.....

عبدالوهاب: ساكت يعني دلال...اشفيها بعد ....؟؟؟

خالد ساكت ..........

عبدالوهاب : اشفيها ؟؟!!

خالد : شفتها مساع مع ريلها ؟؟!!!

عبدالوهاب : عادي ...ومو اول مرة راح اتشوفها...راح اتشوفها وااااايد ....لازم تتعود...كاهي فقيرة ...تلقاها اشبعت واهيا اتشوفك مع مرتك ....

خالد : قلبي يعورني...يوم شفته يطالعها ...ويضحك معاها ....وراكبه معاه السياره ..(يسكت اشوي ويكمل) والله اتمنالها السعادة معاه...بس يوم شفتهم حسيت ودي الارض تنشق وتبلعني...

خالد : اففف....شكلي صج ...بأجر بره ....ماتحمل اشوفها...ولا اشوف بيتها ولا سيارتها ولا حتى اهلها.....

عبدالوهاب : انا من زمان اقولك جذي...وانت اذن من طين وإذن من عَيين ...

خالد يمسح على ويها بايده : راسي يعورني....(ينادي الي يشتغلون ) يامعلم ...اسرع اشويه ...<< بالمصري...

عبدالوهاب : عاد كان ودي ابطل معاك موضوع ...بس شكلك متضايق...

خالد يطالعه: شنو ...؟؟

عبدالوهاب : لا خلاص يوم ثاني ....

خالد : يبا تكلم ..؟؟ عادي...مافيني شي....

عبدالوهاب: تذكر ذاك اليوم ...يوم ييت الدوانية وكان محمد نسيبي موجود...

خالد : ايه ....

عبالدوهاب: وقتلك فيه موضوع ابي اكلمك فيه ....

خالد : ايه صح تذكرت ...شنو؟؟

عبدالوهاب : انا قررت اني اتزوج ....

خالد يبتسم : ياااااه ..هذي الساعة المباركه ...منو هذي الي امها داعية عليها <<< يطفره...

عبدالوهاب يطالع خالد وماتكلم .....

خالد : اشفيك اتطالعني جذي...؟؟

عبدالوهاب : مادري شقولك خويلد ....بس

خالد : اشفيك ...بس شنو ؟؟؟

عبدالوهاب : الي ابيها انت اتعرفها عدل عدل.....

خالد مستغرب : منو ؟؟!!

عبدالوهاب : ســــــــــــــــــــــــــــــــــارة اخت دلال !!!!!!!

وش مسوي مع غيري .. وش الدنيا في قربه قول

يا روحي انت متهني .. و إلا بشوقك لي مشغول



أنا مازالت أفكر فيك .. و أموت بحبك و طاريك

و لكن هذي أطباعي .. أخبي الحزن بي ما أقول



رجعت أسال غصب عني .. جبرني الشوق و أعذرني

أنا ما أقــدر على قلبي .. عجزت ألقى لوفاه حلول



أمانه إن جيت في بالك .. تطمن قلبي عن حالك

على الذكرى أنا عايش .. و كيف أنساك مو معقول


خالد انصدم حيل يوم قاله عبدالوهاب جذي....

خالد : سارة ؟؟!!! اشعرفك فيها....

عبدالوهاب : تذكر مرة ...من جم شهر رحت معاك Fauchon ..كنت تبي اتشوف دلال ...كانت معاها سارة ...واتذكر سألتك عنها ...وقتلي هذي اخت دلال ...انا حطيتها ابالي... ويوم نويت اتزوج اول وحدة اخطرت ابالي اهيا...الصراحة اعجبتني ...وانت اتعرف اخلاقهم عدل ...ماظن القى احسن منهم .....

خالد يطالع عبدالوهاب : ايه عدل كلامك ....بس مو جنها صغيرة عليك اشوي ؟؟؟

عبدالوهاب : انت قلت عمرها 21 مادري 22 ....

خالد : لا ...عمرها 20 سنه ...وتدرس ليلحين ....

عبدالوهاب : خل العمر مو مهم ....بس تتوقع اهلها يبون واحد عنده فلوس ؟؟!!...ويلا عادي ...تدري انا على الله ثم على معاشي ....

خالد : لا لا من صجك ..ابو مشاري ريال ...يشتري الرياييل...مايهمه الفلوس ...


عبدالوهاب : شوف اهيا داشة مزاجي ...بس اذا ماصارت عادي ....

خالد ساكت ومنزل راسه وقاعد يفكر ....

عبدالوهاب يوطي نبرة صوته : خلود ..اذا خطبتي لها اتضايقك ...ترا عادي ...اشوفلي وحدة ثانية....!!!

خالد يطق عبدالوهاب على جتفه ويبتسم :يارجل... ليش اتضايق ...بلعكس انا اتمنالك تاخذ احسن وحدة..واتمنالك السعادة ...وماتلقى احسن منها...ولا احسن من اهلها...عاد ثقيلة البنت ..وسيده ...واظمن لك ان ماعندها خرابيط ...ترا اختها كانت اتقولي كل شي ....

عبدالوهاب :زين عيل ...اتوكل على الله يعني ...؟

خالد :توكل على الله ...و الله يكتبلك الي فيه خير...


.................................................. .................................

عقب جم يوم ....

سارة رادة من الجامعة .....ويلا امها واخوها مشاري قاعدين بالصالة ويسولفون .....

سارة : هاااي ....

مشاري : وعليكم السلام ....

الام : ايه والله ...الناس اتسلم ....

سارة ماسكة caramel frappuccino....

والام : وكل يوم داشتلي ماسكتلي هالخرابيط ...ولا تاكلين غدا ولا شي ...

سارة : ماحب العيوش والمرق ومادري شنو ....

مشاري يطنز على ضحك ويغير نبرة صوته : ايه صح انا ماآكل هالسوالف ...انا اكل باستا وسوشي وماكي ...مو مستواي مجبوس ومرق وسمج ..هلاقه...oh my god

سارة اتطالعه ومو عاجبها : تطنز!!! .بلعكس انا اكل بس ماحب كل يوم...وتعال...حتى مرتك ماتاكل ...بس حلال عليها وحرام علينا ...

مشاري : لا خلاص ..قاعد اعودها تاكل نفسي ...الي انا اكله تاكله...

الام : انزين قعدي قعدي بكلمج .....

سارة اقعدت يم امها : انتي الحين باقيلج جم سنه على ماتخرجين ؟؟

سارة : انا من دخلت وانا شادة حيلي ...يعني راح اتخرج ان شاء الله 3 سنين ونص ....راحت سنتين ..باقيلي سنه ونص ...

الام اتطالع مشاري: لا صغيرة ...ماتصلح...

مشاري : لا عادي يما ..شنو صغيرة ...مو صغيره .....

سارة اتطالعهم : شنو شالسالفة؟؟

الام : في ناس داقين على ...خاطبينج!!!

سارة مستانسة والابتسامة شاقة الوي : صـــــــــــــــــــــــــــج ......

مشاري: واشدعوا مستانسة هالكثر ...مو مصدقة ..

سارة اتطالعه : هاا ...لا ...(اتطالعه واتكمل ) ايه مستانسة ....ليش ماستانس...

مشاري يهز راسه : قلت حيا هالجيل ....

سارة : اوووهووو ....(تلتفت على امها ) ايه يما ...منو هذا ..ومن ولده ...

الام : الولد اسمه عبدالوهاب الـــ..... , جامعي ويشتغل ابيت التمويل..وعمره 28..بيتهم بكيفان ....(تسكت الام واتكمل ) اهوا الولد الوحيييد بين 5 بنات ....واهوا اصغر خواته...والله خوش عايلة اهم ...وجنهم يصيرون حق حمولة عمتج حصة من بعيد ...راح اسئلها عنهم ....

مشاري :والله خوفج يكون تربية حريم ...عاد مو شي ...

الام : عاد احنا ذيج الساعة نسأل عنه عدل ....

سارة : انا من ناحية المبدأ ماعندي مانع .....

الام : بس استحي على ويهج ...انا ليلحين ما شاورت ابوج ....

سارة اتطالع امها : اول دلول اتحنين عليها تتزوج ...واهيا ماتبي وكنتي اتعصبين منها ....وانا الحين اتجعميني وجنج ماتبيني اتزوج .....شالتفرقة ...؟؟

الام : يا شاقول ...انتي توج ثانية جامعة ...صغيرة ....

سارة : لا موصغيرة ...وبعدين مشاري ودلال تزوجوا ...وانا اقعد بروحي يعني ...

الام : وانا وين رحت بالله ؟؟

سارة : لا غير غير ...

الام تبتسم واتطالع سارة : آآآ يالحمارة ...صج ماتستحين عل ويهج ...

سارة : لا موقصدي شي يماه ....انزين خلاص كيفكم كيفكم .....

مشاري : عقب ماقمتي اتقطين خيط وخيط صرنا كيفنا .....

سارة اتضيع الموضوع : دلول يت ؟؟؟

الام : لأ ...تلقينها بالطريج .....


.................................................. ..

دلال بالطريج ...رادة من الدوام ......يدق عليها زياد .....

زياد : الووو

دلال : اهلين ....

زياد : شلونج ؟؟

دلال : تمام ....وانت ؟

زياد : الحمد الله ....اليوم مادقيت عليج كلش ...عندي شغل وااايد ....

دلال : الله يعطيك العافية ....

زياد : الله يعافيج حبيبتي .....وينج رادة البيت ؟؟

دلال : اممم ...

زياد : ودي اشوفج ...تبين نتغدى بره ؟؟

دلال : لا والله زياد ...مالي خلق عقب الدوام ...احس تعبانة ....

زياد : على راحتج ....

دلال اتجاملة : تعال تغدى عندنا بالبيت .....

زياد : صج ...يالله ..كاني اشوي وايي ....

دلال : حياك الله ....

زياد : الله يحيك ....


اوصل دلال البيت ....ادخلت ....ويلا ابوها وامها وسارة قاعدين ....

دلال : السلام عليكم ....

كلهم : وعليكم السلام ...

الام : يالله بدلي عشان انحط الغدا ....

دلال : لا يما نطروا اشوي ....زياد ياي بالطريج ....راح يتغدى معانا ...

الام : ويه حياه الله ....يالله روحي بدلي على مايي ريلج ....

اصعدت دلال غرفتها والحقتها سارة ............

الابو يطالع الام : اشلونها مع ريلها ؟

الام : ويه اشدعواا دلال تتكلم ...لا بالزين ولا بالشين ( اتحط صبعها على شفايفها واتمرر الصبع من اليمين لين الشمال) بنتك صم بكم ...ماتتحجى ..

الابو : انتي ام اتحسين ...

الام : والله مادري يابو مشاري ...ليلحين مايبين ....اذا سألتها اتقول ...ايه مستانسة ...

الابو : ارد واقول ..انتي كاد حاسة بشي ....

الام تاخذ نفس: احسها مو مستانسة .....

الابو : ايه هذا الي ابي اعرفة ...

الام اتطالع الابو ومستغربة : ليش انت حاس بنفس الشي ؟؟

الابو يهز راسه : احس البنت طفت ...مو مثل قبل ...

الام : والله محد غصبها ...اهيا الي تبي اختيارها ....(تسكت واتكمل) ماعليك منها ..باجر اتروح بيت الريل وتتعود عليه ....واتحبه واتموت عليه بعد ...وانت اشوااا.. شايف الصبي ...ماعليه كلام ...كامل والكامل وجهه سبحانه ..

الابو : ان شاء الله ...الله يوفقها حبيبتي ....


.................................................. ...........

سارة تدخل مع دلال غرفتها ....

دلال : لفي ويهج ..بغير اهدومي ....

سارة تعطي ظهرها حق دلال .....

سارة : دلول عندي لج خبر ....

دلال : زين ويلا مو زين ؟؟؟

سارة : لأ زين....

دلال : شنو ؟؟

سارة : في ناس خاطبيني ......امي قالتلي مساع ...

دلال غيرت اهدومها وراحت صوب سارة : الله ونااااسه ....منو ؟؟

سارة : اممم ولد (الـــ ) ....

دلال : ايه خوش عايلة .....

دلال اتكمل : شنو شهادته ووين يشتغل ؟؟

سارة : جامعي ...واتوقع ادارية...عمره جنه 28 وبيتهم بكيفان ويشتغل ابيت التمويل....

دلال التفت عليها بسرعة ومنصدمة : شسمه ؟؟!!!!!!


سارة : عبد الر...لأ عبدالوهاب ..عبدالوهاب......

دلال انصدمت : عبدالوهااااااب!!!

سارة : اشفيج ؟؟؟ اتعرفينه !!!!!

دلال حست بحزن كبير : هذا رفيج خالد ...رفيج عمره !!!!

سارة : لايكون الي شفته مع خالد ذاك اليوم ..المملوح؟؟!!

دلال اتهز راسها : امممم ..اهوااا

سارة تسكت ضااق خلقها .......

سارة : خلاص مابيه ...بقول حق امي اني مابيه .....

دلال اتطالعها : ليش ؟؟

سارة : بس مابي اخذ واحد يذكرج بخالد ...وخصوصا ان رفيج عمره ...يعني يمكن تصير مناسبة ويلا شي..يمكن تتصادفين معاه...

دلال اتلم سارة وتبتسم : سوييير ..حبيبتي....لاتفكرين فيني ...فكري بنفسج ..واذا اهوا عاجبج...مالج شغل فيني انا وخالد...خلاص كل واحد منا مشى بطريجه ...

سارة اتدمع عينها : حلفي دلول ان هالشي مايضايقج ولا واحد بـ% ...

دلال : والله ...مايضايقني ...بلعكس انا مستانسة ...لانه اهوا خوووش ريال...كفاايه انه من ريحت خالد....

سارة : ياحبيبتي يا دلال ...

دلال : توكلي على الله ....

يدق موبايل دلال....

دلال : هلا نورة.....

نورة : هلا دلول ....وين مشاري.....

دلال : اظن بغرفتكم ....اروح انادي ينزل تحت .....

نورة : ايه ..واول ماينزل تحت ويقعد دقي على رنه وانا ادخل البيت ....

دلال : الله وناااااسة ...متحمسة اشوف ردة فعله ....راح اتكون مفاجأة حلوة..

نورة : سكتي انا اكثر...بس خااايفة .....

دلال : لا لاتخافين ...الصراحة خطوة جريئة وحلوة منج ...وان شاء الله انا وراج على طوول...الله عطيني الارادة يااارب....

(اتكمل دلال ) : عاد زياد راح ايي بعد اشوي...يعني خلاص نورو السالفة جد...

نورة : ادري خلاص....الحمد الله ياارب ...


اتسكر الخط من نورة ......

سارة : هاا يت نورة ....؟

دلال : ايه يت ....يالله خل انادي مشاري.....

راحوا دلال وسارة حق مشاري ونادوه وانزلوا تحت....كانت الام والابو قاعدين..دقت دلال على نورة رنة وحدة بس...


ادخلت نورة البيت .....

نورة : السلام عليكم .....

الكل يطالعها مستغرب ....وخصوصا مشاري..ونورة وسارة يبتسمون ....

الام : ماشاء الله نورة ..اتهبلين ....

الابو : عالبركة عالبركة .....

مشاري يطالعها وعيونه تلمع من الوناسة ويبتسم ويروح ايلمها جدام اهله : شالمفاجأة الحلوة ....صج استانست ...والله انج حلوة من زمان ...والحــــــــــــــــــــــــــجــــــــــــــــ ـــــــــــــاب خلاج احلى واحلى ...

نورة : مشكورين وايد ...انا حبيت افاجأكم ...وعسى الله يثبتنا وانصير احسن واحسن .....


نورة بعد كل الي صارلها ...والظروف الي مرت عليها ...ومشاري الي تعتبره احسن شي بحياتها وانه نعمة من رب العالمين ..واعرفت ان الله سبحانه يستاهل اكثر واكثر...وان مهما تقربت من الله ماراح اتوفيه جزء من عطاياه ....قررت تلبس الحجاب...توبه لله على كل شي سوته مو زين بحياته ...وانها راح تبدي حياة يديدة بدينها وبدنيتها .....


.................................................. .........................................








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الإثنين مايو 09, 2011 9:23 am


اليوم خطبة سارة ...اييي عبدالوهاب مع امه واثنين من خواته ...وبيشوفونها ...
العصر....
الام : دلول لازم اتكونين موجودة اليوم ....

دلال : يما انا شكو اكون موجودة ....احس ماله داعي ...اهما يايين يشوفون سوير ...انا مالي موقع من الاعراب.....<< ماتبي اتشوف عبدالوهاب..

الام : دلال لازم اتكونين موجودة معانا...انتي اختها العوده....واخزياااه ....يعني لو انتي مو متزوجة ...جان صح مو حلوة قاعدة معانا ...بس الحين انتي متزوجة ....خلاص صرتي مره ...


سارة : ايه دلول ...تكفين ...ابيج موجودة .....بليييييييييييز ....<<<اتصك ايدها الثنتين مع بعض ..جنها تترجاها ....

دلال من ورا قلبها : اوكي اوكي ..خلاص ....

عقب اذا المغرب ...ياو الجماعة ....كانت دلال وامها ناطرينهم بالصاله ....

دخلوا الخوات والام وعبدالوهاب وراهم .....سلموا واقعدوا .....وقعدوا اشوي يسولفون ويتعرفون على بعض ..عبدالوهاب ودلال ساكتين.. وطاحت عين دلال بعين عبدالوهاب....كل واحد منهم صد ....وكل واحد تذكر شخص واحد (((خالد))) ....حست دلال بغصة .....ونفس الشي عبدالوهاب ....حيل حيل عوره قلبه ....تذكر اشكثر خالد يحب هالانسانه .....بس الزمن الي ماله أمان فرقهم ....

دلال توترت ...اتحاجي امها اشوشوي : انا بروح انادي سارة .....

صعدت دلال غرفة سارة ودمعتها بعينها ....تدخل الغرفة واتسكر الباب ...وتقعد على الفراش ...واتحط ايدها على ويها وتبجي تبجي ....سارة اخترعت ....واقعدت يمها ....

سارة : دلول ...اشفيج .....؟؟؟

دلال : مافيني شي ..مافيني شي ....

سارة : ذكرج بخالد صح ؟؟!!

دلال اتهز راسها ومن غير ماتتكلم بس ادموع تنزل : اممم.....

سارة : خلاص ...انا مابي ...بقول حق امي ان ماعجبني ....

دلال تخترع : لا سارة ....حلفتج بالله ...انا لاني اول مرة اشوفه عقب خالد...عشان جذي قلبي عورني ....بس راح مع الايام ...

سارة : لا لا ..مابي اعذبج ....انتي اشذنبج ..اتشوفينه واتشوفين خالد فيه ...انا مابي شي يذكرج بخالد ....

دلال : لا سوير ...انتي عاجبج ...وانا لو شنو ما اكون انانية ....(تسكت وتمسح ادموعها ") انا خلاص ...اخترت طريجي ...ومافي مجال للرجعة ...وهم اهوا (خالد) راح بطريجه ...والايام راح اتنسينا بعض ...هذا الشي اكيد ...اكيد ....

سارة : دلول ...انتي اهم من اي واحد بالدنيا ...انا مابيج تتضايقين ....

دلال اتلم سارة : انا اسفة الي ضايقتج ابمثل هذا اليوم ....سامحيني ...بس غصبن على ...

(تمسح ادموعها دلال ) : يالله يالله ....نزلي ...الناس ينطرونج تحت ...<<< واتضبط شعر سارة ....

سارة اتطالع دلال وقلبها يعورها عليها ...لانها تدري اشكثر اتعاني من هالموضوع ....

تنزل سارة ....وتدخل الصاله ....اتسلم على الام والخوات ....وتقعد بالقنفة الي يم عبدالوهاب ....

سارة اول ماقعدت..كانت مستحية وقاطة راسها : السلام ....

عبدالوهاب : وعليكم السلام ....

يصير صمت .......

عبدالوهاب : سارة اشلونج ....

سارة ترفع راسها واتطالعه : الحمدالله ....انت اشلونك ....

عبدالوهاب : تمام ....امم انتي تدرسين صح ...؟

سارة : ايه ...بإدارية ...

عبدالوهاب : عاد انا كنت بالادارية ....(يسكت ويكمل ) شنو تخصصج ؟

سارة : تسويق ....

عبدالوهاب : أووخ شالصدفة ...وانا بعد .....

وقاموا يتكلمون عن التخصص والدكاترة ...والمواد .....ووايد ارتاحوا على بعض ...وجنهم يعرفون بعض من زمان ...

.........................................











تمت خطبة سارة على خير ....ومابقا غير ايام على عرس دلال وزياد....

ام دلال اتدق على بيت ام خالد .....

يدق يدق يدق......عى اخر رنه شالو التلفون ....

ام دلال : الوووو ...السلام عليكم ....

....... : وعليكم السلام .....

ام دلال : من معاي...؟

........: خالد....

ام دلال : هلا يما اشلونك ...شلون مرتك ...؟

خالد : الحمد الله تمام ....بس سامحيني خالتي ماعرفتج ؟؟

ام دلال : انا ام مشاري ...ييرانكم ....!!!!

خالد طاح قلبه : هلا خالتي شخباركم ...ان شاء الله بخير ...اشلون مشاري ان شاء الله طيب ؟؟

ام دلال : ايه الحمد الله كلنا طيبين ....

خالد : اكيد تبين الوالده ....

ام دلال : ايه والله ...موجوده ؟؟

خالد : لا جنها طالعه ....تبين اقولها شي ؟؟

ام دلال : ايه انا داقة اعزمها على عرس ابنيتي دلال ...

خالد يغمض عينه حيل يوم سمع هالكلام .....ويحس جسمه كله كش ....

ام دلال : خلاص انا اطرش البطاقات مع الخدامة ...حق الوالدة واختك ومرتك ...

خالد ساكت منربط السانه ....

ام دلال : الوو ...

خالد : ايه خالتي ان شاء الله ...ابلغها....الله يوفقها ...

ام دلال : يابعد قلبي ...ووفقك ...سلم على امك...

خالد : الله يسلمج ....


ماكو اشوي.. ويلا اتيي الخدامة واتييب البطاقات ....وتعطيهم خالد ...خالد يفتحهم ويقرا اسم المعرس واسم دلال ...ويتخيل اسمه بدال اسم زياد ...يقراها مرة ومرتين وثلاث ...وتنزل دمعه من عينه على البطاقة ...

(( احبج ...لي آخر نقطة بدمي احبج ))

يمسح دموعه براحت ايده ...اشوي ويلا تدخل ام خالد ...

الام : السلام عليكم ....

خالد : وعليكم السلام ....

خالد : يما ترا دقت عليج ام مشاري .....

الام مستغربة : اي ام مشاري ؟؟

خالد يعطيها البطاقات ومن غير مايتكلم .....

الام تفتح البطاقة وتقراها.....ومن غير ماتتكلم ولا اتطالع خالد..لانها ماتبي خالد يعلق ولا يقول شي ...حطت البطاقات على الطاولة ....وافصخت لفتها....

وتنادي الخدامة : كانتي...كانتي....

الخدامة : نعم مادام .....

ام خالد : انتي ودرايفر ودوا الاغراض المطبخ ....

خالد قاعد منسدح على القنفة يبي ينام ....

ام خالد : انت ليش كله نايم اهني ...قوم روح غرفتك نام ....

خالد مغمض عينه ماله خلق يرد .....

يدخل طلال ويسلم ....يقعد اشوي ..ويشوف البطاقات بالطاوله الي يمه ...

طلال : شنو ماراح يسوون عرس رياييل....؟؟

خالد:....................

ام خالد : جني سمعت ان يدة الولد اتعيبينه اشوي...فماراح يسوون عرس...

طلال : عيل يسوون عرس حريم كله طقطقه واغاني ؟؟

ام خالد : العرس اهل المره يسوونه ...بعد يبون يفرحون ابنتهم امسكينه ....

طلال : شنو يما بتروحون العرس ؟؟

ام خالد : لا والله انا ماني رايحة ...اخوي ماصارله 5 اشهر متوفي....بدق على ام مشاري وبتعذرلها....

طلال : وشيوخ ومنيرة ....؟

ام خالد : مادري عنهم ...والله لا بغوا يروحون ماني مانعتهم... كيفهم ....

خالد : ايه عادي يروحون ...عاد بنتج كلش مافيها بلاغة شف ..والثانية اردى ..لاتقولين ابوها مايت ..والله مايهمها ...

ام خالد اتهز راسها : انت الحين طول الوقت ساكت ...بس شي في طاري منيرة بالشين تتكلم ....

خالد مايعلق يلف ويها الصوب الثاني....

تنزل منيرة من فوق...ولابسة تبي تطلع .....

اتسلم وتقعد ....

ام خالد : منور جنه بطنج بدا يبين ....<<< تلمس بطنها

منيرة : ايه عمتي صح ...انتي الي بس اتلاحظين ...وبعض الناس لا تعليق<< واتطالع خالد ....

خالد :..................

ام خالد : شكلج طالعه....

خالد : اهيا تقعد بالبيت اصلا ....

منيرة اتطالعه: اقعد معاي بالبيت بالاول ...وانا مستعده اجابلك....

خالد :...................

منيرة اتطالع عمتها : بروح مع شيوخ بشتري حق بنتي اهدوم واغراض....

ام خالد : هاااو ...روحي مع ريلج....اختاروا مع بعض ...!!!

منيرة ساكته ...تدري ان خالد مايبي يروح معاها...وخالد بعد ساكت ....

خالد ياخذ سويجه من الطاولة ويمشي.....

منيرة اتسمع خالد : عمتي انا اصلا متزوجة بالاسم ....

الأم : الله يهداكم بس ....

تنزل شيخة ....

شيخة : يالله منور ..نمشي...!!

منيرة : يالله .....

واهما بيطلعون ويلا اتشوف شيخة بطاقة الدعوة ...وكانت وااايد حلوة وفخمة ...

شيخة : الله ...من دعوته .....اتهبل....

تفتحها ...وينصفق ويها ....

منيرة : منو ....من عرسه ؟؟؟

تعطيها شيخة البطاقه ....

منيرة اتعفس ويها : والكوووبه ...ويه بن فهره ...عازمتنا بعد....قطيعه..

ام خالد : بس عاد منور ...عيب هالحجي...هذول مهما كان ييرانه من عمر...ولهم افضال علينا لي قــُبـــَــل ...ما انساها ابد ...والله يوم كانو اعيالي اصغار يمرضون ...كنت بعز الليل ادق عليهم يفز ابو مشاري يركض المستشفى ...وام مشاري بعد ...انا واايد واايد اعزهم ...بس انا ماراح اروح عشان ابوج توه متوفي....ويلا مابقلبي عليهم شي ابد ....

منيرة : عيل انا بقلبي عليهم شي وشويات ...وما ادانيها هالدلول هذي...وعووو ...

شيخة : خنروح منور ...انتطمش....وانشوف ربع الجامعة ....

منيرة : مادري اشوف اشوف...

شيخة : اذا مارحتي ...ماراح اروح ....

منيرة بنفسية : مادري يصير خير ....



.................................................. ...................

اليوم عرس دلال ....اليوم الي تتمناه اي بنت بالدنيا ...دلال رضت بالامر الواقع وقاعده اتحاول تتأقلم مع زياد ...لان زياد وايد يحبها ويهتم فيها..وقاعده اتسايره بأطباعه ...لانها على قناعه ان الريال ممكن يتغير مع الزمن ...وشكه فيها مجرد وسواس ممكن يتخلص منه اذا عاشت معاه ابيت واحد .....




وطبعا شيخة ومنيرة لو شنو مايطوفون هالمناسبة ....

خالد توه ياي من بره....يدخل الغرفة.... منيرة قاعدة تلبس تراجيها ...

خالد يطالع منيرة : لا تقولين بتروحين العرس!!!!

منيرة:ايه بروح ...بتطمش ....

خالد : شنو انتي ماتستحين ؟؟ ابوج توه متوفي ....

منيرة : الله يرحمه ...الحي ابـــْـآ من الميت ...

خالد مو عاجبه يهز راسه : الي مافيه خير ...مافيه خير ....

منيرة اتطالعه : وااي كيفي ...خلاص انت اشعليك ...ابوي ويلا ابوك ....والله حاله ....

خالد يقرب منها : انا اعرفج ...واعرف ليش بتروحين ...موحب بالبنيه ...(يأشر بأصابعه على راسها ) مادري شنو يدور بهالراس ...<<<اهوا خايف انها اتسوي شي اتغث دلال ....

منيرة: اكيد مو حب فيها ...بروح بستانس وبشوف ربعي ...شسوي اقعد بالبيت اجابل اربع اطوف ...انتا ماتدري عني ....

خالد ساكت وكان ضايق خلقه ...اتقرب منه منيرة ...وتلعب بزرار دشداشته ...

منيرة : خالد ...خلاص عاد ...خنصير زينين مع بعض ...

خالد يدزها اشوي شوي صوب صدرها : منيرة ...انا جذي...وطبعي جذي...لا تظنين اني بيوم راح اتغير ...مو لازم كل شي بالدنيا تبين يمشي على هواج ...

منيرة اتطالعه مصدومه : خالد ..ماني مصدقة ...لي متى يعني ...انا ماقدر اتحمل هالعيشة ...!!

خالد يطالعها : عادي صبري ...كاني انا متحمل العيشة معاج ...ويلا طلبي الطلاق !!!!

منيرة : اتصدق انك ماتستحي ...يعني راع مشاعري ..على الاقل وانا حامل !!!

خالد :.............................

منيرة : انا اعرف ليش قاعد اتخوره بالحجي ..لانك متضايق ان دلال عرسها اليوم ....

خالد يطالعها : ايه ايه ..صح صح ...عندج مانع !!!

منيرة : ابيه ماني مصدقة ..انت مو صج ...شلون اتقولي جذي..؟؟

خالد : لو مو انتي!!!! ...جان اليوم عرسي مع دلال .....

منيرة تنزل ادموعها واتصرخ : انتا حقير ...ونذل ...ليش اتقولي جذي ...!!

خالد يقعد على الفراش ويلعب بموبايله ومو مهتم بكلام منيرة :قضبي السانج ..لا اقصه...وبعدين انتي سألتي وانا جاوبت ...وكان الله غفور رحيم ...!!!

تاخذ جنطتها الـ ( Clutch) وتبي تطلع من الدار ....

خالد : شنو بتروحين عقب هالكلام ....

منيرة اتطالعه وحدها معصبة : ايه بروح وبستانس...انت اقعد اهني وإكل بعمرك وموت قهر...انا الي ابيه صارلي ...وخذيتك ....ومايهمني انت تبي منو ويلا اتحب منو ....

خالد حقد يوم سمع هالحجي : ماكو كرامه ابد!!!!

منيرة : عليك نور...ماكو كرامه...وبتشوف ...يا انا.... يا دلول ....!!!

واطلعت منيرة من الدار......وطبعا قلبها يطبخ ...ميته قهر من خالد ....وراحت العرس مع شيخة ......


كانت دلال بهاليوم احلى عروسه ...نفنوفها الابيض البسيط ...وبمكياجها الناعم الي بارز براءة ويها .....

كان العرس ابـ JW Marriot وكان الـثييم مال العرس لون ابيض وبنفسجي فااااتح حييل واسود ...وكان راقي حيل ...وتقريبا كانوا عازمين 250 شخص ..لان يبون العرس محفوف عشان يدة زياد....وام زياد وخواته مايو العرس الا يوم دخل ولدهم (زياد) .....وسارة بعد كان شكلها واايد حلو ومبين انها مستانسة ومبين انها عروس ....


كانت ام دلال وعماتها وخالتها يستقبلون الناس عند باب العرس ....ادخلت منيرة مع شيخة وسلمو على الام والي موجودين عند الباب .....

واهما رايحيين صوب الكراسي ...ويلا سارة ابويهم .....

سارة بقلبها (( وعووو ))

سارة : هلا هلا والله ....<<< اتبوسهم

منيرة بنفس : مبرووك على الخطبة ....ها love story بعد انتي ؟؟

سارة تبتسم باستغراب : بعد انتي !!!! منو الي قبلي ؟؟؟

شيخة اتطق منيرة بكوعها : الله يوفقج ان شاء الله ...عاد عبالدوهاب خوش واحد ...انعرفه من عمر .....

سارة : مشكورين ....تفضلوا قعدوا .....

احجزوا لهم مكان قريب من الكوشة حيل ....وبعدين راحوا الحمام يضبطون شكلهم ....


شيخة : انتي اشفيج ...ليش اتخورينها مع سارة؟؟ ...اهيا ماتدري انج تدرين عن سالفة دلوول وخالد ....

منيرة : وي بلعنه خل تدري ...شنو يعني ...ويلا شنو بيأثر؟؟ سكتي انا فيني حره عليهم ...عمه بعينهم كلهم ...والله كنت بهوّن ماني يايه ...بس عناد على خالد ...لان اهوا متعمد يغثني عشان مايبي ايي ...

شيخة : انتو كل اهواش ...

منيرة : من اخوج الحماار ....

شيخة اتطالعها وبنزر : منيرة !!!!! ترا مارضى اتقولين عن اخوي جذي ....

منيرة : جبي جبي ...من زين اخوج عاد ....والله صج بديت اكرها ....

شيخة منبطة جبدها :والله شمصبرج ...طلبي الطلاق ....!!!

منيرة : اطلب الطلاق ووين اروح ؟؟!! قولي ...ماعندي اخوان ولاخوات ولا خوال ....وين اروح يعني...

شيخة اتطالعها وموعاجبها الكلام : يعني انتي بس عشان جذي متخذه اخوي ؟؟؟ عشان ماعندج احد!!! والله خووش....وانا عبالي اتحبينه ....

منيرة اتحط حمره : كنت احبه ...بس الحين احس لأ ...بديت اكرها ...بس عادي مو هامني....حتى لو كرهته ...المهم يصير بيت ...واخوج عنده فلوس ....وشاليه ....وكل سنه اغير سيارتي ....وعيالي باحسن المدارس ....

شيخة : منيرة ....انتي اشلون بكل جرأة اتقولين جدامي جذي ....ترا ماسمحلج ...اشكره ...يعني استغلالية ....

منيرة اتطالع شيخة: شيخة ...اخوج اهوا السبب ....اهوا الي وصلني لي هالمرحلة ....وانا اقولج الصج ...لانج حسبت اختي ....

شيخة : بس مهمن كان لاتنسين ان هذا اخوي.....ومارضى عليه عليه لو شنو ...

منيرة : لاترضين بالطقاق....

شيخة : منيرة !!!! استحي على ويهج ...ترا اقدر اروح واقولهم كل شي...

منيرة اتخز شيخة وترفع حاجبها: قولي كل شي ...وانا اقول انج بكل شي شاركتيني ....


شيخة اتعصب ....واتروح تقعد بمكانها....واتيي منيرة تقعد يمها واتلف ويها ...ياو رفيجاتهم وسلمت عليهم منيرة وشيخة ...جان اتقوم شيخة وتقعد مع رفيجاتها وتكشت بمنيره ......


ارقصو واستانسوا ....ومنيرة قاعدة ويمها وحدة من رفيجات الجامعة ....وطبعا منيرة بس قاعدة حش بالبنات وبالناس ولا اكو شي عاجبها ...وهي طبعا ماتقدر ترقص لانها حامل ....

الحين دخلت دلال ....ادخلت على اغنية هب السعد ...كانت اميرة ...حدها اتهبل ....وكانت نورة داخله معاها ....ومنيرة اتطالعها وماطاحت عينها منها ...ولاحتى ابتسمت ....يوم شافتها تذكرت سالفتها الي اليوم مع خالد ...وحست اشكثر تكرها ...


طبعا دلال من اول مادخلت واهي اتدمع ولين اقعدت ...وسارة ونورة يطبطبون بالكلينكس على عينها يخافون ان ميكآبها يخترب ....كانت دلال خاايفة حييل ...واتحس ان خلاص ...صج دشت بالحياة اليديدة ..وانها بتصير مع انسان غريب بالنسبة لها ...ماتخيلت ابيوم من الايام انها راح تاخذه ...ولاتاخذ غيره .....

عقب ساعة تقريبا ...دخل المعرس (زياد)...على اغنية (يامعيريس) ودخلوا اهله الرياييل وربعه ...ومشاري اخوها وابوها ....

نورة راحت عند مشاري وصورت معاه ....وسلمو الرياييل على زياد واطلعوو....

قبل لايقعد زياد جان ايبوس راس دلال ..وقعد يمها....ومسك ايدها..وطول الوقت يطالعها...وكانت نظراته ان عاجبته حييييل ...والكل لاحظ اشلون يطالعها ...والكل يقول (مشاءالله لايقين حق بعض).....

منيرة قاعدة اتطالع ...وكانت ميته قهر...اشلون يطالعها واشلون ماسك ايدها ...واشلون يكلمها....واشلون مستانس معاها.....

رفيجة منيرة الي قاعدة يمها : وااي ياحلوها دلوله ...ًايرة اتهبل ماشاء الله ...وحتى ريلها تبارك الرحمن ...يلوقون خق بعض....

منيرة جنها ماتسمع :.............

رفيجة منيرة : منيرة شوفي اشلون يطالعها امطالع ....واي الصراحة ماينلام ...ًايرة اتهبل....

منيرة : الله يعافي الميكآب ....ويلا دلال مافيها زود ....

رفيجة منيرة : غلطااانه...دلال حلوة من اول ...من كنا بالثانوية ...نعومة وكيوت هالبنت ....

منيرة : ماتعجبني.......

رفيجة منيرة : وااي الله يرزقنا ريل نفس ريلها .....عاد اهل المعرس من اهلنا ....يقولون طاااير فيها ....يابختها ماشاء الله ...طاحت على ناااس لوئطة....

منيرة يوم اسمعت هالكلام ...اسكتت ولاكلمة ...واقعدت اتطالع دلال وزياد طوول الوقت لين اطلعوا ...وتتنفس بسرعة .....كانت بتموت من الغيرة ......

منيرة بقلبها (( يعني انا حياتي تخترب بسبتج ...وانتي اتعيشين حياتج مستانسة ....هيّن يادلول ....الايام بينا)))



عقب اسبوع .....

خالد داش البيت ......عالساعة 2 ونص تقريبا .....

الام اتفز من مكانها : هااا بشّـــــر ؟؟؟!!!

خالد يطالع امه ومن غير ابتسامة : نـــــــــــجـــــــــــــحـــــــــــت !!!!

خالد كان رايح الجامعة يشوف درجاته ........

الام اتلمه حيييييييييل : مبروك ياوليدي مبروك ......

شيخة : الحمد الله ...مابغينا انشوفك مهندس <<<< اتلمه واتبوسه ...



الام : اشفيك جنك مو مستانس ....؟؟؟

خالد : يما انتي مستانسه ؟؟؟

الام : والله ان الدنيا مو شايلتني من الوناسة .....

خالد : الحمد الله ....اصلا هذي الشهادة لج مو لي ....انتي الي مبروك ...مبروك عليج خالد المهندس !!!!

طبعا خالد تغير وللاسوأ من عرس دلال ....يمكن ضعف 3 كيلوات بهالاسبوع ....قالوا راح ينسى مع الايام ...والحين مرت 5 اشهر واهوا من سيء الى أسوأ....قالوا اذا حملت مرته يتغير ...واهوا قاعد يكره منيرة كل يوم اكثر من الثاني ....قالوا اذا تزوجت دلال خلاص راح ينساها...وحبها ليلحين بقلبه ومايقدر ينساها ......

خلاهم وصعد غرفته .....

الام تقعد على القنفة : انا بعرف ...هالولد اشفيه ....شلي قلب كيانه ...شلي اعفسه ...مو ولدي الأولي ...مو خالد الي اعرفه ....يعني اليوم المفروض يكون اكثر واحد مستانس ...عقب 10 سنين دراسه !!!

شيخة ساكته قاعد تسمع امها .....بعدين تتكلم : يما احنا ظلمناه ....ظلمناه حيل ....ماكان المفروض نغصبه على منيرة ....وظلمنا منيرة معاه ......

الام اتطالع شيخة وعيونها تلمع :كانت وصيت اخوي ...وصاني بالاسم ..وقالي (خالد) من بين كل عيال العايلة قالي خـــــــــالد!!! ماتوقعت لي هالدرجة بيكون حاله !!! عبالي نزوة بحياته واتعدي .....ماتخيلت ان يحبها هالكثر ...

تسكت الام واتطالع شيخة واتكمل وتدمع عيونها : كــان كـــل همي يكـــون اسعــد واحد بالدنيا ....انا اشوف الله ثم اشوفكم....مافي ام اتحب اعيالها كثري ...انا ضحيت بالدنيا كلها علشانكم...وبعدين اشلون آخذله وحده سمعتها مو زينه ...!!!!

(شيخة ساكته ومنزله راسها )

الام : ماتتكلمين ؟؟؟!!!!

شيخة : يما خلاص ...ماكو فايدة من الكلام الحين ....شنو راح انسوي مع خالد....؟؟

الام : مادري ....مادري....احس الولد انتهى ...خلص...نشف...لا ياكل...لايتكلم ..لايطلع....(اتحط ايدها على حلجها واتطالع شيخة) خايفة يصيير فيه شي.....

شيخة تاخذ نفس: مادري شقولج يما...خلاص بدام مو مرتاح قوليله يطلقها....!!

الام : وهذا الحل بنظرج ؟؟!!!

شيخة : يما ....يعني منيرة ويلا خالد ؟؟؟ ولدج ويلا وبنت اخووج ؟؟؟
الحين دلال ومايقدر ياخذها ...لاتجبرينه يعيش مع وحده مايحبها ....

الام اتطالع شيخة مستغربه : الــــــــلـــــــه ....ليش تغير كلامج الحين ....وينج قبل ؟؟!!...انتي اكثر وحدة شجعتيني ان خالد ياخذ منيرة !!! وقلتيلي نزوة ...وقلتيلي راح ينساها ...وقعدتي اتزين بإذني...

شيخة ساكته مدة وبعدين قالت : ماتوقعت كل هذا يصيير...الصراحة قام يكسر خاطري اخوي....ومنيرة ولا هامها يما...لو احس ان 1% ان هامها جان عادي...اهيا لما تتضايق مو علشان اتحب خالد ..لأ...اهيا اتحب نفسها....ويلا خالد مو هامها ابد ....مسكين خالد ماكنا انصدقه لما كان يقول جذي...يما انا لما احتكيت بمنيرة حيل عرفت اشكثر اهيا انانية..بس يهمها طلعاتها ووناستها وكشختها واخر همها خالد .. اتطالع امها) وادري انج حاسه بهالاحساس بس ماتبين اتصدقينه .....

الام اتطالعها واتحس قلبها بينشلع من مكانه....اتقوم من غير ماتتكلم ...وتصعد غرفة خالد ....تدخل الصالة ...واتروح غرفة النوم ....واتطق الباب ...


خالد فاسخ تي شيرته ...ومنسدح على بطنه على الفراش...ومغطي راسه بالمخده ..يسمع طقة الباب....

خالد يرفع راسه : منوووو؟؟؟

الام اتبطل الباب اشوي اشوي : قاعد يمه ؟؟

خالد يغطي ويها بالمخدة : ايه بس بنام ....

الام اتروح صوبه ...وتقعد على طرف الفراش .....وترفع المخدة عنه ....

الام : اقعد اشوي بكلمك ....

خالد يعدل نفسه ويقعد يم امه ....وساكت ...ناطرها تتكلم ...

الام : خالد يما ...لي متى؟ ....لي متى وانت على هالحال؟ ...حالك مايسر لاعدو ولاصديج ...بس عورت قلبي ....قاعد اموت كل يوم عليك 100 مرة ...

خالد : مافيني شي يما ...

الام :كل هذا ومافيك...فيك هموم اتهد اجبال...ليش ؟؟؟ ترا الدنيا ماتسوى... اذا على شان منيرة ...انا شايله ايدي من الموضوع....خلاص سو الي تبيه ...تبي اتطلقها طلقها ....

خالد يطالع امه : اطلقها !!!!! ابكل بساطة اتقوليلي طلقها ....

الام : انا اكيد مو هاين على اتطلقها...بس بعد ماقدر اشوفك بهالحاله ...انا تعبت نفسيتي من كثر ما احاتيك ....قاعد احس ان انا السبب بالي انت فيه ...

خالد ينزل راسه ...ويسكت مدة ...واتقطر دموعه... يتكلم وتتغير نبرة صوته : شالفايدة ؟؟!! ماكو فايدة الحين .....ماكو فايدة ...طلاقي منها ماراح يغير شي ...

الام اتطالعه....انربط السانها ...ماعندها شي اتقوله .....

الام تمسك ايده الثنتين : شنو اقدر اسويلك ...مستعدة اسويلك الي تبي...بس ماشوفك بهالحاله .....

خالد : ابي دلال ....تقدرين اتييبيلي دلال ....

الام اتطالعه : يايما البنت راحت بطريجها ...مايصيير اتقول جذي....

خالد : انتي سألتيني شنو تبي...وهذا الي ابيه ....وادري ان ماراح يصيير...
انا لو آخذ عشرة غير منيرة محد ينسيني دلال ...يما انتي ماتعرفينها ...ماتدرين اشكثر كنت احبه ...من كنت ياهل وانا احبها ...يعني انتو مو بس خذيتوها مني ...انتو خذيتوا حياتي وقلبي وسنيني....


يسكت اشوي وياخذ نفس : ادري انج مو مصدقة اني اقولج هالكلام ...ولا احد يصدق بعد ...لان مافي احد يحب كثري....يمكن حتى دلال ماتحبني كثر ماحبها ...بس ماقدر ....لو اهيا ميته اهوّن علي.. (يطالع امه وتنزل دموعه) راحت حق غيري ...اتعرفين شنو راحت حق غيري ....يعني لمسها ...وباسها..ونام معاها ... ( وينفجر بجي ...قام يبجي بصوت وقهر ) وماتبيني اموت ....

الام اتلمه حييل ... منصدمه ...على مومستوعبه ....وتبجي اهيا بعد حييل ...

الام : كل هذا بقلبك ...ياليتني انا الي مت ولاشفتك بهالحال....بس خلاص ...ارحمني ...ارحمني .....

الام تقعد مع خالد طول الوقت ...وتمسح على ويها وعلى شعره....لين نام....

.................................................. ....................

دلال ابيت حمولتها ...بغرفتها .....بين اربع اطوف..اتحس انها قاعدة بسجن....وماكانت احسن من خالد بشي...كانت مجرد جسد بدون روح ....


ليلحين بفراشها ....كانت معطه زياد ظهرها ....وقاعدة تقرا مسجاتها لانها توها امبطله موبايلها....اييلها زياد ويلمها اشوي اشوي ...

زياد : صباح الخير ياحلو ....

دلال : الساعة 3 وانت اتقول صباح الخير ...قصدك مساء الخير ....

زياد : ايه احنا صباحنا يبدي الحين .....

دلال اتوخر عنه ....واتقوم من الفراش.....

زياد : وين رايحة ؟؟

دلال : بروح باخذلي شاور....


تدخل الحمام ...واتشغل الدش....تتذكر انها نست الشاور جيل على الطاولة ....تفتح باب الحمام بسرعة ...

ويلا تلقا زياد ماسك موبايلها .....

زياد توهق : آه..جذي قاعد اطالع الالعاب الي فيه ...شكله عجيب....

دلال مستغربه : موبايلي مافي العاب؟؟؟ انا مسويتله فورمات وماسحة كل الالعاب الي فيه ....!!!

زياد توهق : لا لا مو قصدي الـ games ....قصدي اهوا يونس حق لعب ...وسوالف ...يبيلي آخذ بلاك بيري.....

دلال ماصدقت كلامه ....وقاعد يثبتلها يوم ورا الثاني ان اهوا شكاك...او يمكن مريض.....تضايقت حيل.....




.................................................. ..............................

عقب 3 اشهر تقريبا ....تزوجوا سارة وعبدالوهاب....ونورة حملت من مشاري.....وعلاقة منيرة بخالد بأسوأ حالتها ....اما دلال وزياد بدت المشاكل تتطور بينهم ......


زياد : لا ماتطلعين ...خلاص كلمه وحدة .....

دلال : ليش يعني ؟؟؟

زياد : بس خلاص ...انا ماحب طلعت الرفيجات .....

دلال : زياد ...اشفيك ...انا من زمان مو طالعه معاهم ....

زياد : وخير ياطير...موضروري....كفايه قاعد ادوس على نفسي وقاعد اخليج تطلعين مع اختج ومرت اخوج ....

دلال : لا والله ....بعد هذا الي كان ناقص ...تحرمني من اهلي .....

زياد ياخذ نفس : اهي كلمة وحدة ماكو طلعة يعني ماكو طلعة ....

دلال : زياد تعوذ من ابليس....ولاتفشلني ....خلاص خلني هالمرة اروح ومرة ثانية يصيير خير...ترا الناس قاعدين ينطروني...

زياد يقعد على القنفة ويفرفر المحطات : لا ...انا قلت كلمة وحدة ...ماكو يعني ماكو ....

دلال قاعدين يدقون رفيجاتها واتحطه سايلنت : زياد والي يسلمك لاتفشلني ....

زياد : اوكي اتروحين بس على شرط....

دلال : شنو؟

زياد : اروح معاج ....

دلال اتطالعه منصدمه : انا بطلع مع رفيجاتي ...كلهم بنااات... اشفيك ...

زياد : ايه عادي ...اقعد ابطاوله بعيده ....

دلال : زياد...رفيجاتي يعرفون شكلك !!! شايفينك بالعرس...اشفيك ...

زياد: لا تخافين ...اوعدج ان مايشوفوني....

دلال معصبه : وليش هذا كله ؟؟ ليش انت كله شاك فيني ....

زياد : انا مو شاك فيج...انا اشك بالي حواليج....يمكن وحده فيهم مو زينه ...ويلا مواعده ...ويلا شي ....انا مارضى على مرتي ....

دلال : تدري اشلون ...طلّعت الطلعة من خشمي ....(جان اتخليه واتقوم اتروح غرفتها)


ادق نورة على دلال ......

دلال وصوتها مخنوق وحدها خانقتها العبرة : الووو

نورة : دلول وينج ...ليش ماتردين ..؟؟ يالله قاعدين ننطرج....انا والبنات....

دلال : ماراح ايي....

نورة : لــــــــــــــــيــــــــــــــــــــــش ؟؟؟

دلال:.........................................


نورة : مارضى زياد ....؟؟

دلال : اممممم.....

نورة انقهرت بس ماقالت شي : ميخالف دلول...تحملي....هذا ريلج ...وعلى قولت خالتي (ام دلال) اول سنه اصعب سنه ...بعدين راح يتغير...ويصير احسن.....

دلال : ماظن يانورة ...اهوا مريض....في مرض الشك ...

نورة اتهديها : لا يتغير ان شاء الله ....اهم شي ريلج وبيتج ...اما احنا لاحقة علينا .....

دلال : مليت منه ...3 شهور مجابلته ...ودي اطلع معاكم ....

نورة : في وحده اتمل من ريلها ....؟؟!!

دلال : ايه فيه...انا !!! لما يصيير ريلي نفس مشاري ذيج الساعة مامل منه !!!!

نورة : خلاص دلول ...لا اتحرين نفسج .....

دلال : اوكي...استانسوا ....اسفة عشان ضيقت خلقج ....

نورة : دلول ...شالحجي...ماضيقتي خلقي ولا شي....(تسكت اشوي ) انزين احنا محنا مطولين ...تعالي كيفان... وانكمل السهرة هناك...

دلال : اوكي ...اشوف...


سكرته دلال ...وكانت قاعدة على الفراش .....جان يدخل زياد الغرفة ...وقاعد يغير اهدومه يبي يطلع .....

دلال : وين رايح ؟؟

زياد : رايح الدوانية ....

دلال : ياسلام ...الحين تحرمني من الطلعة؟؟!!!

زياد يقعد يم دلال : دلوله ...انا ماحرمتج من شي...انا كل مكان اطلعج ....وكل مكان اوديج ...وكل شي اشتريلج ....واسويلج الي تبينه ...بس احترمي رغبتي....انا ماحب طلعات الرفيجات ....اظن من حقي اطلب هالشي من مرتي....ومن واجبها تسمع كلامي....

دلال: بس انا احتاج اطلع مع رفيجاتي...

زياد متنرفز : انتي ماتشوفينهم بالدوام ....بس خلاص كفايه ...

دلال : هذيل مو معاي بالدوام .....

زياد: خلاص دلال ...لاتسوينها سالفه....لاتقلبينها هوشة ...

دلال: من قلبها هوشة...!!!! مايصيير كل شي لأ لأ لأ....انا ترا انا بنت ناس ...عندي كيان ...عندي رغبات ....مايصيير تمنعني بهالطريقة...؟؟!!

يوقف زياد : خلاص دلال ...انتهينا من هالموضوع ....ومابي نقاش....انا قلت الي عندي وخلصت ....( ورايح صوب االباب بيطلع)

دلال استسلمت للامر الواقع : زياد ....

زياد يلتفت عليها : اشتبين ؟؟!!

دلال: انزين بروح بيت امي...بسهر اهناك بدام بتروح الديوانية .....

زياد : خلاص انا اوديج (يسكت اشوي) بس تعالي منو هناك موجود...؟

دلال : يعني منو راح يكون اهناك مثلا غير اهلي؟؟؟

زياد : يعني ريل اختج .....

دلال : نعم ....بعد اشفيه عبدالوهاب ...؟؟

زياد : مادري اشلون ....يحب يسولف...ويطيح الميانه بسرعة ...وانا ماحب يسولف معاج .....

دلال : لا موصج الي قاعد اتقوله ....

زياد :صج ويلا موصج ...اذا اهوا موجود ماتروحين ...الا اذا كنت موجود.....

دلال مالها خلق تتهاوش معاه : لا مو موجود...بس امي...توني مكلمتها.....

زياد : يالله اوكي...تعالي السيارة ......


صعدت دلال السيارة وطول الوقت ساكته.....

زياد : يعني بتنقرين طول الوقت ؟؟!!!

دلال: ماعندي شي اقوله ......

اوصلوا البيت ...افتحت دلال الباب....وقبل لاتنزل تلتفت عليه ....

دلال : الحين فكر بالسالفة كلها ....وشوف اشلون قاعد تتعامل معاي...لاتخليني ازهق!!!! (واتلف ويها تبي تنزل)

زياد يمسكها حيل : اشقصدج ؟؟!!!

دلال تطالعه : وخر ايدك....ترا قاعد اتعورني....

زياد : شنو قصدج ازهق؟؟؟ شنو متبين احد يكلمج...تبين الدنيا تمشي على كيفج ؟؟!!!

دلال : لا مابيها على كيفي ...ابي الشي بالمعقول....مو كل شي بقاموسك لأ.......

زياد : الـــــــــــــــــلـــــــــــــــــــــه .......بس عشان ماخليتج تطلعين مع رفيجاتج ......!!!

دلال حدها معصبة : لا موعشان رفيجاتي وبس....عشان انك تمسك موبايلي وتنبش فيه....عشان انك تتجسس وتتسمع وانا اتكلم ...عشان انك حاط مسجلة بتلفون البيت ....لاتحسبني مادري شالسالفة ....انا ادري وساكته...لاني الحمد الله واثقة من نفسي....وادري انك لو شنو ماراح اتصيد علي شي...لأني متربية وبنت ناس...ولوشنو ماتطلع مني العيبة ....انا ساكته لان لعله وعسى اتغيرك الايام .....

يوم سمعها جذي ...سكت....ومانطق بكلمة مدة .....

زياد : نزلي.....

انزلت دلال وسكرت الباب حييل ......وسرعت خطواتها وادخلت بيت اهلها ....


.................................................. ................


منيرة بالجمعية قاعدة تشتري اغراض ....وقاعدة تتكلم ابموبايلها....

منيرة: ختولي شيخوو...اصلا ماكلمها الحين ...ختولي هالجلبة المصلحجية .....

دانه رفيجة منيرة : وااي صج صج الدنيا وسخة ومالها امان....اليوم صديقج باجر عدوج!!!

منيرة : ختولي زين....اصلا اهيا حيوانه ...محد يعرفها كثري....

دانه : ادري فيها...لاتحرين نفسج عليها....مافي احد يسوى...<<نفاق

منيرة :ايه والله... اتسوي روحها اسكت....تبي اتطلعني بالشينة....

دانه : وااي منور بس ماتخافين اتشيش ريلج...؟؟ اهيا اخته....!!!

منيرة : ويييه دانه....لا تلوعين جبدي...اي ريل.؟؟...هذا ريلي بالاسم........احنا مورابطنا غير هالياهل الي ابتلشت فيه....غسلت ايدي منه...

دانه : شمصبرج عليه...انتي حلوة وصغيرة <<تشيش

منيرة : على امل ان يتغير...وحبيبتي منو قالج اني ميته عليه...انا بس ضامنه مستقبلي معاه...عنده فلوس وبيت....ومخليني على كيف كيفي...بعد شنو ابي اكثر.....

يرن خط ثاني عند منيرة...اتطالع الرقم .......

منيرة : دودو...لحظة عندي ويتنق.....اكلمج ليتر....


اترد منيرة على الويتنق.....

منيرة : هلا وغلا.....هلا بحبيبي !!!!!!!!!!!!




منيرة : هلا وغلا ...هلا بحبيبي ....عاد اتصدق نـــــــــــــــاصـــــــــر ...توني بدق عليك ....

ناصر : يبا عادي ...انتي دقيتي ...انا دقيت ....المهم اسمع صوتج ...ولهت عليج....

منيرة : ما مداك توله علي ...اول ماطلعت من البيت كلمتك....

ناصر :انا اوله عليج كل دقيقة ..لا كل ثانية بعد ....(يسكت اشوي ) إلا انتي وينج؟؟

منيرة :هاو قتلك.. بجمعية الشامية ....قاعدة اشتري اغراض حق البيبي من ماذركير ....

ناصر : والثور ابووه وينه مايشتري ؟؟؟؟ والله لو انتي مرتي وهالياهل ولدي ....جان ايدي بايدج ...كل مكان اوديج وكل شي اشتريلج ....هالجمال مايتخلى بروحه ...موزين عالمجتمع ....

منيرة : انت اتعرف قيمة النعمة ...غيرك رافس النعمة ...

ناصر :يولي... انا ويني عنج من زمان...آآآخ ....آآآآخ بس .....

منيرة : الحظ ..الحظ الي خلاني اعرفك متأخر ....

ناصر : تكفين منورة ...طلبي الطلاق ...والله اني راح اخذج على طوول ....

منيرة : ماقدر ناصر ...اشفيك ....صج اني احبك ....بس ماقدر اني اتطلق ...على الاقل الحين ...لازم اظمن مستقبلي ...اسمحلي...وخصوصا انك ماعندك غير معاشك ...

ناصر : منيره ..انتي عندج بيت ابوج ....وانا الحمد الله راتبي زين وحتى انتي راتبج زين... الفلوس مو اهم شي بالدنيا .....

منيرة : لاو الله ....عبالك انا اقدر اعيش على معاشي...انا اول اسبوع يطير كله ....وانا 3/4 الشهر مومداومة وكله خصم..وكان ابوي الله يرحمه يعطيني ...والحين خالد الي يصرف علي ...على الاقل هذي ميزته الوحيده .وبيت ابوي مو لي ابروحي...يدشون خوالي معاي...لانه ابوي ماعنده ولد... قطيعه...لازم اخلي خالد يشتريلي بيت واسجله باسمي ويصير خير بعدين ..بس الحين....ماقدر ..ماقدر ....

ناصر تنرفز منها : يعني الحين تتحملين تقعدين مع واحد مايحبج ولا يواطنج ...بس عشان الفلوس.....!!!

منيرة : عادي ناصر ..انتا ليش متضايق ....المهم اني احبك مو مهم اني اتزوجك ...على الاقل في الوقت الحالي ....


.................................................. ........



دلال ابيت اهلها...قاعدة مع مشاري وامها..وطول الوقت ساكته وخامره ....وحاطه ايدها على خدها ....

الام : دلول اشفيج ساكته ....من اول ماييتي مانطقتي بكلمة ؟؟

دلال اتطالع امهاومن غير مقدمات : يما ....انا مابي زياد ....ابي اتطلق !!!!

مشاري كان يطالع تلفزيون يلتفت و يطالعها ...والام ماسكة استكانة الجاي ...بقت اتطيح من ايدها ...

الام : اعوذ بالله ...شتقولين انتي ....بسم الله عليج من الطلاق ....عاد ليش؟؟؟؟

دلال : يما زياد لا يطاق ....ماني قادره اتحمل اعيش معاه....انا قتلج من قبل ان شكاك .....

الام : يا يما ...تلقينه يغار عليج ....والله ان بس الحين ...عقب فترة كل هذا بيتغير ...وقولي ماقتلج ....

دلال : يما انتي تتوقعين اني ما افرق بين الغيرة والشك ....والله الريال مريض ...مريـــــــــــــــــــــــض....ينني بعيشتي ....

مشاري : لا مافيه شي ...تكانه ...اسلوب ...ذرب....بس انتوا يالحريم اذا ماتبون واحد طلعتو فيه كل العيوب....

دلال : انا ماقلت ان مو تكانه ..ايه صح ثقيل وكريم وذرب وكل شي فيه زين ...بس شكاك ...ترا هالصفة مو هينه .....يعني يمكن يشك بعمره ..ينني ..وناطر انسافر امريكا بس عشان اطلع من الدوام ..متنرفز حتى اني اداوم...اذا انا بالكويت جذي ...الله يعين اذا رحت معاه امريكا ..راح يخليني اجابل اربع اطوف...راح اطق واموت ...

الام : لا يا يما ...لاتقولين جذي ...تراوالج ...

دلال اتدمع عيونها : والله محد حاس فيني ....مأذيني ....بس يراقبني ...بس يتسمع لي ...بس يدوّر وراي...انا قلت الحين احسن وقت يطلقني قبل لايربطني فيه ياهل ويلا شي..والله زهقت.. زهقت ...

مشاري معصب : يالله عاد عن الخرابيط والدلع الزايد ...اقضبي ارضج..مالج الا ريلج ...وسالفة الطلاق هذي شيليها من راسج ...بس عبالكم لعب يهال ...زوجوني وطلقوني .... ماعندنا بنات يتطلقون...

الام مستانسة ان مشاري يقول جذي : ايه والله ...بتطلق ....بكيفج اهو ...لو طاقج!! ...لو راعي حريم!! ...لو راعي شرب وخرابيط!!! ...جان قلنا ايه معذورة !!...خوش عيل ...تبينه ديوث مايغار على مرته !!

دلال : ياناس فهموني ...اهوا مايغار ...ااهوا شكاك ...مريض نفسيا ...لعوزني ...والله العظيم ...

مشاري : دلال ...انتي مره الحين ...والمره مالها الا بيتها وريلها ...الدلع الي اهني ابيت اهلج خلاص انسيه ....لازم تتعودين على طبع ريلج ....ومع الايام راح يتغير ..هذا اذا فيه شي اصلا ...لاني اشوفه وايد زين!!!....ترا انتو ماشفتوا شي من بلاوي الدنيا ...تحملو ...خل يصيير عندكم مسؤوليه شوي .....عشان جذي البيوت متروسه بنات ...من الدلع الماصخ والتشرط الزايد ...ومايتحملون شي ..لو قالها ريلها ادنات الدون ...اطلبت الطلاق !!!!!!

الام : ايه والله ...صاج وليدي.....

دلال متنرفزة: كا انت كنت بتطلق من نورة .....من غير سبب بعد ...

مشاري يسكت وينزل راسه ...ويرد يرفعه ويهدي نبره صوته :اولا مافي شي من غير سبب ...يمكن يكون العيب مني ويمكن منها ...واحتفظ بالاسباب حق نفسي ...بس بعدين فكرت وفكرت ...ولقيت الطلاق مو حل ...لان بهالامور الواحد يشغل عقله مو قلبه ...والحمدالله خذيت احسن قرار بحياتي ....


الام : ايه والله ..درر وليدي درر ...وكاهم شوفيهم الحين ...لا اله الا الله ...احلى منهم مافي ...ياحلوهم ..عصافير عصافير ....

دلال اسكتت...حست ان ماكو فايدة من الكلام ...وان محد راح يصف بصفها...لان اهما الي يشوفونه شي والي اهيا اتشوفه شي ثاني....وغير نفسيته ..كله معصب وكله متنرفز...وابلعت الهم واسكتت ......


تدخل سارة وعبدالوهاب.....يسلمون على الام ومشاري وسارة اتسلم على دلال .....

الام : سوير جنج متنتي...ديري بالج لاتنبطين ...توج ماصارلج شهرين متزوجة .....وراج حمال وعيال....


سارة وعبدالوهاب كانوا احلى اثنين ....حيل يلوقون حق بعض...وحيل يصلحون حق بعض....عبدالوهاب كان طبعه وايد حلو وحتى سارة ...كانت مرحه وحبوبه....وحيل حبوا بعض والوناسة والراحة امبينه عليهم ....

سارة اتطالع عبدالوهاب وتوجه الكلام حق امها : يما قولي حق عبدالوهاب يوكلني غصب ...الا يبيني امتن ....

عبدالوهاب: والله عمتي تكسر خاطري....عصله ....اخاف تنكسر....

الام تضحك : ياحلوك ياعبدالوهاب ...الحين هذا عز الطلب ...يدورون العصله ....

عبدالوهاب: والله عمتي ...يمكن لو انا ماوكلها غصب ..جان تنسى تاكل ....بس عايشتلي على القهوة والخرابيط ....

مشاري : ايه عبالها زين جذي ...كله يطلع عليها بعدين ....

سارة : يعني الحين ماكو غيري!!! ....خلصت المواضيع ؟!!!

تدخل نورة ....اتسلم وتقعد يم مشاري .....

مشاري حق نورة بصوت واطي : هاااا..اشلون الحلوين ....

نورة تبتسم : اممم ...الحلو الاول زين.....

مشاري : والحلو الثاني (ويطالع بطنها) ....

نورة تضحك : ناطرتك اتقول هالكلمة ....هم زين ....

مشاري يبتسم : الحمدالله (يكمل) ...استانستي .....؟؟

نورة : ايه والله ...استانسنا وايد ...

مشاري : انتي قلتي هالعزيمة عشان دلول ...وكاهي دلول اهني ماراحت ؟؟

نورة اتطالع مشاري متوهقة : ايه ...هونت ...مادري عنها ...

مشاري يلتفت على عبدالوهاب.....

مشاري :تعال وهاب بسألك ...خابرك راعي حداق!!.. ماتعرف احد يبيع طراريد ...خبره يعني ....والله ودي اخذلي واحد مستعمل بس نظيف ....ودي اجرب وبعدين اذا يازلي خذيتلي يديد...

عبدالوهاب : اشفيك ...خالد صاحبي عرفته!! ...ولد ييرانكم ...خبره لايعلى عليه بهالسوالف...يعرف حق الطراريد ...يضبطك....

مشاري اعتفس ويها : لااااه ...ايه اشوف... اقوله....

الام : الا اشلونهم ...من زمان عن ام خالد ...ماولدت مرته .....؟؟

عبدالوهاب : لا ليحين...بس قريب ان شاء الله ....

صار صمت .....دلال يوم اسمعت طاري خالد ....ضاق خلقها زياده


نورة بصوت واطي حق دلال : تعالي ماتشوفين منور ....؟؟

دلال مالها خلق: لا والله ...صارلي مدة موشايفتها....عادي....آخر همي...

نورة: ايه والله ...على قولتج ....


...يدق موبايل دلال ....


دلال : الووو

زياد بنفسية : السلام ....

دلال :وعليكم السلام ....

زياد : انا طالع من الديوانية ...وياييلج الحين ...

دلال : اوكي .....

زياد يسكت اشوي ويسمع : منو عندكم ...

دلال :ماكو ...امي ومشاري ومرته وسارة وعبدالوهاب.....

زياد يسكت مده : انا شنو قايلج ....؟؟

دلال : عن شنو؟؟؟ انتا وايد اشياء قايلي ....؟؟

زياد : لاتستهبلين ...انا موقايلج عن عبدالوهاب....مو قايل ماتقعدين معاه ؟؟؟

دلال اتقصر صوتها : ليش انا قاعده معاه ابروحي.؟؟؟

زياد يصرخ : اكيد ماراح تقعدين معاه بروحج ...انتي تدرين شنو قصدي....انا قايلج ماتقعدين معاه الا لما اكون موجود!!!!!

دلال : شنو يعني ...؟؟؟ حكم ؟؟؟؟ ترا هذا ريل اختي!!!!

نورة تنغز دلال : دلول صوتج عالي...روحي الدار الثانية ....

اتقوم دلال اتروح الدار الثانية ....

دلال : زياد اشفيك ....؟؟عبدالوهاب نفس اخوي ....

زياد يصرخ : بس اهو مو اخوج ....

دلال ساكته وخانقتها العبرة .........

زياد : انا كاني ياي ...ادقلج رنه وطلعي <<< ويصكه بويها ....

دلال منصدمه من اسلوبه .....اسكتت وارجعت الصاله ....وويها منصفق...


ماكو اشوي ويلا يدخل ابو دلال ومعاه زياد ...وحده ويها معصب ...

يسلم ابو دلال ويسلم زيد ويقعدون ....

ابو دلال : شفت زياد بره واقف ...قلتله مايصيير ...لازم تدخل ...

زياد : لاعمي بس الوقت متأخر اشوي ...واحس عيب الواحد يقعد لي هالحزة <<< ويطالع عبدالوهاب ....وعبدالوهاب ولا حاس بشي ...

ابو دلال : ايه عدل كلامك...لاصار عند الغــُرب...بس احنا اهل.....

زياد ساكت ......

دلال حق زياد وحدها متوتره : تبي اصبلك جاي وحليب.....

زياد بنفسية ومن غير مايطالعها : لأ ...مابي شي....

يقعد 10 دقايق....ويوقف...

زياد :يالله ياجماعة تصبحون على خير....

ابو دلال: تو الناس...ماقعدنا معاكم ....

زياد : ان شاء الله يوم ثاني....يالله مع السلامة ...

مشاري يطالع امه ...جنه يقولها (شفتيه اشلون معصب)......

دلال تلبس جنطتها وتمشي....

بالسيارة ....صمت ....لا دلال تكلمت ولازياد ........

اوصلوا البيت ...غير اهدومه زياد ...دلال بعد ....وراح الصاله ....راحتله دلال ....دلال مسالمة وماتحب المشاكل.....

دلال اقعدت يمه : انزين انتا ليش معصب الحين ؟؟؟

زياد : تدرين ليش؟؟؟

دلال : عشان عبدالوهاب.....؟؟ لاتسويها سالفة ...ليش اتفكر بهالطريقة ....

زياد: قولي مينون ...قولي معقد ...قولي الي اتقولينه ...انا هالعبدالوهاب ماواطنه ....ومابيج تقعدين معاه ....

دلال : زياد اشفيك ؟؟؟ هذا ريل اختي ...يعني لازم اشوفه بالدخله والطلعة ...اشلون يعني ؟؟؟

زياد ساااكت ....وبعدين قال : ايه....شغله ثانية ...سيارتج مابيج اتسوقينها ....انا راح اوديج وراح اييبج ....وروحي قدمي استقالتج من الدوام ...مابقى شي وانروح امريكا .....

دلال : وليش اقدم استقالتي ؟؟؟ راح اخذ مرافق زوج .....

زياد : لا لا ...قدمي استقالتج ...انا راح امشيلج معاش نفس راتبج ...وانتي قاعدة بالبيت ومرتاحة ....بعد اشتبين ...

دلال اتطالعه منصدمه : ومنو قالك اني ابي اتمشيلي معاش ....وانت عبالك الشغل بس حق الفلوس !!! غلطان ....هذي حياتي الاجتماعية ...هذي شهادتي الي قاعد امارسها ...هناك ربعي ....(تسكت ) اسفة ...انا ماراح اقدم استقالتي ...اذا قربت السفره ...راح اخذ مرافق زوج ...

زياد : حياتج مع زوجج اهم من شغلج .....

دلال : وانا مو مقصره معاك بشي ...بس الا شغلي ...وبعدين شنو اتوديني واتييبني ...وين قاعدين ؟؟؟

زياد : في وحدة بالدنيا ماتتمنى ريلها ايوديها وييبها ....

دلال : اشلون يعني ...؟؟ بروح مستوصف بروح جمعية ...بروح عند اهلي ....وبعدين انتا موفاضيلي اتوديني واتييبني ؟؟؟

زياد : لا لا لا ...منو قال ...انا فاااااااااااااااضي ...وماعندي شغل ...وبعدين لازم نتعود ...لان بامريكا راح يكون الوضع جذي ...

دلال انقمت قلبها ....وحست بضيقه ....وقاعدة اتقول بقلبها ((انا اشلون راح اعيش مع هالمعقد))..وتذكرت كلام مشاري وامها ...وسكتت .....

.................................................. ..

خالد طبعا مثل ما حنا عارفين تخرج ...واشتغل بوظيفة وايد زينه ..ونفسيته عقب الدوام تعدلت نوعا ما ...وبدا يوقف على ريله ....

باجر واهو راد من الدوام على الساعة 2 ......

يدخل البيت .....

خالد : السلام عليكم ....

الام وطلال : وعليكم السلام .....

يروح خالد يبوس راس امه ..ويقعد بينها وبين طلال ....

طلال يطفر خالد ...ويطقه من ورا صوب ارقبته ....

طلال : ها مهندسنا ...اشلون الدوام ....عقب 10 اسنين دراسه...

خالد يبي يطق طلال بنفس المكان....ويتعافرون على ضحك...

خالد يضحك : آ ياحيوان ....

الام مستانسة...ان خالد اشوي رد على طبيعته : ها اشلون الدوام اليوم ...؟؟؟

خالد : الحمد الله تمام ...اليوم رحنا موقع ....عندنا مشروع ...

طلال يضحك ويهز ايدها : ويييييه ...بعد مشروووع ...من متى ....والله وكبر راسك خويلد.....

خالد يطالعه بطرف عينه :غصبن عليك ....

الام : الحمدالله على هاليوم ....

خالد : يما شنو الغدا....حدي يوعان ....

الام : كل خير....يالله روح غير اهدومك ...وتعال....

خالد يقوم ...وبيصعد غرفته ....يوقف...ويلتفت على امه....

خالد : يما منيرة وينها ....؟؟

الام : مارجعت ...بس هذي حروتها ...

خالد : خلاص لاتحطون الغدا الا لماّ اتيي...وعلى ماغيير اهدومي وأصلي...<<< جان يصعد

الام منصدمه اتطالع طلال: سمعته ...؟؟ قال ننطر منيرة ؟؟!!!

طلال يرفع حواجبه مستغرب :زين تطوّر....

الام : الله يهديه ...الله يهديه ....

منيرة تدخل وبطنها اشكبره ...اتسلم وتقعد.....ينزل خالد من فوق ....

خالد يطالع منيرة : قوة ....

منيرة : هلا ....

خالد: عاد توني الحين داق عليج ...ولقيت جهازج مغلق....

منيرة اتوهقت : هاا ...ايه ايه ..مافي شحن ....

خالد يطالع انه : يالله يماا...يت منيرة ...حطو الغدا.....

اقعدوا ياكلون ...ويسولفون ....

خالد : منيرة ...انا بحط راسي وبنام ...لاني تعبان اشوي....قعديني على الساعة خمس...ابي اروح معاج نشتري غرفة حق الياهل... ابي اروح آيكيا...

منيرة اتطالعه طاقتها البوها : وي اشطاري!!!!

خالد : بسوي غرفتها كامله.....وول بيبر...وكرفايه وكبت.. وكل شي من a تو z.....بس مابقا شي وتولدين ....

منيرة : اوكي...

شيخة تدخل واتسلم ....وتطيح عينها بعين منيرة واتصد منيرة الصوب الثاني ....

الام : يالله شيوخة...بسم الله ...

شيخة : لا يما مو مشتهيه ....بروح بنام ....

الام : على راحتج ...اعزلج بالسخان ....

طبعا خالد قرر انا ايغير من نفسه ...وان يتقبل منيرة ...يمكن اهوا مايحبها الحين بس ممكن يحبها بعدين .. وقرر ان يعاملها زين ...ويدوس على نفسه ..لان الي راح راح ...ولايمكن يرد.... هذا الصراع الي بين خالد ونفسه ...


عقب جم يوم ....دلال ابيت اهلها ...زياد قطها وطلع ....وقاعدة ابروحها مع امها قاعدة اتطالع تلفزيون ....بس بالها مو مع التلفزيون ...

دلال : يما عطيني سويج سيارتج ...بروح الجمعية ....

الام : خلي السايق يوديج ....احسن لج ..

دلال : لا لا انا مشتهية اروح بروحي....بشتريلي جم شغله << موقايلتلهم ان زياد قرر ان يوديها واييبها ...اسكتت ...تدري ان محد راح إأيدها ...

راحت دلال الجمعية ....كانت تبي تشتري اشياء ناقصتها ...وتبي اتكون بروحها ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الإثنين مايو 09, 2011 9:25 am


ارجعت دلال بيت اهلها....واول مادخلت البيت ...جان يدق عليها زياد....

زياد : الوو ...

دلال : هلا...

زياد : وينج ...

دلال اتعفس ويها : ابيت اهلي ...يعني ويني ....

زياد : امم ...ماطلعتي مكان ...

دلال ماقالتله لان مالها خلق تحقيق : لا ماطلعت .....

زياد : انزين اشفيج تتكلمين من طرف خشمج ؟

دلال : بس خلاص ...ماعندك غير وين رحتي ووين ييتي ومنو كلمتي ...بس ....مو انت يايبني بيت اهلي !!! خلاص وين بروح يعني.....يعني الناس اول مايدقون يسلمون ...يسألون ....

زياد : اقول تكلمي عدل...اعتقد اني ماقلت شي غلط ...

دلال :..............................

زياد : متى تبين اييلج ؟؟؟

دلال بنفس : مادري ....

زياد : انا بعد ساعة او ساعة وشي راح ايي ....اوكي

دلال متنرفزة: اوكي اوكي....

ادخلت دلال الصالة ...ولقت امها قاعدة...واقعدت على القنفة..كانت دلال شايله الجيس...

امها : الحين صارلج ساعة رايحة الجمعية ...وداخلة مامعاج الا هالغريضات ...

دلال: ايه ..كنت ابي هالاغراض بس....

امها : انزين ليش ماتطلعين ..ماتروحين ....كل يوم يايه اهني وقاعده بين اربع اطوف ...

دلال : شنو يما ..مليتي مني...

الام: لا والله حشا...اصلا انتي امونستني....بس ابيج تستانسين...

دلال حاطة ايدها خدها وضايق خلقها :انا استانس اهني ابيتنا...وبعدين وين اروح يعني ...و مالي خلق اروح اي مكان ....

امها : ليش كله ضايق خلقج وشايله هم الدنيا ...حتى ضحكتج نسيتها ....

دلال مالها خلق اترد على امها...لان ماكو فايدة من الكلام ...واتغير الموضوع : جني شفت سيارة نورة بره ....ردت؟؟!!

الام : ايه توها يايه .....

دلال اتقوم اتروح تصعد فوق عند نورة...اتطق الباب....

نورة تفتح الباب....

نوره : هاااااااااي.....

دلال اتلم نورة حيييل وتبجي....

نورة : دلول اشفيج ؟؟!!! تعالي دخلي دخلي....

دلال وهي قاعدة تبجي وتوطي صوتها : مشاري اهني..؟

نورة : لا لا ...تعالي...

دلال تقعد ....اتييبلها بطل ماي ابراج صغير....واتبطلها اياه...

نورة : هدي هدي...شربي ماي....

دلال تشرب اشوي.....وساكته...ونورة تمسح على ظهرها..هدت اشوي ....

نورة : يالله ...الحين قوليلي ....اشفيج ؟؟؟

دلال : نورو ..تعبانه...احس بختنق....احس بقمته مو طبيعية ...


نورة : منو شنو .....؟

دلال اتطالع نورة : قصدج من منو ؟؟؟

نورة : زياد !!!!

دلال : هذا المفرض اسمه (مرض) ....(لوعه) ....(قمته),,,,

نورة : انزين قعدي معاه ..كلميه... تفاهمي معاه....

دلال: وااي نورة عيزت عيزت...جان الطوفة تفهم اهوا يفهم ...استغفر الله...ماجنه انسان دارس ..مثقف...

تمسح عيونها : مخه مقفل ...مريض ....مرضني معاه ...احس اني مليت ...ماصارلي معاه 4 اشهر بس احس ماني قادره اتحمله .....

نورة : مادري شقولج دلال ....يمكن عشان انتي مومتقبلته....فيكون كلامه ثقيل عليج ....

دلال اتطالعها : حتى انتي نورة!!!! ليش عبالكم ابالغ ...ليش محد مصدقني....يكون ابعلمج ...حتى السيارة مانعني اني اسوقها ...بحجة ان اهوا فاضي ..يوديني وييبني...لاعت جبدي منه....انا متعوده عالحرية ابيت اهلي...مو متعوده احد يحقق معاي ...اوكي له حق يسألني وين رايحة وين رادة ...له حق يمنعني عن اماكن معينه مو عاجبته ...بس مو جذي ..قاموسه كله لأ لأ لأ ....بس ماني قادرة اتحمله ...

نورة : ميخالف دلال ...تحمليه ....باجر يتغير.....

دلال : وليش ؟؟ واشحقه ؟؟ مومجبورة اني اتحمل ....

نورة : شنو الحل تتوقعين ؟

دلال : الحل اني مابيه ...الود ودي اتطلق منه...بس لا امي ولا مشاري راضيين...كله حاطين اللوم علي.....

نورة : لا ..اهما يبون مصلحتج...

دلال: نورة ...اي مصلحتي ؟؟!! انا تعبت ..احس بيصيير فيني ضغط...املوع جبدي...ماتتخيلين اشكثر....بس يراقبني بس يتسمعلي...ايوديني وييبني...وكله مجابلني ....وماعنده سوالف..وكله معصب ومنفس.....لاعت جبدي...لا وبروح معاه امريكا....تتوقعين شنو راح اتكون حالتي...؟!!

نورة : يمكن الغربة اتقربكم حق بعض...

دلال : نورة لاتيننيني...لاتصيرين انتي.. وأُهم.. والزمن علي...

نورة : ميخالف دلال....خنكون واقعيين....يعني شالفايدة تتطلقين وتقعدين اهني بالبيت...الحين منو يبي مطلقة!!! ..سارة متزوجة ولاهية وباجر بتييب يهال وبتلهى ...وانا بييب ياهل وبلهى ...واتغمضين عين واتبطلين عين ...راح تلقين نفسج ابروحج....

دلال:نورة !! انتي المثقفة الفاهمة اتقولين جذي!!! عيل مالومهم!!! يعني ليش عندكم الدنيا توقف عند الزواج ...!!! شالفايدة اعيش بهم وغم...على ابو اني متزوجة!!! شالتخلف... مو مهم عندي اني اتزوج مره ثانية ....عادي...على الاقل احس اني انسانة من يديد ...اكمل دراستي...احقق اشياء وايد انا ابي اسويها .....ماقدر اسويها الحين ....

نورة : مادري عنج دلول....انا نصحتج...بس كل واحد ادرى بمصلحته.....اكيد في اشياء اتشوفينها احنا مانشوفها....

دلال : عليج نور....ياليت تفهمون هالشي...في اشياء ماتبين الا بالعشرة....واهوا عشرته ماتنبغا....اذا الحين ماصارلنا فترة كله اهواش...لا عدينا السنه اشلون ؟؟!!...اهوا اناني مايهمه انا شنو ابي...بس اهم شي شنو اهو يبي.. ماعنده غير انا وانا وانا وانا....لوع جبدي بنفسه ...يمدح نفسه ...ويعدد ميزاته ..وانا كنت اول واحد بدفعتي وانا انشط واحد بشغلي...وانا كل من يتمناني...

نورة: دلال انتي غلطانه بعد ...ليش طاوعتيه من البدايه ...

دلال : طاوعته لاني ابي اقصر الشر!!...لأاني قبلها بيومين كنت مكلمه امي ومشاري وحطو اللوم فيني ....لاني قاعد اشوفكم كلكم مستقرين ومستانسين ...وابي اصير نفسكم ....بس داخل نفسي ادري اني قاعده اقص على عمري....

تسكت دلال اشوي وتسرح ....وبعدين اتكمل : والي عور قلبي اكثر...اني تو امساع شفت خالد بالجمعية ....تخيلي نورو ...قاعد يشتري اغراض حق البيبي ...(اتغمض عينها وتنزل ادموعها) ماتتخيلين اشصار فيني يوم شفته .....

نورة : ايييييييييييه ...قولي جذي من زمان ....كل هاللويه عشان شفتي خالد ....!!!

دلال : نورة قلبي يعورني....يوم شفته حسيت روحي ردتلي...انا ماقدر احب اي احد ثاني....

نورة اتقاطعها : بس اهوا يحب مرته ...ومستانس ان بييله ياهل..ونساج خلاص...اصحي اصحي.....

دلال: اشدراج ...اعيونه قالتلي ان ليلحين يحبني....!!!

نورة: دلول ...مابي اقثج بالحجي....بس اهوا مستانس بحياته ..وانتي ولاتخطرين اباله...وسارة قالتلي.....

دلال : صج ؟؟!! اشقالتلج ....

سارة : ذاك اليوم كنت قاعده اسولف مع سوير...مادري اشياب طاري خالد ...جان اتقولي ان عبدالوهاب قايلها...ان خالد زين مع مرته ومستانس....ومدلعها...وتوه شاريلها مرسيدس G-CLASS...... خلاص...عيشي حياتج ...انسيه....اهوا مايدري عنج <<طبعا عبدالوهاب دايما يقول حق سارة كلام عن خالد..ان سعيد بحياته مع مرته....عشان يخلي سارة اتوصل الحجي حق دلال...ودلال اتشيل من بالها خالد ولا اتفكر فيه...

دلال اسكتت اشوي..واحترت غصبن عليها... واتكمل : عليه بالعافية...بلعكس ..انا استانس اذا عرفت ان اهوا مستانس...

نورة : دلول والله مو قصدي اضايقج ...بس ماحب اشوفج متعلقه فيه....جذي قاعده اتعورين قلبج عالفاضي...

دلال : انا خلاص مات قلبي عقب خالد....بس والله موعشان هالسبب انا قاعدة انتقد زياد...اهوا موزين معاي...اهو شخصية لاتحتمل....ليش اتبلى على الريال يعني...يمكن لو ان طبعه احسن من جذي يمكن جان مع الايام حبيته ونسيت كل شي...يعني انتي مشاري اخوي نساج الدنيا والي فيها ...بس زياد لايطاق....لايطاق...

نورة : امشي امشي خنطلع...خل نستانس...اهوا يرضى تطلعين معاي...خل اندق على سوير ونطلع....

.................................................. ......

خالد قاعد مع عبدالوهاب بالشامية مول.....قاعدين ياكلون ابـ subway....

عبدالوهاب : خلود قولي...ودي اسافر مع المره بعطله الربيع ..وين اروح بو اسبوعين ...مسكينه ابي اونسها عقب الفاينل ...

خالد قاعد ياكل ...يمسح بالكلينكس : جم ميزانيتك ...؟؟

عبدالوهاب : 3 الاف...

خالد يفكر : 3 الاف..اممم ..اشرايك ....بوكيت...لان اوربا برد بالربيع ....

عبدالوهاب : والله بوكيت حلوة .....

خالد : ايه روح بوكيت اسبوع ..الجو عجيب بالربيع ....اصلا حر ...يعني عاادي تقدر تسبح ...وبرشوت وسوالف بحر ....راح تستانس....وبعدين روح بانكوك يومين ثلاث خل تتسوق المره هناك ....والله حتى الفين ماتطلع عليك السفره...

عبدالوهاب حاط ايده على ويها قاعد يفكر: ايه والله ...دششتها ابمخي....

خالد : انت عزّم ...وانا اسألك واحد من الربع ...خبره ..كل سنه مع اهله يروح .....

عبدالوهاب : ايه بعد خل اشاور سارة...يمكن ابخاطرها مكان ثاني....

خالد متردد : انزين على الطاري...ذاك اليوم كنت راح جمعية كيفان وشفت..أخـ.. أختها...

عبدالوهاب كان قاعد ياكل ...بسرعة طالع خالد ...ينطره يكمل...

عبدالوهاب :أيه ؟؟!!

خالد يسوي روحه مو مهتم ..يشرب كولا ..وياكل : اشلونها مع ريلها ؟؟؟؟ <<< صارله مده طويله مو سائل عنها ولا يايب طاريها....

عبدالوهاب : من اي ناحيه ؟؟

خالد : يعني ...مستانسة مو مستانسة.....؟!

عبدالوهاب : ايه زينه مع ريلها...ومابقا شي واتروح معاه امريكا...اهوا ملحق سياسي....<< وعبدالوهاب نفس الشي مع خالد...كان مايبين ان دلال بينها وبين ريلها مشاكل وان اهيا مستانسه مع ريلها ...عشان مايخليه يتعلق باي امل ...وعشان يعيش حياته....

خالد ياخذ نفس : ايييييه ....الله يوفقها ....

صار سكوووت ....

عبدالوهاب : اقول خلود ....شنو راح اتسمي بنتك ؟؟؟

خالد ياخذ نفس : مادري والله ...يمكن اسميها على امي ....

عبدالوهاب : سعاد ...سعوده ...امممم حلو حلو...تستاهل الوالدة...عاد ترضى المره...

خالد : اتخسي اتبطل حلجها ...بعد هذا الي ناقص..هذا اسم امي ....

عبدالوهاب: بس لازم اتشاورها ...يعني اهيا ام البنت ...لازم عالاقل تتناقش معاها...

خالد : امها ماقلنا شي...بس حبيبي الحريم ماينعطون وي..لا قتلها اشرايج...راح افتح على نفسي باب...واتييبلي الاسامي الماصخة مالت هاليومين ...لينا وليلاس وريماس وخرابيط ...مادري فـَـلبّن احنا..

عبدالوهاب : مادري خلود ...بس حرام يعني اهيا اتعبت فيها ...يعني من حقها ان يعجبها الاسم على الاقل...انت كيفك بس هذا رايي...

خالد : انا ماراح اسمي الا اسم انا مقتنع منه....مالي شغل فيها..

عبدالوهاب : اشفيك خلود!! ..انت كل ماتجدم خطوة جدام ترجع 10 ورا ؟؟؟ يعني يوم احسك زين معاها ويوم لأ !!!

خالد : شكوو شكوو وهيّب...لاتطق سالفة بسالفة ...انا عادي اكلمها زين ...وعاملها فوق الزين بعد ...

عبدالوهاب: بس انت ليلحين ماتحبها....!!!

خالد : عاد المحبة من الله ....هالشي لابيدك ولابيدي ولابيد اي احد....المهم اني قاعد احاول ...وقاعد ادوس على نفسي ..على شان بنتي الي يايه بالطريج ...مابي اتعيش بجو كله مشاكل...ومشحون....ومنيرة والله يشهد ان صارلي فتره متغير معاها...بس اني احبها ..عاد هذي يبيلها وقت .....



.................................................. ..........................

عقب جم يوم.. على الساعة 6 المغرب....ابيت ام خالد ......

شيخة قاعدة مع امها.....وقاعدين سوالف وتلفزيون وشاي وقهوة ...كان مافي احد غيرهم بالبيت ...وخالد وطلال طالعين...

ينفتح باب الصاله ...ويلا منيرة توها يايه من بره .....تدخل اتسلم وتقعد ...وبطنها صاير كبير...ويالله تمشي.....وتنسدح على القنفة....
منية : واي تعبانه حدي....بموت من الثقل...

الام :الله يعينج ياعمري... ها...قضيتي شغلج ....؟؟

منيرة : ايه..كان عندي نواقص رحت اكملها....اخاف اولد بأي لحظة...

شيخة موقاعده اتطالع منيرة....قاعدة اتطالع تلفزيون....
الام : رحتي مع السايق مثل ماقتلج..؟؟

منيرة : ايه عمتي...رحت معاه ...صج صج ماعبر اسوق بروحي...طاعي رييلي صايرة اشمتنها من الزلال ....

الام : ايه يما ...يا اتخلين خالد ايوديج ...يا تروحين مع السايق...

منيرة : لا عمتي..من صجج اروح مع خالد ...خالد يومه عن سنه ...مايحك اظهيرك الا اظفيرك ...انا اقضي شغلي بروحي احسن لي.....

الام : خلصتي شغلج كله ...؟؟

منيرة : ايه شغلي مال الاستقبال كله زهبته ...تقريبا خلصت ...

الام : وانا بعد زهبت الاستكانات الزينين والفنايين ..ومطاطيير القهوة والشاي....وطلبت الحلو من من بنت الروضان ومن واو ومن اوبرا وهم خذيت منهم معجنات ...وي هم وانزاح....

الام تلتفت على شيخة : شاركينا ......اشفيج ساكته؟؟

منيرة ساكته ...شيخة ساكته.....

الام اتهز راسها : الله يهديكم بس...يعني انتو مالكم الا بعض...لا انتي عندج خوات ولا انتي عندج خوات....

منيرة : عمتي خليها على راحتها....(اتكمل ) عيل عمتي وين الخدم ؟؟

ام خالد : تلقين قاعدين بالمطبخ ...ليش تبين شي...؟

تلتفت على ام خالد : عمتي ..ايه بقول حق الخدامة اتييب الاغراض من سيارة السايق....واتوديهم فوق....

ام خالد: قعدي قعدي...انا اناديهم .....

يدخل خالد البيت ....يطالع منيرة وشيخة .....

خالد : شيخو ...وين امي ؟؟؟

شيخة بنفسية : مادري يمكن بالمطبخ ....

يقعد بالقنفة الي يم منيرة .....

خالد : شنو توج يايه ...؟؟

منيرة تلتفت عليه : ايه ...كنت رايحة اشتريلي جم شغله ....بس خلصت شغل الاستقبال ......

اتكمل خالد : اقول خالد ...ابي فلوس...حق (الفله) مالت الاستقبال.....

خالد : انا من جم يوم من اسبوع مو معطيج الف ؟؟؟؟

منرة : ايه خلصت ...دفعت باجي العرابين ملوت السوفنيير....والورد....وشريت جم شغله بعد ابيها....اشدعوا اتكفي....

خالد : خلاص بعد اشوي اسحبلج واعطيج ....

منيرة : لا عطني الفيزا مالتك ...مو كل ساع بقولك عطني....انا اذا خلصت منها اعطيك اياها....

خالد يحط ايده بمخبات دشداشته ويطلع بوكه ...ويعطيها الفيزا....
منيرة تخمطها بسرعه : مشكوور.....

دلال تاخذ ايد خالد بسرعة .....واتحطها على بطنها ....

منيرة : شوف شوف اشلون تتحرك واترفس ...واي وازينها .....

خالد يبتسم ....حس بقشعريره من الوناسة ....

خالد : ايه والله ...اول مرة احس بحركتها قوية جذي....

منيرة : لان كبرت...فحركتها صارت اقوى ....

يت ام خالد وشافت منيرة حاطه ايد خالد على بطنها ...وايد وايد استانست ....بقلبها ((الله يتمم عليك ياخالد ..ويحنن قلبك عالى هالبنيه ))


خالد استحى من امه ...وسحب ايده ....

ام خالد : يالله مابقى شي...واتشيلها بيدك ....

خالد يبتسم : ان شاء الله.



عقب اسبوع تقريبا ......الساعة 3 الفير....

منيرة اتقعد خالد ....اهوا معطيها ظهره ...واتهز ظهره ....

منيرة : خالد ...خالد ...قوم....

خالد ناايم ومغمض عينه: هااااا... اشتبين !!!!

منيرة ماسكه بطنها : خالد بطني...بطني يعورني...احس فيني ولادة ....

خالد جان يفز : شنو....؟؟ يالله يالله قومي...غيري اهدومج....خنروح المستشفى...

قام خالد ولبس دشداشته بسرعه ...

منيرة : ييب جنطة الياهل..كاهي عند الباب...

خالد حده مختبص ....ياخذ الجنطة .....

منيرة : خالد ..قولي حق عمتي ...ابيها معاي....

خالد : اوكي...يالله امشي بسرعه ...

منيرة تقعد على الكرسي : اي ماني قادرة ...بطني....

خالد يعلي صوته : يالله قومي...بسرعة ....

يمسكها من ايدها ....ويسندها عليه...ويمشيها .....

واهوا بالطريج يدق على شيخة ...ويقولها ان منيرة فيها ولادة ...خل اتيي المستشفى .....منيرة تبيها معاها...

حده خالد متوتر ...ويحاتي...وداااايس حيل عشان يوصل رويال حياة بسرعة ...والحمد الله ان الشوارع خاليه ......

اوصلوا المستشفى وادخلت منيرة الولادة ....وخالد قاعد ينطرها بره ....اشوي واتيي ام خالد وشيخة ....

ام خالد حدها خاايفة ومتدودها : ها وينها ...دشت الولادة ....؟؟

خالد : ايه دشت ...من اشوي...

ام خالد : اهيا من اليوم المغرب واهيا اتحس بطلوق ...بس ماتوقعت انها ولادة ...توها داشة التاسع ....

خالد : تبيج دخلين عندها .....

شيخة : ليش ماتدخل انت بعد ؟؟؟

خالد : لا انا ماحب ادخل....

ام خالد : وين اروح ....؟؟

ايأشر لها خالد : من اهني....

راحت ام خالد ....واقعدت مع منيرة ..ساعتين وشي تقريبا ...لين اولدت ....

اطلعت الدكتورة ....وشايله البنت بايدها ....وقف خالد ....راح اهو وشيخة صوب الدكتورة ...قعد يطالع البنت ...سرح ...والابتسامة مافرقته ...مع ان البنت توها مولودة ...بس كانت صورة من الجمال..

الدكتورة : شفتها اشلون قمر.....


خالد يبتسم على مستغرب ....ولارد بكلمة ....


اشوي اطلعت منيرة ودوها الغرفة ...وكان خالد وشيخة والام ينطرونها هناك....حطوها على الفراش....كانت تعبانة....

شيخة راحت باستها ...

شيخة : الحمدالله عل سلامتج ....

منيرة : الله يسلمج ....

ام خالد اتطق خالد بكوعها ....

الام : روح بوسها على راسها .....

خالد : يما ..توني شايفها....

الام: اشفيك ...توها طالعه من الموت مسكينه ...بوسها وتحمد لها بالسلامة ...

خالد :افففف انزين انزين ....

راح باسها على راسها ....

خالد :حمدالله على سلامتج ...

منيرة تعبانه : الله يسلمك ...شفت البنت ...؟؟

خالد : اممم ...شفتها....

منيرة : حلوة .....

خالد : ايه حلوة ...تشبهني....

ام خالد : لا والله ...كلها منيرة ....

خالد : اشقصدج يما ...يعني انا مو مزيون ...؟؟

ام خالد : لا ماقلنا شي ...بس ماتشبهك.. تشبه امها ....

منيرة نص عينها امبطله: صج تشبهني عمتي....ابيها....يبوها ....

ام خالد : انتي ارتاحي...اشوي واييبونها .....

صار باجر...كان استقبال منيرة ....ام خالد اصبقت شيخة حق الاستقبال ...لان شيخة كانت رايحة الصالون ...وعلى ماتبدل ...
ام خالد اتدق على شيخة ....

شيخة : الووو هلا يما....

ام خالد : شيوخه نسيت البخور...وانتي يايه يبيه ...ويبي معاج..المفرش البيجي...سألي الخدامة ..انا قايلتلها اتزهبه ...واحسن لج لاتيين بسيارتج ...خلي السايق اييبج ...زحمه حيل...

شيخة : لا ...اشواا قلتيلي ...خلا ص ايي معاه ....

ام خالد : لاتنسين الاغراض.....


خذت شيخة الاغراض الي طلبتها امها ...وركبت السيارة مع السايق....وهي بالطريج ....

السايق : ماما شيكا ....انا بيقول شي....

شيخة : هممم بابو ..شنو تبي....

السايق : انا 17 سنه في اهني بيت ..انا كلو انتو يحبي...بابا كالد(خالد) بابا تلال(طلال) ..ماما سووااد ((سعاد))..كلو حبي...

شيخة : انزين شنو قول...

السايق : ماما انا قلبي في عوّر....واجد واجد....

شيخة : بابو راح تتكلم ويلا لأ ....شنووو؟؟؟

السايق: ماما شيكا...انا كل يوم ودي ماما مونيرا دوام ..سوق..كولو مكان ....

شيخة : انزين ...

السايق : ماما ...ماما مونيرا موزين ...يكلم واحد رجال !!!!!!





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الإثنين مايو 09, 2011 9:29 am


شيخة انصدمت وساكته ...تسمع بابو يتكلم.....

بابو : انا كل يوم ودي يسمع ماما مونيرا يكلم رجال....

شيخة معصبة: بابو...انتا شنو اتقول !!!! عيب هذا كلام ...هذا كلام كبير...يمكن هذا بابا كال( خالد)...

بابو حده يطقطق وميت خرعه : لا ماما شيكا....هذا مو بابا كالد...انا يعرف ....هيا فكّر انا مايعرف ...هي يكلم اهو نفس بنيه ...بس انا يسمع صوت !!!!! انا خوفي يقول حق بابا كالد ...خوفي يصير كبير مشكل ......وانا يخوفي يقول حق ماما سوواد (سعاد) قلبه في عوّر ..وبعدين يسوي انا تسفير...انا يقول لازم يقول انتي....

شيخة بلعت ريجها ...كانت فكره اتييبها وفكره اتوديها...كانت مصدقة السايق...ومومصدقته

شيخة بقلبها (( معقوله !!! معقوله توصل بمنيرة لي هالدرجة !!! ....اتكلم واحد واهي متزوجة ....وعقب ماتغير خالد وصار احسن ...!! هذي شنو تبي بعد ؟ شنو ناويه عليه ....لأ لأ ...انا ماراح استعيل وآخذ خطوة اتحسف عليها بعدين ...لأازم اتأكد بالأول ...وبعدين اتصرف ....))

شيخة اتسوي روحها معصبة حق بابو : انتا شنو قاعد يقول!!!! ياويلك اذا قلت حق احد ...مفهوم ...منيرة وايد زينه ...وهذي بنت خالي عبدالرحمن !!!! انتا يقول هذا كلام مره ثانيه ..انا سوي تسفير ...مفهووم !!!!!! << ماتبي اتقوي شوكته....

اوصلت شيخة المستشفى ....كانت منيرة حاجزة اكبر غرفة برويال حياة والي اهيا الاوركيد مع الحديقة ....والورد الي بكل مكان ...والفله الي اتهبل...والسوفونير الي بأغلى الاثمان ....طبعا كله من فلوس خالد ....كانت شيخة طوول الوقت ساكته ...واتطالع منيرة ....منقهرة منها ...ومنقهرة من نفسها ....واشلون قاعدة تلعب على اخوها المسكين ....الي انظلم بكل شي...وفوق هذا قاعد يدوس على نفسه وعلى قلبه...ويقاعد يسويلها كل شي...بس عشان تمشي حياتهم ....وعشان ينسى الماضي....وعشان اتعيش بنتهم بجو اسري مستقر....واشلون منيرة قاعدة تلعب بذيلها...وقاعده تستغل خالد وتاخذ كل الي تبيه ...والحين اربطته بهالبنت...وبنفس الوقت قاعدة اتعيش حياتها بالطول والعرض ...

راحت شيخة اقعدت يم منيرة .....تبي اتراقبها .....فكانت اتحاول ان اتكلمها ....

شيخة اتدوس على نفسها واتكلم منيرة : منور يابو البنت ؟؟؟ شفتيها ...؟

منيرة تفاجأت يوم كلمتها شيخة ...بس استانست وردت بسرعه : ايه يبوها...من شوي ماخذينها....شفتيها...تشبهني صح؟؟!!

شيخة : ايه واايد ...بس فيها بعد من خلود اخوي....

منيرة : يعني طريقة الشفايف ..بس لون الشعر والعيون ...كلها أنا ....

شيخة : ايه بعد امها.....

منيرة : يابختها ......

شيخة : وحتى لو طالعه علينا هم يابختها....

منيرة ماصدقت شيخة اتكلمها وعلى غشمره : وااي يما منج ملسونه (وتبتسم)

واقعدوا يسولفون مده لين اشوي اشوي طاح الحطب ....وكانوا الناس إيون يسلمون ...يقعدون اشوي ويمشون....

منيرة حق شيخة : ....دزيتي مسجات حق البنات ؟؟

شيخة : ايه دزيت لهم كلهم ...الي معاي بالبي بي ...والي مو معاي مسجات ...

منيرة : أهم شي دزيتي حق دلول .؟؟؟

شيخة : اي دلال ؟

منيرة : وااي شيخو ..اي دلال يعني ....دلال فيصل الــ ...بنت ييرانكم .....؟؟!!

شيخة منبطة جبدها : ليش أهم شي ؟؟؟ انتي اشعليج منها ؟؟؟

منيرة : أبيها اتعرف اني ولدت ...ابيها اتيي..ابي اقرها ....

شيخة : وااي منور...ليش تنقهر ...اهيا خلاص اتزوجت ...اشعليج من البنيه ..؟؟!! حرام عليج ....وبعدين ماتوقع انها اتييج ...ايها ماتحبنا ....

منيرة اتطالع شيخة بطرف عين : عشتووو ...شالدفاع المستميت ...؟؟!!!

شيخة : لأ مو دفاع....بس حرام ..البنيه ماتدري عنا..خلاص مالنا شغل فيها....وجنه أمي دقت على امها أمس ...اكيد اعرفت ....

(( أمس ))

يرن تلفون بيت اهل دلال .....تشيل الخدامة التلفون .....

الخدامة : لأ ماما مشاري مو موجود ...في هني دلال ....

الخدامة تعطي دلال التلفون ....

الخدامة : دلول ..هذي ماما فريند ....

دلال : الووو.....

.... : هلا ومرحبا ....اشلونج عساج طيبة ....معاج ام خالد ....ييرانكم !!!

دلال تبلع ريجها ..حست بغصة : هلا والله خالتي ...اشلونكم ...اشلون العيال .؟؟

أم خالد : الله يسلمج ...كلنا طيبين ...انتي اشلونج ؟؟ اشلون ريلج ؟؟

دلال : الحمد بخير...الله يسلمج...

أم خالد : عيل امج مو اهني ؟؟

دلال : لا والله ...بس رايحة مشوار قريب ويايه ...تبين ابلغها شي ؟؟!!
أم خالد : ايه والله ..صاير جنتي مـــــــرت خـــــــــالــــــد اولدت ...حبيت اعزمها على الاستقبال ....

دلال حست جنه احد كات عليها ماي بارد :أيــ ....أيه ...بالمبارك ...الحمد الله على سلامتها ...(اتسوي روحها عادي وريلاكس ) شنو يابت ؟؟؟

أم خالد : بنيه ....

دلال بغصة : تتربي بعزكم ان شاءالله ...

ام خالد على ضحك : هااا ماكو شي بالطريج ....؟؟

دلال : لا والله ...الله كريم ....

ام خالد : وي توج عروس..استانسي ...

دلال : على قولتج خالتي.....

أم خالد : يالله عيل ياعمري ماطول عليج ..لا تنسين اتبلغين الوالدة ....وها دلولة ...لاتخلين ...انتي وسارونه ومرت اخوج ....ايه صح نسيت ...بمستشفى رويال حياة .....وانا بعد بطرش مسج ...يالله عيل اشوفكم باجر ان شاء الله .....

دلال انجرجت: ان شاء الله خالتي ...




دلال انحرجت من ام خالد حيل...لأن لزّمت عليها انها اتيي....وهم ام دلال قالتها لازم اتيين ..على قولتها انتي صرتي مره ....وسارة لازم اتروح عشان خالد رفيج عبدالوهاب حيل ...فارتاحت دلال ان سارة معاها..ودلال حابه اتبين حق منيرة ان الوضع عادي وطبيعي...وان مابينهم شي..فقررت انها اتروح ....وكان في سبب ثاني بعد ...

كان ودها اتشوف بـــــــــــنــــــــــت خـــــــــالـــــد.......


.................................................. .............


منيرة حق شيخة : وي طاحت علينا السمااا..من متى ؟؟...قمنا انقول حرام بعد ..من متى هالحب الزايد حق دلول ....

شيخة : لا حب زايد ولا شي....انا قلت الصج ....

منيرة ماعجبها ...اسكتت ....ماكو اشوي ويلا تدخل ام خالد ودلال وسارة ....

منيرة : وااي مصيبة عمرها طويل...لو طالبتلي مليون أبرك !!!

شيخة بقلبها عن منيرة(( مالت اقول بلا مالت ...من زينج عاد)).......


سلمو على ام خالد عند الباب....بعدين راحوا عند فراش منيرة ....

ام خالد سلمت وبعدين سارة ..وبعدين دلال ....

دلال الكلمة طالعه منها بالغصب : الحمدالله على سلامتج ...مبروك ماياج ...

منيرة بدلع : الله يبارك فيج حبيبتي ...


وتقعد دلال .....

أم مشاري : ها منورة اشلونج ...اشلون الولادة ....؟؟!!

منيرة تبالغ وتدلع : واااي واااي...لا خالتي ...بغيت اموت ....واي موصج العوااار...ماتوقعت لي هالدرجة ...وانا بس اصارخ ...بعد قلبي خالد ...لاتشوفينه رايح راد ....حتى دمعته انزلت من كثر ماعورت قلبه ...

شيخة بقلبها ((جذابه))

دلال نزلت راسها ....حست بضيقة قوية ونبضات قلبها اتدق بسرعة ...

ام مشاري : اي اشحسبالكم ....مو سهلة الولادة ...وانتو الحين كمام وابرة ظهر...احنا وعليا علينا ...من غير ولا شي...


منيرة : لا والله خالتي ...حسيت بكل شي.....

أم مشاري: شنو سميتوها ....؟؟؟

منيرة : والله مادري خالتي....ليلحين انا وخالد ماستقرينا على اسم ....محتارين ...بس اهوا قالي على كيفج الي تبين ...

اتحط ايدها على حلجها جنها بتساسر ...بس لأ اهي قصرت صوتها : بس شكلي بسمي على عمتي...بونسها.... (تغمز )...

طبعا خالد اهوا الي قايلها ان احتمال كبير يسمي على امه ...وايها ماودها بالاسم ...واتسوي روحها جدامهم انها الطيبة ...الي تبي اتسمي على خالتها...

سارة تلتفت على دلال وشوي شوي : ودي اصدق ..بس ماقدر...جذابه من عينها ....

ام مشاري : ويه ياحلوج ...المهم الصحة والعافية ...

منيرة اتطالع دلال وبخبث : ان شاءالله اتجربينها قريب....

دلال اتهز راسها وبصوت واطي : ان شاء الله ....

سارة كانت حاسة باحساس دلال وطول الوقت اتطالعها ....كاسرة خاطرها ...وحاسه بحقارة منيرة ...

كانت سارة ودلال يايين بسيارتهم ...وامها مع السايق...عشان كانوا بيطلعون من المستشفى وبيسوونلهم جم شغله ....

قامت سارة ...جان اتقوم دلال ....

سارة من بعيد : يالله عيل مع السلامة ....تطلعين من باقي شروره...

دلال : مع السلامة .....

اطلعت دلال وسارة ....وعطوهم سوفونير الي كان عبارة عن علبة مخمل لونها فستقي فاتح....ومطبوع عليها بالسلفر
…(baby's al-….2009)


وداخل العلبة كاكاوة من fauchon ...شمعه على شكل مصاصة...ودهن عود .....

سارة اتطالع دلال : ترا اخذي وشكي ..ثلاثة ارباع الحجي جذب ....

دلال متأثرة : حتى لو صج ....شنو بغير بالموضوع .......

دلال : ساروو ...ودي اشوف بنت خالد ...

سارة اتطالع دلال : دلال انتي ليلحين اتحبينه ؟؟!!

دلال ساكته وماعلقت ..بعدين تنطق : بروح انشوفها ويلا لأ ؟؟

ساره اتطالع دلال ...ودها اتقولها لأ ...ماتبيها تتعذب على الفاضي ...وبنفس الوقت ماتبي تدقرها ...تدري ان دلال ليلحين اتحب خالد ...بس لانها وفية حتى حق الانسان الي ماتحبه (زياد) ماتطلع منها الكلمة ...ولاتقدر اتقول (( ايه ليلحين احبه ))...

سارة ساكته ....يدق موبايل سارة ....

سارة : هلا حبيبي....

عبدالوهاب : هلا حياتي ساروونه ....ها وينج ؟؟

سارة : توني طالعة من الاستقبال ...

عبدالوهاب : طلعتي بره المستشفى ....؟؟

سارة : لا ....ليلحين بالمستشفى ....ليش ؟؟؟

عبدالوهاب : تعالي حبيبتي جناح الاطفال ....انا هناك ...تعالي شوفي البنت اتهبل ماشاء الله ....

سارة اتطالع دلال ..واتأشرلها ....

اوصلت دلال مع سارة ....سارة نست تسأل عبدالوهاب منو معاك ...ونفس الشي عبدالوهاب نسى يسأل سارة منو معاج ....كان خالد موجود مع عبدالوهاب ....دلال يوم شافتها كان ودها تركض واتخليهم ...ماودها تنحط بهالموقف ...ماودها اتشوف بنت خالد جدامه ....بس خلاص شافها ....صار لحظة صمت ....عبدالوهاب توهق وسارة توهقت ...ودلال حيييل انحرجت ....

عبدالوهاب : السلام دلال ...اشلونج ..؟؟

دلال : تمام ....انت اشلونك ؟؟

عبدالوهاب يطالع خالد متوهق : الحمدالله....(يكمل ) سارونه ..تعالي تعالي شوفي البنيه ....
سارة اتطالع دلال : تبين اتيين ؟؟

دلال اتهز راسها جنها اتقول لا : انطرج اهني....<<<ماتبي اتشوف بنته جدامه ....ماتدري اشلون راح اتكون ردة فعلها ....

مسك ايدها ...وراح صوب الزجاج مال غرفة اليهال عشان اوريها ....لاتشوفون ويه عبدالوهاب كان مستانس ...جنه اهوا الي يتله البنت مو خالد .....

عبدالوهاب : سارون ...شفتيها اشلون اتينن ....

سارة قاعدة اتفكر بدلال ومتوتره اشوي : ايه ..ماشاءالله ...

عبدالوهاب يمسك بطن سارة من غير محد يشوفه : يالله سوير ..متى ؟؟؟

سارة تبتسم : ان شاء الله ...ان شاء الله قريب .....

تلتفت سارة على دلال ....كانت واقفة اشوي بعيد ....دلال تبتسم حق سارة ...

سارة اترد اتطالع البنت مره ثانية .....

دلال كانت مربعة ايدها ...ومنزله راسها ....وكان خالد يمها تقريبا ....

خالد بصوت واطي : شلونج دلال ؟؟

دلال ترفع راسها اشوي وتطالعه ...تبلع ريجها : اممم .. << ماقدرت تتكلم ...ردت نزلت راسها ...

خالد يطالع دلال : ليلحين لابسته ؟؟

دلال اتطالعه مستغربه : شنو ...؟؟

يأشر على ايدها ......

خالد : الدبلة ...الدبلة الي شريتلج اياها ...ليلحين لابستها ؟؟؟

دلال اتطالع ايدها ...اتنزل ايدها ...واتحاول اتخشها....

اصلا دلال ولاعمرها افسختها ....حتى كل يسألها عن الدبلة الي اهوا شاريها ....بس تتحجج ان هذي الدبلة عملية !!!!

خالد : حتى أنا ..... << يرفع ايده يوريها صبعه....

يكمل : ولا راح افسخها طول عمري.....


دلال اتلف ويها ......

خالد : لومنيرة اتييبلي عشر صبيان ...ما تنسيني اياج ...

دلال تسمعه واتغمض عينها .....تنزل دموعها....


خالد ياخذ نفس ياخذ نفس :آسف ...و المفروض اقول هالكلام ..مو من حقي.... <<< يلف ويها...ويرجع شعره بيده لي ورا حيل ...وحده مخنوق....


اتيي سارة وعبدالوهاب....يشوفون اشلون ويهم معتفس....

عبدالوهاب مخترع : اشفيــــــــــــكــــــــــــــــم !!!!

عبدالوهاب يطالع خالد ...ويهز راسه ....وسارة اتطالع دلال...تمسك ايدها ...وتمشي بسرعة .....

يوصلون سيارتهم.....سارة الي كانت قاعدة اتسوق.....

سارة معصبة : دلول ...ليش جذي...؟؟؟ ليش تنزلين ادموعج جدام خالد ....ليش اتنزلين نفسج حقه ...؟؟؟

دلال تبجي من غير صوت ....وقاعده اتطالع جامتها....وموقاعدة اترد على سارة ......

سارة : ترا بطيتي جبدي دلول...اكيد بينتيله انج ميته عليه ...وانج ليلحين اتحبينه ..!!!! ترا اهوا مايحبج ...يحب مرته ...انا ولا مرة قتلج ...بس ترا عبدالوهاب كله يقولي ان اهوا يحب منيرة ....ويموت عليها ...ومدللها...

دلال بالها مو مع سارة ...قاعدة تتذكر خالد...وكلامه ...محد يقدر يعرف الي بقلوبهم غيرهم ....دلال تدري ومتأكدة أن خالد ليلحين يحبها ....وخالد يدري ومتأكد أن دلال ليلحين اتحبه ...لأو هالدنيا كلها حاولت تثبت العكس....عشان جذي دلال كانت تبجي...لان تدري ان ماكو فايدة من الكلام ....وان الحب الي بقلبهم راح يظل بقلبهم ...وان مافي اي احد بالدنيا يعوضهم عن بعض...

دلال تمسح دموعها : خلصتي من كلامج (اتطالع سارة)...مابي اسمع شي زيادة...اهوا يحبني...وانا احبه <<< خلاص ماقدرت اكثر اتخش الي بقلبها....

اتكمل دلال: ولا احد يقدر يقنعني بالعكس ..مهما حاولتوا ....انتي وعبدالوهاب ونورة ...انتو بعد تدرون بهالشي...بس اتحاولون اتخلوني انساه او اكرها....بس ماقدر...

اتطالع سارة : تقدرين تكريهين عبدالوهاب ؟؟

سارة مستغربة : دلال ..عبدالوهاب ريلي ؟؟!! لاتقارنين ...

دلال اتطالع جدام وعيونها تلمع : انتي صارلج جم شهرين معاه وحبيتيه ..وادري ماتقدرين تستغنين عنه .....وانا صارلي معاه خمس سنين...واهوا حب حياتي كلها....

سارة ساكته :....................

دلال : لاتتكلمون بشي وانتوا موحاسين فيه ....انا ماعندي غير دموعي الي تريحني....ماعندي غير ذكرياتي معاه ...بس...ماغلطت ..انا خالد من اول ماتزوج مارفعت عليه التلفون...ولاحتى دزيتله مسج ولا اهو بعد ...لان انا متربية واعرف الاصول والسنع..ولان طبعي وفيه....بس الي بقلبي بقلبي....ماقدر اغيره....



باستقبال منيرة ...وعقب ماراحو الضيوف...بس ظلت شيخة ومنيرة ..وام خالد ...وبعض الاهل القراب حيل....شيخة كانت اتراقب منيرة ...اذا دق موبايلها تسمع منو اتكلم ...بس ماقدرت اتصيد شي عليها .....

منيرة : واااي عيزت من القعدة ....احس ريلي تيبست ....

ام خالد : قومي قومي تحركي اشوي...طلقي رويلاتج....

منيرة اتحاول اتقوم من الفراش : ايه والله ..وبعد ابي اروح الحمام...طول الوقت ماسكة نفسي....

ام خالد : قومي شيوخة ...ساعديها فقيرة .....


اتقوم شيخة تمسك منيرة واتوصلها لي باب الحمام ....

شيخة : انطرج بره ...

منيرة : اوكي...اذا ابي شي اصوتلج ....

شيخة : اوكي ....

سكرت الباب ....وشيخة كانت طول الوقت اتطالع موبايل منيرة ...واول ماسكرت الباب ..جان تمسك موبايل منيرة...واتحاول اتعبث فيه ....بس حسافة ...كان مقفول ...لازم باسوورد ...ضاااق خلقها...كانت ناطره اللحظة الي تمسك فيها موبايلها...حست بخيبة أمل ....فجأة جان يتص احد على موبايل منيرة ...وكان هزاز ....ومخزن بأسم نورة ...شالته ...

شيخة : الووووو ....

.......: .................


محد رد على شيخة ...اهني شيخة شبه تأكدت ...وراح تتأكد أكثر إذا دقت على الرقم ....لأنها احفظته .......





اسفطت سارة عند بيت حمولة دلال .....دلال اتبطل الباب تبي تنزل ....

سارة : دلول لاتضيقين خلقج .... الله ماياخذ شي الا يعطيج احسن منه ....!!!!

دلال ماتكلمت ...ابتسمت ...وانزلت .....

ادخلت البيت ...بطلت باب صالتها ....ويلا زياد قاعد ينطرها....وكان لابس دشداشته...ليلحين مافصخها ...

دلال : السلام ....

زياد : وعليكم السلام .....(يطالع ساعته) جان ماييتي احسن ....

دلال : توها الساعة ماصارت11...وانا قتلك بقضي لي جم شغلة ...مابقا شي على سفرتنا....وانت شكلك توك ياي...

زياد يقوم من مكانه ...ومبين انه معصب :لا موتوني ياي... وانزين ياحلوة ...ليش لما ادق ماتشيلينه ...؟؟؟

دلال : لاني كنت ناسية موبايلي بسيارة اختي.....وماشفته الا عقب ماخلصنا كل مشاويرنا ......

زياد : اممم حلو....وماتعرفين اتدقين يوم شفتي رقمي....

دلال : مالي خلق تحقيق جدام اختي....

زياد : ويلا في احد ثاني اهم مني !!!!

دلال اتطالعه مستغربة : شنووو ؟؟؟ اشقصدك يعني ؟؟؟!!

زياد : عااد فهمي الي تفهمينه ....

دلال : قصدك واااحد ...انا اعرف واااحد؟؟!!!

زياد : تصرفاتج اتدل على هالشي ...!!!

دلال تضحك على استهزاء : حمدالله والشكر...عشان مارديت عليك ...ًصرت اعرف واااحد ...اممم شي جميل....كل يوم عن الثاني تثبتلي انك مريض ....

تعطيه ظهرها وتمشي...بتروح غرفتها ......

ايرها من ايدها حيل ...

زياد يصرخ : انا لما اتكلم ..تنثبرين اتكلميني ...مو تعطيني ظهرج وتمشين ....!!!

دلال : لاتصرخ علي لوسمحت.....

زياد : تحترمين نفسج ماصرخ عليج .....

دلال : اقول هدني هدني...ترا والله حدي مالي خلق اتهاوش معاك ...

زياد يهزها من ايدها حيل : احترمي نفسج ...وتكلمي عدل....لاوالله اتشوفين شي ماعمرج شفتيه ....

دلال : شنو بتسوي يعني ...مابقا شي ماسويتا.. حتى بأخلاقي وشرفي قاعد تطعني...بس بقى انك اتطقني...يالله طقني طقني ..!!!!

زياد ويها احمر وحده معصب : ايه اطقج ...وادوس ابطنج اذا مو عاجبج !!!!


اتطالعه بطرف عين ..وتبتسم : فيك خير سوها !!!!

اتوخر ايده...اتخليه وتمشي .....وتعطيه ظهرها .....

جان يمسكها من شعرها ....ويعطيها طراق على ويها ....

زياد يصرخ : دلوووول لا تطلعيني من طوري .....صيري آدمية احسن لج ....

دلال اتطالعه منصدمه .....وحاطه ايدها على ويها .....

دلال : انت من صجك اتمد ايدك علي ....اشلون تتجرأ !!!!


زياد توتر يوم طقها .....يطالعها اشلون معصبة...

زياد متوتر : آسف ...آسف ماكان قصدي....بس انتي طلعتيني من طوري...

دلال : انا الغلطاانه الي اعيش مع واااحد مريض نفسي مثلك ...

اتروح صوب طاولة صغيرة يم الباب ..فيها سويج سيارتها ....تاخذه ....

زياد يروح صوبها يمسكها ....

زياد: دلال تعوذي من ابليس ...انا ماكان قصدي...انتي استفزيتيني...

دلال : ماتوصل انك اتمد ايدك علي!!!..بس كفاية ...ماتهون علي نفسي اعيش مع واحد شكاك ومريض نفسك .. انا بروحي متحملة طبعك الخايس...هالدور اتمد ايدك ....لا بالله اكملت !!!!

تبي تفتح الباب ....تلتفت عليه ....

دلال : مابيك ...انا اكرهك....ابيك اتطلقني.....

زياد يروح صوبها ويلمها من ظهرها : دلال ..لاتقولين جذي...والله اني احبج ...اموت عليج ...ٍتحملي طبعي....

دلال اتغمض عينها وحدها لايعة جبدها : وخر عني....انا مابيك ...ومومجبوره اتحمل طبعك ....انا مـــــــــــــــا احبك ... غصب... ما أحبــــــــــــــــــــك !!!!

تفتح الباب...ويلا خالتها وحماتها..واقفين عند الباب..كانوا يايين ركض...يسمعون اصراخهم ....

خالتها : اشفيكم يما دلال ...اشصاير ؟؟؟؟

دلال ماترد ..اتنزل راسها وتمشي .....

زياد : دلال لحظة .......لحظة .....

فجأة تسمع دلال صرخة زياد...صرخة وحدة ....

تلتفت دلال ...ويلا تلقا زياد طااايح بالارض...وقاااعد يرجف يرجف ...وعينه صايرة كلها بيضه ...

الام اتقوم وتوخر الكرسي والطاولة الي يمه...

قامت مها افتحت ازرار الدشداشه...وافصخت نظارته... وخلته ينسدح على جنب...وارفعت راسه اشوي...

دلال حدها خافت ...قربت يمه ....

اخت زياد (مها) اتصرخ : لا تجيسينه ......


يظل على هالحالة اقل من دقيقة .....وبعدين يغمض عينه....واشوي ويبطلها ...يشوف دلال يمه قاعدة على ركبها ...وقاعده اتطالعه ...وامه واخته حواليه...ترفعه امه اشوي...واتخليه يقعد ....يطالع دشداشته ...ويلا كلها عزكم الله (بول) ....

كان قاعد يطالع دلال وامه واخته ...وحده منحرج ...جان تنزل دموعه....

دلال نزلت راسها مده...مهي عارفة شنو اتسوي...بعدين حاولت اتسنده على جتفها ..وراحت معاه الغرفة ...وخلته ينسدح بالفراش...وغيرت اهدومه....واقعدت معاه لين نام.....

اطلعت دلال .....وكانت الام ومها قاعدين بالصالة ...كانت دلال ليلحين منصدمة وموعارفة اشلون تتصرف....يوم شافته الام طالعة من الغرفة...

الام ضايق خلقها : نــــام ؟؟؟!!!

دلال اتهز راسها : ايه....

الام : تعالي بنيتي ...قعدي يمي بكلمج .....

دلال اقعدت وحدها مقموته ...ودها اتصرخ واتطلع كل الي بقلبها ...

دلال : ليش خالتي...ليش يا مها ؟؟!! ليش ماقلتولي ان فيه (((صرع))) ...

مها والام ساكتين ....موعارفين شنو يقولون ..لان الموضوع مايترقع....

مها : والله عيزنا من زياد ...وقلنا له ...بس ماكان راضي.....يقول ان مافيه شي...

دلال اتطالعهم منصدمة : اشلون ....؟؟!! هذا غش...اشلون ماتقولون لنا ؟؟!! هذي الامور مايصير تنخش؟؟!!!

الام اتدمع عينها :اهوا فيه هالشي من كان صغير...ومن يومها واهو ياخذ ادوية بانتظام ...ولا احد يدري الا انا واخوانه.. ولله كنا ناويين اذا خطبنا اي بنت ..انفاتح اهلها بالموضوع ....بس زياد يوم شافج ...تعلق فيج من البداية ...وخاف ان انقولكم وماتوافقون ....فـــا....

دلال اتقاطعها : فا قررتوا انكم تسكتوون !!!!!!

الام تمسح دموعها : انا أم ...اتعرفين شنو أم ...اضطريت اني اسكت عشان ولدي....اهوا حيل حساس من هالناحية .....(تسكت اشوي) ماتوقعت اتييله نوبة صرع.. اهوا من زمان مايتله....قلت يمكن ماتييله مره ثانية..مادري..مادري... يمكن عشان انفعل....

دلال : خالتي الله يهداكم ... وحتى انا بنت وعندي أم ...وامي لو اعرفت راح تحتر على شاني !!! حطوا مكانكم ابمكاني؟؟!! شنو راح اتكون ردت فعلكم !!!! ويلا علشان اهوا ولدكم قاعدين اتبررون ؟؟!! |(اتأشر على مها) يعني لو مها منحطه بهالموقف...شنو كنتي راح اتقولين !!!؟؟؟

دلال اتكمل : خالتي ...ادري انج ام ...والام دايما اتبرر حق اعيالها ...بس الصراحة خالتي...زياد موطبيعي...(اتحط دلال ايدها الثنتين على ارقبتها) خانقني ...قامتني...ماصارلنا مده متزوجين وقاعد يسوي فيني جذي...حتى قام يطعني بشرفي ومد ايده على وماصارلنا 4 اشهر مع بعض.....!!!!!

الام ساكته مدة ...: اهوا هالشي واايد مأثر فيه ..ومسويله حاله نفسية ...دايما يحس بالنقص ...ويحس ان موكامل...وان الناس اذا اعرفوا بالي فيه راح يوخرون عنه ...

الام اتروح عند دلال وتمسك ايدها الثنتين : والي يسلمج دلال ...لاتخلين ولدي بهالوقت ...ترا اهوا واايد يحبج ..وانا ولا مرة شفته يحب شخص هالكثر....على الاقل مو الحين ...او بالتدريج ...والي يسلمج ....

دلال حيل انحرجت من خالتها ...كانت خالتها وااايد طيبة وحبوبة ...وانحطت دلال بين نارين ...وهم زياااد وااايد كسر خاطرها ...واعرفت ليش اهوا كله يشك ومو واثق من نفسه ...لان هالشي كان مأثر عليه واايد....

دلال اتهز راسها وتدمع عينها : ان شاء الله خالتي...راح احاول....راح احاول....

راحت دلال غرفتها ....وكانت مشغله ليت الاباجورة ..اقعدت على طرف الفراش...وقامت اتطالع زياد واهوا نايم ....وايد وايد عورها قلبها ...وكسر خاطرها ....جان اتقوم اتبوسه على خده ...واتلحفه ....واتنام يمه بالفراش.....


.......................

بالمستشفى ....تقريبا الساعة 11 ونص....وعقب ماراحوا كل الناس...بس بقت شيخة وام خالد ....وخالد يالهم تالي....كان حده مزاجه متعكر عقب مااشاف دلال ....دخل خالد الغرفة ...

خالد : السلام عليكم ....

كلهم : وعليكم السلام ....

خالد يطالع امه : ها ..اشلون استقبالكم ؟؟؟

الام : ماشاء الله ...كل شي ايهبل ...كل من اعجبه .....

خالد يطالع منيرة : استانستي.؟؟ هذا الي تبينه .....

منيرة قاعدة ماسكه موبايلها وقاعدة اتدز مسجات : ايه اشواا ...في نااس اطلعو من اهني ميتين حره ....

خالد: الحمد الله والشكر...يعني انتي اتسوين جذي عشان اتحرين الناس ويلا عشان انتي اتحبين الزين ؟؟!!!

منيرة : هذي وهذي....؟؟؟

خالد يهز راسه : حريم حريم ...ان كيدهن عظيم ...

اشوي ويبون البنت ....لاتشوفون وي خالد ...يحس ان الدنيا مو شايلته من الوناسة .....قامت ام خالد وشالتها ...وقاعدة اتلعبها ...وبعدين راحت صوب خالد وحطته على حظنه ....

خالد : لا يماا انا اخاف اشيلها ...ماعرف ...

ام خالد: ماتعرف ..بس لازم تتعلم ....

كان قاعد يطالعها ...وعيونه تلمع من الوناااسه ....ويبتسم ...مو مصدق ان هذي بنته ..من لحمه ودمه ....

خالد يكمل : يما..انا نطرت منور تولد عشان اشاورج ...اشرايج ...راح اسمي البنت عليج ((سعاد))....

ام خالد : لا لا يما ...شنو سعاد ..هذي ويها وي وحده اسمها سعاد...شقره وبيضه وعيونها ملونه...سمها هالاسامي اليديدة الي اتونس...ليش اتعقد البنية ....وادري ان منور موبخاطرها الاسم ...

منيرة خامرة ...ماتكلمت ...يعني السكوت معناته الرضى ...والاسم مو عاجبها ....

خالد : ليش كاهي سعاد حسني ....في احلى منها بالدنيا ؟؟ والناس يحلفون براسها ...وكفايه ان اسمج ..اسمج الي يحليها اصلا...ومنيرة عااد كيفها عجبها ويلا ماعجبها ...البنت بنتي وشايله اسمي...

ام خالد : لا لا ..اسمي داااثر... وانا امك ...مايصيير لازم تتشاورون ....وبعدين انا ليلحين ما مت ...اشلون اتسمي علي انا عايشة..هااا؟؟!!!

خالد : ويه يماااا .....شخباري هالسوالف...لا لا بسمي عليج...

ام خالد : لا والله ...مابيك اتسمي علي...انا اسمي مو عاجبني...لو حصلي غيرته...شوفلك اسم ثاني وسم البنت ....

خالد يسكت مده ......يلتفت على منيرة ....

خالد : السالفة يت من نصيبج ...شوفي اسم حلو حق البنت خل اسميها ...بس مابي اسم مااايع ...شوفي اسم حلو وله معنى ....

منيرة : صج ....وناااااااااسه ...خلاص انا في اسم ابالي عاجبني...

خالد : شنو اهو؟؟؟

منيرة : (جوى) ....عاجبني اسم جوى ..

خالد : لا يبااا ...شالاسم البايخ.....

منيرة : بلعكس ...انا عاجبني ...ومعناته اعلى مراتب الحب ..يعني العشق !!!!

خالد ياااخذ نفس ...يطالع امه : اشرايج يماا ...

الام : والله كيفكم ...الاسم الي ايووزلكم ...البنيه بنيتكم ....

يطالع شيخة : اشرااايج شيوخ ؟؟

شيخة ترفع جتفها لي فوق ....وحدها مالها خلق منيرة : كيفكم ....

خالد يطالع البنت..ويجرب الاسم عليها : جوى...جوى ...


يروح باله بعيد ....يتذكر يوم كان يكلم دلال ...

خالد : واااي دلول...ابي اول مانتزوج تحملين على طول....

دلال : بس عااد ...عيب ....

خالد : شنو عيب ...ابي عقب 9 اشهر من زواجنا اتييبيلي بدور (بدر)
دلال تضحك : والله مو بيدي بنت ويلا ولد ...واذا يبت بنيه ...شلون يعني ...ماتستانس ؟!!!

خالد : اممم ...امبلا استانس...وخصوصا اذا كانت تشبهج ...

دلال تضحك حييل : يما منك ....انزين شنو انسميها ...؟؟!!

خالد : دلال ....

دلال : لا خالد ...صج ...شنو انسميها ...خو الولد امسمي نفسه (بدر) ..والبنت ....؟؟

خالد : مادري كيفج ...انا بسمي الصبيان ...وانتي سمي البنات ...

دلال : ليش تعال ...الي يسمعك اتقول سمي البنات وانت اتسمي الصبيان ...جم واحد ناوي انييب ؟؟؟

خالد : عشر ...5 صبيان ...و5 بنات ....

دلال تضحك : لا وانت الصاج ...كملهم خل يصيرون درزن !!!!

خالد : ياااحلوج وياحلو عيالج ....(يسكت اشوي) يالله ماقلتيلي ...شنو اتسمين البنيه ...

دلال تفكر : امممم ..ابي اسميها (لولو) على يدتي لولوة الله يرحمها .....




ام خالد : خالد ...وين رحت ؟؟؟

خالد : هلا يما ...سرحت اشوي ....خلاص باجر اروح اسميها (لولـ..) اقصد جوى....

..........................................

باجر الصبح ......دلال كانت قاعدة امبجر....اصلا اهيا طول الليل مانامت عدل...بس قاعدة اتفكر بسالفة زياد.....وحتى لمن اقعدت كانت قاعده بالفراش...حست ان زياد قعد من النوم ....قعد على الفراش ومنزل ريله على الارض.....يبي يقوم ...وكانت البردة اشوي امبطله ..و نور الشمس داخل اشوي بالغرفة...يتله دلال من ورا ...ولمته من ظهره...

دلال : صباح الخير.....

زياد ساكت ...ومنزل راسه .....

زياد منكسر : مو كنتي بتروحين بيت اهلج !!! يالله روحي ..ويلا عشان كسرت خااااطرج ......

قامت دلال وانزلت على الارض...وجابلته...ولمته من بطنه....

دلال : لا ماكسرت خاطري ...بس انا كنت معصبة اشوي ...والحين هديت ...

زياد ساكت وقاعد اتدمع عينه ...ولاف ويها الصوب الثاني : اذا بتقعدين على شان انا مريض روحي....انا ماحب اكسر خاطر احد...لان انا مافيني شي....

دلال : ادري ان مافيك شي....وهالشي الي صار عادي...يصير مع ناااس وااايد ...وماراح يغير نظرتي لك ...انت انسان ناجح بحياتك ...وعملك ودراستك ...اصلا انت كل بنت تتمناك ....

زياد اتطيح ادموعه على شعرها : لاتقولين حق احد !!! ولا اقرب الناس لج ....

دلال ترفع راسها اتطالعه : اصلا انا نسيت السالفة ....

دلال كان معورها قلبها على زياااد ...وكااسر خاطرها ..لان افهمت نفسيته ...واعرفت ليش ايسوي جذي....

زياد : انا اسف على شان مديت ايدي...وعشان قتلج كلام ... المفروض ماقولج هالكلام ...انتي مرتي حبيبتي...بس....غصبن على ...كلا منها ...كلا منها.....

دلال اتضم حواجبها مستغربه : كلا منها ....منو هذي ؟؟!!

زياد : الي دقت علي ...وقالتلي انج ليلحين اتحبين ((خالد)) !!!!






دلال ويها قام يقط ألوان ...واحمدت ربها إن الدار كانت ظلمة اشوي....

دلال ساكته قاعدة تسمعه...ولامته ...وماتبي يشوف ويها لان راح تفضحها ملامحها....

زياد : هذا الحجي عقب خطبتنا بيوم يومين...كان الوقت ظهر ...وكنت راد البيت ....يرن موبايلي .....ويلا وحدة ...


يتذكر .......

زياد : الووو ....

........: الوو...زياد...

زياد : ايه نعم ...زياد..

........: شلونك ....

زياد : بخير...عفواا من معاي....؟؟

.......: معاك فاعلة خير....

زياد : آمري ...

......: ما يآمر عليك عدو....انا الصراحة مادري شقولك ويلا من وين ابتدي...بس الصراحة انت وااايد كاااسر خاااطري...انا سمعت انك خااطب وحدة اسمها ((دلال)) ...دلال الــ .....

زياد : ايه عدل .....

......: والله مادري شقول...بس ترا مامشاها مو عدل...والبنت عليها كلام ....

زياد : نعم !!!! انتي هي هي ...اشقاعد اتخربطين ...اقول ...لمي نفسج وضفي السالج ...لا ييلج شي مايسرج ....

......:انا قتلك ...وانت كيفك ....خليك نايم بالعسل ...

زياد : اقول طسي ...وقلبي ويهج....ولا اشوفج داقه علي ..

وسكرت الخط .......


دلال متوهقة : عادي...اي وحدة تقدر اتدق وتتبله على الي تبيه ...ماكو دليل على كلامها ...هذي اكيد وحدة حاااقدة ...وتبي اتخرب علي....(تسكت دلال ..والسالفة اتقرقع بقلبها) انزين ...من وين يبت اسم الي مساع قلته ...أظن قلت (خالد) <<اتسوي روحها ناسية الاسم ....


زياد ياخذ نفس : نفس هالوحدة دقت على عقب عرسنا بفتره قصيرة .....

يتذكر ......

زياد : الوو ...

.......: زياد ....مبروك على الزواج ...

زياد : من معااي ...؟؟

.......: ماتعرفني ولا راح اتعرفني ....أنا داقة اقولك انك مو ريال...الي مخلي على ذمتك وحدة مثل مرتك ...و
سرحت ومرحت على كيف كيفها....وليلحين قاعدة اتكلم واحد...<<يقاطعها

زياد : اقول....انتي( يالـ.......) ....روحي لعبي غيرها...يالله يالله..

............: اذا مو مصدقني روح اسألها عن حبيبها خالد ...وشوف شنو راح اتقولك ...لا وازيدك من الشعر البيت ..اهو رفيج عبدالوهاب ريل اختها ...حتى اختها سارة ماخذته عن حب....<<عشان جذي كان حاقد على عبدالوهاب

زياد : ايه انا مو ريال ..عندج مانع ...اقول ذلفي...وقلبي ويهج...انتي وحدة مريضة نفسيا ...يالله تت تت ....

زياد :سكرته بويها ....وعقب المووع تعبني نفسيا ... رديت دقيت ...طلعت لي بداله ...مادري وزارة ..شركة ...مادري نسيت...

دلال ساكته ....وبعدين انطقت : وانت صدقتها ؟!!! <<<حدها خايفة اتشوف ويها ....

زياد :مادري..صدقتها وماصدقتها.....بس الشيطان اوسوسلي...لما اتذكر كلامها..وكنت اشوف معاملتج معاي اشلون جافة فكنت اربط ...بس بعدين اتعوذ من ابليس ...انا قبل لا آخذج سألت عنج عدل عدل ....مابقا بنات بالثانوية معاج ماسألناهم عنج ...وحتى الي معاج بالدوام ...وحتى الرياييل الي يشتغلون معاكم ...والكل الكل أجمع انج أخلاااااااق (ياخذ نفس)...انا ادري ادري ان في ناس هوايتهم يهدمون البيوت...ومقتنع من هالشي...بس هم انا ريال ...وكويتي...والشيطان مامات....

دلال : عشان جذي انت كله اتشك فيني ...؟؟!!!

زياد : أممم ...اهي زادت النار حطب ....(يسكت اشوي ويكمل ) وادري ان العيب فيني ...انا الي ماعندي ثقة بنفسي....


دلال اتقوم وتقعد يمه .....وتمسح على ظهره ....

دلال تمسك ايده : زياد لاتضييق خلقك...اذا علي انا ..ترا خلاص بفتح معاك صفحة يديدة....لاتخلي موضوع واحد بحياتك يأثر على حياتنا كلها ...هذي الي دقت عليك الله فوقها وحسيبها ... ولا اتخلي شي يهز الثقة بنفسك ...شوف الجوانب الثانية بحياتك ...راح تلقى اشياء وااايد ايجابية ...عندك ومو عند غيرك ....ذكاءك وتفوقك بدراستك ...وانت ليلحين تعتبر صغير بالعمر بس مركزك بشغلك وااايد زين وقوي....وطــَموح والحين بتكمل دراستك (تسكت اشوي واتكمل)...وكفااايه كفاايه ان الله عطااك ((دلوله)) <<<< تبتسم

يضحك زيااااد حيل حيل من قلبه ...لان السالفة كانت جد وفجـأة دلال اتقول هالكلمة ....وااايد استانس ....

جااان يلمهااااا حيييييييل .......

زياد : احبج دلال ...واااايد احبج ....

دلال ساكته ولامته ........

زياد يطالعها : وانتي ؟؟؟

دلال : انا شنو ؟؟؟

زياد : اتحبيني ؟؟؟

دلال قاااعدة اتطالعه ....ماتدري شنو اتقول ....مهيا قادرة اتطلع الكلمة.....

دلال اتهز راسها : امم ....

زياد يبوسها على راسها ويلم راسها : ميخالف تحمليني اشوي ...ماقدر اغير طبعي بيوم وليله ....يبيلي وقت ....

دلال : عادي ...انطر ...بس المهم انك توعدني انك تتغير .....

زياد : اوعدج ...والله اوعدج....


.....................................

بعد جم يوم ..........الظهر على الساعة 3.....

خالد توه راد من الدوام قاعد بالصالة مع أمه واخته شيخة.....توهم خالصين من الغداء....على أساس منيرة نايمة ....لان منيرة انفاسها ابيت خالد ...ماعندها لا أم ولا خاله ولا أحد ....فكانت عمتها امجهزتلها غرفة تحت ....


الأم : وااي انا امس طوول الليل لوية مع منور....واااي يا خالد ...يا إن بنتك لعااااايه ....ماسكتت طول الليل تبجي.....


خالد : يامعوده اشواا انها مو عندي....عيل خل اتنام منور تحت لين تكبر البنت وتتعدل نومتها ....

الام اتطالعه مستغربة : ياسلام ...شنو ماتبي مرتك اتنام عندك !!!

خالد : بعد أنا عندي دواام ...ماقدر اروح وانا مواصل....

الام : مو تبي اتصير أبو ...لازم تتحمل ....وتشيل واتحط وتساعد مرتك ....الله يرحمه ابوك ويغمد روحه الينّه ...إن كان لما تبجون بليل ياخذكم ويطلع فيكم الصاله وينومكم ...ويخليني ناايمة ...مايبي يقومني ...يدري اشكثر اتعب فيكم طوول اليوم ...

خالد : هذي انتي...(يحط ايده على حنجه ) هذا ويهي اذا منور ماقطت البنت عليج....عبالج لها خلق...بس يومين تستانس واتعيش الدور انها ام ...وبعدين انتي راح اتصيرين جاوووون ....

شيخة تضحك : ايه والله خلود ...والله انك صاااج ....

ام خالد اتطالع شيخة مستغربة : الحين انتي سكت دهرا ونطق كفراا ....

شيخة : أنا قلت الصج ...هذا الي راح يصير.....

ماكو دقااايق ويلا اتيي منيرة ....لابسة بجامة بيت قطن لونها بيج مع روبها....وشايلة البنت امعصبة ......

رايحة صوب خالتها ....

منيرة وحدها معصبة ومتنرفزة: هاااج عمتي ...انا خلاااااااص ...ينيت ....مو طبيعية هالبنت ..بس تبجي بس تبجي ...ماسكرت حلجها .....

خالد معصب : هي هي إنتي ...مسكي البنت عدل....وشكووو اتيبينها حق امي ....هذي بنتج تتحملينها ....شالمصااااخه !!!

منيرة تتخصر واتأشر بايدها الثانية : ايه طبعا...مرتاااااح ...وتوك ياي من الدوام ضاحك هناك ومستانس ...وتوك متغدي...وقاعد تشرب قهوة....وياااي اتكلمني....

خالد يطالع امه واخته : ترا مو صاااحية (يطالع منيرة ) شنو تبيني اسوي بابا...تبين اصير baby sitter حق بنتج !!! عيل اشفايدة الأم بالله...!!!!

منيرة : عيل شي ماتدري عنه ..لا تتكلم فيه ...أنا تعبانة بموت ...ماقدر أنام ...بس تبجي ورا بعض...ويع ويع لاعت جبدي...

خالد : عيل بدام انج مو كفو اتصيرين أم ..ليش حملتي على طوول....؟؟!! بل عليج.. حتى شهر ماصارلنا والا انتي حاامل ؟؟!!

الام : خالد الله يهداك ...شالحجي...بعد هذي كتبت الله ...

منيرة : أصلا انا اكثر شي متحسفة عليه إني حملت على طوول...استغفر الله ماستانست .....

وقاموا يتهاوشون اهيا وخالد .....وصراخ.....

يدخل طلال البيت ....وبسرعة رايح صوبهم ....

طلال : ياجماااعة ...اشفيكم ..!!! صوتكم واصل السكه ....ذكروا الله .....

منيرة إتطالع عمتها .....

منيرة : عمتي ...كاهي جوجو عندج....خليها ...أنا ماقدر استحمل..بروح أنام .....(وقبل لاتروح تلتفت على خالد) ايه ونسيت اقولك ...ترا انا دقيت على nurse...راح اتيي واتساعدني ...مادري عاد جم... شهر ...شهرين ...ثلاث....

جان اتخليهم وتمشي.....

خالد يقعد على القنفة ويطق ايد بإيد : مامداني تكلمت ...كاهي جدام عنج ...ماصارلها جم يوم وقطت البنت ....

الام اتهز البنت لانها قاعدة تبجي : خالد حبيبي ...ترا هذا الشي طبيعي ...يعني البنات الحين وقت النفاس جذي....يخلون الياهل عند امهم عشان يريحون اشوي....واهيا وعليا لا أم ولا خاله ولا احد ...مالها غيرنا ....واشفيها يعني اذا ريحت اشوي...؟؟!! خل اتنام وترتاح عشان تمسكها بليل ...منو راح يمسكها بليل ..!! انا راح اكون نايمة ....

خالد يبتسم بستهزاء : أي ليل اي بطيخ ...سمعتيها ...راح اتييب سستر اتجابل البنت ....هذي من اولها جذي ....

شيخة : ايه والله صاااج اخوي....وعوو على امهات هالوقت ...

ام خالد : انجعمي انتي...حق التشيش زاهبة ....يا انج اتقولين حجوة سنعه ...ويلا اتصكين حلجج ...

طلال يهز راسه : وخالد انت الله يهداك ..ترا وااايد ضاااغط المره ....يعني ترا كل البنات الحين جذي....كلهم مدللين ..وترفين ومايتحملون ...خف عليها اشوي....

ام خالد : ايه والله وانت صااج يا طلال...والله انك حنون.. يابخت مرتك .....

خالد يرفع حاجبه ويبتسم مستغرب : الـــــــلــــــــــه ...الحين انا طلعت الاقشر!!!! ....ليش انا شنو مقصر عنها...مافي شي تطلبه ماييلها ...خل اتولي ...يعني لازم اصيير خرووف يالله اعجبكم ....

ام خالد اتقرب يم خالد وتوطي صوتها : ياخالد ياحبيبي ...المره بالنفاس اتكون الهرمونات عندها معتفسه ...وحالتها النفسية مومستقرة...واتكون حساسه ....فلازم اتراعيها ...واتبدي الكلمة الطيبة ...مهمن كان هذي مريتك ..أم بنتك .....

خالد يتحلطم : يوم اهي حامل قلتو ...حامل لاتضايقها ....ويوم اولدت قلتوا توها والدة صايرة حساسه...وبعدين بتقولون امجابلة اليهال نفسيتها تعبانه ...وهذي اهي ...مانخلص ...!!!

أم خالد تاخذ نفس : الله يهداكم بس...الله يهداكم ....


أما شيخة كانت بواادي ثاني ...كانت تتذكر الي صارلها من جم يوم ...



كانت بالدوااام ...وما نست سالفة منيرة ...أصلا ماتقدر تنساها ...لأن هذي السالفة كانت شاغله تفكيرها الليل والنهار....كانت مسجلة الرقم عندها بالموبايل....قامت ودقت على الرقم من تلفون الدوام ...وكان الخوف بقلبها يزيد ويزيد مع كل رقم تضغطه....لين اوصلت آخر رقم ....وتسمع الخط يدق ....ويدق ...ويدق ....لين شالوا الخط ...


................... : ألـــــــــــــــــــــــــــــــــــووووووو .....

كان صوت واااحد ...كان صوت ريال....السماااعة قامت ترجف بإيد شيخة ....ماقدرت تنطق كلمة ....سكرت الخط ...واعرفت إن بابو كان صادق بكلامه ...واعرفت ان منيرة قاعدة اتخون خالد...وانها قاعدة تلعب على أخوها المسكين ....


الحين شيخة محتارة ...اشلون راح اتقول حق خالد ...مهي عارفة اشلون اتبلغه...وأكثر شي اتفكر فيه شيخة هالبنية المسكينة الي صارت بين خالد ومنيرة ...واتفكر بردة فعل امها لا اعرفت ...وشنو راح يصير فيها ...كونها اهيا الي منقيتها حق خالد ...وشنو راح يسوي خالد والي بسبب زواجه من منيرة ضاع حب حياته (دلال) ....فكانت فكرة تضرب فكرة ...وكان مخ شيخة مشوش....مهي عااارفة شتسوي ويلا شنو بتقول ....بس كااانت مصممه انها تتصرف ...بطريقة او بأخرى ...ولازم تلقى حل حق هالمصيبة ....
أم خالد تقطع حبل أفكارها ...

أم خالد : شيوووخ ...شيوووخ ....

شيخة : هلا يما ...

أم خالد : قومي مسكي جوّوويه على ماسويلها حليبا.....


..................................................






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الإثنين مايو 09, 2011 9:35 am


عقب شهر تقريبا .....


دلال سفرتها حق امريكا اليوم بليل .....دلال واااايد واااايد تحسنت علاقتها بزياااد ....وااايد تقربت منه عقب ذاك اليوم ...وحسنت علاقتها فيه ...واهو قااعد يحاول يتغير...بس ماكان تغير ملحوظ حيل...لان هذا طبعه والطبع يبيله وقت على مايغيره...بس على الاقل دلال تفهمت الوضع وقااعدة تتأقلم ..مو نفس أول كانت الكلمة ثقيله عليها ...بلعكس قاعدة تسمع كلامه عن طيب خاطر...

بهاليوم ..وعلى حزة العصر تقريبا ...كانت دلال مع زياد زايريين بيت اهلها...عشان يسلمون عليهم مرة وحدة ...وادخلوا زياد ودلال وسلموا على الام والابو ..وماكان في احد موجود ....

دلال : عيل وين مشاري ونورة .....؟

الام : نورة فوق ...واااعليه ذابحتها النساة ....

دلال :اتقول انها تعبانه واايد..بس جنها طولت بالنساة!! ...يعني اهي ادخلت الرابع صح .؟؟؟ مو لازم اتخف ...؟؟

الام : على حسب كل جسم ...في حريم لين تولد ماتفج عنها النساة.....


دلال : الله يعينها ....خل ادق عليها اقولها تنزل ...

دلال اتدق على نورة : نويرة ...شلونج .؟؟!!

نورة : هلا دلول ...تمام ...انتي اشلونج ....؟؟؟

دلال : يالله تعالي ...انا تحت.. قاعدة مع امي وابوي وزياد ....

نورة : يالله اوكي اشوي ونازلة ....


اشوي وتدخل سارة مع عبدالوهاب ....سلموا واقعدوا ....

عبدالوهاب : هاا زياد ..اشلونك ...شخباارك ...من زمان ماشفناك...

زياد : ايه والله ...لهينا....لوية السفر....والاجراءات ....

عبدالوهاب : ان شاء الله كل شي تمام....؟؟!!

زياد : ولله الحمد ..كل الامور طيبة ....

أم دلال تاخذ نفس : والله راح نفقدكم وااايد ....

سارة تبجي .....عبدالوهاب يطالعها ....

عبدالوهاب : من امس واهيا على هالحالة ...اذا يبنا طاري دلال تبجي ....

الابو : لا وانا ابوج ...لا تضيقين خلقج ....كل ماتميتوا روحولها ...واهيا كل ماتمت راح اتيي الكويت ...

دلال : ايه صح....لايضييق خلقج سارون...

سارة : ماعندي غيرها ....

دلال اتروح تقعد يمها واتلمها من على جنب : ساروونه...خلاص عااد لاتضيقين خلقي...ترا والله مو ناقصة ....(اتدمع عينها) وبعدين عندج نورة....

الام : واحنا وين رحنا ؟؟!!!

دلال : لا اقصد وحدة من طقتها ...نفس اختها ....

عبدالوهاب : انا ان شاء الله بعد شهرين 3 اوديج عند اختج ...

مشاري يدخل ...يسلم ويقعد ...ويسولف مع زياااد ...وعن امريكا..وعن ولايتهم ....

وبعدين تنزل نورة ....وتقعد مع سارة ودلال...ويسولفون ويضحكون ويستانسون ......

صار بليل ...وسافرت دلال...ايه سافرت وخلت الدنيا ورا ظهرها....سافرت وطارت بعيد... بعيد ....راحت ديرة مو ديرتها ..مكان مو مكانها ..دنيا مو دنيتها...وخلت الكويت بأهلها وناسها ....واهم من هذا كله ذكرياتها ....الحلوة والمره ...وخصوصا المره ...الي لقت ان في الغربه أمل اتنسيها ...اتنسيها خالد ...وكل شي يذكرها فيه ...




بيت خالد...يوم اليمعه ....شيخة قاعدة بغرفتها...وكانت بنت خالد عندها بالغرفة مع السستر...قاعدة اتطالعها ..وكانت كاسرة خاطرها اشلون منيرة ماتدري عنها ..لان منيرة ماعاشت مع امها ولا حست بحنانها وفاقد الشي لا يعطيه ...بس اهم موضوع كان شاغلها اهو موضوع منيرة وخالد ....طبعا شيخة اجمعت كل المعلومات عن الي اتكلمه منيرة ...واعرفت اشياء وااايد عنه ....ولاحظت اشكثر منيرة تتكلم بالموبايل ..وخصوصا لما يكون خالد مو بالبيت....وقالت بينها وبين نفسها ...اني ماراح استعيل واقول حق خالد ويلا حق امي الحين ...راح اعطي منيرة فرصة ...واشوف شنو اتقول ...اذا ماتغيرت وهدته ...ذيج الساعة راح اتكلم .....

قامت شيخة وانزلت تحت ...غرفة منيرة ....اتطق الباب .....

منيرة: منووو؟

شيخة : انا شيخة.......

منيرة اتبطل الباب : جان دخلتي الباب مفتوح ......

ادخلت شيخة واقعدت على طرف الفراش اتطالع منيرة ...الي كانت قاعدة اتحط اهدوم واغراض بجنطة صغيرة .....

شيخة : وين بتروحين ؟؟

منيرة : بروح الصالون ...بسوي حمام مغربي ....بعد جم يوم اطلع من الاربعين .....

شيخة : ايه صح ...زين اتسوين ....


شيخة ساكته مهي عااارفة اشلون اتبطل الموضوع .....

شيخة : منيرة اشلونج مع خالد ؟؟؟

منيرة قاعدة اتحط عدة البدكير والمنكير بالجنطة ...

منيرة مو عاجبها : اممم.. ماشي الحال ....

شيخة : اتحبين خالد ....؟؟

منيرة اتطالع شيخة مستغربة ...

منيرة : تبين الصج ويلا لأ ؟؟

شيخة : الصج مو غيره .....

منيرة : شلون أحب واحد ... طعني...وجرحني...وحسسني إني ولا شي...وإن مغصوب علي...

شيخة : يعني اتحبينه ...؟؟

منيرة : ما أكرها ....عاادي.....

شيخة : عيل شمصبرج تقعدين معاه ليلحين ...؟؟؟

منيرة : لأن ماعندي أحد ....وهم أنا احبكم ...احبج ..واحب عمتي ...أحب بيتكم ....وخالد مو مقصر معااي بشي ...

شيخة :اولا انتي ماتحبين الا نفسج وهذا الشي مايختلف عليه اثنين ... وشي ثاني.. مايكسر خاطرج خالد ؟؟!! هم اهوا مسكين قاعد يحاول يحبج ....يسويلج الي تبين ...يتقرب منج ....صج انه عصبي بس قلبه طيب !!!! بس انتي الي كله منفسه ..ومومعطته مجال .....احسج اتدورين الزله عليه .....

منيرة : هااو ليش يكسر خااطري؟؟!! أنا شمسويتله ...هذا اهو الطبيعي الي قاااعد يسويه !! يعني مو تمنن...كل واااحد متزوج المفروض يسوي جذي...يعني غصب عليه ....مو طيب منه...وانا ماصرت جذي الا من سواااته ...تذكرين اول ماتزوجنا اشلون كنت طاايره فيه ....وكنت مدلعته ...بس عقب مادقرني يايه اتقولين تغير!!! عاد انا مو بكيفه....

شيخة : انا قاعدة ارد على كلامج الي مساع ...مو انتي اتقولين ان جرحج ومادري شنو ...كاهو قاااعد يتغير على شانج ...ليش ماتحاولين اتحبينه من يد ويديد ....؟؟

منيره : اشعقبه ....في اشياء تنحفر بالقلب ...والواحد مايقدر ينساها .....

شيخة : آآآ....أفهم من كلامج ...إنج مو ناوية تتغيرين ....؟؟

منيرة : مادري ...بس انا عاايشه معاه ...وماراح اهده ...وبييب منه اعيال ...يعني الحين بتقنعيني ان كل المتزوجين يحبون بعض!!! لأ اكيد بس عايشين والحياة تمشي ....(تسكت اشوي) وهم اهوا نفس الشي قااعد يسوي....قاعد يحاول إن يعيش معاي ويخلي المركب يمشي...بس اهوا مايحبني.....


شيخة : بس هذا الشي ما يعطيج الحق انج اتخونينه ؟!!!!!

منيرة تلتفت على شيخة بسرعة ومنصدمه : شنو!!!!!!!

شيخة : سمعتيني ...مايعطيج الحق انج اتخونينه......!!!

منيرة اتطالع شيخة بنظرة غريبة ...وترفع حاجبها مع ابتسامه خبيثة : امممم ...انا كان حاس قلبي انج اتلفين واتدورين وتبين توصلين حق شي .....تكلمي تكلمي ...اشعندج .....

شيخة : ادري ...أدري عن كــــــــــــــــــــل شي ....وادري انج اتكلمين واحد اسمه (ناصر الــ ) ويشتغل في النفط ...و و و ....

لا تشوفون وي منيرة يوم كانت تسمع هالكلام ....كانت حدها منصدمة ومستغربة ...اشلون شيخة اعرفت كل هالاشياء....

شيخة : بس في شي يمكن ماتعرفينه ....ترا الصبي امولي...وسمعته مو زينه كلش.....والكلام الي يقولج اياه ...يقوله حق عشره غيرج ...

منيرة تبتسم : ومنو قالج ان هامني...طلع زين ..طلع مو زين ...عادي...انا ابي استانس ...ابي واحد يسمعني كلام حلو ويدلعني...ما بي اتزوجه ...!!! لاني الحمد الله متزوجة ..وعندي بنت وبييب غيرها ...أنا ابي اعيش حياتي....

شيخة حدها ميته قهر : اشكره اتقولينها ابويهي !!!! ماتخافين اقول حق امي ويلا خالد .....!!!

منيرة :اولا مو انا الي اخااف من تهديداتج لان انا محد يقدر يهددني...وثانيا ماعندج دليل ...لاني ماخذه كل احتياطاتي...وحتى الخط الي اتكلم فيه محد يعرفه....لانج اذا تكلمتي ...انا بعد راح اقول حق خالد ...انج انتي الي قلتي حق عمتي سعاد ان دلال اتكلم خالد..وانها وصخة وراعية شباب ....وانج وزيتي عمتي عشان مايتزوجها وفريتي راسها ...واتوقع الموضوع يأثر بخالد اكثر من اني اكلم واحد !!! لان ليلحين يحب دلال ...وخسارتها بقلبه اكبر من خسارتي...فالسالفة راح اتطيح براسج...لاني اختيااارج انتي !!!! وبقول انج انتي جذابة وحسودة ....وانج دقيتي على ريل دلال اول ماانخطبت وسفلتي فيها ...وقلتي عنها كلام ماينقال ...((المره الاولى شيخة دقت ...والمره الثانية منيره))راح يعرفون إنج محترة من الي يتزوجون واتحبين اتخربين ابيوت...
(قاعدة تبرد اظافرها بالمبرد واتهف عليها ) وبعدين راح يقلب الدنيا فووق راسج وتوصل لي الطق ....وعمتي المسكينه اتشوفكم جذي ويطق قلبها واتمووت....تدرين يايتلها جلطة من قبل ...عادي اتييلها وحده ثانية .....(اتطالع شيخة )

شيخة قلبها يدق حييل من القهر واتصرخ عليها : أبيه انتي حيه ....حيه ...توقعت اذا قتلج راح اتخافين ..راح تتحسفين راح اتهدينه او اتبينيلي على الاقل انج ندمانه على الي قاعده اتسوينه !!!!....حسااافه اخوي ما خذا دلال ....مسكينه البنيه ظلمناها ....دلال احسن منج بمليون مره ...والله لويرجع فيني الزمن اني اوقف مع خالد ...والله ....بس حساااافه ....حساااافه .....

تطلع وتصك الباب حيييل ....واتروح غرفتها تبجي .....مهي عاارفة شتسوي...وقااعدة تتذكر كلام منيرة وثقتها بنفسها ...وشنو بتقول حق خالد وام خالد ...واشلون راح تقلبهم ضدها...ويمكن كل السالفة اترد عاايدي عليها ...حيل كانت خااايفة ...بس بنفس الوقت استجمعت قوتها .....

شيخة بقلبها (( لا ..لو شنو ...لو شنو ما اخلي هالحماارة تسرح وتمرح على كيفها ....وقااعدة اتمص افلوس اخوي وتستغفله ...وقاعده تلحس مخ امي بكلامها الحلو ...واهيا تسرح وتمرح على كيفها ...والمشكله مو هامها كلامي...لانها تدري اني ضعيفة وجبااانه ....وخواافه ....ماراح افكر هالمرة بنفسي وشنو بيصيير فيني ...لازم افكر ابيتنا كله بخوي وامي ...هذي راح اتدمر بيتنا...راح اقول حق خالد والي يصير ايصير...)))

كانت الساعة 8 بليل تقريبا ....راحت شيخة غسلت ويها ....لين هدت اشوي ....ورتبت افكارها ...وشنو بتقول حق خالد بالضبط...

اتدز شيخة مسج حق خالد ...لانها اتخاف اتدق واتكون منيرة يمه ....

شيخة (( خالد وينك ))

يرد بعد ثواني (( بالبيت ....ليش؟؟؟ ))

شيخة (( بكلمك ابموضوع مهم ..بس مابي احد يعرف وخصوصا منيرة ))

يدق عليها خالد على طول : شالسالفة قاعدة اتدزين مسجاات....دقي كلميني !!

شيخة : منو يمك ؟؟!!

خالد : محد ...انا قاعد فوق بداري...اشوي وبطلع ...شنو تبين ...

شيخة : يالله انا كاني يايتلك ....

شيخة اتطق باب صالة خالد ...طبعا بعد ماتأكدت ان منيرة راحت الصالون ....

خالد يفتح حق شيخة الباب.....يبتسم ....

خالد : حيالله اختي....دخلي دخلي.....

شيخة اتدخلت واقعدت على القنفة ....ويها يقط الوان ...مهي عارفة شتقول واشلون اتبطل الموضوع .....

خالد يروح الثلاجة الي بالمطبخ التحضيري...وييبله داايت كولا ...

خالد : شيخو تبين دايت كولا .....

شيخة : لا مشكور....

يقعد يمها ويبطل الكولا ...يشرب منه اشوي .....

خالد ..عباله سالفة عادية : هممم ...اشفيج ...قولي !!؟؟؟

شيخة منزله راسها ...مهي عارفة من وين تبدي ....

شيخة : ماني عارفة شقولك ....

جان اتدمع عينها.......

خالد يحط الكولا على الطاولة ...يوم شاف ويها منخطف ....

خالد : اشفيج ...صايرتلج مشكله مع أحد ؟؟!! بالدوام صاير شي ؟؟!!

شيخة اتهز راسها ...يعني لأ.....

شيخة : انا بتكلم ...بس الله يخليك خلني اكمل ليلآخر ..لا تقاطعني...واذا خلصت كلامي سو الي تبيه .....

خالد يطالعها ومخترع ...مايدري شنو بتقول ...بس عرف ان الموضوع مهم حيل ....


شيخة : خالد ...انا الله ماعطاني خوات ...وعايلتنا اغلبها صبيان ....من صوب خوالي ومن صوب خالاتي...البنات الي عندهم مو كبري...ولا بعمري....ماعدا منيرة ....كانت الوحيدة الي من طقتي ...وماتدري اشكثر انا كنت احب منيرة ...منيرة كانت جنها مثال لي وقدوة ...من كنا بالمتوسطة والثانوية ...وحتى بالجامعة ...كنت اشوف ان البنات يتلصقون فيها ...وكل وحدة تبي اترافجها ...لانها حلوة وشاطره وشخصيتها قوية وماتعطي وي حق البنات....فكنت احس بالفخر انها بنت خالي واني رفيجتها ...مع ان ادري انها كله امشيتني ...واني كله اسمع كلامها بكل شي ..بالصح والغلط ..بس عشان اكسب رضاها...وهم عشان اقلدها ..وكبر هالشي معاي....ليما تخرجنا واشتغلنا...وانا دايما تحتها...اتقول يمين اروح واتقول شمال اروح ....(كانت تتكلم وادموعها تنزل )

خالد كان يسمعها وهو مندمج ....يحس ان كلامها مقدمة حق شي كبير....

خالد : هممم ..كملي.....

شيخة تمسح خشمها بالكلينكس : وكان ودي حيل حيل لو انها اتعيش معانا بالبيت .....لان انت تذكر ان خالي عبدالرحمن ماكان يرضى منيرة اتنام عندنا على اساس انت وطلال موجودين ...وامي ماترضى انام عندها لانها ماترضى انام بره البيت ....فكان هالشي مثل الحلم عندي ان منيرة اتعيش معانا واتصير اختي بالصج ....وفعلا يوم امي قالت انها تبيك لها...يمكن انا اكثر وحدة بالدنيا استانست...ويمكن اكثر من منيرة نفسها ...ويوم خذيتها ..وخصوصا او الايام كنت طايرة من الفرحة ...بس ..(تسكت اشوي) مع الوقت ..ويوم عاشرت منيرة وصرت قريبة منها حيل وعايشة معاها ابيت واحد...بدت اعيوبها تطلع ...واطباعها الصجية اتبين ..وبينت اشكثر اهيا انانية وحقودة ونذله (خالد يسمعها ويطالعها ومانزل عينه عينها)...حسيت فيك ..وبعاناتك ...بس كل هالاشياء ممكن الواحد يتقاضى عنها ...إلا .. ....(تسكت)

خالد معصب : انزين وبعدين...إلا شنو....!!!!!!

شيخة : إلا ...انها تلعب عليك ....

خالد كان منزل راسه قاعد يسمعها ...يوم سمع (تلعب عليك ) رفع راسه اشوي شوي يطالعها ويها معصب : شنووووو ....اشقصدج تلعب علي!!!؟؟؟

شيخة حدها خايفة : يعني تلعب عليك ...يــ...يعني اتخونك ..

خالد حده معصب ...يطق على فخذه ويوقف ...

خالد :

خالد : شنوووووووو ؟؟!!! انتي اشقاعد اتخربطين!!!!!!

شيخة ماتت خرعه...توقف واتحط ايدها على جتفه : الله يخليك ..خلني اكمل ....اقعد اشوي....

خالد : شيخووو ...هالكلام الي قاعدة اتقولينه خطير ....من وين يايبته....؟؟!! مو عشان انتي متناجره معاها اتقومين تتبلين عليها ......

شيخة اتهز راسها اشوي اشوي : والله مو قاعدة اتبلى عليها ...و....وعندي رقم الي اتكلمه ......وصدقني ...انا عرفت بالصدفة.....

خالد يتنفس بسرعة من كثر ماهو معصب : من متى وانتي تدرين ....؟؟؟!!!

شيخة منزله راسها : من شهر تقريبا !!!!

خالد : من شهر وتوج اتقولين لي ...؟؟!!!

شيخة : لاني كنت مو متأكدة ...بس تأكدت ....وكلمت منيرة ...وحسيت ان ما وراها رجاا....واهيا اتكلمه مو من خطها الي انعرفه...(تسكت )..فقلت اقولك .....

خالد ويها احمر من القهر وبعصبية : عطيني الرقمين ......

شيخة : ماعرف خط منيرة الثاني....بس اعرف رقم الصبي....

خالد حده مفور : عطيني ......

امسكت شيخة موبايلها ...جان اتنقله الرقم .....

خالد : شسم هالخره هذا ...!!!؟؟؟

شيخة : ناصر الــ ....


يسجل خالد الرقم ابموبايله......

شيخة : خالد ...بعد بقولك شي ثاني ....

خالد يلتفت عليها....

شيخة : خالد سامحني...سامحني ..أنا غلطت وظلمت دلال ..وأحس الله ماراح يغفرلي..لاني انا ومنيرة الي قلنا حق خالتي ..ان...ان دلال مو زينه وراعية رياييل وشقق ....واحنا الي خربنا عليك عشان ماتاخذها .....وتاخذ منيرة.....

واتحط ايدها على ويها ...وتقعد تبجي......

خالد حس الدنيا اتدور فيه .....حس فجأة صارت الدنيا كلها ضباب اسود ...جان يمسكها من شعرها ويره لي وره وجدام حيييل ..جان يعطيها طرااااق فر ارقبتها ...

خالد : آآ ياحقيرة ...آآ ياحيوانه ....انتي غلطتج هذي خذت اغلى شي بحياتي...شي خلاص مايتصلح ....البنت تزوجت وخذاها غيري....ودبستني مع وحدة قحـ..... مثل منووور...وخليتيني اييب منها بنت ....بعد مايندرى ..هالبنت بنتي ويلا بنت كلب من الشارع ......والله مو مسامحج لي يوم الدين ...

هدها ومشى ميته بجي....متحسفة على الي صار....وعلى حال اخوها ....بس شنو يفيد الندم ...عقب ماطاح الفاس بالراس....ومثل ماقال المثل .. لا تبكِ علي اللبن المسكوب .. فالبكاء لن يحيي من مات ولن يعيد ما فات.....مسكين خالد ودلال.......


صعد خالد سياارته ...وكانت شراره طالعه من عيونه ....يحرك ...وحده داايس.....مو عارف وين يروح ....أول شي فكر فيه...يدق على الرقم ....

يدق الخط .....يشيله ناصر ....

خالد : الووو ....

ناصر : نعم ....

خالد بعصبية : نااصر....!!!!

ناصر : ايه نعم ...نااصر ....من يتكلم .....

خالد : أنا خالد ....زوج منيرة ....!!!!!

ناصر سكت ...وتوهق ...ويسوي روحه مايعرفها : أيـ ....أي منيرة .....

خالد يفقد خلاص ويصرخ باعلى ماعنده : لا تــــــــــــــســـــــتـهـــــبل عـــــــــــــــلى راســــــــــــــــي .....انت اتعرف انا منو!! ..وولد منو!! ...الله بسماااه أوديك ورا الشمس....لا تحاول انك اتصك الخط ويلا تتهرب ...اقدر اطلعك من سابع ارض...تفهم ياحيوان .....

ناصر قام يطقطق : يبا انا مالي شغل...اهي الي اتدق علي... الله يخليك لا تمشكلوني.... انا ماقايشكم...

خالد : عيل ياحيوان يازباله ليش اتكلم وحدة متزوجة ...(يسكت اشوي ) لحظه لحظة ...انت وينك الحين ؟؟؟!!

ناصر : لا والي يسلمك ...والله أنا مو راعي مشاكل...ترا امي وابوي راعيين قلب...تكفا اوعدك ...انا مالي شغل فيها بعد هاليوم ...بس اتركني بحال سبيلي......


خالد يغمض عينه وياخذ نفس ووطي نبره صوته : خل اشوفك ...واتفاهم معاك...(يسكت) ماراح اسويلك شي !!؟؟

ناصر : لا يرحم والديك ...خلاص والله ماراح اكلمها...مستعد اليوم اغير رقمي...بس اتركني بحالي...

خالد : ماراح اسويلك شي...بس ابي اتأكد من شغله(يسكت ويحد نبرة صوته) واذا ما قتلي انت وين..ويلا عرفت انك داق على منيرة ...صدقني بحطك براسي...واتعرف شنو راح يصير بعدين !!!!!

ناصر : خلاص يبا ...انا.....بالعديلية.... و ..

عطا ناصر العنوان حق خالد ...وراحله ....كان ويه نااصر اصفر من الخرعة ...ويها مافي دم ....وحده خاف يوم شاف خالد ..اشطوله واشعرضه ...قال هذا بيذبحني ابمكاني...

أول ماشافه خالد ....ازرده من دشداشته....ووديه جدام وورا ....

خالد يسن ضروسه : والله والله اني متعوذ من ابليس ...والله جان ذابحك بايدي...
يهده ويدزه ....

خالد : دق على خط منيرة الثاني ...

يمسك ناصر موبايله ويدق على منيرة .....

يخمط الموبايل من ايد ناصر ويحط السماعه على إذنه.....

منيرة أول كلمة ردت فيها : هلا حبيبي......

خالد يغمض عينه .... سكر الخط بويها وماتكلم ....

مسك الموبايل وطـلّع التشب منه ...وحذف الموبايل على الارض...وتكسر تكسر....

خالد قبل لا يروح يطالع ناصر : تفف على هالاشكال الوسخة ....

خالد صعد السيارة ...وناااار بقلبه ...رااااح داااايس بيتهم ....دااايس....زين مانقلبت فيه السيارة ....


وصل البيت ...وكانت الساعة 10 تقريبا ....اول مابطل الباب ....كانت امه قاعدة اتطالع تلفزيون ...وبنت خالد بحضنها ....

خالد شاب ناااار : يمااااا ....وين منيرة !!!!؟؟؟

ام خالد تلتفت عليه : بسم الله الرحمن الرحيم ...اشفيك معصب ؟؟!!

خالد : ويــــــــــــــــــــــــــــن الخره منيرة !!!!

ام خالد توقف من مكانها : اشفيك خرعتني...بالدار اهني ...

راح خالد صوب الدار بسرعة وقفل الباب.....

اول ماشاف منيره ....

مسكها من شعرها حيييل ....حييل ....

منيرة : يالمينون ...هدني هدني ....

خالد : انا مينون ...وانتي قحـ...... وسافله ومنحطة .....عيل انا ..اتخونيني مع واااحد زباله مثل الي اسمه طرطوووور...

ويطق راسها بالطوفه ....

منيرة : اتصرخ هدني ...هدني.....

خالد : الحمد الله اني سمعتج بإذني محد قالي....اتقولين هلا حبيبي...حبج برص ...يالواااطية ...يازباله ...يالسفله ....

الام اتطق الباب ....

الام : خالد بطل الباب ....بطل ....لا اتوقف قلبي...بطل الباب....علموني اشصاااير......

خالد إير منيرة من شعرها ...ويروح صوب الباب ...واهي قااعده تبجي.....

يفتح الباب....ويروح صوب امه...ويحط ويه منيرة عند امه.....

خالد : قولي حق امي شنو مسويه ....!!!!

منيرة : هدني بس خلاص...ذبحتني....هدني ....

الأم مخترعه : هدها خالد ...ذبحتها .....

خالد يحط صبعه السبابه على حلجه ....

خالد : ولا كلمه ...انا طووول عمري اسمع كلامج ...هالمره ماابييييج تتكلمين .....

يهز شعر منيرة جدام ورا ...ويصرخ : قولي حق امي انتي شمسويه .....!!! قـــــــــــــــــــــــــــولــــــــــــــــــي. ......

منيرة تبجي ...ومهي قادرة تتكلم .....

خالد بأعلى صوته ...زين ماينفجر راسه من الصراخ : تتبجبجين الحين ..شفتي هذي الي انتي يايبتلي اياها ورافعتها السما ...بنت اخوووج عبدالرحمن ...السنعه ..المؤدبه ...اطلعت اتكلم رياييييل.....اطلعت قحـ ....

يلف ويها عنده ...ويمسكها من خدها ..يحط السبابه والابهام على خدها ...ويصك حيل بإيده......

خالد يكمل : انا الحين انتي مو هامتني ...طز فيج وبهلج وطواايفج كلهم ...جهنم تحرقج ....بس ابي اعرف شي واااحد...والله والله والله ...إن ماقلتيلي الصج ...والله لا ابهذل عيشتج ...لاتقولين بنت خالي ويلا بنت كلب ..والله لا اخليج فرجة حق الي يسوى ويلي مايسوي.....

منيرة اتصرخ من كثر مايعورها..وقاعد ينزل دم من اضروسها : شنوو شنوو قول...والله اقول الصج ..!!!؟؟؟

خالد : هالبنت الي عندي بنتي!!!!؟؟ بنتي ويلا لأ ؟؟؟!!!!

منيرة : والله بنتك ...والله العظيم بنتك ...وقسما بالله .....

خالد : انتي اتعرفين الله ...انتي اتعرفين الله.....

ويطقها اطراقات واتطيح على الارض تبجي ويرفسها حيل .....شيخة تنزل وتوقف نص الدري....يشوفها خالد .....

يلتفت على امه .....

خالد : لا ..تبيني اقهرج اكثر....ترا اطلعت بنتج المتربية ..بنت الاصول...اهيا مع الخرة هذي (يرفسها) متبلين على دلال بنت ابو مشاري....وقايليلج كلام ماينقال عنها....عشان آخذ هالحيوانه ...هذي....شفتي اشلون ظلمتوا البنت ...وضيعتوها من ايدي ...

الام اتطالع شيخة منصدمه : صــــــــــــــــــج هالكلام ؟؟!!!!

شيخة اتهز راسها تبجي : أمممممم صج صج .....


الام زين مااصار فيها شي من الي قاااعد يصير......

افقدت توازنها ...واقعدت على القنفة.....

شيخة اركضت عند امها ....وتمسك ايد امها اتبوسها ...والام اتوخر ايدها ....ومنصدمة حييييييييييييل من منيرة ...ومن الي قاعد يصير....


منيرة واهي قاعدة تبجي : احسن تستاهل....اهم شي اني خربت عليك ...وماخذيت دلال...و انك ماراح تستانس طوول عمرك ...لان دلال اتزوجت ....وسافرت مع ريلها .....

خالد يمسها من شعرها ...ويسحبها لي باب السكه ....

خالد : يلعن ابوج ...يالكلبة ...ياالواااطيه ...والله ماتقعدين دقيقة بهالبيت ....وانسي ان عندج بنت....

خالد بصراااخ : شييييخووووووه ....

شيخة تنقز من مكانها : نعم .....

خالد : دقي على السايق ....وخلي يودي هالتبن بيت خالي محمد ...

خالد يدزها عند الباب : يالله ذلفي...ذلفي ...تفف عليج وعلى أمٍّ يابتج ......

ويسكر الباب .....وكاان قاااعد يتنفس بسرعه بسرعه ... وينزل اشوي اشوي ....لين يقعد على الارض...ويدخل اصابع ايده الثنتين داخل شعرة ويمسك راسه..... يسكر عينه... وتنزل ادموعه....

خالد يتكلم والكلمه ترجف بلسانه : راحت مني دلال برخيص ...راحت مني برخيص....

يلف ويها يطالع امه وشيخة الي قاعدين يبجون .....

خالد : كله منج ...انتي السبب...انت واهي <<< يأشر على شيخة ....

خالد : ماراح اسامحكم ....ماراح اسامحكم ابد .....

يوقف ....ويطلع بره ...ويركب سيارته ...ويمشي ويحرك ....كان رايحريج الشاليهات ..لانه قرر اينام اهناك بالشاليه.....

خالد يمسك موبايله ...يدق على عبدالوهااب...

عبدالوهااب اول ماشاله : ياهلا ومسهلا ....زين دقيت ....

خالد صوته مقموت : وينك ؟؟!!!

عبدالوهاب كان مع سارة بمطعم ....

عبدالوهاب : طالع مع المره ...اشفي صوتك ؟؟!!!

خالد يسكت مدة ...في قمته ....وده ينفجر....

خالد تنزل ادموعه...ويشاهق من البجي : وهيّب ...انا طلعت مو ريال..(يشهق)..انا ماعرفت احاافظ على دلال...بعت الي احبها برخيص(يشاهق مرة ثانية )..انا المفروض اني اوقف بويه الدنيا كلها على شانها...بس انا مـــــــــــو ريـــــــــــــال ....انا بعتها وخذيت وحده قحـ,,, اتخوني مع رياييل...(ويصرخ باعلى ماعنده ويقول>>> لأنــــــــــي مـــــــــــــو ريـــــــــال ....تسمع ...صاحبك طلع مو ريــــــــــــــــــــال ....

عبدالوهاب مايدري شالسالفة ...حده يتصروع ...عرف ان الي صاير سالفه عوووده..يوقف من مكانه ...وينسى نفسه انه قاااعد بمكان عاام ..لان اول مره يشووف خالد جذي ...وبصوت عالي : انت وينك الحين ....!!! خالد اسمعني ...انت وينك الحين ؟؟!!!

سارة اتقرب من عبدالوهاب : عبدالوهاب اشوي اشوي الناس قاعدين يطالعونا...

عبدالوهاب يدز ايدها .....

خالد يصرخ : انا بجهنم تاااخذني....

عبدالوهاب : خالد ...تعوذ من ابليس ...انت شكلك اتسوق....بس قولي وينك انا اييلك الحين ....؟؟؟!!!

يسمع عبدالوهاااب صوت بريك قوي ......

خالد يوطي صوته : عبدالوهاب....(بعدين يصرخ) عبدالوهااااااااااااب ...........


.................................................. ...........................



توصي شي

توصي شي انابكرة مسافر .. وابي الليله اسافر قبل باكر
ولكن قبل ماارحل ودي تعرف .. ترى موتى ولاموت المشاعر

انا رتبت جرحي مع ثيابي .. واخذت احزانى والامى تذاكر
يروح العمر ماراحت همومي .. صحيح اللى يقول الهم كافر

خسارة انت والدنيا عليا .. تكابر والزمن مثلك يكابر
حبيبي كل من حولى ضلمنى .. وتبغانى بعد هذا ماسافر







عبدالوهااااب يسمع الصووت ....عرف إن خالد سواا حااادث.....

عبدالوهااب حده خااايف : الووو ...خالد ...الوووووو...

عبدالوهااب بأعلى صوت : خاااااالد ...رد علي ...خااااااالد ...تكفه رد علي ...يرحم والديك رد...خااالد....

سارة قاعدة اتطالعه وحاطه ايدها الثنتين على ويها ...عرفت إن الي صاااير شي كبير.....

وكان عبدالوهاب مااااسك الموبااايل .....يطيح منه ايده الموبااايل ...وكان ساااكت وباله بعيد مع خالد ...بس ادموعه الي كانت تتكلم ....تمسكه سارة ...وتقعده على الكرسي...واتحط بإيدها ماي ...وتمسح ويها .....

سارة : أنا مادري شالسالفه ....بس لا تخاااف الله بيحلها ...

عبدالوهاب يطالعها : خالد سوى حادث... مات .... خالد مات ....

يرفع راسه لي وره ويسنده على الكرسي....ونزل ادموعه على الجنبين.........





عقب 9 اشهر ....دلال بأمريكا ....

زياد الصبح كان رايح الدوام .....

دلال : زياد ....

زياد : هلا ....

دلال : زياد ...أنا تعبانة ...ابي اروح الطبيب....

زياد : قتلج ...اذا رديت راح اوديج ....

دلال : زياد ...اشفيك ...بس بروح الطبيب ..ماني رايحة مكان ثاني.....

زياد : انا دوام ... اشلون بتروحين ...بأي سيارة ...وتدرين انا أخاف عليج تركبين تاكسي بروحج.....

دلال : قتلك ..بروح مع جنان ....

زياد : لا لا...لا جنان ولا غيرها ...أنا لما ايي راح اورديج.....

طلع زياد ...وقفل باب الشقة وخذا المفتاح معاه ...اييه خذا المفتاح ...لان زياد ماتغير...بلعكس زاد ....وصار أسوأ من قبل...وهذي كانت حال دلال ....ماتطلع ولاتروح الا معاه ...بس ساعات اذا تيمعوا الكويتيات بشقة وحده فيهم ايوديها ...بس كل مكان ...طبيب.. سوبر ماركت..سوق...صيدلية ..الخ ...كان ريله بريلها ....كان الشك فيه مرض نفسي....يمكن يشك حتى بظله ...وكان قامتها ...

دلال أول ما طلع زيااد قامت تبجي حيييل ...مسكينه ...اتحس انها صارت امسبها منه ....

تمسك موبايلها واتدق على جنان .....<< جنان هذي صديقتها هناك تعرفت عليها اول ماراحت امريكا ...وصارت معاها حيل ...ريلها رفيج زياد وساكنين بنفس العمارة .....كانت دلال شقتها فوق شقة جنان...كانت جنان حبوبه واايد ..ولاتطلبين منها شي..كانت اتشط عمرها ...بس كانت شخصيتها قويه ...وحاارة وماترضه بالغلط ....وبالنسبة حق شكلها ..كانت سمره مايله للحنطاوي...ومتبتبه اشوي...وطويله.....وماكان زيااد يحبها واايد ...لان يدري انها فااره ريلها ...ويخاف لاتشيش دلال..بس مايقدر يمنعها عنها لانها زوجة رفيجه حييل.....

دلال : الووو ...صباح الخير .....

جنان : صبااح النور ....

دلال : اشلونج ....عسى ما قعدتج من النوم .....

جنان : لا اشدعواا ...انا قاعدة من النوم من زمان ....مع محمد واليهال...

دلال : واي جنّوون...منقهره ...منقهرة ...

جنان : شنو بعد ...انا امس بليل امكلمتج ...

دلال : جنان احس اني تعبااانه ومكسره ...شكلي فيني بداية فلونزا...تخيلي اقوله بروح الطبيب ...يقولي لما ارجع !!! قتله بروح مع جنان ..مارضى..الفروض اول ماقوله يركض ايوديني الطبيب...الظاااهر نسى إني (حامل) ....لاعت جبدي ...احس اني مو أنسانه ..احس اني عبدته ...جنه شاريني بفلوسه ...

جنان :ويه حسره ..بروحه مايواطنيّ....حبيبتي ريلج اناني...بس يهمه نفسه ودوامه ...واااي دلول مادري شمصبرج على هالعيشة ...لو زيااد ريلي ما اعيش معاه يوم ...بالطقاق ريال غيره عشره .....

دلال : وااي جنان لاتحريني ...أنا مو هامني اهوا كثر البيبي الي بطني....انا يالله عقب سنه حملت وطرت من الفرحه....يمكن اذا يا الياهل يتغير....

كانت دلال بالشهر الثالث...احمت عقب سنه تقريبا من زواجه ...والحمل اشوي الي مصبرها على زياااد...اتقول ..باجر اييلها بيبي ..تلها معاه ...اتوكله واتشربه واتلعبه ...وتنسى شي اسمه زيااد....


دلال اتكمل : مادري جنان ...ساعت اقول راح يتغير...وساعات اقول اذا يا البيبي راح الهى معاه ...بس والله احس اني مختنقه منه ....كل شي لأ لأ لأ....لما اشوفكم انتو الكويتيات والله احتر ....!!! انا مو متعوده على الحكره ...لا والمشكله ان اهو بيئتهم مو جذي بعد...مادري من وين ياايب هالشغله......

جنان : هذا الشي ماله شغل من البيئة....ّّّ!!! هذا مرض نفسي...لازم يتعالج.....شنو يعني يقفل عليج باب الشقة ويذلف الدواام ..وانتي حامل..بالله صار فيج شي...والله لو منج ادق على 911 واخليهم ايون يفتحولي الباب وعقب اسويله فضيحة واشرشحه بين الله وخلقه....

دلال : لا جنان ..انا ماقدر اسوي جذي...انا ماحب اللوية ...والديرة مو ديرتنا ....انا بس ناااطره ارجع الكويت ...وخلاص يا رده كوني رده ...ما ارجع هالديره الغبره مره ثانية...

جنان :والله الديرة اتينن...بس من ريلج المعقد صارت غبره..وحبيبتي عشان جذي اهو مو راضي ترجعون الكويت ...يدري انج يمكن اتقولين له ابي اقعد...و ماترجعين معاه امريكا ....

دلال : ايه ادري...يقول يالله عقب سنه ...تخيلي !!!! يعني الحين صارلنا 9 اشهر وزيدي عليهم سنه ...لا أنا اهني أطق واموت ....قاعده اقوله ..خلاص غيّر شغلك ...خل نرجع الكويت ..اشتغل اهناك...ابيه ودي ارجع اداااوم ..اشوف رفيجاتي...ازور اهلي...ارد حياتي الطبيعية ...اهني لايمكن يتغير...لان كل عذره اني اخاف عليج ...اقفل الباب لاني اخاف عليج ...ماخليج اتسوقين لاني اخاف عليج....ماتركبين مع التاكسي لاني اخاف عليج ....أف أف....

جنان : واااي دلال ..انتي بعد مادري شلون صايرة ...بعد قولي حق اهلج !!خل يتصرفون ...

دلال : ماقدر جنّون ...ماقدر....تدرين امي وابوي حياتي اذا دروا شنو بيصير فيهم ...والله ان امي على ماتييلي امريكا عقب 14 ساعة الا اهيا صاااير فيها شي بسم الله عليها ...ماقدر اشاغب قلبهم ....ماقدر....

جنان : انزين قولي حق مشاري اخوج ...خل يتصرف...على الاقل يصير حجي بين الرياييل !!!!

دلال : رااح اتصير لويه ...ومشاااكل...وتدرين اخوي مشاري لو اقوله إين ..والله إييلي على أول طياره..واهني تدرين كل شي بالقانون...راح اتصير قضايا وعمات عين ...و احنا بغربه ....مالي خلق اللويه ....

جنان : وااي دلال اتنرفزين...خلج عيل ... مادري ليش ساااكته ليلحين ...اتبطين جبدي سااعات!! ....تستاهلين عيل الي يصيرلج .....

دلال : صج جنان....مشكورة << حز بخاطرها...

جنان اكسرت خاطرها دلال: افف دلول...لاتزعلين ...والله تكسرين خااطري...احس ماتعرفين تتصرفين ....حراام قاعد يضيع شبابج وايامج مع هالمينون....

دلال :والله جنان ..قمت احس ان شخصيتي صارت ضعيفه...مهزوزه...صرت خواافه ...انا ماكنت جذي...ياااربي...احس اني ضااايعه مادري شسوي....

جنان : طبعا دلال راح تنهز شخصيتج ...حاكرج وقامتج ..ويصبحج بطرااق ويمسيج بطرااق....وهذا اهوا الي يبيه ..يبيج اضعف منه وتحت رحمته.....

دلال : بس اهوا يحبني.....

جنان : حبه برص وعشره خرس ....ابيه ...لاتقولين يحبني!!! ..خل ينقع هالحب ويشرب مايه ...الحب مو بس كلام....الي يحب يونس الي يحبه ...يسمع منه شنو يبي ...ياخذ ويعطي معاه ...مو جذي عقب مايحكرج ويقمتج ويفشلج جدام الله وخلقه ويطقج ...آخر شي يقولج أنا اسف وماكان قصدي..وأنا احبج ...خوش والله...

دلال تاخذ نفس : شسوي جنان ...انا كنت امفكره اني اذا رجعت الكويت اطلب الطلاق...بس لمّا حملت احس اني غيرت رايي ...ابي الياهل يعيش بين امه وابوه ....ارد واقول يمكن يحن قلبه ويتغير...جنّون يعني انتي لو مكاني شنو اتسوين ؟؟!!

جنان :قصدج شنو ما أسوي ...والله اشرشحه ...
دلال والله انا ماشجعج على الطلاق....يعني كل المتزوجين بينهم مشاكل...بس انتي ريلج لا يحتمل ....استغفر الله العظيم ...ضيم ضيم ....

دلال : هذا نصيبي شسوي....

جنان : لاتقولين هذا نصيبي وهذا الي الله كاتبه ...لاتصير جنج يدتي العيووز ...هذا أول الوحدة تصبر وتتحمل الضيم..لأن حريم قبل لايشتغلون لايسوقون ..والاهل اول عساره مايرضون بناتهم يطلقون لو فيها الموت ...بس الحين الدنيا تغيرت ...احنا بأي قرن عايشين ؟؟!! الوحدة شهادتها ووظيفتها يرزونّها ويعزونها ...ولا اقعد مع وااحد يسم البدن نفس زياااد ... والله ترا مينون استغفر الله ....


دلال : شسوي جنان...انا غلطتي من البداايه ...المفروض ما أفكر فيه وأفكر بنفسي....أنا يوم شفته بذيج الحاله...كسر خاطري...وخفت يصير فيه شي...قلت يمكن يقدّر هالشي...ويتغير ...بس ماكو فايدة هذا طبعه ....(تسكت اشوي واتكمل ) بس ارد واقول.. أنا متأكدة انه يحبني ويحبني واايد...بس هذا طبعه ...

جنان : وانتي مو مجبورة تتحملين طبعه!!!!! شالفايدة يحبج!! يسوي سوااته وبعدين اييلج يتبجبج جنه ياااهل ويتأسفلج ....وعوو

دلال : جناااان ..اشفيج ....لا تخليني اتحسف اني اقولج كل شي...خلاص لا تشيشيني بروحي على طريف...خليني اقص على عمري....الله يهديه ان شاء الله ....

جنان : ويه كيفج....انا شكوو...


دلال تسكت واتفكر...وبعدين اتقول : لايكون اتقولين حق محمد ريلج هالسوالف ؟؟!!!

جنان : ويييه من صجج ....عااد محمد ايموت على واحد اسمه زياد ..لو اقوله يقولي جذااابه ....

دلال : ايه ديري بالج...مالي خلقه ....



.................................................. ...........

عقب جم يوم .....كانت الساعة عالاربع العصر تقريبا ........وكان زيااد يم دلال ومن شوي ياي من الدوام ...قاعدين بالصاله ...وتوهم خالصين من الغدا....وكانوا قاعدين يشربون جاي وقهوة .....

دلال : الوو ..هلا يمااا اشلونج ....

الام: هلا دلول ..شلونج حياتي...ان شاء الله زينه ...شلونج مع النساة ....

دلال : لا الحمد الله ..نساتي خفيفة ...انتو اشلونكم..ابوي وسوير وكلكم. ....اهم شي اشلون (فصول) <<<ولد مشاري ونورة...

الام : وااي ياحلوه ...ماخذ قلبي الكلب....

دلال : ايه كل يوم اشوف صوره ...وازينه ....فيه من نورة ومن مشاري....ياحلوه ...
الام : وانتي مابين بنت ويلا ولد ..؟؟

دلال : لا تو الناس...توني داخله الثالث .....اتقول الطبيبه اول الرابع يبين ....

الام : عيل ماتقدرين اتيين الكويت ....

دلال فز قلبها : وااي ودي ..ميته ارجع الكويت .....


الام : زياد يمج .....؟؟

دلال : امممم....

الام : عطيني عطيني اياه ..ابي اكلمه .....

دلال تمد الموبايل ....

دلال : زياد امي تبي اتكلمك .....

زياد : الو ....هلا عمتي.....

الام : هلا والله وليدي...اشلونك ..عساك طيب ...شلون الشغل معاك ...ان شاء الله مرتاحين ....

زياد : ايه والله ..كلنا بخير وطيبين ....انتو اشلونكم ..واشلون بو مشاري ومشاري والصغير ....

الام : الله يسلمك كلنا بخير...بس ناقصتنا شوفتكم ..ترا اذا ماولهتوا علينا ..ترا احنا لهنا عليكم ؟؟!!

زياد : حياااكم ...تعالوا زورونا ومره وحده شوفوا امريكا ....

الام : الصراااحة ياوليدي...انا اخااف من الطيااره...وهالدور 16 مادري 17 سااعه ...والله الضغط يوصل واطق واموت....

زياد يضحك : بسم الله عليج عمتي .. اشدعوا 17 ساعة ..بس 14 ساعه ...

الام : لا يما ..مافيني شدة طريج ...انتو شباب واخف منّا ...يالله عاد...طلبتك ....انتو تعالوا ..والله قلبي متفرفت على شوفتكم....وابي اشوف بطين دلول ...ويه ياااختي....

زياد متضايق : مادري عمتي ..ماوعدج ...وانا الإجازات مو بكيفي ...

الام : ويه قميضه ....(الام مستحية) ايه مو مشكله ...خل دلال اتيي الكويت ..وانت عقب ضبط اجازتك وتـ ..تعال الحقها ....

زياد ماعجبه ان ام دلال قاعدة تضغط عليه وتحرجه ..يحد نبرة صوته : عمتي الله يهداج ..تدرين دلال حامل...وما حملت الا عقب سنه ...وانا اخاف عليها ...وما يطاوعني قلبي اخليها اترد بروحها ....وهم مو زين حامل وتسافر...تدرين ضغط الطيارة !! اصلا حتى لو نسأل الدكتوة راح اتقول موزين لها السفر...ان شاء الله لا ولدت يصير خير....

سكرها بويه الام .....

الام : يالله ..اهم شي سلامتها ..والله القصد ان ولهنا عليكم ...الحين بيصير لكم جريب السنه ....

زياد بنفس : والله عمتي ..شسوي بعد هذي ظروف شغلي...انتو حيااكم الله بأي وقت ...أما ان احنا نرجع الكويت الحين صعبه ..وايد صعبه ...

دلال صكت فيها الدنيا ....حست ماكو امل ترجع بهالفترة ...لانها ماتبي تولد اهني...تبي تولد بالكويت بين امها وبين سارة ونورة...

كانت دلال حاطه ايدها على بطنها وقاعده تلمسه...ولتفكر وسرحانه ....تلتفت ويلا زياد توه مسكر الخط ....ويخز دلال خزة ...وحده معصب.....

زياد : انتي هبله ؟؟!! ويلا تسهبلين ؟؟!! ويلا حمااااااره .....

دلال اتطالعه : شنو !!!؟؟؟ اشسويت !!!!!!

زياد يمسكها من تي شيرتها على جنب صوب ايدها ...ويرها : شنو يعني ؟؟!!! عبالج شاطره ...تبين اتوهقيني مع امج ...؟؟!!
معطتني اياها عشان تحجيني واتحديني ارجع الكويت ....!!!

دلال : والله انا ماقتلها شي ...كنت قااعده اتكلم جدامك....اهي قالتلي عطيني زياد بكلمه....

زياد : يعني بتقنعيني انج مو متفقة معاها من قبل...اني اول مايي من الدواام اتخلينها اتكلمني.....!! لا تستغبين على راسي...

دلال متنرفزة واتدز ايده : وخر ايدك عني ....ولاتسبني تفهم ....

زياد : جبي ....لاتعلين صوتج .....

دلال توقف وحدها معصبة : ماراح اسكت ...انا بنت نااس...لاتقعد اتسبني وتغلط علي...بروحي متحملتك ومتحمله طبعك الخاايس....لاتخليني اكرهك !!!!

زياد يطالعها بنظره فيها خوف..وبنفس الوقت اتخرع : ليش انتي تكرهيني !!!!

دلال تقعد وتلف ويها ماتطالعه : لا ما اكرهك ...بس اذا ظليت جذي على طول راح اكرهك .....

زياد : انتي في احد لاعب براسج ...متغيره وصااير السانج طويل...اكيد هذي جنانو الخره ..ماعليج منها هذي عوبه ومأذيه ريلها وكله مشاكل ....

دلال اتطالعه :اولا جنان وريلها علاقتهم واايد زينه مع بعض...وياليت انا اصير نفس جنان ..وشخصيتي نفسها ...جان ماصار هذا حالي....

وثانيا محد لاعب ابراسي...بس لأني قمت ادافع عن نفسي !!!ترا انا مارضى انك اتسبني واتهيني.....

زياد : ماشاالله ...ياليت اصير نفسها ...اشكره امشيشتج ..لاتخليني امنعج عنهااا ...!!!!

دلال اتصرخ : بس هذا الي نااااقص ....عشان تكمل السالفه ....بس مو بكيفك ....

زياد يصرخ : ايه اهيا الي امشيشتج ....هالبقره ...لانها مريضة وفيها نقص ومحترة منج...ماتبيج اتصيرين احسن منها عشان جذي اتشيشج علي. ....

دلال مستغربه من كلامه وتبتسم باستهزاء : لا تضحكني...تحتر مني على شنو ؟؟!!!! ترا كل الكويتيات انا كاسره خاطرهم ...كلهم احسن مني بكل شي.... انا الي احتر منهم ....مو اهم ....انا كرهت هالديرة الي كنت اموت فيها بسبتك !!!! حابسني بين اربع اطوف ...لا اروح ولا ايي ....وحتى باب الشقة تقفله على ...

زياد يصرخ : انا لاني اخااف عليج بس...وانا مو مقصر معاج ..كل مكان اوديج ...اغلى المطاعم ...وبالاسبوع مرة ومرتين سينما ....وغير اذا رحنا السوبرماركت ...وغير هالتبن الي اسمها جنان 24 ساعة اتييلج ....ومجابلتج اكثر مني....

دلال :ادري انك مومقصر... بس انا احتاج اطلع مع البناات ...احتاج اطلع بروحي...وثانيا مو بس هالشي الي مضايقني فيك ...هم انت وااايد اتسب ...وايد اتمد ايدك ....

يقاطعها زيااد : حلفتج بالله من اول ماحملتي جستج ...مامديت ايدي عليج ....

دلال : لأني حـــــامل ...لأني حامل.....بس خل اولد راح اترد نفس اول ....


دلال تصعد بالدري (شقتها نظام دورين ) واتروح غرفة الغسيل الي فوق....وصايره يم غرفتهم النوم....

يلحقها زيااد : ....انا ليلحين ماخلصت كلامي....تسمعين....

دلال اتطلع الهدوم من النشافه ......واتحطهم بالسله ....

دلال : خلاص زيااد ...مال خلق اتهااوش معاك ...مو زين انفعل واصرخ وانا حامل....خلاص....وصل كل شي تبي اتقوله ....

زياد : بس انا ماخلصت الي عندي.....

دلال تلتفت عليه واتربع ايدها واتطالعه : هااا ...يالله قول....اشتبي ....قاعدة اسمعك ....

زياد : دلووول ...يوزي تكلمي عدل....لاتتخصرين لي...والله لا طراق على ويهج .....

دلال خلاص اوصلت حدها : يالله اذا انت ريال واذا فيك خير طقني.....وشوف منو الي بتقعدلك (تاخذ السله وتبي تنزل بالدري)

يلحقها زياد ويصرخ بأقوى ماعنده : دلووووول ياحيوانه ...اوقفي ....( وكان ياي صوبها)

يمسكها من زندها ويهزها : دلال والله انا متعوذ من ابليس....لا تخليني افقد اعصابي ....لا تتحيونين ....<<جان ايحط ايده على راسه ويغمض عينه....جنه ياله صداع فجأه....

حست دلال ان قاعد يرجف......خافت ان يصير فيه نوبة صرع....

جان اتطالعه وحدها خاايف ....جان تمسح على صدره بايدها اليمين..وكانت شايله السله بأيدها اليسار ومسندتها على خصرها ....

دلال مسكينه حدها خايفه : انزين خلاص ...هدي ..هدي...انا اسفه ...بس لاتعصب ولاتصرخ ...

زياد حاط ايده ايده على راسه ....ومغمض عينه ...يسمعها اتقول جذي...يبطل عينه ..وبإيده الثانية يدزها .....

زياد : وخري عني بس.....

ويلف ويها...بيروح غرفته ......

دلال كانت على حااافة الدري....يوم دزها ...ازلقت ...وكانت شايله السله بعد ...عشان جذي افقدت توازنها ....

دلال : زياااااااااااااااد .......

يلتفت زياااد بسرعه ......

ويلا يشوف دلال قاعدة اتطيح من الدري....والاهدوم تطشرت ....

وقف مده ...قلبه يطق ...ومصدوم ....ينزل بسرعه ....

يلقى دلال طايحه على طرف الدري...وفاقده الوعي....زياد يطبطب على خدها ...ويمسك ويها ويقعد يبوس ويها..وحده خاايف...

زياد : دلال ...دلال ...قومي...قومي حبيبتي...دلال الله يخليج...قومي ...ماكان قصدي...والي يسلمج ...دلال حياتي قومي....

جان يشيلها ....ويطير فيها المستشفى ......



بعد ساعات ....اتقوم دلال من النوم....تلقى نفسها بمكان غريب...وكان زيااد يمها ....

دلال تبطل عينها اشوي اشوي واتطالع حواليها : أنا وين ؟؟!!

زياد كان ويها تعبان ...قام وباسها على راسها : الحمدالله على سلامتج ....

دلال تذكرت شنو صاار...اتشوف نفسها لابسه لبس المستشفى....وبعدين اتحس بعوار بطنها ...

دلال منصدمه : اشصااير بالبيبي.....<<< اتطالع زياد ومبطله حلجها اشوي من كثر ماكنت خاايفة ....

زياد نزل راسه ......

دلال ترفع الكمبل.....كانو حاطين تحتها نفس شغله بيضه...وكانت متروسه دم .......اهني اعرفت دلال ان الياهل طاااح ......

قامت تتنفس بسرعة بسرعة بسرعة .....

دلال اتطالع زيااد واتصرخ وتبجي: كله منك ....كله منك ...انت الي ذبحت ولدي....انت الي ذبحته ....اكرهك اكرهك ......

قامت اتصرخ بهستيرية ...جان اتقوم السستر على طول تعطيها ابره مهدئ....لين نامت .....




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الإثنين مايو 09, 2011 9:35 am


عقب يوم......دلال نفسيتها اتعبت حيل....كانت بس تبجي وضايق خلقها ....وماكانت اتكلم زياد ابد ....بس اهوا كله مجابلها وييبلها الاكل ويوكلها ....وخذا اجازة اسبوع بس عشان يقعد معاها ....

زياد يايب صينية فيها شوربة دياي وقلاس فيه حليب دافي .....
يقعد يمها بالفراش .....كانت قاعدة اتطالع تلفزيون ....

زياد : يالله دلولة ....انا مسويلج شوربة عجيبة ....صارلي ساعتين احوس بالمطبخ عشان اسويها .....

دلال موقاعدة اتطالعه... ويها عند التلفزيون .....

دلال : ...................

زياد : يالله دلول عن الدلع .....

دلال تلتفت عليه وحده معصبة : زياد انا مابيك ...ابي ارجع الكويت وابيك اتطلقني .....

زياد انصدم ...يبلع ريجه : دلال حبيبتي ...

دلال بصراخ : لا تقول حبيبتي ....

زياد بهدوء: دلال ...ضايق خلقج ...

يمد ايده صوب شعرها ويحطه ورا اذونها ....دلال اتدز ايده حيل ....

زياد ياخذ نفس : دلال ..هذي مو نهاية الدنيا ...الي خلاج اتحملين المره الاولى يخليج اتحملين مرة ومرتين وثلاث....وانا صج غلطت ...سامحيني الله يخليج...

دلال اتطالعه بحقد...وتصك اضروسها :ماني مسامحتك ابد...وبعدين منو الي تبي تحمل منك مرة ثانية !!! انا كنت متحملتك عشان البيبي ...والحين راح ...مافي اي شي يستحق اني اقعد معاك ....انت واحد لاتطااق ...انا المفروض كنت اتطلق منك من البداايه ....هذي غلطة عمري ....

زياد تنرفز منها : انا مقّدر نفسيتج الحين ...وراح اسمع الكلام من اهني وطلعه من اهني .....

دلال اتقاطعه واتصارخ : لا لا ..انا من صجي...وما بذني ماي ...مابييييك مابييييك ...انا اكرهك ...ما حبك ...ولا عمري حبيتك ....كنت اقص على عمري ....يباااا طلقني طلقني ...يعني اكثر من اني اقولك اكرهك !!!!

زياد يغمض عينه حيل....يبي يتحكم بعصابه ...يسكت اشوي وبعدين يبتسم ابويها ...

زياد : مو إلّا اتحبيني ....بدام على قولتج صبرتي علي وقدرتي تتأقلمين معاي فوق السنه وشي ...تقدرين اتعيشين معاي عمرج كله ....المهم اني انا احبج ....وعلمن يوصلج ويتعداج..طلاق ماني مطلق ....

يقوم ويخليها ...ويطلع بره الغرفة ......

اتضم دلال ريلها ....واتحط ويها على اركبها ....وتقعد تبجي تبجي .....



عقب اسبوع ....صارت دلال احسن اشوي ....يعني ..قامت تتحرك اشوي ...بس ليلحين ماتكلم زياد ..واذا حاول يكلمها كله اهواااش وصيحة ..... وطبعا دلال سوت اضراب ...وقالتله انها ماراح تطبخ ولا تسوي اي شي.....ولاتغسل اهدوم ولاتضرب اوتي ولا اي شي .....

وليلحين على نفس الحاله .....يطلع ويقفل الباب ....

صار المغرب .....كان زياد قاعد بالصاله ....ودلال فوق بغرفتها .....

يرن الجرس ....يفتح زياد الباب .....ويلا جنان عند الباب ....


جنان : السلام ...

زياد يطالعها وده لو يمسكها من ارقبتها ويخنقها من كثر مايكرها ...بس مايقدر ايقول شي لانها مرت رفيجه ....

زياد حتى ما يرد السلام ....يبطل االباب .....

زياد : دلال فوق .....

اصعدت جنان فوق ...طقت الباب....وادخلت ....

باست دلال واقعدت يمها على الفراش ......

جنان : يايبتلج قبوط ....بس ياويلج اذا ماكليته ...مو نفس ذيج المرة ..لقمتين والباجي بالزباله ....

دلال : جنون ...مابي ...والله ما اشتهي شي ....احس الاكل جنه حَصَم ...ماينزل ....

جنان : مايصير دلول ...انتي انـْفسه ...لازم تاكلين ...وخصوصا هالعشر ايام الاولى ...عشان اتثقل ارحامج ...واتقوي اعظامج ...

دلال : جنون ...احسج يدتي ....مادري ماعترف بهالاشياء ...يعني كاهم الاجانب اهني ...مايسوون الي انسويه وشزينهم ...

جنان: لا لا مو خرابيط ....وثانيا من طلب رايج....راح تاكلين يعني راح تاكلين ....

اتطالعها جنان : وبعدين اشفي ويهج متفخ واحمر ....!!! قاعدة تبجين !!! انا مو قايلتلج مو زين عليج ضيقة الخلق والبجي...

دلال تاخذ نفس : جنان انا قررت ...اذا ماخلاني اروح الكويت بالكثير هالاسبوعين ...راح اقول حق اهلي ...

جنان اتصفق : ايه عفية ...انا من زمان قايلتلج هالحجي ....

دلال : بس انا خااايفة اتصير لويه اهني ..ويسمعون الييران وتتدخل الشرطة...وتكبر السالفة واتصيرمحاكم وقضايا وبلاوي ....

جنان : حبيبتي ..هالديرة ديرة الحريم ....كله يوقفون بصف الحريم ...يعني ماراح يصير فيج شي ...اذا بيصير شي بيطيح على راس هالمدروَخ ريلج .....

دلال : ايه مو انا خايفة من جذي بعد ...هم مابي يتبهذل...تدرين اهوا يصيرلنا من بعيد ...من صوب عمتي....وهم نسايبهم نفس نسايبنا ....واهله طيبين ....ابي اتطلق بهدوء ومابي مشاكل...

جنان : اوووه دلول ....طاع شتفكرين فيه ...يباا بالطقاق ...

تسكت جنان ....

جنان : تعالي دلول ...انتي وين جوازج ...؟؟!!

اتلف دلال ويها صوب كبت اصغير يمها .....واتأشر براسها ...

دلال : اهني داخل التجوري .....

جنان : طبعا ماتعرفين رقم التجوري .....

دلال اتهز راسها بضيقة خلق : لا ماعرفه ....

جنان : اهوا يبطله على طوول ...؟؟!!!

دلال : يعني ...مو كل يوم ....اذا بيحط شي أو بياخذ شي...

جنان :انزين دلول ...لو عندج الجواز .....اتسافرين !!!!

دلال : اسااافر؟؟!! ....قصدج انحاااش !!!

جنان : عليج نووور ....تنحاشين من الضيم!! .....اتسوينها ...؟؟!!

دلال اتفكر ...واتطالع جنان : ايه اسويها ....بس اشلون ...؟؟

جنان :ايه اهني مربط الفرس... دبري الجواز بالاول ....وبعدين انشوف شنو انسوي....

دلال : عبالج السالفة بس سالفة الجواز ...والباب الي يقفله ....وماكو نسخة غير الي معاه .....

جنان : انتي دبري الجوااز ....ويصير خير بعدين ..انا ادبرلج دبره...احنا نمشي step by step....والله يفرجها ....انتي مو تقولين بتعطين نفسج اسبوعين قبل لاتقولين حق اهلج ....!!!

دلال : ايه .....

جنان : وهم على قولتج يمكن اتصير لويه ما لويه ....

دلال : ايه ......

جنان : اذا يبتي الجوااز هاليومين ...ان شاء الله بحيل الله..انتي بالكويت ...بين اهلج قبل الاسبوعين ...وتفتكين من شين الحلايا ...

دلال : جنان لاتشفيني على الفاضي ...اخاف ماتضبط .....

جنان : اضبطت ويلا ماضبطت ...مو خسرانين شي ....وبعدين اتروحين الكويت احسن لج ...واتسوينله خلع ...واتخلينه ايولي ...ويمكن الله يرزقج بالي احسن منه ...هالحيوان ..اكرها ....

دلال تبتسم : لا ...مابي ..راح الي احسن منه...خلاص تعقدت من الرياييل .....

جنان اتطبطب على فخذ دلال : سوي الي قتلج عنه ...وماراح يصير الا كل خير ....

دلال اتهز راسه ...وكانت سرحااانه بعيد .....

جنان : يالله عيل ....وقت القبوط ....وراج سفره طويله ...لازم تتقوين ...يالله بسم الله ....

دلال تبتسم : لا اتزهبين الدوة قبل الفلعه ....

جنان : ربج بيحلها ....بدام وراج جنان ..لاتخافين ...والله اني عن عشر ريااييل .....


طبعا عقب كلام جنان ...صارت دلال بس اتراقب زياد اذا فتح التجوري..ومرت ثلاث ايام ولابطّل التجوري....وفي اليوم الرابع.......كانت دلال واقفة صوب التسريحة....لافة شعرها بالفوطة ...لانها توها متسبحة ....وقاعدة اتحط كريم مرطب ابويها ...ولابسه الروب (البرنص)...

زياد توا ياي من الدوام ...يدخل الغرفة .....

زياد : السلام عليكم ....

دلال : .................<<< ماترد عليه..

زياد يهز راسه ويتحلطم : لا حول ولاقوة الا بالله...

اتشوفه ماسك اوراق بايده...اعرفت ان راح يبطل التجوري ...

وفعلا بطله ....كان معطيها ظهره...وقاعد على الارض...ألمحت دلال بعينها طرف الجواز بالرف الي فوق داخل التجوري ....كان واحد فوق الثاني....وقبل لايصك زياد باب التجوري....

دلال : زياد .....

التفت عليها زياد ......

....اركضت صوبه ....واقعدت جدامه ولمته......

دلال : انا احبك .....

زياد استغرب : اشطاري ...توج ماتردين على السلام .....

ومن غير ماترد عليه ...اتبوسه دلال مده ....وكانت ماده ايدها لي داخل التجوري صوب الجواز...لانها مثبته مكان الجواز ...بالغصب اقدرت تمسكه ...واشوي اشوي حطته داخل مخبات الروب ....

اتوخر دلال عن زياد ....

دلال : انت مهما كان ريلي...وبينا عشرة...وانا كل الكلام الي قلته من ورا قلبي....

زياد يطالعها مستغرب ومومصدق بنفس الوقت ....وحاس ان وراها شي ...

زياد : اتمنى هالشي....اتمناه من كل قلبي....

يروح صوب التجوري يبي يسكره ...ودلال قلبها يرقع ...خايفه ان يكتشف ان واحد من الجوازات مو موجود....بس اشوا...ما حس....

زياد يقوم يغيراهدومه ...ويلبس تريننق....

دلال ليلحين قاعدة بالارض..

يلتفت عليها زياد.....

زياد :بدام تحسفتي عيل سويتي غدا ؟؟ ويلا اطلبلي من بره ؟؟!!

دلال سرحانه ....

زياد : دلال حبيبتي ....

دلال : هلا ... انت روح طالع تلفزيون على ما أغير اهدومي...وازهبلك الغدا....

زياد : خوووش...بس لاتطولين...حدي يوعان ....


راح نزل تحت ...دلال راحت الحمام.....و اقفلت الباب.....واتسندت على الباب...حطت ايدها بمخباتها...وطلعت الجواز ....وحطته على صدرها ...وقلبها يرقع حيل حيل...خايفة يكون الجواز مو جوازها ....اتغمض عينها...وتبطل الجواز ....
وتفتح عينها شوي شوي....


دلال بقلبها ((الحمد الله رب العالمين....الحمد الله ))

الحمدالله إن الجواز طلع جوازها...ارتاحت دلال حيل....وقامت خشت الجواز داخل جنطة صغيرة ...وحطت الجنطة داخل جنطة كبيرة ...وحطتها داخل الكبت....

تمسك موبايلها...واتدق على جنان ....


دلال حدها مستانسة : جنّون ...جنَّون ...خذيته ...خذيت الجواز ....

جنان مستانسة : صج والله....

دلال : ايه والله....تعاليلي بسرعه...

جنان : يالله خل يتغدى محمد ويخلص واييلج ...

دلال : يالله انطرج .....

سوت دلال الغدا حق زياد ...واقعدت بالصاله تنطر جنان ...

يطق الجرس...طبعا زياد مايرضى ان دلال تفتح الباب...قام وفتح الباب...ويلا جنان ...

جنان : السلام ...

زياد بنفسية : وعليكم السلام...

زياد ياخذ نفس ....ويطالع الساعه يعني نغزة في احد ايي هالحزة ...

زياد بنفسية : دلال ....ام عبدالله اهني ....

زياد يروح صوب دلال : دلال اتروحون فوق حبيبتي...بقعد اطالع تلفزيون اهني...

دلال : اوكي...

ويروحون فوق...وأول مايدخلون الغرفة.....

جنان : وينه.. وين الجواز ....؟؟

دلال : اششش لايسمعج ...خاشته ....

جنان : انزين يالله ...خل نحجز ...

دلال : نطري... نسيتي اهوا يقفل الباب اذا راح الدوام ...وانا ماعندي مفتاح ...اشلون اندبرها ....

جنان تبتسم : عبالج اتطوف علي....

جان اتطلع من جنطتها طين ( صلصال ) الي يلعبون فيه اليهال ...

دلال : شنو هذا ؟؟ طين !!!!

جنان : ايه طين ...وين سويج ريلج ...؟؟!!

دلال : شكوو هذا بالمفتاح !!!!

جنان : دلول يالله عطيني السويج ....

دلال تتلفت بالدار...وتلقى على التسريحة.....

دلال : كاهو ......

تاخذه جنان ....وتضغط مفتاح الشقة حيييل على الطين ...لين طبع المفتاح على الطين ..وتشكل بشكل المفتاح ...

جنان : انا راح اروح بعد اشوي أصّب عليه نسخه ....

دلال مندهشة : أخخخ ذكيه ....

جنان تبتسم: يالله دلول ماكو وقت ...لازم باجر انتي مسافرة قبل لا يكتشف ريلج سالفة الجواز .....(تسكت اشوي واتدور مني مناك) ماعندج نت ....

دلال : امبلا اي فوني...

وفعلا احجزوا حق باجر عن طريق فيزة دلال...الساعه 2 الظهر اتطير الطيارة ..من واشنطن الى الكويت ..دايركت على طيران اليونايتد ....

دلال : جنّون خااايفة....تتوقعين تضبط !!!!؟؟؟

جنان : قولي ان شاء الله تضبط ...قولي ان شاء الله....


طبعا دلال ليلتها مانامت....بس قاعدة اتفكر...هل راح تضبط سالفة المفتاح ....هل راح تتسهل اموها بالمطار؟!....شنو راح اتقول حق اهلها اذا ردت ؟!...و..و..و...

راح زياد الداوم ...وطبعا دلال مانامت ....دقت على جنان ...

دلال : جنان قعدتي...؟؟

جنان : ايه ....

دلال : صبيتي على المفتاح ...؟؟

جنان : ايه ....زهبي اغراضج واشوي وامرج ....

دلال : واااي اشواااااضبطت ....كنت قاعدة احاتي طوول الليل.....

صارت الساعة عشر...دلال ماخذت معاها غير هاند باق صغيرة....

تفتح جنان باب الشقة ...دلال يوم شافتها داشه جان تركض واتلم جنان حيل حيل ...واتبوسها ...

دلال : واخيرا ...واخيرا تبطل الباب......

جنان : قصدج السجن ....

دلال : يالله ...يالله ...خل نمشي.....بسرعة قبل لا يصير شي.....

راحت دلال المطار وخذت البوردنق ....

دلال اتطالع ساعتها : باقي ساعتين ونص تقريبا ...بس ابي ادخل..عشان مايصيير اي شي يرجعني....

جنان : وانا اقول جذي بعد ...

اتكمل جنان : تدرين ريلج المينون عادي قاعد يدق الحين على البيت وما تشيله اييج ركض....

دلال اتلم جنان حيل ....

دلال : ماراح انسالج هالجميل ابد ...انتي الوحيدة الي فهمتيني ...الكل يقولي صبري وصبري...بس انتي الوحيدة الي حسيتي فيني ...

جنان اتدمع عينها : ياارب تفتكين منه ...ويعوضج بالي احسن ....

اتسلم دلال على جنان بايدها من بعيد....وتدخل ....وعقب ساعتين تطير الطيارة .....

كانت دلال مستااانسه حيييل ....واتحس ان مو الطيارة الي قاعدة اتطير ..اتحس اهيا الي قاعدة اتطير....اتحس جنها كانت بسجن واطلعت براءة ....وطول الوقت بالطيارة ..ماكانت قاعدة اتطالع افلام ولا تسمع اغاني ولا اي شي...غير انها قاعدة اتطالع الخريطة .....والوقت الي باقي عشان ترجع الكويت .....يوم اوصلت الكويت ...كانت قاعدة اتطالع الدريشة وتبجي ...وتبجي ...ماكانت مصدقة ....

طبعا كل هذا ودلال مو قايله حق احد من اهلها امها بترجع .....كانتالتوقيت بالكويت الساعة 7 وشي بليل ....واول ماهبطت الطيارة ...على طول افتحت دلال موبايلها ...وحطت التشب الكويتي....

ودقت على سارة ......

سارة يوم شافت رقم دلال قامت اتصرخ من الوناااسه ....عبالها امسويتلهم مفاجئة..

سارة من غير مقدمات: لا تقولين انج بالكويت ...لاتقولين ...!!

دلال : اي انا بالكويت ...واخيرا انا بالكويت ...جني غبت 10 سنين مو 10 اشهر...

سارة تبجي : ماني امصدقة ونااااسه ....وينج ابيتنا ....؟؟!!

دلال : لأ انا بالمطاار...تعالوا اخذوني !!

سارة : اخذوني؟؟!! انتي بروحج ؟؟ <<<منصدمه

دلال تاخذ نفس : سالفة طويله ...تعالي بسرعه سارون ....

ويت سارة مع عبدالوهاب ....ولاتشوفون الاستقبال اشلون كان صااير....كان بجي وصيااح ....

وراحوا اهما الثلاثه على طوول كيفان ...بيت اهل دلال....

ويوم اوصلت دلال بيتهم ...التفتت وشافت بيت خالد ...قلبها قام يعورها ....

دلال (( لو اني معاك ..ماصار هذا كله ))

ادخلت بيتهم ...واول ماشافت امها ونورة وابوها ومشاري...وقبل لا تتكلم لمتهم حيل وقااامت تبجي بجي بجي...مو بجي فرحة لأ بجي مقموووت بقلبها ...ومن كثر ماكانت تعبانة طاااحت غشيانه ...

بطلت عينها ويلا اهيا بفراشها ...بغرفتها والكل حواليها ....وامها ماسكة ايدها ....

امها : اشصااير ....قوليلي اشصاااير.....

قالتلهم دلال كل شي ...كل صغيرة وكبيرة....وطلعت الي بقلبها كله ...وكانت تبجي.....

وقامت الام تبجي ونورة وسارة ....ومشاري قام وطلع من الغرفة من كثر ماكان متضايق...

الام :ياحياتي يا دلال ...كل هذا بقلبج ...ليش ماقلتيلنا ....؟؟

دلال : انا من اول شي قتلكم ...بس محد رضى يصدقني ..!! وقلتولي ماعندنا بنات يتطلقون...

الام اتلمها : يابعد قلبي يابنيتي...يعل ايده تنقطع الي انمدت عليج..ويعل السانه القص الي سبج ...ويعله مايتوفق الي ينزل دمعه من عينج ...يادمعه قلبي انتي.....

دلال اتلم امها حيل : يما مابيه ..لا تردوني له ...انا اكرها ماحبه ...مابيه ....

الام لامة راس دلال وتبجي : يخسي...والله على قص ارقبتي...انا باجر راح اكلم امه....

راحت الام وبقت دلال مع نورة وسارة ...وسالفة اتير سالفة ...

دلال : واااي ابي ارجع حياتي ...ابي اطلع واروح وايي على كيفي ..... ولهت على الدوام وبنات الدوام...(اتطالع نورة ) عيل اشلون البنات ...منو اتزوجت ...منو يابت عيال ...سولفيلي ....

وقعدت نورة اتقول ...افلانة اتزوجت ...وفلانة يابت بنت ...وافلانه امنها توفت....نورة وسارة كانوا يتناقزون ...بيشوفون دلال سامعة شي ويلا لأ .....

نورة : دلال ...دريتي عن منيرة ....؟؟!!!

دلال : اي منيرة ؟؟

سارة : منيرة مرت خالد ولد ييرانه .....

دلال : اشفيها .....

نورة : اتطلقت ...!!!!!

دلال اطلعت عينها من الصدمة .....

دلال : صـــــــــــــــــــــــج !!!!!

نورة اتهز راسها ....

سارة : وبنتها اتربيها يدتها ....قطتها عليهم ....

دلال ساكته ...اتفكر ...

دلال : وخالد اشلونه ...؟؟؟

سارة ونورة يطالعون بعض ....اعرفوا ان دلال ماتدري عن ولا شي...ولا وصلها حجي....

سارة اتضيع الموضوع ....

سارة : دلول ....ترا اكلج برد...يالله اكلي اكلي ...لاحين على السوالف .....



دلال ماكان شي شاغل بالها بهالوقت غير موضوعها اهيا وزياد...تبي ترتاح من موضوعها معاه بأسرع وقت ...

طبعا رجع زياد الكويت عقب يومين ...على ماضبط اموره اهناك....ووراح بيت دلال وصارت لوية....واطردوه الابو ومشاري...وقام يهدد ويتوعد ...بس دلال راحت المحكمة واطلبت الخلع منه ....وكل الاشياء الي قالتها دلال عنه كانت مقنعه ...وفعلا 3 اسابيع بس ...وصارت دلال حرة طليقه من واحد اسمه زيااد ...الى الأبد...

وارجعت حياتها الطبيعية ...كانت مستانسة حيل .....وبيوم من الايام ...كان الوقت العصر تقريبا كانت دلال طالعة من بيتهم ....وتبي اتروح الجمعية....تبي تركب سيارتها ...ويلا اتشوف بنت صغيرونه قاعدة تمشي...كانت جميله حيل ...وتاخذ القلب...تمشي خطوتين واتطيح....واتشيلها الخدامة ...تعبر دلال الشارع ...واتروح عند البنت ...واتطالعها ...واهيا اتطالعها حست باحساس غريب...حست انها قاعدة اتطالع عيون خالد ...

تسأل الخدامة : هذي بابا خالد بنت ؟؟!!

الخدامة : ايه ...هذي بابا خالد بنتي .....

اتقرص خدودها واتبوسها ......

دلال اتمد ايدها : ممكن اشيلها .....

خذتها دلال ...واقعدت اتنقزها ...وتضحكها ....

دلال : شنو اسم اهيا ..انا نسيت ...جنى ويلا جوري !!!!

الخدامة : لا هذي بنيه اسم ((( دلال)))......

دلال يوم اسمعت الاسم ...بقى يوقف قلبها ...اقعدت اتطالع البنت مدة اطويله ...اعرفت ان خالد غير الاسم ....وسمى بنته عليها ...خنقتها العبرة ...وانزلت على خدها ...

دلال بقلبها (( ليلحين اتحبني يا خالد.....ليحين!!!!))


تسمع صوت من ينادي ....

...... : كرستين ...كرستين .....

دقيقة ويلا يطلع خالد من باب الكراج .. كان قاعد يمشي على عكاز ....
..وقفت دلال اتطالعه مدة طويله ...واهو يطالعها بعد ....

خالد : دلال .....

يقرب صوبها ......

دلال : خالد .....

خالد : اشلونج ؟؟!!

دلال اتهز راسها : الحمدالله ....

ويطالعون عيون بعض مده ....

دلال اتضيع الموضوع .....

دلال : سلامات ....

خالد يبتسم بحزن .....

خالد : الله يسلمج .....(يسكت اشوي ) توقعت منج مكالمة ....كنت حيل محتاج اسمع صوتج ...لو على الاقل اتقوليلي (اشلونك) واتسكرينه ....كانت راح اترد روحي....

دلال اتضم حواجبها موفاهمة .....

دلال : مكالمة شنو ....ماني فاهمة ....

خالد حس ان دلال ماتدري عن شي ....

خالد : ماسمعتي عني شي ؟؟!!!

دلال : عنك وعن منيرة ؟!!!

خالد : لاتيبين جدامي اسمها ...الله يقطعها ....(يسكت ويهز راسه جنه يقول لأ... ويكمل ) ماسمعتي شي ثاني....

دلال : لأ ....شي مثل شنو ....

يرفع خالد بنطلونه من الجهة اليسرى .....دلال يوم شافتها حطت ايدها على حلجها على طووول ......

كانت الريل اليسرى صناااعية....

دلال : شنو هذا ...ليش ؟؟!! اشصار فيك ....

خالد ينزل راسه وكان حيل متأثر : سويت حادث من جم شهر ...كنت بروح فيها ...بس الحمد الله يت بريلي بس....(يسكت اشوي ويطالع دلال ) انا استاهل الموت ...لاني ماوقفت بويه الدنيا كلها على شانج ....هذي جزاتي ...

دلال اتقرب من خالد : لا ...لا تقول جذي...هذا الي الله كاتبة ..وهالشي لا بيدك ولا بيدي....وانت سويت الي عليك ...بس الله ما قـَسَمْ ....!!!!! وبعدين انا ماسمعت عن ولا شي من هذا كله ...محد قالي....لو سمعت ماكنت اح اتردد دقيقه اني اسأل عنك...أو اتحمدلك بالسلامة ....!!!

اتدمع عيون دلال واااايد...عورها قلبها على خالد....

دلال حدها منفعله ومتأثرة : لو أدري..يمكن جان مادقيت ...يمكن جان ييت الكويت ...على شان جذي محد قالي!!!...يدرون اشكثر أنا أحـ....<<<تسكت

واتدمع عيون خالد ....مايقدر يعبر عن الي بقبله اكثر...لانه يظن انها ليلحين متزوجة....

خالد : توقعت ان محد قالج !!!!!

يضيع الموضوع ...... يمسح ادموعه بسرعه ...يبلع ريجه ....

خالد : انتي ...ماياج ولد ويلا بنت ؟؟!!

دلال اتهز راسها : لا ...

خالد : الله يرزقج ...

دلال كانت ماسكة بنت خالد ....واتطالعها ....وتبتسم ....وتنزلها على الارض عشان تمشي....وتنزل لي مستواا البنت ....

تمسح دلال ادموعها ......

دلال تاخذ نفس ومن غير ماطالع خالد ...
دلال : ماظن الله يرزقني.....(اتطالع خالد ) لأنــــــــــــــي اتــــــــــــــــطـــــــــــــلقــــــــــــــت !!!!!!!!

طبعا خالد انصدم ...وماعرف شنو يقول ...تبوس دلال بنت خالد ...وتوقف ....

دلال وتعابير ويها اتعبر عن حزنها : يالله عيل ...دير بالك على نفسك....(اتطالع بنت خالد ) وعلى دلوله الصغيرة ....

تعطيه ظهرها وتمشي ....

خالد : تـــــــــــــــــتــــــــــــــــــــزوجــــــــ ــيــــــــــــني!!!؟؟؟؟

خالد : مالي وي اطلب منج هالشي ....وحتى لو قلتي لأ مالومج ...بس صج ....ماقدر اعيش من غيرج ...
دلال تسمع كلامه ...واتغمض عينها حيل ...وتنزل ادموعها ...وليلحين معطه خالد ظهرها ....

دلال تلتفت عليه ...ومهي قادرة تتكلم ....اتهز راسها .....

دلال :اممممممم...

خالد يقرب منها : شنو أمممم ...يعني مواااافقة ..!!!!!

دلال تنفجر من البجي : اكيد اواااافق...انت من صجك !!!؟؟؟

كان خالد وده بهاللحظة ان يلمها حيل ...ويشيلها ويدور فيها ....

خالد : الحين بروح اكلم امي ....الحين.....




عقب 3 اشهر .....املجت دلال من خالد ....صج صارت معارضة من اهل دلال...على اساس ان دلال توها منفصله ...وان خالد فيه اعاقة ...بس دلال هالمرة اوقفت بويهم كلهم ....وقالتلهم ((خلوني هالمرة اختار حياتي بنفسي )).....


سارة حدها مستانسة .....

سارة : دلول ...دلول ....يالله يالله ...خالد ينطرج بدار الاستقبال تحت .....

دلال تنزل بسرعة بسرعة ....تدخل دار الاستقبال ....واتسكر الباب وراها ....واطالعه وتبتسم ....والدنيا موشايلتها من الفرحة ...واهو بعد نفس الشي....يطالعها ويحس قلبها بيطلع من مكانه من كثر ماكان يدق....تركض دلال حيل ...واتلم خااالد بأقوى ماعندها .....وتبجي ....

دلال : ماني مصدقة....ماني مصدقة ...انا بحلم ....اكيد بحلم ...

خالد تنزل ادموعه : احلى حلم وتحقق...انتي احلى حلم بحياتي...

دلال : لاتخليني مرة ثانية ...شفت الموت من غيرك ....خالد احبك ...وراح احبك طول عمري....

خالد : وانا بعد احبج ...ولا راح اخليج ابد ...

بعد 5 سنين من علاقة الحب ...وسنه ونص من الفراق...زاد فيها الحب مانقص... وترجع دلال حق خالد ...بس هالمرة لي الابد ....محد يقدر يفرقهم ...ولا احد يقدر يبعدهم عن بعض...لان دايما ينتصر الحب في النهاية....


***************النهاية*************





يلا ابي اشوف ردودكم ولاتنسون التقييم اذا عجبتكم الرواية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لؤلؤة المحيط
مشرفه ,,الاسره والطفل,, عالم حواء
avatar

الـمنـطقـه : بحرين الأباء
اهــتـــمااامااتــــي : القراء القصص، الروايات، الأشعار
كتابة القصص
المطالعة
جمع الصور

رساااالتي : أعمل لدنياك كانك تعيش أبدا وعمل لأخرتك كانك تموت غدا
6448
حالتك الأن؟ : خاااااااااااااااااايفة طول الوقت نسمع الطلقات
انثى
المزاج متنرفزة على الآخر
العمل/الترفيه : كتابة القصص،القرائة
نقاط : 7141
تاريخ التسجيل : 17/02/2010
العمر : 23

مُساهمةموضوع: رد: رواية رومانسية ((خالد ودلال))   الثلاثاء مايو 10, 2011 12:25 am

حدهاااااااااااااااااااا نايس الرواية
يسلمو خيو
ويعطيش ربي الف الف عافية
والحمدلله انهم رجعوا حق بعض

وزياد الحقير ما يستاهل دلال
صدق انه واحد اناني وماعنده الا نفسه

ومنيرة المينونة صار خاطري افغصها لين ما تموت
قهرتني من قلب


اختكم الصغيرة
لؤلؤة المحيط ^^

_________________
[ندعوك للتسجيل في المنتدى أو التعريف بنفسك لمعاينة هذا الرابط]



[ندعوك للتسجيل في المنتدى أو التعريف بنفسك لمعاينة هذه الصورة]



يا بــــــــحريــــــــــــن ْ ~
علميهم كيف يغدو البلبل الغريدُ نسرا
وإذا ما انفلقت جمجمة تخرُجُ زهـره
وإذا يسقطُ حرٌ أغرقَ الكونَ بقطـره
وإذا تـُـقطعُ يُـمنى تأخذ الثارات يسـرى




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الأربعاء مايو 11, 2011 9:11 am

يعطيك الف عافية خيتو ع المرور الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميرة الغلا
ريحان فضي
avatar

الـمنـطقـه : القطيف
اهــتـــمااامااتــــي : الضحك والوناسه والنت اهم شي المسن هع
759
انثى
المزاج رايقه
العمل/الترفيه : طالبة
نقاط : 899
تاريخ التسجيل : 07/04/2011

مُساهمةموضوع: رد: رواية رومانسية ((خالد ودلال))   الأربعاء مايو 11, 2011 10:37 am

يسلمووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أميرة الحب
ريحان فضي
avatar

الـمنـطقـه : القطيف
600
حالتك الأن؟ : رايقة
انثى
المزاج ممتاز
العمل/الترفيه : طالبة
نقاط : 746
تاريخ التسجيل : 11/04/2011

مُساهمةموضوع: رد: رواية رومانسية ((خالد ودلال))   الخميس مايو 12, 2011 3:55 am

الله يسلمك خيتو أميرة الغلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رواية رومانسية ((خالد ودلال))
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
~¤¦¦§¦¦¤~ ريحانة المصطفى ~¤¦¦§¦¦¤~ :: ღ♥ღ الـمـنـتـديـات الأدبـيـه ღ♥ღ :: ريحانة القصص والروايات-
انتقل الى: