السيد خضير عباس الحسني/قصيدة ربيع القلوب/ذكرى ولادة الحبيب المصطفى محمد ص

بسم الله الرحمن الرحيم

والصلاة واتم التسليم علىالنبي الكريم محمد وعلى آله الابرارالى يوم الدين

نشاطر أمام زماننا عجلالله فرجه أفراحه بمولد سيد الكائنات البشير النذير

والسراج المنير ابي القاسم محمد ص ومراجعنا العظام والامه الاسلاميه والانسانيه
جمعاء بهذه الذكرى العطره للميلاد الميمون أدام الله به السرور على كل قلب نابض بالخيرات
ومحبا للسلام....
قصيدة...ربيع القلوب...

لذكرى مولد خاتم الانبياء محمد ص
شعر شعبي عراقي بقلم أخوكم خضير عباس الحسني

ياربيع أكلوب عشاك الصلاه
مولدك بلسم يطيب أكلوبنه

طه يابسمة أمل فوك الشفاه

تبقى مادار الزمن محبوبنه
أبنورأسمك شافت الدنيه الحياه
ولو يغيب أسمك ظلام أدروبنه
الكون أعمه ومالكه أبغيرك دواه
يافجرنه أنته وشمس بغروبنه
ياسفير الرحمه ماواحد نساه
وياشفيع انته لعظيم أذنوبنه
أيلوذ بسمك يامحمد كل ضعيف
لأن بيك الجود ياطه أنعرف
أبجفك الدمعات نزلت عالرغيف
من شفت جوعان يم بابك وكف
أيذكرك القران بالاسم الشريف
يامجد مثلك تعله أوياشرف
ياأديب وعابد وزاهد عفيف
ياصدوق السان مازل بحرف
لمقدمك صار العرش طه المضيف
وصرت عن ربك مثل رفه طرف
زين الجنات صارتلك مصيف
وبيهه مريت أتلكاك الغرف
طه بالاسراء للأقصى اعتنيت
تصلي ركعات الشفاع هلأمتك
تناجي رب الكون بجفوفك دعيت
ياألاه الكون نطلب رحمتك
بحيدر الكرار عالباطل عليت
بيه يامولاي تمم نعمتك
يارسول الله لومدمع بجيت
منك أتعذر ذكرت لبضعتك
تدري سلبوهه لفدك لومادريت
ولو دريت أشلون جانت حالتك
قسم لو حاضر عله الباب أنحنيت
وجان ذاك اليوم يوم أمصيبتك
وارد أنشدك يوم عاشر هم أجيت
وفوك نحر حسين ذابت جبدتك
قسم لوحاضر عله الجثه أرتميت
ودم عله المذبوح سالت مهجتك
بيوم ميلادك يمولاي أنتخيت
يطلب الثارات قائم عترتك

عجل الله فرجه الشريف

لنحتفل وأياه بالمولدالشريف لسيد الكائنات

ببركه الصلاة على محمد وآل محمد

يسلمووووو ع الطرح عشووقة ^^ ..

منوررره

يسلمووو عشوووقه

منوررره

» وفاة المرجع الديني السيد محمد حسين فضل الله
» المرجع الديني آية الله السيد محمد حسين فضل الله يدخل المستشفى جراء إصابته "بنزيف داخلي" !!
» ولادة غريبة‎
» سجل حظورك بالصلاة على محمد وآل محمد
» فوائد الصلاة على محمد وال محمد