رواية رومانسية ((خالد ودلال))

البارت الاول
====================

دلال تبجي حييييييييييييل ومنهارة : أنا أكرهك أكرهك أكرهك....ليش سويت فيني جذي ...ليش ...
آخر وااااحد توقعته يسوي فيني جذي انت....انا عطيتك احلى ايامي وحياتي ...ونطرتك سنين ....آخر شي اتسوي فيني جذي...واتقوم تخطب هالخايسة الي اسمها منيرة ..اكثر انسانة ماحبها بحياتي وانت تدري....
أخ أخ أخ ياقلبي ....أنا انا الغلطاااانه الي وثقت ابريااااال ....انتو كلكم نفس الشي ..كلكم نفس الشي....

خالد :.......................تبين شي بعد...

دلال تبجي و اتصرخ: ايه ..ابي ....ابي ....ابي الله ياخذك ...ابي الله ياخذك.....كسرت قلبي ....كسرت قلبي....



.................................................. .................................................. ...................................

قبل خمس اسنين :

صيف 2004

نورة : الووووو دلول وينج... الحين بيدش الدكتور ....تدرين ماراح يدخلج عقبه...شفيج بيبدي الامتحان بعد شوي ....

دلال : سكتي دلول...انا الحين بالشارع ....

نورة : وصلتي شويخ ؟؟؟

دلال متدودها ومتوترة : لا ...انا بكيفان ...سيارتي بنجرت .....انا صوب كليه الشريعة.....

نورة : لا لاتقولين .....الساعة 1 ونص.....

دلال: واي مادري شسوي....تدرين اهلي كلهم مسافرين ...وسايقنا اجازه...ومشاري اخوي جهازه امسكر.....ابيه حدي توهقت ......

نورة : دلول اييج؟؟؟!

دلال: لا نورة لاتيين ...على ماتطلعين من زحمة شويخ وادشين بزحمة كيفان ...راح يطوفج الامتحان ....انا ادبر عمري.....

نورة : لا مووووخووووش خبر.....

دلال: شسوي بعد.....خلاص ...انتي قولي حق الدكتور هالكلام ...يارب يارب يصدق يارب
خلاص انا اكلمج بعد شوي...خل ادق على مشاري اخوي ....جود احصله....

نورة : خلاص اوكي حبيبتي....طمنيني....

دلال: لاتحاتين ...تدبر ان شاء الله....

.................................................. ........







دلال اتدق على البيت ....محد يشيله ....وحدهااا خايفه ايطوفها الامتحان .....وباقي على الامتحان 20 دقيقة تقريبا......

واهي قاعدة اتحوس رايحة رادة وتطالع التاير مال سيارتها وماسكة الموبايل واتدق....ويلا تسفط وراها (بي ام اكس فايف) لونها اسود.....وينزل واحد من السيارة ....

........: مساء الخير ....

دلال : هلا والله ....

......: هلا اشلونج....انتي بنت ابو مشاري ..عدل..

دلال مستحية : ايه نعم ....من حضرتك...

......: ماعرفتيني ؟؟؟ أنا خالد ولد ييرانكم ....

دلال: ايه امبلا صح.....صح .....سوري ماثبتك....

خالد : عسى ماشر.....بس شفت سيارتج واقفة ....فا ..فنزلت اشوف يمكن محتاجه مساعدة....

دلال : ايه والله ...سيارتي امبنجره..والمشكلة عندي امتحاااان...وقاعده ادق على اخوووي مايشيله ....واهلي مسافرين ....حدي متوهقة ....

خالد يطالع التاير : خلاص اخذي اغراضج ...وركبي سيااارتي ....وروحي امتحانج....وانا اصلح البنجر....

دلال: لا ابيييه فشله ....

خالد يعطيها السويج : ياالله مو وقته فشله مافشله .....اخذي السويييج ...وروحي بسرعة لايفوتج الامتحااان .....

دلال منحرجة : مشكوووور.....

راحت دلال السيارة ....وشغلتها ....جان ايي خالد يطق الدريشة ....جان اتبطلها ......

خالد متوتر ومنزل عينه : أ ...ام ...بــ بس مادري تاخذين رقمي...عشان اذا خلصتي من الامتحااان ....اعطيج سيارتج ....

دلال : اايه امبيييه نسيت ....عطني الرقم ....

خالد : سجلي 969xxxx ...

دلال : مشكووور وايد...

خالد : العفو ...ماسويت شي ...

وراحت دلال طااااااااااايرة شوييييخ عشان اتلحق على الامتحااان ...واشوى وصلت حده حده ....ويلا الدكتور يدخل وراها على طوووول.....









عقب الامتحاان ............

نورة : الحمد الله انج ييتاي....اشلون منو صلحلج البنجر.....

دلال تضحك واتشر بيدها : لا ابيييه فلم فلم ..ماراح اتصدقين شنوووو صارلي اليوم بتنصدميييييييين .....

نورة : شنو!!!!

دلال : تخيلي وانا قاعده انطر بالشارع ...وكسرت موبايل مشور اخوي وانا ادق وطبعا مغلق...ويلا اتيي تسفط وراي سيارة ...وينزل وااااحد....ويسلم على..انا يوم شفته صبت اعظاااامي...قولي منو ؟؟!!!

نورة مخترعة : منو ؟؟!!

دلال: خالد ....خالد ولد ييرانه ...الي انا معجبه فيه ..الي احبه ....ولد ييرانا ...اشفيج

نورة تضحك: لا لا لا تقولين ...حب الطفولة...

دلا ل: عليج نووور ...حب الطفووولة.....امبيه يوم شفته سوييت روحي ماعرفه...ارتبكت .....بس اهوا عرفني وقالي مو انتي بنت ابو مشاري....لا وتبين تضحكين اكثر .....

ترفع السويج ابويه نورة وتضحك ......

نورة : شنو ؟؟!!

دلال ابصوت عالي: عطاني سيااااارته ....وخلاني ايي فيها الكليه ......امبيييييييييييييييه وناااااااااااااااااااااااااااااااااااااسه .....وناااااااااااااااااااااااااااسه ...

نورة : عطاج رقمه ؟؟؟!!!

دلال: ايه عطاني.....

نورة: عيل خلا ص اهووو يبييييج بعد.....

دلال : لاشكووو ....اهوا عطاني اياه عشان يرجع سيارتي....تدرين مو حلوة رادة البيت بسيارة ولد ييرانا ..شنو يقولون عني اهل الفريج.....!!!

نورة : مايندرى ...



خل نتكلم عن شكل دلال اشوي... دلال بنت حلوة عمرها بهالوقت 20 سنه ...بيضه ويها بيضاوي...عيونها مكحلة ومسحوبة وحواجبها اعرااض اشوي ..خشمها اصغير ...وشفاايفها دائرية ومتروسة ...وشعرها اسود ناعم قصيرآخر جتفها ..وجسمها نعوم ...يعني موطويلة ولا قصيرة ...وضيعفونه...تعطي اصغر من عمرها ...وحتى لبسها ناعم وماتحب الخبه...كانت لابسة بهاليوم بنطلون جينز وتيشيرت I LOVE NY ....وفارقة شعرها بالنص ورابطة شعرها عنقوص مرفوع ..ولابسة نظارة شمسية كبيرة ....





دلال: واااي سكتي سكتي ....مادري شسويت بالامتحان ...ماقدرت اركز......

تسكت دلال...وتمسك ايد نورة ....وتمشي بسرعة .....

دلال : امشي نورو ....

نورة : وين ؟؟!!

دلال : السيارة ...سيارة خالد




داخل السيارة ......

نورة تاخذ نفس طويل: اللله شالعطر ...يدوخ .....

دلال : ايه شميتيه ...اينن مووو ...

نورة اتشم مرة ثانية : ايه وااااااي عجيب...

دلال تضحك : امم انا يوم قرب يمي دخت من العطر ....واي سكسي العطر ....

نورة تضحك بصوت عالي : شالانحراف الي طلع فجأة .....

دلال : خخخخخخخخخ ايه والله ...اتحسين فيني كبت .....

دلال اتطالع شكلها بالمنظرة : وييييع طااع شكلي ....حدا ارف.... اشوا اني مافصخت النظاااارة ...

نورة : يعني علينا امتحان ...شنسوي بعد... اشحلوج جنج البخت...

دلال اتطالع شكلها : وااي على حظي ماشفته الا جذي....نورو يايبه ميكآبج ...؟؟!!

نورة : ايه شنو تبين ؟؟؟!!

دلال : بسرعة عطيني كونسيلر...وبلشر وماسكرا وقلوس شفاااف .....


نورة اتدور ابجنطتها : ان شالله يايبه كل هالاشياء ....لحظة ....ايه اشوا على حظج ....هاااااج.....


نورة : بس لحظة ...ليش بتتمكيجين...وين بنروح ؟؟!!!

دلال قاعدة اتحط ميكآب : خلنطلع بره الكلية اشوي ....عشان ادق عليه ...وواعده ابمكاااان واعطيه سيارته....
واااااااااااااااااااااي ونااااااااااااااااااااااااااااسة ماني مصدقة .........

نورة: دلال..صح دلول مثل ماقلتي مساع يمكن بس يبي يساعدج ..لاتتضايقين من كلامي....بس لاتتعشمين وايد...واتبنين احلام من ولا شي.....يمكن اهو شهاااامه منه وقف وساعدج ...يمكن عشان انج بنت ييرانهم ....انا اقولج هالحجي عشان ماتنصدمين .....

دلال اتلف ويها عن المنظرة و اتطالع نورة وتضحك :ايه صح يمكن.. حتى لو صج ....عبااااااااااااااالج بخلييييييييييييييييييييه ....ماهده اييب راسه ايييب راسه .....انتي شقاعده اتقولين ...هذا حلم حيااااتي من كنت صغيرة وانا ميته عليييييييه ...من صجج اخلي هالفرصة اتضيييع من ايدي ....مستحيييييييييييييل .....


نورة اتطالعها مستغربة : ابيه ماصدق...مو دلال اللي اعرفها ....الحين انتي عمرج ماكلمتي ولا عندج تجاااارب ...اشلون اتييبين راسه .....وين راح العقل والثقل !!!!

دلال تضحك : نورو اشفيج انا احبه من كنا اصغاااار.....تدرين هذي فرصة انزلتلي من السمااا ....مستحيييل اضيعها .....ويمكن اهو بعد ...ليش نسبق الاحدااااث .....
اتلف دلال على نورة : قوليلي اشرايج ابويهي ...جني مو حااطة شي ...صح

نورة : ايه حده طبيعي ...جنج مو حاااطة ولا شي....جمال رباني ...

اتطقها دلال وتضحك : جبي تتطنزين......
تبطل الدرج اتشوف السي ديز ...

نورة : اشقاعدة اتسوين ....؟؟!!

دلال: خنشوووف ذوقة بالاغاني.....

تسكت واتكمل : جنه نفس ذوقي...مجيد وراشد وعبدالكريم ورويشد....لا خووووش ..شغل عدل نفس ذوووقي ....

اتطلع سي دي واطالع نورة : نوووووروووو شوفي....

نورة تضحك : سي دي اليسا ....خو لازم هذي معبودة االشباب ....

دلال تضحك : ختولي ..من زينها ام شفايف عويه ...لول ...

نورة تضحك : كلش مو محترة ......

دلال تضحك .... واتكمل : امبيه خنردهم ابمكانهم لا يحس ان امنبشين ....

تشغل السيارة وتحرك ..اتكمل دلال تعالي خنشوف شنو السي دي الي قاعد يسمعه... الي داااخل......

اتشغله...ويطلع ويسمعون اول كلمة منها .....ومع بعض اهما الثنتين : يـــــــــــــــــــــــــــا ســــــــــــــــــــــلام


دلال اتنعم صوتها : الووو...السلام عليكم...

خالد: هلا وعليكم السلام ...

دلال : آ ...أمم....أنا دلال بنت ابو مشاري .....................

خالد : ايه هلا هلا ..هلا والله .....

دلال: مادري ...وين اقدر اشوفك ..عــ...عشان اعطيك سويج السيارة .....

خالد: انتي وين الحين ...اانا اييكم .....

دلال : أممم احنا رايحين العديلية .....

خالد: خووووش ...انا شوي وياي العديلية اوكي.....

دلال : اي خلاص انطرك بالجمعية ....

خالد : خلاص صاااار .....

دلال: اوكي.....باي

خالد : مع السلامة ....








بعد 20 دقيقة .............

دلال اتطالع موبايلها يرن : الووو .....

خالد: هلا والله انا وصلت .....وينج ؟؟

دلال : انا داخل الجمعية ....ياليت لو اتيي داخل وكل واحد يعطي الثاني السويج ....مو حلوة انتبادل السيارات جدام النااااس ....

خالد : ايه صح عدل كلامج....يالله انا بدخل الجمعية ...انتي اي صوووب....؟؟

دلال : انا صوب الكاكاوات ....اول ماتدخل على يمينك ......

خالد : يالله اوكي ...انا ياي ...

دلال : باي....

خالد: مع السلامة .......

دلال وتنقز نقزة خفيف وتهز ايدها : ابيه متوترة متوترة حدي...

نورة : سوي روحج عادي...لاتبينيله انج ميته عليه ......

دلال : ابيييه ...كاهو ياي ....لا تضحكين نورو بليييز ..ولاتضحكيني .....

قرب خالد صوب البنات ........

خالد : السلام عليكم .......

نورة ودلال : وعليكم السلام ......

يمد السويج حق دلال ويبتسم : اتفضلي ....

دلال تبتسم : دام فضلك مشكوووور.....

اتمد ايدها بتاخد اسويج ....ومن التدوده تمسك ايده بالغط :

دلال متوترة وخدودها حمرت : سوري ......

خالد : لاعادي....

دلال منزلة عينها : مشكوووور...

خالد : العفو...

يكمل خالد : انا ماشي تامرون على شي....

نورة ودلال :لا مشكوووور .....

خالد : فامان الله ......

ويوم وصل خالد اخر رف بالكاكاوات ...التفتت نورة على دلال ....

نورة : هذا صج ويلا جذب .....ابييييييييييييييييييييييه اينن .....اينن ....

دلال ااتصك حلج نورة : اص اص لايسمعج ......

نورة : ماتبدلين معاي....اعطيج ( عبدالعزيز ) و تعطيني اياه .....

دلال : خخخخخ ....الحين جنه صج ....
اتكمل دلال : اوف نورو ...قولي آميييين ....

نورة : واي آميييييين.............


واهما طالعين من الجمعية ويلا يرن موبايل دلال .....
دلال : هلا والله .....

خالد : اهلين ....بس كنت بقولج اني صافط صوب شرمبي...سوري ملقيت مكان اقرب من هذا .....

دلال : لا عادي مو مشكلة ....

خالد : اوكي عيل ...


خل نتكلم عن شكل خالد شوي... خالد كان مزيوووون حيل ...اسمر وطويل وجسمه حلو...كله يشبهون بـ Enrique Iglesias....بس على كويتي يطلع اكيد احلى ابوايد..شعره يخففه حييييل .....مايدخن...شخصيته حلوة ...ثقيل.. بس يحب ينكت ودمه خفيف ...بهالوقت عمره 23..توا رد من امريكا واول كورس يدرس هندسة بالكويت ...بس وايد متأخر ...يعني يعتبر الحين سنه ثانية ...لان لما كان يدرس بامريكا تخصبق بالدراسة اهناااك وقعد جم سنه عالفاضي ....بعدين رد الكويت وعادلوله جم ماااادة ....بس باقيله وايد.....


دخلت دلال ونورة السيارة .....

نورة : واااي زوووووغة زوووووغة زوووووغة .....حدا يهبل ...اسباني اسباني ....موكويتي ....


دلال : اتلوميني يوم اخق عليه ....ايعقد ...من كااان صغير يهبل ....خلي الحلات على صوب...اصلا بيتهم كله اينن ...امه مربيتهم خووووش تربية ....كلمن يضرب المثل فيهم وتربيتهم...لانه ابووووه متوفي من زمان وامهم ماتزوجت على شانهم ...لا صج خوووووش الناس....


نورة : دلووووول ...هذا اذا ما تزوجتيه ياااااويلج ...ويلا انا راح اتزوجه <<<<< تضحك



دلال اتطقها على راسها طقة خفيفة : ذلفي ...هذا حقي مقي......خلج حق عزيز..
تسكت دلال اشوي وتتغير نبرة صوتها : ابيييه نوره اخاااف يكون يحب وحده ثانية ...ومايفكر فيني .....

نورة : كل شي راح ابين هاليومين ...صدقيني لو يبيج راح ياااخذ هالشي فرصة ...لان يعرف رقمج .......لاتحاتين

دلال قاعد اترد قري ( لي ورا ) واتطالع المنظرة الي على جنب ...

دلال : ان شاء الله ...يااارب ياااارب ....

نورة : انزين وين راح انروح الحين ....؟؟!!

دلال : نرجع بيتنا ...ويلا تبين نتغدى بره....

نورة : لا خل نرجع بيتكم ...احس تعبانه عقب الامتحان ...قاعدة من الفير...

دلال : اوكي ...انزين ماتبين انييب سيارتج من الكلية ....؟؟!!

نورة : اووووه صح نسيتها ....يالله اوكي خل انروووح ....


اوصلوا دلال مع نورة الكلية ....واسفطت دلال وره سيارة نورة ....

دلال : نورة يالله اخذي سيارتج ..خنروح بيتنا اوكي ....

نورة : ايه ادري ...خل اخذ اغراضي ونزل ....

تلتفت نورة ورا السيارة عشان تاخذ اغراضها من الكشن الي ورا....

اتصرخ نووورة ::: دلووووووووووووووووووول شوفي شوفي .....

تلتفت دلال ابسرعة : شنو هذا !!!!!؟؟؟؟؟؟؟ <<< وتطالع نورة

ويلا يلقون ورا بوكيه ورد ...مع علبة كاكاو صغيرة... مع كرت ......

نورة تمسك الكرت وتعطييييه دلال : يالله اقريه اقريه ......

دلال تاخذه وتحط ايدها صوب صدها وتتنفس بسرعة بسرعة....: ابيييييه ابيييه ابييييه ...خاااايفة خااايفة ......

نورة : يالله بطليه ...ويلا انا باخذه بقراه .....

دلا ل تفتح الكرت :

اليوم الي صار صدفة من احلى صدف حياتي ...قدرت اسمع صوتج واشوفج من قريب ....ما احب الف ودور ....انتي بالنسبة لي مثل الحلم الي اتمنى انه يتحقق ...انا من زمان ودي ارتبط فيج بس ماني عارف اشلون ابدي ...اذا تبادليني نفس الشعور واصليني ...واذا لأ....انسي الموضوع....وكأن شي ماصار ....





دلال ونورة يرفعون راسهم بنفس الوقت ويطالعون بعض منصدمين ....

وبصوت واحد وصرخة وحدة : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآ <<<< ويلمون بعض حيييل

دلال : ماني مصدقة ماني مصدقة ...حلم حلم موصج.....

نورة : اشوا ...اشوا .....

دلال : طلع اهو معجب فيني من زماااااان ...ونااااااااااااااااااااسة ونااااااااااااااااااااااااااسة ......

اتكمل دلال اتطالع الكرت واتكمل : متى ادق عليه ؟؟

نورة : نطري مو اتقلين نفسج ....ثقلي ثقلي .......
تسكت نورة واتكمل بسرعة : ويلا اقولج دزيله مسج وقوليله ..اوكي انا ابادلك نفس الاحساس....عااد اهوا متى مافضى راح يدق عليج .....

دلال : ايه صح ...خاااايفة وقلبي يرقع ...تدرين هذي اول مرة .......ماني مصدقة اني حلم خالد...اهو طووول عمري كان حلمي ....واليوم الصدفة اجمعتنااا .....امبيه احلى صدفة......






خالد ودلال...ييران من عمر الدنيا ....كانو من سكااان كيفااان ....بيت اهل دلال مجابل بيت اهل خالد....وكانو واهم صغااار يلعبون مع بعض ....اهيا وااوخوها مشاري واهو واخوانه (طلال وشيخة ) ....وكانو من اهما صغااار يحبون بعض وكله يلعبون مع بعض...ودايما دلال توقف بصف خالد حتى لو ضد ااخوها مشاري ....واكبروا وكبر حبهم بقلبهم ...وكل واحد عباله الثاني نساه...وانشغلوا بدراستهم المتوسطة والثانوية والجامعة ...وخالد سافر امريكا بس ماتوفج ورد الكويت ....هذي نبذة قصيرة وبشكل عام عنهم.....

اما عايلة دلال فهي عايشة مع امها ( وسمية) ربت بيت وابوها (فيصل) ...كان مدير بالبنك بس الحين تقاعد وعنده مكتب عقاري.. عندها اخوو واااحد ... مشاري واهو مهندس ....ورفيج خالد ( بس مو حيل حيل بس يعتبرون ربع ) ....واختها سارة اصغر من دلال ب5 اسنين ....يعني في فرق بالعمر ...عشان جذي دلال تعتبر نورة مثل اختها وتقولها كل اسرارها وكل الي بقلبها على اعتبار ان سارة اختها واااايد صغيرة وفي فروق بالتفكيير والميول وكل شي....طبعا نورة رفيجت دلال من ايام الثانوية .....
عايلة دلال كانت عايلة مثاااالية من جميع الجوانب...الام والابو مثال للاسرة السعيدة ....ماكان عندهم مشاااكل ولا شي...وكانو على قلب واااحد...وحنونين مع بعض...والابو والام عيشوا اعيالهم العيشة المثالية ...وفرولهم كل شي يبونه ماااديا ومعنويااا ...بعكس عااايلة نورة رفيجة دلال ...وراح انعرف بعدين الاسباب.....

أما خالد ابوه متوفي من كانوا صغار..وهو عايش مع امه (سعاد) واهي بعد ربت بيت واخته شيخة (كبر دلال) و بعدين (طلال) اكبر من شيخة بسنتين وبعدين خالد (البجر) ....ومثل ماقلت من قبل ان الام كرست حياااتها حق اعيالها ..وربتهم تربية بعد مثالية ....وفرتلهم كل اجواء السعادة والراحة ...وكانت لهم الام والاب بنفس الوقت ....واهم بعد كانوا حييييل متعلقين بأمهم ...ويسمعون كلامها ..لانهم يدرون انها ادرى ابمصلحتهم....كانت الام شخصيتها قوية حييييل بس ابنفس الوقت حنونه....واهما كانوا يحطولها الف حساب ....اورثوا من ابوهم خير من الله ..فكانت حالتهم المااادية وااايد زينه .....وكانوا اهل الفريج يتمنون ان اعيال ام خالد ...والي اهم (خالد وطلال ) يخطبون بناتهم ....






بالليل على الساعة 11 ....دزت دلال حق خالد مسج :

هاي ....قريت الكلام الي كاتبه...ايه انا بعد.....

وبعد اقل من دقيقة جااان يدق تلفونها ......

خالد : مساء الخير

دلال تبتسم بصوت واطي :.مساء النور

خالد: اشلونج...

دلال: تمام الحمد الله ...وانتا...

خالد: انا بخير دامج بخير ....


خالد يكمل : ايه قوليلي ...انتي بعد شنو...؟

دلال مستحية : ابادلك نفس الاحساس ......

خالد: هالاحساس عندي من كنت ياهل .....وانتي بعد؟؟؟

دلال مستحية :اممم...عيل ليش نطرت كل هالسنين ....؟؟

خالد : ماني عااارف اشلون ابدي معاج ....لانج مو اي بنت ... بنت ييرانا وبنت ابو مشاري..واخوج صاحبي...فخفت من اي خطوة تكون عكسية علي...وعليج...

دلال : ما خفت اضيع من ايدك......يعني انخطب ويلا اتزوج...

خالد سكت اشوي : كنت خااايف حيييل من هالموضوع...بس انتي ليلحين صغيرة وتدرسين ..فكنت مطمن من هالناحية اشوي..بس والله كنت ناوي هاليومين اتصرف...عشان اعرف ارضي من سماي..واعرف اذا كنتي اتبادليني نفس الاحساس...او لأ...

دلال :.........................................

خالد: الو ....

دلال : الو.....

خالد : اشفيج ساكته ؟؟

دلال : مادري شقوول...

خالد : انزين بس تكلمي ابي اسمع صوتج .....ليلحين مو مصدق ......

دلال تبتسم :................................................

خالد : دلال عادي اقولج شي بقلبي.....

دلال : ايه اتفضل .....

خالد :دلال.. مو مصدق ...انا بحلم ويلا بعلم...

دلال مستانسة ..اسكتت اشوي : ............................ بس اول تأكد من احساسك صوبي...

خالد: متأكد من هالشي اكثر من إن أسمي خالد...

دلال : بس احنا مانعرف بعض عدل عدل ليلحين....

خالد:اي شي صح..انا أعرف عنج كل شي ...واخبارج توصلني اول بأول ....اعرف وين تروحين وين اتيين ...منو رفيجاتج ....وين تدرسين وشنو تخصصج...حتى صديقتج الي اليوم اسمها نورة الــ....

دلال اطلعت اعيونها : واي يما اتخرع ...اتعرف من منو...؟؟

خالد : انا مابي اكلمج وبس..انا ابيج زواج..عشان جذي اموصي نااس اييبولي اخبارج ..من كنت بامريكا.......وطلعتي مثل ماتوقعتج واحسن بعد....

دلال : شلون ؟؟!!

خالد : صفحة بيضا .....

دلال مستحية ولا كلمة وتبتسم:مشكوور

خالد : وااااااي ياحلو الي يستحون....

دلال : انزين خالد...

خالد يقاطعها : شنو...قولي اسمي مرة ثانية ...

دلال تبتسم : خالد....

خالد: آآآآآآآآآآآآآآخ ياقلبي ...اينن طالع منج .....بعد قوليه مرة ثانية....

دلال تبتسم : اوووووه بس...

خالد : تكفيييين.....

دلال : خالد...

خالد : حبيت اسمي ....آمري عيون خالد....

دلال :بدامك اتعرف عني كل شي...خلاص انت كلمني عن نفسك ..ودراستك وكل كل شي...


وقعدوا يكلموووون بعض لين الفير.....






















نوفمبر 2008 ....بعد 4 سنوات ونص......

الساعة 8 ونص بليل .....على يااال البحر .....

دلال وخالد قاعدين يم بعض ....جتف بجتف ....دلال ضامه ريلها مع بعض وحاطة راسها على ركبها ... واطالع خالد واهو يتكلم ...وشعرها يهفهف بالهواء..اترد اتعدلة واتحطه ورا اذونها...وخالد مااد ريله على التراب وحاط ريل فوق ريل ....يتكلم ويطالع البحر

دلال : واااي الجو حلو ...فضييييع ....

خالد: والاحلى من الجو الوي الحلو الي قااااعد يمي ....

دلال تبتسم : صج خالد....انا بعيونك حلوة .....

خالد : انتي حلوة وبعيوني احلى وحدة بالدنيا ....طاعي جم عمري 27 سنة.. عمري بحياتي ماشفت وحدة احلى منج....

دلال تضحك : لانك اتحبني .....

خالد يمسك ايدها ويمسح عليها بصبعه الابهام شوي شوي : ايه احبج واااايد موشوية ...

دلال : متى ياااخالد ..متى....ترا مليت ...ابي اعيش معااااك ...ابي يصير عندنا بيت ...ابي لما اقوم من النوم افتح اعيوني على شوفتك....ابي اداريك ....اسويلك الي تبي ...اكلك.. وارتب اهدومك....واربي اعيالك....

خالد يبتسم : الله....يا سلام ...ماني طالع من البيت كلش ....

يسكت ويكمل : هانت دلوله هانت ...ان شاء الله على السنة الياية شهر 6 انا خالص ...تطلع شهادتي اليوم ...من باجر انا خاطبج ...

دلال : أف ...ماني قادرة انطر هالمدة ....والله مليت من الضغوطات الي علي بالبيت ...من امي خصوصا ...الا تبي اتزوجني ...وكله ارفض ارفض ارفض...وماعندي حجج ...كل واااحد اطلع فيه 100 عيب وعيب ....والحمد الله ابوي حبيبي واقف معااااي ...ويلا لو على امي جااان من زمااان مزوجتني ....

خالد: ادري ادري حبيبتي ...ادري بكل شي ...بس شسوي ...انا سفرتي حق امريكا خربت على وضيعتلي سنين من عمري عالفاضي ....وييت اهني ويلا الدراااسة صعبة حيييل وكل ساااع اعيد بهالمواااد ....والله والله شاااد حيلي ...بس عشانج ....

دلال: ماني مصدقة انك متخرج من الثانوية علمي ومعدلك 3.70....اشلووون بفهم ؟؟؟

خالد يضحك:خخخخخخ ... الله يعافي المدرسين الي اشتري منهم الامتحانات.

دلال :طالع اخوك ماشاء الله ...اصغر منك وهالسنة يرجع من امريكا وماخذ الماستر ماشاء الله ...اخذ منه اشوي.

اتكمل دلال : قتلك الحل ...اتكلم امك ....خلتخطبني على الاقل .....

خالد : دلال اشفيج ماتفهمين ..كلساع اعيدلج نفس الكلام....انا جم مرة كلمتها عن سالفة انها تخطبلي ...مو راضية كلش ...اتقول انا مازوج واااحد ماعنده شهااادة ..اتقول اخااف باجر جك بك اتهون ماتكمل ويقولون الام قصت علينا وقالتلنا مهندس ومهندس ....اتعرفين امي اذا قالت شي خلاص مانقدر..لوشنو ماترد بكلامها...ماتقتنع ابد....

دلال : انزين لاتخطبني بس خل اتكلم امي ...يعني على الاقل جنها حاجزتني .....

خالد: ماراح ترضى ...وثانيا انا مابي امي اتحس ولا تشم ريحة اني اعرفج ويلا ابيج ....لانها اذا عرفت خلاااص بطيحين من عينها ....امي حييييل جدية بهالمواااضيع .....اتعرفينها..شوفي شيووخ اختي ماتروح ولا اتيي الا مع امي ...اذا احنا انخاااف انقولها انعرف بنااات ويلا انكلم ...فما بالج انتي ...شنو بتقول عنج ...اكيد بتقول هذي يرعه...




دلال : انزين لاتقولها انك اتعرفني ...بس قولها اني عاجبتك ..وانك تبيني واتخاااف اطير منك وانخطب ويلا اتزوج .....

خالد: لا لا ...ادري راااح اتقولي اذا اهي من نصيبك راح تاخذها.....

دلال : واي خالد كيفك ...اتسكر كل شي ابويهي ....كيفك اذا رحت من ايدك وتزوجت لا تيي اتلومني .....

ما كملت كلمتها جان يمسكها من زندها ويرها حييل : تبيني اقص السانج ...ياويلج اذا سمعتج اتقولين هالكلام ...انتي حقي بروووحي تفهميييين ...محد يجيسج غيري ....والله اذبحج واذبحه والله ....

دلال اتحاول اتوخر ايده عنها : آي وخر ...عورتني ....

اتطالع زندها واتكمل : يعني شسوي انا مو حرة نفسي ...امي وااايد ضاغطة علي ...اليوم يسمعون كلمتي باجر يزوجوني غصب ...انا ماظمنهم ....شسوي بعد....

خالد : خلاص مابقا كثر الي راح ...نطري...كلها جم شهر....
يسكت اشوي ويطالعها :اذا اتحبيني راح اتسوين المستحيل عشان ماتتزوجين غيري.....


يوم الجمعة ...الساعة 4 العصر .....دلال وامها وابوها قاعدين بالصالة ....يشربون شاي وقهوة وياكلون بسكوت وهالسوالف...وقاعدين سوالف ويطالعون تلفزيووون ...

الام (وسمية) : اتصدق بو مشاري ...يبيلنا انجدد البيت اشوي...يعني انوسع الصالات ...انغير الاثاث...ماتدري يمكن اتييلنا مناسبة قريبة ....عرس دلول مثلا ....<<<<<واتطالع الام دلال ...ودلال ولا كلمة

الابو (فيصل) ايه ان شاء الله ...على فراغتي راح اييب المهندس ...وعاااد انتو شوفوا شنو تبوون ....يعني احنا مو مستعيلين ...

الام : على هالطاااري ...دلال ترا في ناااس داااقين على يبون ايون يشوفونج ....

دلال قاعدة تشرب قهوة ..جان تشرق يوم اسمعت امها اتقول جذي ....

الام : ويييه بسم الله عليج اشفيج.....

دلال : منو هذووووله....؟؟!!

الام : بيت (الــ....) والله خوووش ناااس مايتطوفون ...والولد ماشاء الله ملحق سياسي ...عمره....

قبل لا اتكمل ...اتقاطعها دلال : مـــــابي...

الام تلتفت على الابو ومعصبة : شفت بنتك ...عشااان لاتلومني يوم اعصب ....

الابو : بابا ...لاتقولين مابي وبس ...انتي فكري ...صلي استخااارة وبعدين قرري ...احنا لو شنو مانقصبج ...احنا بس نبيلج السعااادة ....وشوفي الولد وقعدي معاااه بعدين اخذي قرارج ...مايصير اتقول لا من غير سبب....خلاص انتي الحين ابسن زواااج واحنا نبي نفرح فيج ....

الام : ايه والله ...مابي وبس ...على كيفج اهووو....

الابو يطالع الام : لا وسمية ...هذي حياتها واهي صاااحبة القرار ...بس احنا ننصحهاا ....

دلال تنزل ادموووعها: مابي مابي ...لاتغصبوني على شي مابيه ...انا اذا حسيت نفسي مستعدة ماراح ارفض....بس الحين مو مستعدة ...الله يخليكم ...لا تضغطووون علي .....<<<< جان تركض وتصعد دارهااا ....


الام اتطق على اريولها : وااااي هالبنت بتينني ....انا امووت واعرف اشفيها ...ياربي ...امفشلتني جدااام الناااس ....مادري فيها عين ويلا نفس .....

الابو : شالخرابيط ....لاعين ولانفس ...البنت يمكن خااايفة من الموضوووع ...خليها ...باااجر اتشوف رفيجاتهها والبنات الي يصيرونلها تزوجوا ...راح تتزوج ...وماكو احد ياااخذ الا نصيبه..خليها على راحتها ...لاشوفج اتضايقينها ويلا تضغطين عليها...

الام معصبة : ايه ..كله منك ...انتا الي مقوي شوكتها ....مو على كيفها ...بااجر تكبر واطيح بجبدي....عاااد ذيج الساعه خل ينفعك دلالك....

الابو يضحك: انتي الحين ليش معصبة...البنت توها ماكملت 25 ....الي يشوفج يقول عمرها 35 ....

الام : ايه اضحك ...انا احر ماعندي وانت ابرد ماعندك ....يابو مشاري في مثل يقول اكثروا خطابها وبااارت ....يعني اذا بترفض كل الي يتقدمونلها بعدين محد اييلها ....لا وياليت على سبب يسوى ...اتطلع بكل واااحد 100 عيب وعيب ....جنها نااازلة من السماا ماشاء الله ....

الابو : ميخالف ...انتي عاااد لاتضيقين خلقج ..انا برووح اكلمها بروحي فوق..واخذ الي بخاطرها..عاد الي الله كاتبه بيصير ....الله بيهديها ان شاء الله ......بس لاتضغطين علها ...هذا زواااج ...باجر لويصير شي لاسمح الله ..بتقول كله منكم ...انتو الي غصبتوني ....


.................................................. .................................................. .................................................. .....


الباب : طق طق طق طق

دلال منسدحة على بطنها بالفراااش...وحاطه ويهاا على المخدة ....ترفع راسها ....

دلال : منو ؟؟

الابو : انا بابا ...ممكن ادخل .....

دلال اتعل نفسها ...وتقعد على الفراش وتمسح ادموعها ....

دلال : ايه يبا تفضل ....

دخل الابو وقعد يم دلال ....وماسك ابأيده قلاس ماي ....

الابو : اول شي اخذي الماااي وشربيه .....

شربت دلال الماي .....

الابو يمسح على راس دلال : حبيبتي دلال ...انتي اتشكين بحبي وبحب امج لج ؟؟؟!!!

دلال : لأ يبا ...

الابو :انتي تدرين ان انا وامج اكثر انحبكم ..واحنا انطالع الله ثم انطالعكم ...صح ....

دلال : ايه ....

الابو : ترا امج لما اتقولج عن موضووع الزواج ...مو عشان تبي تفتك منج ويلا عشان ملت منج ...لاحبيبتي ...اهي بس ودها تفرح فيييج ...اهيا يوم كانت كبرج عندها اخوج ومشاري وعندها انتي ....

دلال : ايه ادري يبا ...بس انتو اول غير...تتزوجون اصغااار

الابو : وانتي ماشاء الله عليج بننت عاااجل ...والحين عمرج حلو ...وخلصتي دراستج وتشتغلين ...يعني ماعندج شي ....

دلال : ادري يبا ...انا اكييد ودي يكوون عندي بيت وودي اني اكون اسرة ...بس مايالي الشخص الي احس اني مرتاحتله ...

الابو : يعني انتي مو رافضة المبدأ؟؟!!

دلال : لا يبا ...والله مو رافضه المبدأ....وصدقني اذا يالي الشخص المناسب لي ماراح اتردد لحظة ...يبا تدري هذا زواج ...عشرة عمر ...و الوحدة مو كل يوم لها ريل ...يعني مو عشان اتزوج ..اخذ واااحد مومقتنعة منه ....

الابو : ايه عدل كلامج ... الواحد مايستعيل وياخذ قرار الا بعد مايبذل الاسباب..عشان جذي احنا رااح ناخذ موعد مع الناس الي خاطبينج ..ويوون بيتنا ...بس اتشوفينه ويشوفج ...ويمكن يصير فيه قبول ...ماتدرين انتي نصيبج وين ...

دلال صكت فيها الدنيا ومنزله راسها : الي اتشوفه يباا ...

باسها على راسهاا : ايه هذي بنتي دلوله ....وحطي ابالج شي ...احنا معاااج مو ضدج ...

دلال ساكته ومنزله راسه واتهزها ...جنها اتقول حق ابوها (صح كلامك) ...


.................................................. ..


عقب ساعتين او ثلاث .....دلال ضااايق خلقها حيييل ....البست وراحت بتركب سيااارتها....ويلا خالد توه طالع من بيتهم ....شافها ...طالعته ولفت ويها بسرعة ...وجنها معصبه ....


على طووول اول ماااحركت سيارتهااا ويلا خالد لاحقها .....جان يدق موبايلها .....

دلال : الووو...

خالد : وين رايحة <<< مستغرب

دلال : وانت شكووو ....مالك شغل اوكي...لمن اتصير ريلي تعال تكلم ....

خالد منصدم : مينوووونه صح ....

دلال : ايه مينونه ...مينونه ....انا قاااعدة اتعذب نفسيا كل يوم وانت ولا عالبال ...عادي ...الوضع طبيعي ...كل يوم رايحلي حداااق ومااادري وين والدنيااا سعيدة معااااك....

خالد مستغرب : انتي اشفيج ...؟؟ اشصاااير ...؟؟

دلال : موصاير شي >>>> تسكت اشوي واتكمل: .....انزين تبي شي ...انا مالي خلق اتكلم .....

خالد : دلووول ...يوزي ...وتكلمي عدل ..لا كف على ويهج الحين ....

دلال : خالد ...مع السلامة .....

وصكت الموبايل ابويهاا ......

ويشكل عليها واهو لاحقهااا .....ويدق ويدق ويدق ....ولاترد عليه ...كل مايدق اتسويه بيزي ....جاااااان يدوووس ويحدها ويحدها لين اصفطت بحاارة الامان ......واهواااا حده معصب .....نزل من سيااارته جان يروووح صوب الي يمهااا ....ويحاااول ابطل الباب ....جان يدخل ...واهيا لافه ويها الصوب الثاني مو قاعد اتطالعه ....

اول مادخل ....مسكها من ايدها حيل ويرها .....ومعصب حيييييييييييييل ......

خالد ويصرخ حيييل : تــــــســــــتـــــــهــــــــبــــــــلـــــــــ ـيـــــــــــن صح.......

دلال ساكته وموقاعدة اتطالعة :اي هدني ... خالد والله مالي خلقك ...انزل لاحد يشوفنا ....ترا احنا بالشارع....

خالد يصرخ ابأعلى ماعنده : ليش ادق ماتشيلينه ...وليش تتكلمين جذي .....

دلال تلتفت و اتطالعه ويها كل دموووع...

اهني اخترع خالد : اشفيج ....ليش تبجين .....

جان تنفجر وتقعد تبجي حيييل حيييل ......

خالد هد ايدها ومسك ويها ولفه صوبه : اشفيج خرعتيني .....؟؟؟ اشصااااااير ...؟؟؟

دلال اتحاول تتكلم وتأتأ : في ناااس خاطبيني .....

خالد : بس ...عشااان جذي قاعدة تبجين ...عبالي صاااير ابيتكم شي .....

دلال : ليش مو مهمنة السالفة عندك ؟؟!!!!

خالد : لا مهمه ....بس مثل كل مرة ....رفضي.....!!!

دلال : لا هالمره غيير ....ابوي يااا كلمني ...وقال لازم اتشوفينه وتقعدين ويااااه .....

خالد : شنووو ؟؟؟؟ وانتي اشقلتي ...؟؟؟

دلال : يعني شنو بقول...اكيد بقوله اوكي .....

خالد يصرخ: تاكلين تبن ...ماتقعدين معاااه ....

دلال اتعلي نبرة صوتها : يااااسلااام ...انت قاعد ابيتكم مرتاااح ....وانا صيحة وصراااخ مع اهلي واتييلي باااردة مبردة وتقولي ..ماتشوفينه ولاتقعدين معاااه.....

خالد: دلووول ....من صجج....راح تسمعين كلامهم ....

دلال : ايه ايه ...راح اسمع كلامهم ....شسوي يعني ....ابوي قالي لازم اتشوفينه ...

خالد بصووت واطئ وخاااايف : دلووول ...شنو ...راح يغصبونج .....

دلال اتطالعه : لا اكيييد ماراح يغصبوني .....

خالد وهم صوووته واطي : عيل ليش تبجين ومتضااايقة حبيبتي .....

دلال تبجي وتنزل ادموعها :: خالد انا متضااايقة من هالوضع .....يعني انا قاااعدة انحط ابماااقف بااايخة مادري ليش ...وكل هالشي منك ...انت السبب ...انا ليش قاااعدة اتع نفسي واتعب اهلي على واااحد مايحس مثلك ....

خالد يطالعها وبنبرة جدية :منو الي مااايحس ...؟؟ انا ....؟؟؟ ليش اشسويتلج ؟؟؟؟

دلال : انت ماتبي اتضيق خلق امك واتقولها تخطبني ...وانا كل يوم هوشه مع امي علشانك ....

تمسح ادموعها واتكمل : ليش ...شالله حادني ....

خالد يمسك ويها ابأيده الثنتين ويمسح دموعها ....ويلمها ويحط راسه على راسها .....
خالد : انا اسف ...ادري ما استاااهل هالتضحية....سامحيني ....


دلال اتلمه وتضغط عليه حييل وتبجي : لا تستاااهل ...والله تستاااهل ...بس انا خلاص تعبت نفسيتي ....والله اذوني بالبيت ..




نفس اليوم ابيت نورة .....
===============


نورة : انزين خلاص دلول ....سوي الي اهلج قالوووه ..وبس شوفي الريااال ...وعاااد بعدين اشتغلي وطلعي كل عيوووب الدنيااا فيه ....

دلال :نورو ...انا خااايفة ان مايطلع فيه شي...وبعدين اتوهق ....

نورة : قولي انج صليتي استخااارة ومارتحتي ....

دلال : افففف ...والله خااايفة اهلي يحسوّون....الله كريم....

نورة : قلتي حق خالد....

دلال : ايه قتله ...لا تشوفينه ين ين ..بغى يبجي .....

نورة : حراااااام ....

دلال معصبة : نورة لا تنرفزيني واتقولين حرااام ...اذا اهوااا حراااام عيل انا شنووو....اصلا اهوااا السبب...لو وااحد ثاني جان انا يمكن صارلي سنتين متزوجة..وعندي بيبي بعد ....شنو ترا خالد مو صغير بعد جم شهر يصير عمره 28 .....بس اهواااا وااايد وااايد يحترم امه اكثر من اللزوم ...

نورة: دلول بعد امه لازم يحترمها ....

دلال: لا مافهمتيني ....يعني اذا قالت شي ابد ابد مايناقشهااا ....يعني كلامها استغفر الله جنه ( قرآن) ....اشدعوااا كلنا نحترم اهلنا بس مو بهالطريقة الغريبة هذي .....

نورة: ايه دلول ..لان ماعنده احد بالدنيا غير امه.....

دلال : لا لا نورو....انتي كله ادافعين عن خالد وبس .....ترا اهوا بس الي جذي ....يعني ترا طلال وشيخة مو جذي ....يعني بلعكس حليوين ويسمعون كلام امهم ...بس الي يبونه يسوونه ...ويقنعوون امهم ...يعني مثلا طلال اخوووه يوم خذا البورش ..امه مو راضية لانها خااايفة عليه وماتبي ياخذ سيارة سبورت...وقالها ماااراح ادوس وماراح استهتر ومن هالسوالف..و خذاها وعسل على قلبها....وهم اخته يوم دزوها الدواام دورة امريكا 6 اشهر ماكانت راضية اتروووح بس يوم اقنعتها انها بنفس الولاية الي يدرس فيها طلال رضت..بس لو خالد ....لو اي شي اتقوله امه..اي شي لوتافه....من اول مرة جان قالها(ان شاء الله) ....يعني انا موضوعي معاه لاهو فيزيا ولا هو كيميا ...اي قوول حق امك اتكلم امي !!!!!.يقولي اخاااف امي اتحس اني اعرفج وبعدين تتضايق ويمكن ماترضى آخذج...اشدعوااا..اشصاااير يعني.....اينرفزني ....اوكي درينا انك اتموووت على امك ...بس مثل ما اهي لها حق عليك ...حتى انا لي حق ....يعني ليش انا الي قاااعدة اصاااارع ابيتنا واهوا مرتاااح ومريح باله ...ويقولي ابروووووود (((( تصرفي )))) ....الصراااحو نوروو ماتتنرفزين!!!


نورة وصوتها مخنوووق: دلول على الاقل خالد يحبج حيييل وشاااريج ....وخااايف انج اتطيرين من ايده ....عيل انا عزيز ...شنو ...الي اذا يبتله طاااري الزواج تنرفز وعصب وقلبها هووووشه ....وعااادي عنده اتزوج ....بس يدري اني ماسويها....

دلال : نورة اسمحيلي ...اشياااب عزيز حق خالد....اصلا هذا نذل وانا قايلتلج من زمااان ...بس انتي غبيه ....هديه اشتبين فيه ....والله اييلج واااحد احسن منه يدلللج...ولا المذله الي انتي عايشتها ...عاااد على شنو ...ولايسوى بيزة ...

نورة : دلال ...مو عشانج معصبة اتطلعين حرتج بعزيز ....لا تنسين ترا انا احبه ومارضى عليه .....

دلال : اوكي انا موقصدي ...بس صج ينرفز ...مادري اشتبين فيه ...ووايد قاااطه عمرج عليه .....

نورة معصبة : اتصدقين انا الغلطااانه الي قاااعدة اسولف معاااج ....جان اتقوم وتطلع من الدااار واتروووح الصالة ......

جاان يدق موبايل دلال .......

دلال : الوووو

ام دلال : وينج حبيبتي .....

دلال امنفسه : عند نورة .....

ام دلال : متى بترجعين ؟

دلال : بنااام عندها .....

ام دلال : بس عيب صرتي مره ....ماااكو نوم ....ردي البيت بعد شوي

دلال تتدلع على امها: يماااا الله يخليج بناااام ....

ام دلال : لا ردي ...ويلا بقووول حق اخوووج مشاري ...ساااامعة

دلال معصبة : اوكي خلاص...عالساعة 11 برجع ....

ام دلال : لاتتأخرين....

راحت دلال الصاله عند نورة .....وكانت نورة قاعدة مع امها اتطالع تلفزيون ومعصبة من دلال ومربعة ايدها ورافعة حواجبها .....جان تركض دلال واتطب يم نورة واتلمها ....وتدلدغهااا ....عشان اتخلي نورة غصب تضحك ...وفعلا انسدحت نورة من الضحك ....

نورة ميته ضحك : بس ...د...دلال ...ماني قادرة بموووت ....

دلال : ايه غصبن عليج ...عشان اتعرفين تزعلين مرة ثانية ....

ام نورة قاااعدة اتزهب الطاااولة ...وقاااعدة اتسويلهم عشاااا .....


ام نورة : يالا يابناااات ..العشا جــِــهـــِز......


ايه ...ام نورة مو كويتية ...امها مصرية .....طبعا نورة وامها ساكنين ابفيلا صيغرونا بالسرة ....لان ام نورة الام الثانية ...وابوها يوم خذاها كااان شااايب عووود ....والحمدالله ان كتب هالبيت باسم ام نورة ..جان افلسو من كل شي ....طبعااا ابو نورة كااان من عاااايلة كبيرة حيييييل ...وغني غني ....بس عنده عيال وااايد من مرته الاولى واغلبهم رياييل ....وماكانو يواااطنون لانورة ولا امهااا ....ودايماا يسوون لهم مشاااكل ....والام كانت طيبة وخوااافة ....وداايما تسمع كلامهم ....وتنازلت عن اشياء وااايد من الورث بس عشااان ما يأذونها ولايضايقون بنتها .....بس ماكووو فااايدة على قولتهم العوي عوي .....

دلال : الله خالتي تسلم ايدج على هالاكل اللذيذ....

نورة : ايه عاااد ست الحبايب لا يعلى على طبخهااا ...

نورة ....كانت مملوحه...وعيونها مكحلة ....وصغااار..وكااانت طوييييله وضعيفة...ودايما يسمونها (المودل)....ولونها برونزي ....وشعرها دايما تصبغه كستنائي ....نورة طيبة وااايد وعلى نياتها ....ولانها عاااشت طفولة بائسه وكلهاا مشاااكل ...بسبب اخوانها من ابوها ...ولان امهااا المرة الثانية ...فوااايد وااايد تبهذلت مسكييينه ...وكااان دور الرجل مفقووود بحياتها ....لان ابوها مثل ماذكرت ريال كبير وتوفى واهي كانت اصغيرة ...وحتن اهيااا ماتتذكر ابوها...اما اخوانها مثل ماذكرت من قبل كانت علاقتها معاهم سيئة جدا جدا ....فاول واااحد تعرفت عليه وهو ((عبدالعزيز)) حبته حيييل ....او يمكن نقدر انقول انها كانت اتعوض النقص الي فيها وعبالها انها اتحبه ......مسكينه....


عقب ماخلصوو ....دلال تلبس جاكيتها ....وجوتيها ....

دلال : ابيه طااع الساعة جم....ياويلي تأخرت ....

نورة : نااااااااااامي بليييييييز....

دلال : مارضت امي ...وبيني وبينج لازم اكسب ودها هاليومييين ...تدرين عشان السالفة ...مابيها اتنحر علي وبعدين اخاااف اتشيش ابوي ويغصبوني .....

نورة : ايه ايه صح....حبيبتي دلول لا تخااافين ...انا ادري لو لفت هالدنيا وداااارت ...ماااراح تاخذين الا خالد ....

دلال عيونها تلمع من الوناااسة : صج نورة ...ونستيني ....احب اسمع هالكلام ...انا عيل مااادري ليش احس اني ماااراح اخذه ....

نورة اتوصل دلال لين الباب ....: لا ان شاء الله راح تاخذينه ...راح اخلص الكورس الياي وراااح تاخذينه ...وانسويلج احلى عرس بعد ...

جااان اتلم دلال نوورة حيييييييييييييل: وااي نووورة احبج ....ماتتخيلين اشكثر محتاجه هالكلام......
نورة: يالله روحي تأخرتي ..لايفضحنا خالد...اذا وصلتي دقي اوكي....





اركبت دلال سيااارته .....اطالع موبايلها ويلا مافي شحن...ركبت الموبايل على الشاحن ....ويلا خالد الي يدق على طووول.....

دلال : الووو ....

خالد: زين طلعتي ....تو الناااس ..جان نمتي اهناااك بعد....

دلال : اشدراك اني توني طالعة ....

خالد : انا وراااج ....يعني بخليج ترجعين البيت ابروووحج هالحزة ....شفتي الساعة جم ....ترا الساعة 11 ونص ....شنو ماتستحين على ويهج .....

دلال : شسوي خذاني الوقت .....

خالد معصب : يالله حركي بسرعة ....شيقولون الييران ....

دلال: اوكي لاتزف....




.................................................. ................

بنفس الوقت نورة قاعدة بدارها وحاطه مرينا ....وتطلع اغنية عبدالمجيد ((عديم الشوٌق))



انتظروني مع البارت الجديد

تسلمي خيتو ليل القمر ع المرور

..........اقترب مني تعـــــــال ....ردلي روحي

شوف غرس الحب طــــال...من سبب نوحي

تاصل اجذوره جذور الارض اجروحي

يسألوني الناس وينك واحبس الدمعه

ليه مبعد عنك والاحباب مجتمعه

أذبحوني بالسؤال هزوّ أسكوتي

صوتها هد الجبال صرخة اسكوتي

أبتسم مارد...كان اهوّن عليّ موتـــــــــي……….


دمعت عينها ...امسكت موبايلها جان ...اتدق....
......: هلا ...هلا والله بالغالية ...هلا بعمري وحياتي......
نورة بصوت حزين : هلا عبدالعزيز .....
عبدالعزيز مستغرب : عبــــــدالـــــــعزيـــــــــز ...!!!! حاف ....اشدعوااا يبا بيعينا بالسوق.....
نورة :..........
عبالعزيز : اشفيج ساكته ....صااااير شي ...
نورة: عبدالعزيز ...انا جم عمري ؟!
عبدالعزيز يطنز عليها : 10اسنين ....
نورة بنبرة جدية : انا اتكلم جد ..اوكي...انا جم عمري ....
عبدالعزيز : 25 ...ليش....؟!
نورة : وانت جم عمرك ؟؟؟
عبدالعزيز : شنو شالسالفة ؟؟!!!
نورة بنرفزة : جااااوب بلييييز .....
عبدالعزيز يبتسم باستهزاء : 28 سنة .....
نورة تسكت ....واتكمل ....: يعني احنا مو صغاااار ...وانت تشتغل وانا اشتغل ..وصارلك اتعرفني اكـــثـــ.........
عبدالعزيز معصب: نورة اذا بتفتحين ضيج السيرة ...انا بصك الخط ....انا تكلمت معاج بهالموضوع وااايد ....
نورة اتقاطعه: انزين رسيني على بر ...قولي انت تبيني زوجه ويلا لأ؟؟؟!!! بس ابي اعرف ....صارلي اكلمك فوق الـ5 سنين ولا مرة يبت طاااري الزواج ..ابي اعرف ارضي من سمااااي .....
عبدالعزيز : شوفي حبيبتي ...حطي ابالج اني احبج....بس سالفة الزواج انا مأجلها اشوي ...خلي كل شي بوقته ...وكل شي بوقته حلو....
اتقاطعه نورة : انزين قولي انتي تبيني زوجه ....ايه ويلا لأ.....
عبدالعزيز متنرفز ويصرخ : انا ادري منو مشيشج على ...رفيجتج الزفت الي اسمها دلول ....لا تقعد تتفلسف على رااااسج ....كاهي صارلها ألف سنه اتكلم واحد ....ليش مايه خطبهااا ...هااا ....ويلا بس تقعد اتشيشج على وتذلف ...
نورة معصبه :لو سمحت لاتغلط ...و خالد ماخطبها لان ليلحين يدرس...ماخلص دراسته ...
يقاطعها عبالعزيز : ماشاء الله ...شنو ليلحين يدرس ...ماصارت دراسة ...انتي شتقولين ...هذا كان معاي بالجامعة ...الدفعة الي اصغر مني بسنة ....انا صارلي خمس سنين متخرج واشتغل .....اصدق ليلحين ماتخرج ....ويلا ماخذ الدراااسة عذر عشان يتهرب من رفيجتج النسرة .....
نورة اترد بعصبية : والله اهو متبهذل بدراسته ...وكله يسوي drop course...وماياخذ مواد وااايد ...عشان جذي...وثانيا اهو راح يتخرج الكورس الياي شهر 6 ان شاء الله وراح يخطبها على طووول .....
عبدالعزيز : انزين ما لجيتينا بهالسالفة ...يبا يلعن ابوها اهيا ويا......تزوجوا ويلا اقعدوا وانا شكووو...حريجه اتشب فيهم اثنينهم ..زييييين....
نورة : ابيييييه شالاسلوب الوسخ ....ترا انا مارضى على رفيجتي ..اوكي ...لاتدعي عليها بليييز ...
عبدالعزيز : يبا انتي اتييبين النكد ..انا كنت مستانس ابي اكلمج...عكرتي مزاجي تدرين اشلون ....ذلفي ذلفي<<صك الخط ابويها.....

كانت بنفس الوقت دلال قاااعدة ادق ويتنق : ردت عليها نورة .....
نورة :الوو...
دلال : الووو ...نورو عيزت ادق ليش ماتردين....كنت بقولج اني وصلت
نورة :.................
دلال : الو...الووووووووووووو....نورو اشفيج ساكته..الووووو
جان تقعد نورة تبجي تبجي ....
دلال مخترعة : نورة حبيبتي اشفيج ...خبصتي قلبي....
نورة: خلاص انا تعبت منه ...تعبت .....
دلال : عزووز الحقير ....اكيد ماكو غيرة ...يبا اشتبين فيه ...مليون مرة قتلج هديييه ....ترا حيوااان ....ماتصدقيني ...
نورة: شسوي احبه..
دلال : عيل زين اسوي فيج ....اكيد شايف ان شخصيتج مييييييييييييح ...عشان جذي دااايس على راسج ....حبيبتي الرياييل كلهم جذي ...مايبيلهم وحدة ماااكو شخصية ...يدوسون على راسها ...يبا اصحي اصحي...وكبري عقلج ..احنا مو مراهقات ....انتي كبيرة ...وعاقلة ...فكري من غير عواااطف ...واشوفي اهو شنو يسويلج واشلون يعاملج ...وشوفي انتي اشلون تعاملينا ومسويتله الف احساااب...واهو لاحياة لمن تنادي ...عايش بربيع ...وبنات وسفر ....
اتقاطعها نورة: دلال بس ..اوكي...بس....لاتخليني اتحسف اني اقولج سوالفي....بروحه الي فيني كافيني....
دلال: نورة...انا ابي مصلحتج وسعادتج ...يعني لو انه زين وخووش ريال ...جان تلقيني اقولج جذي ...؟؟!!! لا طبعا ...بس حاسة ان قاعد يلعب عليج ...
نورة : يلعب علي!!! انا صارلي فوق الـ 5 اسنين معاه ....لو مايبيني جان هدني..
اتقاطعها دلال : نورو خنكون واقعيين ....اهو بهالخمس اسنين جم مرة هدج...مليون مرة ...وانتي ماكو كرااامة ترجعيله..لازقه فيه لزقة.....يبا اهو مايحبج مايحبج ...اصحي ....
نورة تبجي ...: تدرين انا الغلطااانه الي راده عليج بااااي ...باي
دلال : الوو...نورة ...الوووو .....
اترد دلال ادق على نورة ...ويله جهازها كله مغلق .....
وبنفس الوقت يدق خالد......
دلال : هلا...
خالد: منو اتكلمين؟؟
دلال بنبرة حزن: نورة...مسكينة...
خالد :ليش بعد .....
دلال: بعد من منو ...؟؟؟
خالد: ان شاء الله مع الثور الي اتكلمه...
دلال : ايه ....تهاوشت معااه على سالفت الزواااج ....مسكينه اتعور قلبي...وانا ثقلت عليها بالحجي....
خالد : دلوله حبيبتي انتي رفيجتها وتبين مصلحتها ....ماعتقد ثقلتي عليها بالحجي..انتي قلتي الصج وبس....
دلال تتنهد بصوت واطي: ادري ...بس كاااسرة خااااطري....
خالد: يبا قوليلها الكلام الي قتلج عنه عن (عزّيز)ترا الصبي امولي ...مو وي زواااج ..والله ....لايلعب عالبنت بس ويضيعها….
دلال معصبة : اولا احترم نفسك ...ولاتقول عن رفيجتي جذي ...اهي حدها سنعه ومحترمه...وماعندها سوالف خرااابيط ...اظن انت اتعرف نورو عدل....
خالد يقاطعها : انتي اشفيج ...هبله!!!! من قال ان فيها شي...انا بس قاعد اقول لايقص عليها بس....ليش ياما بنااات سنعين وبنات عوااايل بعد ..وقصوا عليهم الشباب...شنو يعني ....خلاص يبا قوليلها الي قتلج عن ((عزوز)) وبس خلصنا ...
دلال : ماااقدر ...مابي اكسر قلبها ....مصيرها راح اتعرفه وتكتشفه ....مابي تطلع مني....وثانيا مااااراح اتصدقني بالاساس لانها تدري اني ما اواطنه ....
خالد : اممم ....كيفج...مالي شغل...انا بريت ذمتي....

اسكتواا شوي...
دلال : خالد ...
خالد :هلا حياتي ....

دلال متوهقة : ترا باااجر بيون ايشوفوني .....امي توها قالتلي ...

خالد ساااااكت ولا كلمة ......

دلال : الووو ...ليش ماترد .....

خالد : دلال ...انا بنااام .....تصبحين على خير ....
دلال : الووو خالد لحظة ....اشفيك ....؟؟

خالد: اشفيني ....اتقولينلي ان باااجر بيي واااحد يشوفني ..يعني شنو تبيني اقولج ....!!!!

دلال : حبيبي لاتحاتي ...راح اتصرف ...انا مابي احد غيرك ....عيل انا ليش معورة قلبي ...ذابحه عمري من البجي ...مو علشانك ....!!!

خالد ضايق خلقه: ماتدرين اشكثر قلبي مقطعني ..اذا تذكرت انج بتقعدين مع واحد وبتسولفين معاه ...وبيقعد يطالعج ويطالع جسمج ...حتى لو ماراح تاخذينه ...اهيا الفكرة بس تذبح ....

دلال : شسوي خالد...مابيدي شي ....

خالد يلوم عمره..وبصوت هادئ : آآآخ كله مني ...انا من الاول لو قاااعد بالكويت وشاااد حيلي جان من زمااان متخرج ...ومن زمااان متزوجين....

سكتواا اشوي ....

دلال : حبيبي خلاص لاتضيق خلقك ....ماراح يصير شي ...انا مرتك ...مرتك انت ....ماراح آخذ غيرك ....محد راح يجيسني غيرك...وانت بتصير ابو عيالي ....

خالد يبتسم : ابو بدوووري <<<اسم ابوه

دلال تبتسم : ايه ابو بدوري...

خالد: آخ ياحلو بدوري ..اذا انتي امه.....

خالد ياخذ نفس: الله كريم ...ان شاء الله هااانت دلوله...راحت من ايامنا اسنين ...وان شاء راح اتعدي هالشهووور على خييير ..

دلال :اممممم...آمين

خالد : دلول لاتخليني لوشنو ...الله يخليج ...والله احبج ..ماقدر استغني عنج....انتي طول عمري كنت جزء كبير من حياااتي ....

دلال : خالد من صجك...والله لو على قص ارقبتي ماخليك...انا اموت اذا ماخذيتك....انتا روحي وحياتي خالد

*********

باااجر

تراضت نورة مع دلال .....

دلال : نورة بليييييز ...لازم اليوم اتيين بيتنا ....مابي اكون بروحي

نورة : دلول ...شكوو ايي ..رازة ويهي ....

دلال : على شاني تكفيين ...

نورة : اوكي اوكي ...خلاص رااح ايي...

سكرت الخط من نورة ....ويلا الام اتكلمهااا ....


وكانت الام حدها مستانسة وتوصي دلال: يما دلال ...لاتشفيليني اليوم ...ولاتنفسين على الناس....عيب ماما ...وترفع ايدها وتدعي: عساه يدخل قلبج ويكتبه من نصيبج ....

دلال بقلبها : لا ان شاء الله ....

اترد على امها : ايه يمااا اكيد ..ببيض ويهج .....

دلال اتقول ابقلبها : هـــــَيــــّـــــــن !!!!


كانت الساعة 5 العصر ....قاعدة تلبس اهدومها .....البست نفنوف ابيض تحت الركبة....ومسوية شعرهااا ستريت ...وعاااادي لاحطت ميكآب ولاشي ....

واتكلم دلال نورة ...وكانت قاااعدة يمها ..وكانت ما سكه موبايلها وقاعدة اتدق : ابييييه كسرت تلفوون خالد اليوم ..كله مغلق..

نورة : حبيبي ...يمكن متضاااايق عشان اليوم بيوون ناس بشوفونج...

دلال : شسوي بعد....

ادخلت امها عليهم .....

الام : يالله ماما بدلي بسرعة الاوادم ياايين بالطريج ....

دلال : خلصت يمااا .....

الام مصدومة : شنووو بتنزلين جذي ؟؟؟!!!!

دلال مومهتمة وقاعدة اتحوس بالغرفة : ايه ....خل يشوفني طبيعية ...لازم احط ميكآب يعني ....

الام تنرفزت : تبين تحريني صح ...شوفي شلون ويهج اصفر....
تلتفت على نورة : كلميها نورة حبيبتي...
نورة ساكته...

دلال : واااي يما شكووو احّرج ....هذا شكلي...يبيني جذي خل ياخذني..


دش مشاااري..ويلا اشحلوة ..لابس هالدشداشة السودة والغترة البيضا..وكان شكله جنه معرس ....جان يطالع دلال ....

مشااري : هااا دلوله ..خلصتي.....

جان يلتفت على نورة : اشلونج نورة ....

نورة : هلا والله مشاري ....

مشاري يرد ويكلم دلال : دلول خلصتي ....

دلال : ايه خلصت .....

الام حدها معصبة : لا والله ماتنزلين جذي...والله ...وكاني حلفت .....

اطلعت الام من الدااار معصبة ....

مشاري يطالع دلال مستغرب : شسالفة ....!!!

دلال : بعد ...امي ....ماتعرفهاااا .....تبيني احط مكياااج ....

مشااري يرفع حاجب واحد ومستغرب: ليش!!!!!!! مافيج شي حلوة من غير مكياااج ....


دلال : مادري عن امك بعد ......

مشاري ايحرك ايد بشكل دائري ويتحلطم : حريم حريم ....

ويطلع من دااار دلال .....


ادخلت سااارة : هااا دلول...خلصتي ....؟؟

دلال :وااااي اشفيكم ....ترا هذي شوفه موخطبة .. ليش مختبين ....وانا بس بشوووفه وبس ...علشان امي وابوي ....

سارة : ترا امي معصبة ..واحلفت انج اتحطين ميكآب خفيف ....ويلا ماراح اتكلمج ...وتلبسين قلب وتراجي واتسوين شي بشعرج..

دلال : ابيييه امي مووو صج.....مابي احط ميكآب يااربي كيفي ...شنو شايفتني جيكره!!!

سارة اتخلي دلال تقعد على كرسي وتلف ويها صوب المنظرة واتمشط شعر دلال ....واتطالعها من المنظرة..واتقول : انتي جيكرة!!! انتي اصلا اتهبلين ...بس امي تبي ويهج يصيير منور...وتبي اتحس انج مهتمة بالسالفة ...لانها حاااسه انج بتخربين السالفة ....

سارة تلصق حلجها عند اذن دلال وتهمس باذونها: دلال لا تصيرين غبية ....ترا انا ادري عن كل شي ..وادري عن علاقتج بخالد...امشي على الي اهما يبونا وسايسيهم بس سوي الي ابالج ...لاتصيرين غبية وتفضحين عمرج .....

دلال انصدمت يوم قالتلها سارة جذي جان اتقول : شدراااج ؟؟؟

ساارة : انا مو اقولج انج انتي فاااضحة عمرج ....



دلال اسكتت مدة وتطالع نووورة : اوكي خلاص بسوي الي يبونا ....


اتطق الخداامة الباب ...على الساعة ست تقريبا

الخدااامة : دلوله ماما يقول.....يالله يجي رجااال....

دلال : اوكي...كاني نازلة ....


انزلت دلال ...وامها قااعدة اتشوفها نازلة من الدري....ويلا مسوية شعرها ويفي...وحطت ميكآب خفيف مع حمرة وردي على لحمي فااااتحة حيييل .....والبست تاااج ...وتراجي صغاار ذهبين...وسلسله صغيرة...وكان شكلها نعوووم وااايد واينن....

الام استانست يوووم شافتها جذي...وقالت : ايه جذي اتهبلين ..مو مساااع طااافية....

دلال منفسة : وينهم ...؟؟؟

الام :بصالة الضيووف ...

واتقوم الام اتحط اصابعها على شفايف دلال جنها تبي اتوسعهم واتقول : ابتسمي ...لاتدشين على الناس امعصبة ...عيب ....

دلال : اممم اوكي ....لاتنمسح الحمرة

تدخل دلال مع امها.....

الام تودي دلال حق ام الريال : ام زياااد ...هذي بنتي دلال....

ام زياااد مستانسة : هلا والله ...ياحلوها ماشاء الله ....<<< وتسلم عليها دلال ...

دلال ولا كلمة ...وبالغصب تبتسم .....سلمت واقعدت ......

ومنزله عينها ...واتشوف بس جوتي الريال ودشداشته .....

جان تسمع صووت ....

.....: قوة دلال ...شلونج؟؟

دلال ارفعت عينهااا....جان اتحط عينها بعينه ....ومستحية على منقثة ....

دلال : هلا والله ....

زياد: اشلونج....

دلال : تمااام ....

وصاااار سكوووت ......

ام زياااد تكسر حاجز الصمت : اشفيكم سكتواا ...تكلمو اا ...قولوا شي .....

زياااد طوول الوقت قاعد يطالع دلال ...وامبين انها عاجبته حييل...

زياااد : وين كنتي تدرسين؟؟

دلال : علوم ادارية ....

زياااد : شنو كاان تخصصج .؟؟

دلال : ادارة اعمال .....

زيااد : وين تشتغلين ؟؟

دلال : بالمالية .....<<< كانت دلال تجاوب على قد السؤال بالضبط ...واتقول بقلبها : ابيييييه شنو تحقيق.!!!!

سكتواااا ......


زياد ...ايهراسمه زياااد....طبعا اهو مثل ماقلنا من قبل ملحق سياسي..واهو يشتغل الحين بامريكا...وناوي ان يتزوج ...وياااخذ مرته معااه اهنااك ....وااايد مملوح ...ابيضاني يلبس نظارة طبية بس ذربة......وطوله تقريبا 175...واسلوبه وااايد ذرب بالكلام ....يعني يشبهونه بعبدالرحمن الحريبي....

زياد : انزين انتي ماعندج شي تسأليني؟؟؟

دلال بتنرفز : لا ماعندي ....

ام دلال ارتبكت...: هاا خل اصبلكم شاي ....

ام زياد : لا استريحي ....لاتعبين نفسج ...

ام دلال : لا اشدعوااا ماكو تعب ان شاءالله ....

ماكو اقعدوا تقريبا 30 دقيقة او ساعة الا ربع ...ومشووو.....







بنفس الوقت خالد مع صديقه الصدوووق عبدالوهاااب ...قاعدين ابـ coffee republic بالمنطقة الحرة .....
وخالد طووول الوقت ساااكت ..وكل ساااع يطلب black coffe وحدة ورااا الثانية ...ومتوتر حده ....

عبدالوهاااب: خلوود ....ترا وترتني معااك ....اشفيك ...صارلنا فوق الساعة قاعدين وانت متوتر ولا تتكلم ..!!!

خالد: احس بمووووت ....بموووت ....قلبي يعورني .....

عبدالوهاااب : عاااد ليش ...يعني ماااصار شي ....

خالد: مادري مادري ....وخصوصا يوم شفته داااش بيتهم ....وتخيلت ان بيقعد معاااها وبيشوفهااا ويسولف معاها ويضحك ...ويمكن تعجبه..آآآخ....كان ودي اذبحه....المفرووووض انا ...انا الي ادخل ...وانا الي اكوون ابمكااانه...

عبدالوهاااب : والله دلال الي مسكينه ...الي انحطت بهالموقف ....ويلا انت تستاااهل ...

خالد : وهـــَــيّـــب....اشفيك قلبت على ....؟؟

عبدالوهاااب امعصب : ياخي تصرف ...كلم امك ...قولها شي ...حرااام اتضييع البنت من ايدك ...

خالد بنرفزة : اتصدق والله ....انتو ماتفهمون ...مخكم امصدي...انا جم مرة اعييد هالسالفة ....موووووووووووو رااااااااااضية....شسوي يعني ....

عبدالوهاب يطفي زقاارته:: لاتسوي شي ...تحمل اي شي يصير...

خالد: اوكي مشكووور...انتا قاااعد اتشوفني بحاااله وقاااعد اتزيد النااار حطب ..... يبا يسلم راسك....

عبالوهااب : خلاص يبا ...انا مالي شغل من هالسالفة ....

يكمل وهااب: انزين انتا ليلحين ماكلمت دلال ....؟

خالد : لأ...مالي خلق اكلمها...احس اذا كلمتها راح اتنرفز عليها ..وادري ان مالها ذنب ....مالي خلق مالي خلق...

عبدالوهااب : انزين افتح موبايلك ..حراام عليك ...تلقاها شكلت عليك ....

خالد : افففف....اوكي خل اشوف....

فتح موبايله ...بشوف جم مره دااقة دلال .....

خالد يحط ايده على شعره ...يضغط على شفاايفه ...

عبدالوهااب : تكفااا جم مرة داااقة....؟

خالد : 47 مرة.....

عبدالوهااب : حرااام عليك ...دق عليهااا....اهيا محتاجتك بهالوقت ....


خالد: اوكي اذا رديت البيت بكلمهااا ....

عبدالوهااب : لا... دق الحين ....ياخي خل اتحس انك واااقف معاااها بهالظروووف ....

خالد : زين زين يااا .....<<<<< ماسك الموبايل بيدق....

خالد : الووو ...

دلال من غير مقدمااات : احلف .؟؟؟

خالد : والله...

دلال : زين تعطفت على وبطلت موبايلك وتذكرت ان فيه وحدة بالدنيا اسمهااا دلال ....

خالد : دقيقة...

اشر على عبدالوهااب بصبعه ...جنه يقوله اشوي وراااد ....لان مااايقدر يتكلم بالكافيه....

قااام وركب سيااارته .....

خالد: اشصاااار !!!...؟؟؟؟

دلال : اشصااار يعني ...ولا شي ....

خالد : اول شي وقبل كل شي...اشلبستي ...؟؟

دلال مالها خلق : وااايد مهم يعني السؤال....!!

خالد متنرفز وصاااك ضرووسه :تكلمي ؟؟!!!

دلال : مااكو ...نفنوف ابيض ....<<<وقبل لا تكمل كلامها

خالد : تدرين اشلووون .....لحظة خل اشووف الساعة <<يطل بساعته...

ويكمل: توها 7 وربع...ابي اشوووفج الحيين ...

دلال: شنو من صجك؟؟!! امي وابوي ونورة ومشاري وسارة كلهم موجودين ...يعني اقولهم رايحة وين ...؟؟

خالد : مالي شغل...قولي اي شي ... لحظة لحظة ...غيرتي اهدومج ؟؟؟

دلال : لا ...ليش؟؟!!!

خالد : الله بسمااه ماتغيرييين ولاشي فيج....يعل امووت وتنقلب فيني السيااارة...واتقطع اوصل اوصل.. اذا غيرتي لبسج او مسحتي مكياجج...بشوف اشلوون كان شكلج صاااير...

دلال توهقت :بسم الله عليك...بس مااقدر ...اقوللك كلهم اهني...

خالد : مالي شغل....يالله تعالي الحين ....تعالي المنطقة الحرة بسرعة....

دلال: اوكي بااي باااي افففف...


تصرفت دلال وقالت حق امها انها راايحة استقبال رفيجتها ..وانها كانت ناااسة وتوها تتذكر...


او ماوصلت المنطقة الحرة ....

دلال: انا وصلت وينك ؟؟؟


خالد : انا عند CR...تعالي ولحقيني بسيارتج....


دلال: اوكي....

ولحقته لين صفط عند موفمبك ....كان امسوين معرض او شي....

خالد : صفطي ....ونزلي المعرض ...قعدي بو 10 دقاايق وطلعي ....وبعدين ركبي سياااتي.....عشاان محد يشك....

دلال : اوكي....

سكرت الخط...ونزلت ....واهو طوووول الوقت يطالعها ....واهيا قااعدة تدخل ...ويوم اطلعت وبطلت السيااارة ....

ادخلت وسكرت الباب...جان تلتفت عليه ....وطالعته ....ويلا على طوووول جان يطقهااا طراااق .....اهي حطت ايدها على ويها ...مو مصدقة ....

واهوا عينه حمرة وبصراااخ : طاااااااااااااااااااالعة حق الرياااال جذي....؟؟؟!!!!!

دلال وهي ساكتة ومنصدمه منه ...ولا كلمة ....

خالد : انتي حماااااااااارة ....انا شنو متفق معاااج ...مو قايل ربطي شعرج ولاتحطين ولاشي ابويهج ...لا ولابستلي مخصر....يعني شنووو ....قصدج انا حلوة ...شوووووفوووووني تراا انا حلوة......

دلال: ابيه ...انتا مينون صح ....انتا موصاحي....انا الغلطااانة الي يييت اصلا ...

امسكت الباب تبي اتبطله وتنزل...بس مسكهاااا.....جان يقول : تبين تقهريني صح ....عشااان اكلم امي......عبالج هذا اسلوووب!!!

دلال: كلمتها ويلا ماكلمتها ...ولا كيفك ....

خالد امعصب: آهااااااااا ....صرت الحين كيفي...ايه اكييييد عااااجبج الي خاطبج....

دلال بطلت باب السيااارة : ايه عاااجبني....واذا مو عاجبك كلامي بالطاااق ...جان اتصك باب السيااارة .....


جان تركب سيااارتها ....وتقعد تتبجي....واتقول بقلبها :....انا اعلمك ياااخالد ...انا اعلمك ...والله مو كفووو....واطالع ويها بالمنظرة اشلووون احمر.....تمسح ادموعها واتطق سيارتها سلف وتمشي....ويلحقهااا خالد ....لين اوصلو عند الجسر....وبعدين جااان يدووووووووس حيييييييييييييييل ....

ودلال قاااعدة اتطالعه ومنقهرة ان طقها جان اتقووول: ان شاءالله تدعم ..<<<< وبنفس اللحظة اتقوول: ابيييه ابيييه استغفر الله استغفر الله ....ياارب يااارب لاتستجيب دعاااائي ...ووالله احبه واموووت عليه لو يصير فيه شي اموووت ....استغفر الله .....

اوصلت وصفطت ...وشافته صافط ابيتهم ...واستانست ان مافيه شي....


ادخلت البيت ....تبي تصعد دارها ....ويلا امها وابوها ناطرينها بالصالة الي تحت ....
دلال: متى راحت نورة .؟؟؟

الام : عقبج على طووول....

اتكمل الام : انزين ماقلتيلي اشووون رفيجتج الي رحتيلهااا....

دلال مالها خلق: زينه ....

الابو : بابا تعالي قعدي اشوي....

دلال راحت دلال وقعدت ...واتحاااول اتحط شعرها على خدها عشان مايبين ان ويهااا احمر....

الام : ها دلال ...اشرااايج .....؟؟

دلال : ابشنوو ؟؟

الابو: بالولد ؟؟؟

دلال : ليش اهما دقوااا وقالو شي؟؟؟؟

الام : لا مادقوو ....بس مبدئيااا ...اشرااايج ...ارتحتيله ..دش قلبج !!!!

دلال : يما بسم الله ...ليلحين ماستخرت.....والصراحة ...يـ..يـــعني مو الي وااايد عاجبني.....

الام اتطالع الابو: اللهم طولج ياااروووح ....اللهم طولج ياااروح....عااد كلمن قااال اشملحه...حتى اخوووج الي ماينطق قال عنه مزيووون ...

اتكمل الام: مو مشكلة نلحق العيااار ....استخيري واخذي راحتج على مايدقووون ....

دلال :موشرط ان موعاجبني عشان شكله ...يمكن اسلوبه... وبعدين اشدراااج انهم يبوني ....يمكن ماعجبتهم ..؟؟

الام : لا ..الام والولد شكلهم مستانسين ...

دلال : خلاص عطيني وقت افكر ...بليييز لاتضغطين على ....

الابو: استخيري واخذي راحتج ...واي قرار بتتخذينه احنا مااراح انعارضه ....

دلال اتبوس راس ابوها : مشكووور يبا ..انتا الي فاهمني...

الام : ايه وانا طلعت الشريرة الحين ....
دلال : لا يا احلى ام ..انتي مو شريرة ...بس حنااانه .....سوري يعني...

الام : ايه هذي آخرت الدلال....يالله انا برووح اناااام نرفزتوووني...

قامت الام واصعدت غرفتهاا ....

وراحت دلال غرفتهااا ...وغيرت اهدومها ...وامسحت مكياجهااا ....وانسدحت....اتفكر بلي صاار اليوم ...وبخالد ...سكرت تلفونها ...وقالت انها ماراح اتكلمه...على الطراااق الي عطاااها اياه ...واترد اتقول : بس اهوااا جذي عشااان يحبني ويغااار علي...لالا بس مايعطييه الحق يمد ايده ....اوووف ياااربي بس احبه ...ياااربي متى نتزوج ...وقعدت فكرة اتديها وفكرة اتييبها...وتتخيل اذا خالد يااا وياا امه يبي يخطبها ...شنو راح تلبس وشنو راااح اتقووول....كانت مستااااسة ....وبنفس الوقت انقطع حبل افكااارها ....جااان اتقووول....ادري ان خالد يحبني ويموووت علي...بس ماااحس اني اهم شخص بحياااته ...انا الاحظ ان يهتم ابأمه واخته واخووه اكثر مني...اهمه اهم مني...وحتى اذا يا اخووه من امريكا يكشت فيني وكله معااه ...يعني انا ايي عقبهم ...بس انا افضله على امي وابوي واخواااني...واهما ايوون عقبه ...!!! منو الطبيعي انا ويلا اهوو....!!!

مادري شنو خاشتلي الايام معااك ياااخالد ...احس المشااكل بينا وااايد قاااعدة اتزييد....يالله تكتب الي فيه خير ...ياااارب

بعد اسبوووع.......

الساااعة 12 بليل..........

بيت دلال ...........

باااب السكة الخلفي قاااعد يطق ....حيل حيل ....وصدفة مشاااري كااان نااازل المطبخ يشرب ماااي ....اخترع ....ويطل بره .....

مشاااري : منو... منو ؟؟؟
............: انا أنا... مشاااري ...افتح بسرعة .....

مشاااري يفتح الباب : نــــــــــــــــــــورة !!!!!

نورة وكان شكلها بااااجية بجي :آسفة عشااان يايه هالحزة.... بس ابي دلال ....

مشااري مخترع من الوضع : تعالي ...تعالي ...دخلي البيت.....

ادخلت نوورة واقعدت...جان يعطيها مشاري قلاس الماااي الي كاان ماسكه بايده .....

مشاري مخترع : اشفيييج ....اشصاااير ....

نورة تبجي : اخواااني ...اخواااني من ابوي....

مشااري : اشفييييهم .....

نورة : يبووون يزوجوني ....<<<< وتبجي حيييل

مشاري اهني طااح قلبه بايده ...لان يحبها : انزين وشنو المشكلة ..؟؟

نورة تشاهق من البجي : مابي اتزوجه ...اهو عمره 50 سنه ....

مشااري : أففف ...وليش يبون يزوجونج اياااه ....

نورة : لانهم حقيرين .....يبون يحروني ويحروون امي .....
ويقولون مانخليج جذي على كيفج تسرحين وتمرحين ....لازم انزوجج.....اصلا اهما ولاعمرهم اسألو عني ...بس ايسوولنا مشاااكل وبس....

تشاهق نورة : فيه ناااس دقوااا على امي وقالولها ...لاتاخذه بنتج ...ترا يشرب ويخربط .....ومتزوج وعنده عيااال ....

مشاااري : انزين كلمي عمامج ...اي احد له كلمه وسلطة عليهم ....

نورة :ماعندي احد ..ماعندي... هذوووله احقر ناااس بالوجووود ...ويكرهووني ...وكله ينااادوني بنت المصرية ....الله ينتقم منهم <<<< اتحط ايدها على ويهاا وتبجي ....

مشاااري تقطع قلبه عليهااا وااايد ....كااان وده بهاللحظة ايلمهاااا على صدره حييييل .....

مشااري : والله ماادري شقولج نورة ......

يسكت اشوي ويطالعها : انزين خلاص لاتبجين ماحب اشوووفج جذي .....

نورة اتطالعه :مشاري انا تعبااانه ....تعبااانه ....مالي حظ بهالدنيا...من اول ماااطلعت على هالدنيااا وكله مشاااكل من كل صووب ...وين ما اطقهاا عوووية ....ماعندي غير امي..ماعندي اهل ..ماعندي احد...

مشاري : اشدعوااا ...احنا وين رحنااا ....

نورة: ايه بس انتوا ...بس انتوا اهلي..والله احبكم وااايد ...واايد

مشاري : حتى أنــ .... حتى احنا انحبج .....

يكمل :انزين اهما لاحقينج ...ويلا شنو ؟؟

نورة : يايينلنا بنص الليل ...يبون ياااخذوووني عندهم ...عماا بعينهم ....بس امي قعدتني من النوووم ...وخلتني اطلع من الباب الخلفي قبل لايشوفوني ...الحين انا خااايفة على امي .....

مشااري : لا يخسوون ...مايقدرون يسوونلها شي ....شنو غااابة ..ماكووو قااانون .....

نورة : بالاك ماتعرفهم ...ايخرعووون ... واااصليييين واصلييين ...

تسكت اشوي: انزين مشاري ....

مشاري : آمريني .....

نورة: ابي دلال ...تقدر اتناديهاا ...

مشاري : ايه ايه عاادي ...بس اخااف تخترع ....خل اخلي سااارة اتقعدهااا ...جنها قاااعدة مانامت ....

مااكوو 10 دقااايق ويلا تنزل دلال ...لابسة روب مال البيت ....وقاااعدة تنزل الدري بسرعة ....

جااان اتقووم نورة تركض حق دلال ....

نورة تبجي : دلوووووووول .....لحقيني لحقيني...

دلال تمسح على راااسها : بسم الله ...بسم الله عليج .....



مااااكو ربع ساااعة جان اتنااام نورة على فراااش دلال من التعب والبجي .....

يدق مشاري على دلال ....

مشاااري : الووو

دلال بصوووت واطي: هلا...

مشاري : هااا شلوونها ....

دلال : كاااني كاااني ..يايتلك ......

اطلعت دلال من غرفتها وسكرت الباب اشوي اشوي ....وراااحت غرفة مشااري .....

مشاااري اول ماااشااف دلال : هااا ان شاء الله صااارت احسن....

دلال: وااي اتعور القلب ...تكسر الخاااطر ...نااامت ودمعتها على خدهااا حبيبتي.....

مشاااري : هذوول لازم واااحد اوقفهم عند حدهم ....

دلال : هذيل مايقدر عليهم الا ربك ....

مشاااري : ان شااااء الله محلوله السالفة ...ان شاء الله محلوله ......

******************


باااجر الصبح ...ماااراااحت دلال ولا نورة الدوااام ....وقاااعدة نوورة من الصبح ...ودلال كااانت نااايمة على القنفة الي بغرفتهااا ....

تقريبا على السااعة 10 الصبح...بطلت دلال اعيونها ...ويلا نورة قاااعدة على الفراااش وتبجي ....

قااامت دلال : هااا نورة متى قعدتي ...؟؟

نورة : من الفير قاااعدة....

دلال : ليش ماقعدتيني ..؟؟

نورة:ليش اعور راااسج ابمشاااكلي ....انا ابيج ترتاااحين.....

دلال : انزين دقيتي على عزيز...؟؟

نورة : انا قتلج اني كلمت اخته امس...عشااان ابي عبدالعزيز ينقذني من هذا الي بيزوجوني اياااه اخواني ..فضطريت ادق عليها ...وطبعا نفست على ومابقا كلمة ماااقالتها لي ....ومااكو دقاايق ويلا يدق على عبدالعزيز ...

تتذكر الحواار الي دااار بينها وبين عبدالعزيز ....

عبدالعزيز: انتي حيوااااانه ....بقرة....غبية ..اشلووووون اتدقين على اختي ...!!!!!!

نورة: شسوي صارلي جريب 3 اسابيع مادري عنك ....

عبدالعزيز: كيفي ...مااابيج ...مابي اكلمج ...لزقة لزقة....يبااا فجي ...

نورة : انت مستوعب الحجي الي اتقوووله ....!!! ( اتكمل) عبدالعزيز ...اخواااني بيزوجوووني ....الله يخليك تعالي انقذني....

عبدالعزيز : خل يزوجووونج ...وانااا شكووو فيييج .....بلعنه الي تلعنج ...ولا شووووفج داااقة على واااحد من اهلي ...ترا والله ابهذلج بهذلت العالمين ...وروح اقول حق اخوااانج عشااان يغسلووون اشرااااااعج ...يالله تت تت ....

تسكت: وبس سكره ابويهي .....

دلال : الحقيييييييييييييير النذل الجباااان ....انا مو حذرتج منه ...الف مرة اقووولج اهوااا كلب ووسخ .....

نورة تبجي تبجي تبجي : ادري انا المغفلة ...انا الي صدقته ....آآآخ ياقلبي ....آآآخ.....احس اني بموووت .....مادري شنو رااح اسوي الحين ....مادري ....

دلال : لاتخاافيين محلولة ...محلوووله ....انتي اصلا الف من يتمناااج ...اكيد الله بيعوضج ابواااحد احسن .....

نورة تبجي واتقووول بقلبها(((( دلال انتي ماتدرين عن شي...ماتدرين)))))


يلا ابي اشوف تفاعل عشان انزل الباقي

يسلمووو اميرة الحب بانتظارك

يعطيكم الف عافية ع المرور


وان شاءالله اكملها لكم اليوم

على الساعة 12الظهر .......

اطلعت من داارهااا ...جذي بو عشر دقااايق وردت ......

دلال : نورو ..نورو ....توهااا امي كلمتني....وقالتلي انهااا دقت على امج الصبح ...وخذت عنوااان بيت اخووج العووود ....وابوي ومشاااري رااايحين يكلمون اخوااانج ....

نورة منصدمة : صج ....وليش ...شنو بيقولونلهم ...؟؟؟

دلال : مادري بس راااح يتفاااهمون معاهم ....

نورة : واااي لأ دلول ...انا مابي ادخلكم ابمشاااكلي....ترا اخواااني هذيل مو هينين ابد ....مابيكم تبتلشون ....

دلال : هاااو نورو ...اشدعوااا نبتلش ..شنو بيسوون يعني ....وعلى قولتج اهم ايحبوون الترزز ...ويدرون ان ابوي كااان منصب وجذي ...فا بلعكس رااح يطخوون ...

نورة : ايه عما بعينهم ...يموتون عالترزز ...كل يوم واااحد طالعلي بالجريدة والتلفزيون ...الي يشوفهم ايقوول هذول مثاليين ...مايدرون انهم زفت الطين ....

دلال : الله يعدي هالسالفة على خيرر....نورو ..المهم انج تطلعين من السالفة ومايزوجونج ...هذا اهم شي الحين .....


نورة : الله لا يقوله ..الله لايقوله ....



.................................................. ........................





بيت خالد عالسااعة وحده الظهر .....
======

خالد توه يااي من الجامعة .....دخل البيت وحذف الكتب عالقنفة ....وشااف امه قاااعدة اتطالع تلفزيوون ....بااس راااسها ....

الام : تعال يما خالد تغدى معاااي ....<<<< كانت حاااطه طااوله صغير جداامها واتطالع تلفزيوون ...

خالد : شنو الغداا .؟

الام : مجبوس ديااي ..(اتكمل ) تبي ويلا يسوولك شي ثاااني ....

خالد : لا اكيييد ابي ...مايبيله بعد ...احب المجبووس.....

الام اتصوت عالخداامة عشااان اتييب حق خالد الغدااا ....



قعد خالد يتغدااا مع امه ...

الام : اليوم ياي امبجر من الجامعة....

خالد : ايه يماااه ....ماكووو شي....مابقا شي عالفاينل ....يمااه تكفين دعاااائج .....

الام : عسا الله يوفقك حبيبي.....

اقعدوااا يسولفون ....ويضحكووون ....


ينفتح البااااب الرئيسي ...تدخل شيخة مع منيرة.....

الام : هلا والله بمناااير....تو مانوّر البيت .....

منيرة اتروووح اتسلم على عمتها .....

منيرة : شلونج عمتي ...

الام : والله بخير .....عااد انا اليوم الصبح كنت عند ابوووج ....

منيرة تاااخذ نفس : الله يشااافيه .....تلتفت على خالد وخالد مو قاااعد يطالعها... قاااعد يسوي رووحه لاهي بالغدااا...ومنزل رااسه اشوي وقاااعد ياااكل .....

منيرة بدلع ماااصخ : خالـــِّـــد اشلونك ...<<< مع التشديد على حرف اللام في خالد....


خالد توه بيحط القفشة بحلجة ...يرفع عينه بس ويطالعها : هلا والله ..(ويكمل اكله ).....

الام : من وين يايين؟

شيخة : ماكو مستأذنين من الدوااام ورحنا تغدينااا بره ....

الام :ماقلتيلي شيووخ.....

منيرة : وااااي عمتي حرااام خليها تستانس ...اهيا مو ياااهل.....

الام : ادري مو ياااهل بس لازم تعطيني خبر على الاقل .....

شيخة : يمااا دقيت عليج ولقيته مغلق ....وبالبيت قالولي طالعة.....

الام : اييه ...الظاااهر يوم كنت ابيت خالج عبدالرحمن ...يالله يالله عليكم بالعافية ....انا يابنيتي اني اخااف عليج ...ولاقصدي تحكم ولاقصدي تسلط ...

منيرة : لأ عمتي...انا نوو وي اتحمل احد يقولي جذي...احس جني بسجن ....

الام على ضحك : يالله عاااد لاتشيشين بنتي على .....

منيرة : والله صج عمتي ....(اتطالع خالد الي حتى موقااعد يطاالعهم وهما يتكلمون ) ويلا انت شرااايك خالد....

خالد بنفس : عن شنو!!؟؟

منيرة : ان عمتي عبالها ان شيووخ ليلحين

خالد : ايه هذاا الصح ...عيل فااالتووو....

منيرة بدلع : واااي انا ماتحمل....

خالد ولا تعلييق .....

يدق موبااايل خالد ..يطلعه من مخبات دشداشته ....ويلا دلال داااقة ....

جاان يقووم ...عشااان يبي كلمهاا .....

طلع بره الصالة .....

منيرة : وااي اشدعوة قااام ...شنو هالمكالمة المهمة ....

الام : ايه فقير مايبي ربعه يسمعونكم وانتو اتسولفون ...

منيرة محتره : واااي عمتي ....ماتدرين بعد منو يكلمم...يمكن القيرل فريند ....

الام : لا ويييه ...بسم الله على اعيالي ماعندهم هالسوالف ...

شيخة : ويييه يمااه اشدرااج عنهم .....

الام : بعد تربيتي ...وبعدين خالد طالب الزواج ...ولو عنده وحده جاان قالي خطبيلي ايااها....

منيرة اتنط بسرعه بالسالفة : وانتي امثبته وحده عمتي.؟؟؟

الام : لا والله ...ذييج الساااعة يصير خيير ....اندورله ....

منيرة تسكت وتبتسم ......

وشيخة اتساااسر منيره : ياليت ياااخذج خلووود ......


خالد قاااعد يكلم دلال بنفس الوقت....

خالد : هلا هلا هلا .....

دلال : هلا حياااتي ...اشلونك ....

خالد : اليوم وينج مالج حس ...العاادة اتقعديني حق الجااامعة ...ودقيت عليج ماشلتيه....

دلال : ايه والله ...صاايرة سالفة كبيرة حق نورة مع اخوانها من ابوهاا ...ولهيت معاها ...

خالد : لا حول ولاقوة الا بالله ....(يسكت ويكمل ) شنوو مارحتي الدواام ..اشووف سيارتج صااافطة ...؟

دلال : ايه قتللك ...علشان سالفت دلال ..اهيااا نايمة عندي من امس ....

خالد : شنوو انا امس صاااكه منج بليل ...وقلتيلي بنااام ...وماكانت نورة عندج .....؟؟

دلال : ايه يتلي بنص الليل ...

خالد : وييييه شكله سااالفة عووودة ....

دلال : ايه والله...(تسكت دلال اشوي ) قاعدة اسمع صووت نااس ...منو عندكم ؟

خالد : محد ...شيخة ومنيرة قاااعدين مع امي بالصالة ....

دلال انقهرت : وانت قاااعد معاااهم !!!؟؟؟

خالد يقلد نبرة صوت دلال: ايه وانا قاااعد معاااهم ...

دلال : شكوو شكوو....

خالد : شنوو شكو ...دلول لاتصيرين معقدة ...ترا انا منيرة بالنسبة لي حالها حال شيووخ ...وتدرين اني استملقها حييل ...وماتعجبني تصرفاتها ولا اسلوبها ولاشي ....

دلال : ولا شي ولاش يعجبك فيها ....

خالد : اي ولاشي ....

دلال : احلف ....؟؟

خالد : موصاااحية صح ...ماني حالف ...

دلال : يعني عااجبتك ...!!!

خالد : قصدج عشااان اهي حلوة ....؟؟

دلال اسكتتت وحقدت عليييييه ......

خالد : الووووو ....

دلال : باي باي ....

خالد يضحك: والله صج اتغارين منها ....

دلال : شكووو شكووو اغاار منها ...بس كلمتك بااايخة ....اشلون اتقول عنها حلوة ....

خالد : بس بعيني انتي احلى بوااايد ....ترا ماهمتني حلاتها ...عندي تاااج رااس البناات كلهم .....

دلال : احلف .....

خالد : والله العظيم دلولي...انتي بعيني احلى وحدة ...وعمري ماشفت ولا راح اشوف ابحلاتج ....

دلال تبتسم : اشوااا ...عبالي بعد...

خالد : انزين دلول اخليج...عشاان محد يشك بشي ....

دلال : اوكي ..لاتستحلي القعدة وااايد ...

خالد يضحك: اوكي يالمينونه ....




.................................................


كانت دلال قاااعدة اتكلم خالد بغرفة مشاااري ...لان ماكان في احد بغرفته ...وماتبي تتكلم جداام نورة ...لان نورة الي فيها مكفيها ..صكت الخط من خالد... انزلت دلال المطبخ ....سوت حق نورة توسته وحطت داخلها جبن وخس وطماط ...وسوتلها عصير برتقال ....واصعدت فوق عند نورة .....ادخلت على نورة الدار ويلا نورة منسدحة بالفرااش...وقااعدة اتفكر ....يابت طاولة وحطتها عند الفرااش...واتربعت على الفراش يم نورة ....وامسكت صمونه بايدها عشان تبي تااكلها...

دلال : يالله يالله قعدي عدل ...سويتلنا sandwich....

نورة: والله دلول مو مشتهية شي ....

دلال طالعتها جان اترد صمونتها بالصحن : خلاص اوكي ..حتى انا مابي ....

نورة : دلوول مالج شغل فيني ..اكلي ...

دلال : ماااراح اكل لين تاكلين ...

نورة : اتصدقين انج حمااارة ...يالله اكلي ..والله انا منسده نفسي ...
دلال اتحرك جتفها فوق وتحت وتمد شفايفها الي تحت لي جداام وتستعبط : مابي مابي مابي ......

نورة تضحك وتقعد على الفرااش : ياااكرهج....يالله اوكي عطيني ....
واهما قاااعدين ياااكلون ....جاان ادش ام دلال .....

ام دلال : هاا قااعدين تاكلون ....عااد جاان نطرتو الغداا امسوين خوووش برياااني مع مرق هندي ....

دلال : لا يماااه ..مانبي عيش ....

الام : انزين دلول ..تعالي اشوي ابيج ....

دلال : اوكي .....

اطلعت الام ودلال من الدار...واهم ينزلون الصالة الي تحت ....

الام: ترا ابوج واخوج اوصلواا...

دلال : صــــــج!!!!!


دلال يوم قالتلها امها جذي سرعت خطوااتها وانزلت بسرعة من الدري .... ويلا مشاري والابو موجودين بالصالة وقاعدين يتكلموون ....


دلال: هااابشروو...اشصااار....

الابو: رحنالهم وكلمناهم ...والله الي يقعد يحسهم نااس محترمين ...رزة ....بس صج الناس مالها الا الظااهر....يعني لو اني مااعرف نوورة عدل...جان ماصدقت السوالف الي قالتها عنهم ....

مشاااري: ايه صح يباا...بس لو تلاحظ انهم واايد حااقدين على نورة وامها....

الابو : ايه عدل...هالنقطة لاحظتهااا....

دلال: انزين انا مالي شغل فيهم ...ولا بطباعهم ....ابي اعرف ...سالفة نورة اشصااار عليها .....

مشاااري : يماااه شنو ماقلتيلهاا...

الام : لا والله ماقتلها ...قلت انتو اتقولون لهاا....

دلال مخترعة : شنو اشصاااير خرعتوني ...!!!

مشاااري يبتسم : باااركيلي خطبت نورة من اخوااانها .....

دلال طلعت اعيونها وبطلت حلجهاا : صـــــــــــــــــج !!!!! اشلون ....

الابو : عيل احنا ليش رايحين لهم ...ورازين ويوهنا ...بأي صفة يعني ....راااح يقضبونا الباب....

مشاااري: دلوول انا نورة عاااجبتني وداااشة مزاااجي من زمااان ...وانا من قبل السالفة امكلم امي وقايلها اني ابيها تخطبلي اياها ...

دلال اتطالع امها ...والام اتهز راسها ...جنها اتقووول ايه صح قالي...

مشاااري يكمل: انا الصراااحة كان ودي آخذ رااي نورة من قبل...بس السالفة مايبيلها تأجييل...لان كاانوااا بيملجوون عليهاا اليوم ....

دلال : ابكييييفهم اهوااا بكييفهم ....

الابو :بابا قاااااانوناااا ايه بكيفهم ...لان اخووها اهواا ولي امرهااا (يسكت ويكمل)....ياحبيبتي في ناااس ماتخاااف الله ....والي رحم نورة..انه اهما يوم شاافوني ...وخصوصا الاخو العووود كان عميل مميز عندنا بالبنك ويعرفني عدل...استحاا وانحرج مني...وانا واايد خدمته بأشياء ...فا مايقدر يرد الخطبة ....والحمد الله مشت الاموور على خيير...

دلال : الـــــــــــــــــــــلــــــــــــــــــــــــه ...وناااسة نورة اتصير مرت اخوووي....اكووون اسعد انسااانة .....

تسكت دلال واتفكر بقلبها (((( شنو راااح اتكوون ردة فعل نورة...أخااف ليلحين اتحب عزيز ...أخاااف اترد اخوووي )))))

اصعدت دلال ركض.... مستااااااااانسة ان مشااااري بياااااخذ نورة ....


ادخلت غرفتها......افتحت الباب وبعدين سكرته ...وتسندت على الباب واهيا تبتسم ابتساااامة عريضة .....

دلال : نوررة ...ترااا يو مشاري وابوي....

نورة طلعت اعيونها : اشصاااااار ....!!!!!

دلال: انحلت المشكلة ...

نورة: انزين تعالي اهني وقوليلي اشصاااار ....

دلال : تدرين انهم كانو بيملجوون عليج اليوم.....

نورة : تحلفيييييييين ...الحياااوين ....اتكمل : انزين اشصااار واشلون اقنعوووهم ....

دلال : انحلت السالفة بسااااالفة احلى منها ابواااايد ....

نورة : دلوووول تكلمي ...طيرتي عقلي......

دلال : مشااااري اخوووووي اخطبج منهم .....

نورة بققت عيووونهاااا وجنه احد معطيها طراااااق : شــــــــــنـــــــــو ......

دلال : شفتي اشلوون الله ياااخذ ويعطي... دلول وناااااسة بتصيرين مرت اخووووي....نطلع وانروووح وانيي مع بعض على طووول...بنصير خوااات صج صج .....

نورة : انتي اشقااااعدة اتقولين ...منصج ويلا تتغشمرين .....

دلال مستغربة : اشفيج نورة ...مو مستاااانسة....!!!!

نورة منفعله : شلووون مشاري يخطبني ...وليش ماقلتولي .....

دلال انبطت جبدها اشوي وتتكلم وهي متنرفزة اشوي : نورة ..تراا اهما طلعوووج من سالفة جاااايدة...كنتي اليوم بتتزوجين من واااحد عمره ألف ...اوكي ...وترااا اخووي مشااري كلمن يتمناااه ...اوكي

نورة: اشفيج دلول ...انا موقصدي شي ...بس قصدي اني مااستاهل واااحد مثل مشاااري ....

دلال : ليش يعني ....بس عشان كنتي اتكلمين....انا لو ماااا اعرفج عدل جااان مارضيت اخوووي ياخذج ....بس ادري ان نيتج كانت صااافية عزيزو...وادري انج الحين تلعنين اليوم الي عرفتيه فيه..

نورة اتهز رااسهاا : انتي موو فااااهمة شي.... مووو فاااهمة ....

دلال مطنقره : نورة بس بقولج شي ...ترا اذ ماخذيتي مشاااري راااح تضطرين تاخذين هذا التعباان الي يعرفووونه اخواانج ...فا اكييييييييييييييد مافي مقارنة بينه وبين اخوووي ....فرق السماا عن الارض بكل شي ....انا ادري انج متأثرة ابموضووع عزيزو ...وماطلعتي من اجواااء السالفة ...وهم متأكدة حييييييييييل انج ماتحبين عزيز بس مجرد انج متعودة عليه ....وانا عاااذرتج اذا خذيتي اخووي راح اتكونين مو متعودة عليه ...بس متأكدة مع الوقت راااح اتمووتين عليه وبسرعة بعد...


نورة تتنهوص ومعتفسة : وااااااي دلول ..لا لا موقصدي...انا مو قاااعدة اقووولج ان مشاااري مو زين ...بلعكس انا ما احلم اييلي واااحد ربع مشاااري ....بس انا ماصلحله .....مااصلحله ....انتي مووفاهمتني... موفاهمة شي ...

دلال : افففف ... شنوو الي مو فاااهمته ...وااي نورة الصراااحة اتبطين الجبد ....قوليلي شنو تبين ؟؟ تبين اقول حق اخووي انج ماتبينااا؟؟


قبل لاتتكلم نورة يرن موبااايل دلال .....

دلال : هلا مشاااري ...

مشاااري : هلا دلولة .....وين نورة يمج ..؟؟

دلال : اممممممم......

مشاري : قلتيلها السالفة .؟؟

دلال : ايه ....


مشاري : انزين ابي اكلمهااا ....خل تنزل داار الاستقبال .....

دلال : ليش ؟؟؟

مشااري : بس بكلمهااا ...يعني مسكينه حياااتها مو قااعدة تمشي مثل ماااهي تبي ....وحتى خطبتي لهااا ...انجبرت فييها ...يعني مو بقرار منها ....ابي اخذ الي بخطرهااا ....

دلال اتقول بقلبها (حبيبي اخوي ) وترد عليه : اوكي الحين اقولهاا ...

سكرت الخط من مشاااري .....

دلال : مشاااري يبي يكلمج ....

نورة مخترعة : ليش واشحقة ؟؟؟

دلال : بس بيتفاااهم معاااج على الي صااار ...لانه حاااس انج انظلمتي بكل الموضووع .....

نورة : هففففففف ...هواا وينه ؟؟

دلال : تحت بداار الاستقبال ....

نورة : اوكي ...خل ادق اكلم امي واقولها السالفة ..وانزل ....

دلال : اوكي اقوله ...

كلمت نورة امها بالسالفة ....واستااانست امهااا حيل حيل ان مشااري اخوو دلال خطبهااا ....بس نورة ماكانت مستانسة ابد....




كانت نورة لابسه تريننق وردي فاتح مع بلوزة بيضا من داخل ...ورااافعة شعرها لي فووق...وطبعاا ولا نتفة ميكآب...وحتى تحت عيونها وخشمها حمر من كثر البجي...افتحت داار الاستقبال ..شااافت مشاااري قاااعد ...وردت سكررت الباب ....وقعدت بالقنفة الي يم مشااري وكانت اشوي بعيدة ....

مشاري : عاادي اتيين يمي ,,,احسج بعيدة اشوي ...ومابي احد يسمعناا واحنا نتكلم ...لان اتوقع دلول قاااطه اذونها ورا الباب<<<يبتسم واهوا يقوو الجملة الاخيرة ....تبتسم اهيا..


ماتكلمنا عن شكل مشاااري.... مشااري كاان واايد وسيم ....ملح مكتت...لونه حنطاااوي ...وشعرها اسود ..يخففه ...وحااطله سكسوكه ...عيونه لاهي صغيره ولاكبيرة...رمووشه طواال وسوود...بالنسبة حق طووله كان 180...وجسمه حلووو..اشوي معضل...حدى تكااانه وحليو بنفس الوقت .....

قااامت نورة واقعدت بالقنفة الي اهوااا قاااعد فيها ...مو لازقة فيه طبعاا ...يعني في فجة بينهم ....

نورة منزله عينهااا .....ومشاري يطالعها .....

مشاري : نورة ....

نورة ترفع عينها اشوي ...وترد تنزلهم : هلا ....

مشاري : ادري ...ادري ان السالفة غلط بغلط ...وادري مايصيراني احطج بالامر الواااقع واخطبج بهالطريقة ....بس هذا اهو الحل الوحييييد ....

نورة :....................................

يكمل مشاااري : اخواااانج مو خلولج خياار....لو اني مو مسوي جذي ....جان انتي اليوم على ذمة ريااال مااايستاااهل ظفر ايدج ...

نورة : بس مااايصير اتسوي جذي ...علشااان تنقذني اتقوم اتورط نفسك وتخطبني .....

مشاااري مستغرب : اورط نفسي !!!! لا لاتقولين ..لاتحسبيني خطبتج شفقة عليج ...لا والله وربي يشهد اني من زمااان ودي اكلمج بهالموضوووع ...وامي تدري ....كنت نااوي اتقدملج هالفترة ...بس صارت السالفة ...ومابغيت انج اتطيرين من ايدي ...لان احس محد يقدر يسعد ويهنيج كثري ...

نورة انزلت دمعتها : بس انا ماستاهلك ...انا ماستاااهل وااااحد نفسك ....

تمسح خشمها بالكلينكس .....

مشااري : لا يا نورة ...لا تنزلين من قيمة نفسج ...انتي تستاهليني وتستاهلين واااحد احسن مني بعد....

نورة تسمع هالحجي واتزيد بالبجي : لا لاتقول جذي ...والله ماستاهلك ولا اصلحك .....

مشاااري كسرت خاااطره.. لانه كاان يظن انها اتقول جذي عشاان جنسية امها ومشاااكلهاا مع اخوااانها .....

مشاري : لا تستاااهليني ونص ....انا ماحلم بوحدة طيبة وقلبها كبير مثلج ....وباخلاقج وادبج وتربيتج .....

تبجي نورة حيييل ...يعطيها علبة الكلينكس ...

مشااري بصوت حنون وهادئ : نورة ...خلاص عاااد ....ادري ان السالفة صااارت بسرعة ...وادري انتي ليلحين مو مستوعبة الي صااار....ويمكن اني كنت حسبت اخوووج ...بس صدقيني مع الايام والعشرة راااح تحبيني ان شاءالله ...لاني ماراح اهدج ...اتعرفين ليش ؟؟

نورة تمسح دموعها براحة ايدها : ليش ؟؟؟

مشاري : لان اذا هديتج ...راح يزوجونج اخواااانج من واااحد حقير مايخاااف الله فيج ..وراح اتكونين اتعس انسااانه بهالدنيا ...وانا مارضى عليج هالشي ....وصدقيني راااح اعوضج عن كل لحظة تعيسة بحياااتج ...وراااح اخليج اتحبيني ...مثل ...مثل ما انا
أحـــــــــــــــــــبـــــــــــــــــــــــــج .....



.................................................. ...

بعد يومين............
السااعة 4 العصر تقريبا....
....خالد وامه وشيخة قاااعدين بالصالة ....شيخة والام ايطالعون تلفزيون ...وخالد منسدح على القنفة يدرس.....

الام : خالد يا امي روح دارك ادرس...ازعااج اهني ماتقدر اتركز ...

خالد : لا يمااا ماااحب اقعد ابرووحي ...اقعد افكر واسرح وماااقدر ادرس ...

شيخة : والله انك غريب ...عيل انا ماااعرف ادرس الا بالصخة ....

خالد : عاااد انا ما اوصل مواااصليج ...مصرية ...تاكلين الكتاااب اكل من الدراااسة ....

شيخة تحذف عليه الكوشاية : قوووول مااااشاء الله خلووود ...

خالد يطفرهاا : بل بل بل ...ام قليب ....

شيخة تضحك واترووح اتطقه على جتفه : قووول مشاااء الله ...عيل كسلانة مثللك ...في احد يدري باكلريوس 10 سنين ...

خالد ميت ضحك : العبرة بالنهاااية ...انا مهندس وانتي علووم ادارية...منو الاحسن ....
والام تضحك وتتحلى على اعيالها...


فجأة ويلا احد يبطل الباااااااب .....

....: الـــــــــــــسلاااااااااااااااام علــــــــــــــيـــــــــــــــــــــكـــــــــم

الام وشيخة وخالد اطلعت عيونهم وبصووت وااحد : طــــــــلال

ياااااا طلال ركض طب على امه ولمهاااا حيييييييل ومدة طويله وباسها على راااسها ...وبعدين شيخة لمته حييل وكانت قاااعدة تبجي من الوناااسة ....وبعدين لم خالد هم حيييل ....

الام تمسح ادموووعها : ليش سويت جذي ...بغى يوقف قلبي ....

طلال : بسم الله على قلبج يالغالية ...حبيت افاجأكم....

خالد : منو يااابك من المطااار ....؟

طلال: تاااكسي ....

شيخة تصرخ : ابيييييه ياااي البيت ابتكسي ...تبي تفشلنا

طلال يطالعها مستغرب : ايه شنووو يعني ....(يكمل ) هذا مخ الكويتيين المصيّن ..خير ياااطير ...يعني لمن اتسافرين ماتركبيت تاكسي ...

شيخة : بره غير ...واهني غير ...

خالد: انزين جبي جبي ....

ويطالع طلال : ايه قول شسويت ماسويت ...

طلال : والله خلصت الماستر شهر 11...الحمدالله ساهلات ....

بس مليت ابي ارجع الديرة ...زهقت خلاص ...

ياتفت على امه ويلا قاااعدة تبجي .....

طلال : افاااا ياحلوة اللبن ليش تبجين عاااد.....

الام تمسح ادموعها : مستااانسة انكم حوالي ....
طلال يرووح يمها : يالله عااد ام خالد ...عن الدلع ....مابي اشوف هالدمووع ابعينج الحلوة....

يكمل : يماااه يوعاان حدي ...ابي مجبوووس ...

الام : ماطلبت شي الحين اقول حق الطباااخ يسوي مجبوووس...على ماتسبح واتبدل اا خاالص ان شاء الله ...

طلال : ايه لي اسبووع جدااام كل يووم الغداا مجبوووس....حدي ولهت على العيوووش....

الام : انت تااامر امر ...عيوووني المركبة لك ...(اتروح اتلمه واتبوسه)

خالد : هااااا ام خالد ...جنج نسيتينا خلاص....

الام مستااانسة حيل برجعت طلال..: تعال تعال خل ابوسك انت بعد ...

شيخة: ايه ايه دلعي الصبيان...دلعينهم ...وانا كله مجعمتني....

الام : جبي ..اكثر وحدة امدلعة انتي ...(اطالع اعيالها) : مو صح ....



ضحكوووا ...واستااانسوااا حيل برجعة طلال....كانت مفاجأة حيييل حلوة....


بعد يوم .......عالمغربيااات.....
دلال وخالد قاااعدين اموااعدين بعض بــ tea loungeالي موجود بفندق موفمبك الي بالمنطقة الحرة....دايما يشوفون بعض اهناااك ..لان ضامنين ان مااراح يشوفون احد يعرفووونه....وداايما ياااخذون طاااولة صاااده اشوي .....وقاعدين يسولفون عن حياااتهم وعن مواضيع اتخصهم اهما الاثنين بس ...


خالد يطالع دلال بنظره شيطانه : دلال صاااير حلوة .....

دلال تبتسم : من زماان انا حلوة.....

خالد قاااعد يخزهااا وموقاااعد يضحك : دلال تعبااان ...ابيج ...احبج ....ماني قااادر اتحمل ....

دلال : يالله هاانت ...مابقا شي على عطلة الربيع ..واتيي تخطبني ...

خالد : لا لا ..مو بس اخطبج ...راح اخطبج واملج عليج بعطلة الربيع ....خلاص ماني قااادر ...

دلال تضحك لانها فاهمة قصده : بس انا ابي اسوي عرس.. اشفيك ....

خالد : وان شاء الله اتطريني ليلعرس ...مسكينه انتي ....العرس بس شكليااات ...جدااام اهلي واهلج ....فاااهمة....

دلال اتخش ضحكتها بايدها...واتكمل: واااااي خالد ...احس هالفترة لين العطلة الربيع مااراح تمشي ...جنهااا سنة ...اشطووولهاا ....

خالد : آآآه الله يصبرني ...(يسكت اشوي...ويخزها ويكمل)احبج ياااحمااارة...

دلال تبتسم : اشفيك اليوم ...وااايد العواااطف جياااشة....حتى انا امووت عليك...

خالد ياااخذ نفس ...ويحاول اغير الموضووع : تعال ولو اني ماااحب اييب الطااري ...مادقواا عليكم هذوله الي ياو بيتكم .....

دلال : لا مااادقواا وان شاء الله مايدقوون.....

خالد : زين اشوااا .....

سحب ايد دلال ...وقاااعد يلعب بالخاتم الي بايدهااا ....الخاتم الي يابلها اياه...

خالد : لبستيه....ياحلوه بايدج ....

دلال : زين لاحظت ...من امساااع ااشر بايدي ابيك اتلاحظ وانت ولا على البال .....

دلال تسحب ايدها اشوي اشوي من ايد خالد ... تفتح جنطتهاا...واتطلع علبة صغيرة ...تفتحهاا واطلع منهااا دبلة ...وتسحب ايد خالد وتلبسهاا اياااه....ترفع ايده اتوااريه الخاتم على صبعه....

دلال : شرااايك بالدبلة ....

خالد: اتينن ...لانج انتي الي يايبتهااا ...ماراح افصخها ابد ...وانا نايم وانا قايم وانا اتسبح وانا اكل ...ماراح اطيح من ايدي ...

يسحب ايدهااا ويبوسهااا....

دلال اتطالع الطاولات الي يمهم ..اذا في احد قااعد يشوفهم ...

دلال : جنك بعتهااا ....ترا يمنا اوادم...

خالد : كلهم اجااانب ...وثااانيا ...خلاص مااايهمني ...انتي مرتي ....تفهمين....وأي احد يشوفنا ...بصرخ باعلى صوتي واقوووول هذي مرتي ..هذي مرتي...

دلال تضحك : اششششششش صوتك ...فضحتنا..

يسكت اشوي ويكمل خالد : والله دلول ماحبيت ولا راح احب احد غيرج...

دلال : انا بعد ...انا بعد...

دلال كانت قاااعدة بالطاولة امجابلة الطووفة ومعطه ظهرها حق الاوادم....وخالد اهوا الي يطااالع الرااايح والراد....فجأة خالد وقف ...وجنه في احد ياااي صوبهم ....دلال اهني اخترعت ..ولفت ويها ...ويلا احد امجبل عليهم .....

.....: هااااااا اشياااايبك اهني.....


خالد ويهااا ايقط الواان ومرتبك لان مااايبي احد يشوووف دلال معااه : هلا طلال ....انتا الي شيايبك ....

طلال طاااحت عينه بعين دلال ....طبعااا انصدم صدمة حيااااته يوم شافها مع خالد ....وامبين ويهااا اعتفس....

طلال ارتبك واايد : لـ..لا مااكوو ...ياي مع ربعي امريكان...قالولي هذا خووش مكااان هادي....

يسكت اشوي : عند اذنكم انا استأذن ....

راااح طلال...وقعد بطاااولة اشوي بعيدة.....

خالد ودلال حدة منصفق ويهم....

خالد : يالله روحي سياارتج ....انا راح ادفع الحساب وارجع ....

دلال : اوكي ....

قاااعدة تمشي ومنزله رااسها ...مفتشله من طلال وااايد ....

اركبت سيااارتها ومشت ...وركب خالد سيااارته ومشى ...على طووول اول مامشى جااان يدق على اخووه طلال.....

طلال: الووو ....

خالد من غير مقدماات : جنك ماااشفت شي...اوكي

طلال: انا مو مستوعب الي شفته ....عااااد مالقيت الا بنت ابو مشاااري....

ويكمل طلال: خلوووود قاااعد تلعب.....

خالد : يعني انا مااال لعب بالله عليك ...يبا انا احبها وراح اتزوجها ان شاء الله بعطلة الربيع ....بس لا تقووول حق امي ...تدري امي صعبة بهالسوالف...اخاااف تااخذ فكره عنها وتتفركش السالفة ...

طلال : احلف انك مو قاااعد تلعب عالبنت ...ترااا ابوووها افضاله علينا لي قــُــبَـل .....

خالد : انت من صجك ...ودفنت ابوي اني احبها وابيها ....اشفيك...تكفااا لاتقووول حق امي...

طلال: خلاص يبا ماني قااايل حق امي .....


خالد حييييل حييييل تضاااايق من ان طلال شااافهم مع بعض ...ماكان وده ان احد ياااخذ فكره مو زينة عن دلال ..وخصوصا امه ...بس هل يوفي طلال بوعده.....!!!!!
.................................................. ...........................

بعد اسبوع ...ملجة نورة من مشاااري.....

حفلة الملجة كانت ابيت اهل دلال...كانت خوووش حفلة الكل كااان مستاانس وخصوصا دلال ...كانت طااايرة من الوناااسة ...وعقب حفلة الملجة ...غيرت نورة اهدومها والبست نفنوف لحمي قصير...كانت دلعته واااسعة وصااايرة طبقااات ...ولابسة معااه قلب سلفر وكله احجار وسترااس...مع كعب سلفر ..وجنطة كلتش كحليه...والبست الفرير....وشعرها امسويته ستريت ...اما مشاري كاان لابس دشداشة كحلية غاامجة مع جمااق ابيض...ومحدد السكسوكة ..وشكله واايد رزة ...وكل المعاازيم اتفقو انهم ثنائي لايق على بعضه حيييل....

اطلعت نورة ومشاري من الباب الخلفي من البيت ....فتح لها مشاري باب السياارة ...وكانت سيارته ليكزس ال اس..لونها اسود...اركبوو السياارة ...وحرك مشاري...واول ماااحرك ....

مشاري يطالع نورة ويمسك ايدها : واخيراا صرنا بروحنا ...

نورة تبتسم : اممم ...صح

مشاري: ماتتخيلين اشكثر انا مستانس...

نورة :.......................

مشاري: وانتي؟

نورة: ايه ..مستانسة ....

مشاري حس ان الكلام من ورا قلبها ...بس ماعلق ...لانه امقدر ظروف زواجها....

مشاري بقلبه (والله لا اعوضج يانورة عن كل لحظة حزن بحياتج )....

مشاري يطالع نورة : انا مزهب لج اهداء هالاغنية .....<< يشغل السي دي...



فوق هذا الحب أحبّك وبعد أكثر كثير

يا اللّي تدري أنّ قربك آنا أحتاجه كثير

يمكن أكثر من غلا روحي لروحي

وإنت من نساني بالدنيا جروحي

ونساني نفسي وخلاني أحبّه

هو صحيح إنّي قدرت أوصلك لكن

ماني عارف وين أبوصل بالمحبّة

لقيت بك عمري اللّي ضاع

ولقيت آنا فيك الحنان

لو بيّدي يا حبيبي

كان أعرفك من زمان

لحظة اللّي تلتقي بي

يبتسم حظي ونصيبي

ومثل أنا ما أقول أحبّك

إنت قول إنّك حبيبي

واهما قاعدين يسمعون معالني الكلمات ...مشاري يضغط على ايدها....والدنيا مو شايلته من الفرح....


.......

الحين مشاري ونورة بالدور 32 في مطعم altissimo في برج النصار ...كانت الطاولة الي حاجزهاا مشاري قمة بالروعة والرومانسية ...واوراق الورد الجوري منثورة في الطاولة ..والشمع معطي الطاولة جو خيالي...

مشاري : اشراايج ....؟

نورة : المكااان روعة ...تسلم

مشاري: حاضرين ....

عطااهم الويترس المنيو ....مشاري حس ان نورة مستحية تطلب ...

مشاري : بما اني يايله اكثر من مره اشراايج اطلبلج على ذوقي ....؟

نورة : ياليت ..توهقت بالمنيو << تبتسم

مشااري : اشلونج مع السي فوود...صحبه ؟؟

نورة مستحية واتهز راسهاا بالموافقة : اممم واايد...

مشاري : خلاص راح ناخذ شوربة سي فوود حقي وحقج ...
وسلطة سيزار بالكراب....وفوتيشيني بالربيان وصلصة الليمون ..وربيان مشوي مع الصلصة...اشرااايج....؟؟ شنو مشتهية بعد؟

نورة : لا لا مابي شي بعد ..وايد ...

مشاري :اكيد نورة ...لاتستحين ...

نرة : اكيد والله..

مشاري: شنو تشربين ؟

نورة: ابي دايت كوك..

مشاري: انا سبرايت ....

اطلبوا الي يبون....نورة لافه ويها على الجامة قااعدة اطالع الكويت من هالارتفااع ...ومشاري مستانس وماشال اعيونه عنها ...

اهي حست ان قااعد يطالعها ..جان اتلف ويها اتطالعه ..جان تبتسم....

نورة : ليش قااعد اطالعني جذي؟

مشاري: مستانس...

نورة اسكتت اشوي...جان اتكمل :اتصدق مشاري... ماتوقعت بيوم اني راح أتزوجك ...

مشاري: لا انا توقعت ورسمت حياتي معااج ....

نورة : طول عمري احسك نفس اخوي....

مشاري: اول شي كنت احس انج مثل اختي..بس بالفترة الاخيرة اكتشفت لأ...اكتشفت اني صج ابيج ..واني صج احبج...

نورة صارت خدودها حمر: بس عمرك مابينتلي هالاحساس....!!!

مشاري: كنت ناطر الوقت المناسب...بس اخوانج خربوا علي اللحظة الي افاتحج فيها بالموضوع...وماحبيت اتضيعين من ايدي ...فتداركت الموضوع وحليته بهالطريقة...

يسكت ويكمل: انا مادري شنو مشاعرج اتجااهي...بس متأكد انج حتى لو ماكنتي اتحبيني ...راح اتحبيني ....

نورة بقلبها (ياليت كنت اعرفك من زماان ...ياليت )....

وصل الاكل ...واقعدوا يسولفون ...او بالاحرى مشاري يسولف...عن كل شي عن دراسته وشغله وهواياته ...ونورة كانت تكتفي بالابتسامات ....


كان ماسك الشوكة والسجين ...يقص الربيان ...ويوكل نورة ....
نورة كانت مستااانسة ...بس ونااستها ناااقصهاا ...لان بقلبهاا خووف من المستقبل ..وحزن كبير..ودمعة مقموته..خااايفة من كل شي...من حيااتها اليديدة الي ماكنت متوقعة في يوم من الايام انها ممكن اتصير...ومن المستقبل الي ماتدري شنو خااشلها ...


خلصو من المطعم ...واقعدوا يتمشون بالسياارة....

يرن موبايل نورة ......

نورة : هلا يماااا

ام نورة: الوو ..ازيك ياعرووسة ..حترقعي امتا ..دي الساعة أربت عالــ 2....

نورة اتحاجي مشاري : متى بنرجع؟؟

مشاري: يالله كانا رادين ....

نورة : يمااا كانا يايين بالطريج ان شاء الله ...

ام نورة: يالله ياحبيتي ..انا مستنياكي....

وصل مشاري عند بيت نورة ...امسكت نورة الباب تبي تنزل....

مشاري يلف ورا السياارة ...وييب جيس داخله هدية ....وداخله بوكيه ورد صغير...

مشاري: نوارة...هذا شي بسيط لج ...

نورة متفاجأة : مشكوور بس ليش كلفت على نفسك ...

مشاري: لاكلفت ولاشي...تستاهل ام فيصل ....

نورة ابتسمت : مشكوور وااايد...(كانت حيل منحرجة) اتكمل : يالله عيل مع السلامة .....

مشاري يضغط على جتفها : ماراح اتسلمين على ....

نورة مستغربة : سلمت عليك ....

مشاري قرب اشوي اشوي جان يبوسهاا ....

مشاري يبتسم : انا سلامي جذي.....

نورة اقعدت اتطالع عيونه وحست باحساااااس غريب ... اول مرة اتحسه ....ماحسته مع عبدالعزيز..عبدالعزيز كانت كله خاايفة منه وخاايفة ان يهدها...بس احساسها مع مشاري غير ...حست قلبها جنها بيطلع من مكاانه ...من كثر ماكان يدق...خافت من احساسها ...وبسرعة انزلت ....نطرها مشاري لين ادخلت البيت ...وبعدين حرك السياارة ...



وصل مشااري البيت ...فتح باب الصالة ....ويلا امه وخواته سارة ودلال ناطرينه ...واول ماشافووه جان الام اتيبب وسارة دلال يرقصون دار مداره ....واهو ميت من الضحك....وامبين ان مستانس....

قعد على القنفة ...

الام : ها حبيبي...شلونك ..واشلون عروستنا ....

مشاري يهز رااسه يمين وشمال ويغمض عيونه : اتهبل...

دلال : طبعاا رفيجتي ...انا ما ارافج اي وحدة ....

الام : وااي ياحلوها نورو...صايرة اتينن اليوم ...كل من ين عليهااا ....وقالولي اتلوق حق ولدج ..ونعم ماخترتي....

مشاري مستانس من كلام امه : ايه والله ونعم ماخترت...عقل وثقل ..وطول الوقت مستحية ...يعجبني حياها...

سارة : ايه عااد نورو واايد تستحي.....

دلال: انزين يالله يالله ..قولي اشصار ماصار...مادقيت عليكم اليوم كلش عشان ماصك عليكم ...بس ابيك اتقولي بالتفصيل شنو قلتو وسولفتو وكليتو وكل شي كل شي...

الام : هااااو ..ريال ومرته ..انتي اشحااشرج بينهم ...بس انجعمي مالج شغل ....

دلال : وااي يما ..خير ياطير..اهي رفيجتي واهوا اخوي...

سارة : اي اشفيها اذا قال ...

مشاااري ميت ضحك..قام من مكانه ورايح صوب غرفته : ماراح اقولكم ولاشي... ويعطيهم ظهره ويأشر بايده يسوي باااي ويقول :GOOD NIGHT




دخل داره ...فصخ دشداشته ....وغترته ...وانسدح على ظهرة بالفراش...وكااان واايد مساانس ....مسك موبايله يبي يدق على نورة...دق عليها ويلا موبايلها مغلق...شوي تضاايق انها مسكرته ..بس بعدين حطلها عذر انها ممكن اتكون تعباانه ...حط رااسه على المخده ...وقعد يرسم بخياله حياته السعيده مع نورة اشلون بتكون ...جم ولد بيبون...وشنو رااح يسمي عياله ..واشلون بيتهم رااح يصير...وغيره وغيره وغيره ...لين ناااام ...


وحتى دلال منسدحة على الفراااش ولامه المخده....وقااعدة اتفكر..سالفة اتوديها وسالفة اتييبها....حتى دلال بعد كااان اليوم مميز بالنسبة لهاا...لان بالملجة كانوا عاازمين الييران ...وطبعا (ام خالد) كانت موجودة ...وحاولت دلال قدر المستطاااع انها تترزز عند ام خالد ...وحاولت تلفت نظرها ابكذا طريقة ... كانت حييل مستااانسة وخصوصا لمن ام خالد قالت حق ام دلال : ماشاء الله اشحلوها صاارت دلال...

وبعدين ام دلال ساسرتها وقالتلها : جان زين يااخذج خالد ...

حست الدنيا مو شايلتها من الونااسة ...وقاامت تتخيل اشلون بيكون شكلهاا واشلون بيكوون شكل خالد...وشنو بيسوون ..ووين بيروحون ....قطع حبل افكاارها موبايلها الي حاطته هزاز....

دلال : هلا حبيبي...

خالد : هلا عمري...اشلون الحلوين ...

دلال: بخير...

خالد: هاشلون حفلتكم ....شفتي امي؟

دلال : ايه شفتها...وشكلها استانست علي....

خالد مستانس : صج ...اشلون ....

دلال : طوول الوقت اتطالعني..وامدحتني عند امي...وقالت عني اني جميلة واهبل <<< طبعا قااعدة اتبالغ دلال...

خالد : اكيد ..انا ماختار اي شي....

دلال : خالد احبك ...احبك ...احبك ...واليوم حبيتك اكثر واكثر...حسيت ان زواجنا قرب...وماتتخيل اشكثر استانست يوم شفت امك ...حسيتها من ريحتك ...واااي ...والله احبك والله ...

خالد : انا امووت فيج ..وماتتخيلين اشلون اعد الثواني والدقايق والايام ....آأأأخ مادري شسوي فيج اذا اتزوجتج ..عاادي آكلج...ميخالف..؟؟

دلال تضحك : قليل ادب...يالله يالله بروح بنام عندي دوام باجر....

خالديضحك ويكمل : انزين دلول خل اشوفج بااجر عقب الدواام ....

دلال : وين يعني....

خالد : خل نتغداا مع بعض...ودي ياباني.. انتي طلعي من الدوااام ....وروحي سااكورا الي بكراون بلازا...وحجزي كابين ..عشان لاحد يشوفنا ....وانا اطلع من الامتحاان واييج على طوول...

دلال : اممم...خلاص اوكي....انتا اتخلص عالـ3 تقريبا ..وانا اطلع 2 وربع...واهناك زحمة اشوي...ايه حلو حلو ...

خالد : انا يمكن اخلص قبل الـ3 بعد ...نطريني اهنااك ...

دلال: اي ان شاء الله ...

خالد بصوت هادي : اوكي حبيبتي ...ديري بالج على نفسج...

دلال : وانت بعد حبيبي...تصبح على خير ...

خالد : وانتي من اهله....


.................................................. .......





باااجر.....
بيت خالد ....

خالد قعد من النوم على الساعة 7 الصبح ...عشاان براجع اشوي لان وراه امتحان على الساعة 1....راح خذاله شاور...دق على دلال..

خالد : الوو ..صباح الخير....

دلال: صباح النور ...عااد توني بدق عليك بقعدك .....

خالد :لا انا قااعد من شوي ...خذيتلي شاور..والحين براجعلي جم chapter...

دلال: نعيما حبيبي....

خالد : ينعم ابحالج ...

خالد يسمع صيحة تحت ابيتهم ويوخر الموبايل عن اذونه اشوي...ويرد يتكلم بالموبايل : مادري اشصااير تحت ابيتنا ..صيحة من صبااح الله خير....

دلال : ليش اشصاااير....\

خالد : خلاص اكلمج بعدين اوكي....

دلال : طمني خالد ...

خالد : اوكي باي...


ينزل خالد تحت...ويلا يشووف منيرة قاااعدة تبجي بجي...وام خالد قاااعدة تلبس ملفعها ...ومختبصين ....وطلال يهدي منيرة ..

خالد مخترع : اشفيكم ...اشصاااير....

ام خالد : خالك عبدالرحمن حييل حيييل تعبااان ....

خالد: لاحول ولاقوة الا بالله ....اهواا وين الحين ...

طلال : بالمستشفى ....

منيرة ميته بجي : عمتي خاااايفة يصير بابووي شي...ماعندي غيره بالدنيا ....

ام خالد اتلمها : لا ان شاء الله ...ا
الله بيشافيه ....


الام اتكلم الخدامة : زهبتي جنطتي.....

خالد مستغرب : ليش الجنطة ....؟؟؟

الام : راح ننقله بطيارة خااصة حق مستشفى بالسعووودية ..ياايلهم بروفسووور ...لعلى وعسى يسوي شي.....

خالد متنرفز : وليش ماسفرتوا من زمااان ...توكم تستوعبون ....

الام : وزارة الصحة اتقول ان علاجه متوفر...بس لان احنا اكتشفنا الورم متأخر....


طلال معصب : مو وقته انلوم بعض....هذا الله الي كاتبه ...ومانقدر انوديه الحين مكااان بعييد واقرب مالنا السعوودية عن هالبروفيوور...


خالد : وبتروحين مع منو ؟؟

الام : مع خالك محمد....


الام اتطبطب على جتف خالد : خالد ...امتحااانك لاتطوفه...روح امتحن حبيبي....وان شاء الله خاللك بيصير احسن ....لاتحااتي<<<لانها تدري ان خالد واايد حنون ويحاااتي وااايد...

خالد : ان شاء الله ....

تلتفت الام على منيرة اتطالعها...وبعدين اتوجه الكلام حق خالد ..واتقرب منه اتساسره : ديروا بالكم على منيرة لا تخلونها بروحها ...ترا نفسيتها تعبانه ....

خالد يهز راسه : ان شاء الله ...


.................................................. ..............................

راح امتحن خالد ...مايدري اذا سوو زين ولا موزين ...لان كانت افكاااره مشتته ... طلع من الامتحاان ..جان يدق على شيخة اخته ....

خالد : الوو شيووخ وينكم ...؟

شيخة : انا بالبيت مع منيرة ..ليش ؟؟

خالد : يالله لبسواا ...كاني يايلكم ...خنروح نتغداا بره ...

شيخة اتوطي صوتها : خالد جنه مو قته ...البنت مالها خلق....

خالد : يعني اذا اقعدت بالبيت ماراح يتغير الوضع ..راح تقعد اتفكر ويضيق خلقها اكثر ...على الاقل اهنااك اتشوف الرايح والراد ...انسولف ونضحك ...ولا اتجااابل الطوف واتقعد تبجي....<<< خالد حدها كااسرة خااطره...

شيخة : خلاص اقولها ....(وخرت السمااعة اشوي وكلمت منيرة )

شيخة اتكمل: اتقول مالها خلق....

خالد : عطيني اكلمها ....<<< عاد خالد ولا مره داار حوار بينه وبين منيرة ...

منيرة : الوو ...

خالد : هلا منيرة ...طالبج ....

منيرة : والله خالد مالي خلق اطلع مكان ...

خالد : تدرين ان خالي عبدالرحمن مايواطن يشوفج ضايق خلقج ...اذا اتحبينه صج راح اتيين معانا...

منيرة : ...........................

خالد : عااد انا ولا مرة طلبت منج شي...لاترديني ....

منيرة: خلاص اوكي....

خالد يبتسم : يالله 10 دقاايق واصل عندكم .....تزهبوا...

كانت دلال قاااعدة اتدق على خالد ويتنق...بس اهواا نسى يدق عليها...

رااحوا chocolate bar البدع ....كان الجو وااايد حلوو ...واقعدوا يسولفون ..واطلعت منيرة اشوي عن موضوع ابوها...واقعدت اتسولف مع خالد ...وكانت واايد مستاانسة ..لان اول مرة يعطيها وي....وبعدين يالهم طلال ...

كانت دلال كلساااع اتدق على خالد واهو يحطه سايلنت ....وبعدين دزتله مسج: امبيه ليش مو قاعد اترد علي؟.....

خالد اردلها ابمسج : ماقدر ...يمي ناااس....لاتحنين ....

دلال اترد ابمسج : ممكن اعرف انتا وين ..و منو هالناس؟؟

خالد: انا ابــ chocolate bar مع اختي شيخة ومنيرة بنت خالي ..وطلال اخوي....بعدين اقولج ليش....

دلال : مو ناسي شي ؟؟؟

خالد : لا مو ناسي شي ..شنو ؟؟

دلال : انا بسكورا !!!!!!

خالد اهني جنه احد كت عليه مااي باارد....رااح عن باله موعده مع دلال ....ضاااق خلقه حيييل حيييل ...على طوول قاام من مكاانه وراح سياارته ...ويدق على دلال ماتشيله ...كذا مرة ادق ...اخر شي شالته .....

دلال : اشتبي.....

خالد : دلول ..والله والله راح عن بالي....والله اليوم احنا مخبوصين ابيتنا على خالي عبدالرحمن ...بعدين بعدين اقولج...

دلال : ايه عشاان جذي طالع ورايح chocolate bar ...ماشاء الله ...واايد معتفسين <<<<تتطنز

خالد : والله عشاان منيرة ...تكسر الخااطر...بس قااعدة تبجي على ابووها ....

دلال: وانا ماكسر الخاااطر ..صارلي فووق الساعتين قااعدة انطر ...ايه بس منيرة الي تكسر الخااطر..قول انك ميت عليها وماتقدر على زعلها....

خالد : شالخرابيط ...اقولج ابوها بموووت ...انتي وين وانا وين .....

دلال تبجي : ماقلنا شي ..على الاقل عطني خبر...حس ان في وحده قااعدة تنطر....اتصدق انت هذا طبعك ماتغيره ...عندك اهلك اهم شي ...وانا والناس انيي وراهم ....

خالد : دلول حقج على..بس والله والله نسيت ...

دلال : وين اصرفها هذي ....

خالد :دلول لحظة.. الحين ياييج لا تروحين ....

دلال: لا مو على مزاجك انا...انا رادة البيت ....يالله باي...<<وسكرت الخط

رجع خالد حق طاولتهم ...وامبين على ويها ان متضااايق حيل ....

خالد : تبون شي بعد ؟؟

كلهم : لا....

خالد طلب الحساب....ومشواا....

ركب خالد سيارته...قامت منيرة واقعدت جداام <<عادي جريئة ..وشيخة ورا...ويلا يرن موبايل شيخة ....

شيخة : هلا طلال...

طلال : اشدعواا خليتوني ارجع برووحي...تعالي انتي ومنيرة ..ابي اروح مركز سلطااان ..تعالوا ونسوني..

شيخة: ايه ذكرتني ..حتى انا ابي شغلات من اهناك...يالله انطرني كاني يايه....

سكرت الخط شيخة....واتكلم منيرة ....

شيخة : منور يالله نزلي..بنروح مع طلول مركز سلطاان ...

منيرة :لا انتي روحي...انا مالي خلق برد البيت مع خالد <<<< خالد ويها انصفق...مايبيها اترد معاه ..بالله شيخة شافتهم مع بعض...شنو بتقول....

شيخة: خلاص تبيني اقعد معااج عيل ؟؟

منيرة: لا لا روحي...وانا انطرج بالبيت.....

انزلت شيخة .....وحرك خالد .....واهم بالطريج ...جان اتحط منيرة ايدها فوق ايد خالد وتشبكايدها بايده ...

منيرة : مشكور خالد ...مشكور وايد

انكمل......

خالد انصدم من حركت منيرة ...جان يوخر ايده بسرعة ويلف ويه يطالعها معصب : انتي اشفيج ...اشلون تمسكين ايدي جذي؟!!

منيرة : اشفيك خالد ...ماسويتلك شي...

خالد : لايكوون اتعيدينها مرة ثانية ....<<<حس خالد ان كانت تقصد شي من حركتهاا ....

منيرة دمعت اعيونها وبدلع : ليش اتصرخ على ..حرااام عليك خالد ...انتا ليش كله تتجاهلني....ليش اشسويتلك...

خالد : لاتحسبيني مو ملاحظ شي....حطي هالشي ابالج عدل...انا اشوفج مثل اختي شيخة وبس...اتعرفين شنو بس....

منيرة : بس انا أحــــــــــــــــــــبـــــــــــــــــــــــك !!!!

خالد طالعها منصدم : انتي مستوعبة الي اتقولينه ...انتي حسبت اختي.....

يسكت اشوي ويكمل : انا مقدر الظروف الي قااعدة اتمرين فيها ...بس انسي انسي هالموضوع ..وشيليه عن بالج ...(يرفع صوته اشوي) تفهمييييين !!!!!

منيرة اتحاول تمسك ايده ...يمكن يطخ..وبدلع : خالد والله احبك...

ويدز خالد ايدهاا ...ويسفط يمين...ويمسكهااا من زندها حيييل : لا تقعدين تتنهوصين ... استحي على ويهج ابووج مريض وانتي احبك ما احبك.....والله اني حااشم خالي عبدالرحمن ...ومقدر نفسيتج ..جان والله عرفت اشلون ارد عليج عدل ....
منيرة بقلبها ( انا اعلمك ياخالد..ان مايبت رااسك ماكون منيرة )....


وظلوا طول الوقت ساكتين ...وصلوا بيتهم ...وخالد حده ماله خلق ان دلال اتشوف منيرة معااه ...بس اشواا ماكان في احد بره عند مسااافط بيت اهل دلال...بس الحظ لا قالو عوي ...اول مانزلت منيرة من سياارة خالد ..ونزل خالد ...الا مشاري ونورة توهم يايين بيت اهل دلال....طبعاا خلاص نورة شافت منيرة مع خالد نازلة من السياارة ...وصدت نورة وادخلت البيت ..ويها يقط الواااان ....وماتدري اذا اتقول حق دلال ويلا لأ.....اما خالد يوم دش بيتهم غمض عينه حيييييل وحط راحة ايده على رااسه...وحس ان بتصير سالفة بينه وبين دلال ....


دخل مشاري مع نورة بيت اهل دلال .....

الام : هلا والله ابمعاريسنا...<<<وتبوس نورة .....

نورة اتحب رااس عمهااا ابو مشاري......واتسلم على ساارة .......وتقعد ...............

رحبوا فيها واقعدوا اشوي يسولفون ....نورة مستغربة وتسأل: عيل وين دلال ....اليوم ادق عليها جهازها كله مغلق؟؟

الام : والله من يت وهيا صااكه باب دارها ..لاتغدت ولا شي....

نورة توقف : عن اذنكم انا بروحلها اشوي..ولهاانه عليها بصعد لها...

طقت نورة الباب...
دلال : منو ...؟

نورة : انا.. دلول بطلي....

دلال تفتح الباب حق نورة ....واترد تقعد على فراشها....وامبين ضاايق خلقها ....

نورة : دلول اشفيج ...ادق عليج جهازج مغلق ...والحين ضاايق خلقج...شسالفتج ....

دلال : بس ضاايق خلقي من خالد ....

نورة : صااير شي بينكم ؟؟؟

دلال قالت حق نورة السالفة الي صاااارت اليوم ....ونورة صاارت بين نارين ..هل اتقول حق دلال واتضيق خلقها ويمكن تكبر االسالفة ...او انها تسكت واتخلي خالد يسرح ويمرح على كيفه <<<تفكير نورة ....

نورة : دلال بقولج شي ...بس ماودي اضيق خلقج .....

دلال مخترعة : شنوو ...؟؟؟؟

نورة : مسااع واحنا ياايين بيتكم شفت منيرة وخالد رادين مع بعض بسيااارة خالد ...وكانوا بس اهما الاثنين بروحهم .....

دلال اتطالع نورة واعيونها تلمع : جذاااابه !!!!!

نورة اتروح تقعد يم دلال وتمسح على ظهرها : دلول والله ماودي تتضايقين بس شسوي ..احس لازم اقوولج .....

دلال ساااكته .....

بعدين تتكلم واهي منصدمة : يعني شنو ...يعني بينهم شي ؟.... اكيد بينهم شي ....اليوم كشت فيني وطلع معااها ...وراادين مع بعض بالسياارة ...امبيه هذا ماله الا هالتفسير ....

اتبطل موباايلهاا ...واترد اتقول : طالعي ...مادق على ولا مرة ....يعني خلاص ماقمت اهمه....

نورة : انتي كنتي حاااسه ان متغير عليج ؟

دلال : لأ كلش ....ماحست بهالشي ....

نورة : انزين قلــّــت مكالماتكم .....؟

دلال : ايه قلت ...علشاان اهوا عنده امتحااانات ....بس هم ماشكيت بشي ..قليل لما ادق عليه يكون عنده ويتنق !!!!

نورة : اخاف عنده خط ثاني ....!!!

دلال فيها بجية : نورو لأ لا تقولين جذي ...لا تخليني اوسوس ...

نورة : بس لا لا ... ما اظن ان خالد يسوي جذي ...اهوااا يمووت عليج !!!

دلال : كل تصرفاته اليوم اتدل على هالشي ....



فجأة دلال اتقوم اتبدل اهدومها ....

نورة : وين راايحه .....؟

دلال : مادري ...بطلع ضاااايق خلقي احس بموووت من القهر ...مابي اقعد بالبيت ....

نورة : تبيني ايي معااج ؟؟

دلال اتطالع نورة : ياليت اتيين ...ماعندكم شي انتي ومشاري ؟

نورة : امبلا عندنا فلم ( اتطل بسااعتها ) بس مو الحين ريـــّــض ..

دلال : تكفين نورو ...لاتخليني ...احس ابقمته ...احس اني بموووت .....




على الساعة 6 المغرب ...خالد بالبيت ....يحااول يدق على امه بس جهاازها مغلق ...قاام ودق على خاله محمد .....والحمدالله ان رد عليه ....

خالد : السلام عليكم ..شلونك خالي ....

الخال محمد: وعليكم السلام ..هلا والله خالد ....

خالد : خالي بشروااا اشصااار ....شلون خالي عبدالرحمن !!!!

الخال يااخذ نفس بصوت حزين: خلاص ماكو فاايده

خالد : يعني شنوو !!!

الخال : وكلش صووته مقموت : خلاص خالك قااعد يودع ....

خالد انربط السااانه ...كان وااقف ...يوم سمع هالخبر ....جاان يقعد ..حس الدنيا اتلف فيه ....لان كان وايد يحبه ...ويدري اشكثر امه متعلقه فيه لانه اصغر اخوانها .....

خالد : لاحول ولاقوة الا بالله ....لاحول ولاقوة الا بالله ....

الخال : ادعوله الله يخفف عليه...وتنقبض روحه بسلام ...واايد قاااعد يتألم ....

خالد : اللهم آمين ...اللهم آمين ......


صك خالد الخط ...وقعد يفكر ويفكر ويفكر بالسالفة ....كاان حيل متضاايق ....موشويه .....



اما دلال ونورة كانوا رايحيين سلايدر استيشن .....

دلال : نطري نورو ان ماقهرته مااكون انا دلال ....

نورة : يااحسرتنا ان درا خالد انج اهني ....

دلال : انا اعلمه مثل مايحرني والله لا احره ...يعرفني عنيده ....

نورة : خلاص دلول يمكن احنا فاااهمين االسالفة غلط ...يمكن في سوء فهم بالموضوع .....

دلال اتطق على الطاولة: مافي شي يبررله....لو انا اسوي جذي ...جاان ماكوو شي يشفعلي عنده .....

اسكتوااا مده .....

مشااري يدق على نورة ...

مشاري : هلا حبيبتي ...اشلونج ....

نورة : هلا....تمام

مشاري : ها وينكم؟؟؟

نورة : بسلايدر ....

مشاري : شنو بتتعشون هناااك ؟؟!!!

نورة : ايه طلبناا...

مشاري : اشفيج ..انا حاجز مطعم ...

نورة : انت قتلي سينما ...!!!

مشاري : سينما ومطعم ....

نورة : سوري مادري ....

مشاري : خلاص مو مشكلة باجر انروح ..استانسي حبيبتي ...


سكرت الخط من مشاري .....

دلال اتطالع نورة : سوري نورو ..انا طول الوقت قااعدة اتكلم عن نفسي ..نسيت اسألج اشلونج مع مشاري ....ان شاء الله مستانسة معاااه ...؟

نورة اتهز رااسها : اممم ...مشاري واايد طيب....

دلال : حييييييل ..ماتتخيلين اشكثر طيب وحبوب ...ومستاااانس معاااج حيل ...

نورة ضاق خلقها ...اتضيع الصقله ...

نورة : جنه تأخر الاكل ...

دلال حست ان نورة ماتبي تتكلم عن الموضوع ...

دلال : نورو ليش اتضيعين السالفة !!!!

نورة تستعبط : اي سالفة ....

دلال : نورو ليلحين مارتحتي حق مشاري ...ترا اهوا طااير فيج ....

نورة ساااكته ....

دلال : نورة الله يخليج لاتكسرين قلبه ....الله يخليج .....ترا مايستاهل.....


خالد ليلحين بالبيت ..ومن اول ماسكر الخط من خاله ماتحرك من مكااانه ...سالفة اتييبه وسالفه اتودييه ...حس ان متضاايق حيل ..واكثر انساانه يرتااح لهاا بالدنيا اهيا دلال ...دق على دلال ....

دلال بالمطعم ...قاعدين ياكلون... موبايلها يرن ....

دلال : نورو ..نورو دق خالد ...

نورة : خلاص كلميه عدل ...وسمعي شيقولج ...

دلال اتأشر بايدها جنها اتقول نطري : نطري شوفي شنو بسوي فيه ....

دلال : الو ....

خالد تضاايق : هلا حبيبتي ...

دلال : هلا ....

خالد : اشلونج ....

دلال: تمام ....

خالد يسمع اصوات يمها : صيحة ...انتي وين ؟؟؟

دلال : بسلايدر ....!!!!

خالد سكت مده ........: انا مو قايلج ماحب هالمكاان ..ليش رااايحة اهناك ...؟؟

دلال : كيفي ...!!!!

خالد : شنوو !!!

دلال : كيفي ...

خالد : دلال ...صيري مره .....وقومي طلعي الحين ...تدرين ان انا ماحب هالمكاان ...طاوله ابطن طاواله وخزني واخزك ....

دلال ابطفره : ايه عااادي..عيل لو اقولك ان في وااحد قطعني خز....

خالد انقهر : مستااانسه ...شوفي ...والله والله والله انا مالي خلق اصرخ ...بس اذا دقيت عقب 5 دقايق وانتي مو طالعة ..والله لا ايي ويرج من شعرج جداام الله وخلقه ....فااااااااااهمة ....

دلال : ماني طالعة ...واعلى مابخيلك ركبه ....بااي ...

نورة : ابيه دلال ليش جذي اتكلمينه ...

دلال اتلف ويها الصوب الثاني وحدها نقهره : خل تنفعه منيرة ....
اطلبت الحساب ...وادفعت...واركبت سيارتها ...

و يدق عليها خالد ماترد ...ويشكل عليها ....وهم ماترد ....

جان يدزلها مسج وكان حده معصب : مو مشكله لاتردين ...بس لا اشوف رقمج داق علي...

دلال قرت المسج ...انصفق ويهاا ....

دلال قلبها قام يرقع : ابيه نورو شوفي ...

نورة قرت المسج جان اتطالع دلال ....

نورة : شنو يعني ....

دلال : شنو يعني... هدني ....!!!<< عيونها شلال ادموع...

نورة اتهديها ..: لا تلقينه امعصب ....

دلال تبجي: لا ..خالد ولا مرة قالي جذي ...خمس اسنين ولا مره هدني ...

دلال ميته بجي : الحين اثبتلي ان بينهم شي ... لا ياربي مابي يهدني ...انا احبه ..انا بس كنت منقهره على سالفة منيره ....بس كنت بطلع حرتي ...ماتوقعت السالفة توصل لي هالحد....

نورة اتدمع عينها وبقلبها ( انا وياج مالنا حظ )......

دلال اتطالع نورة : قوليلي شسوي ؟؟

نورة : مادري دلال مادري ...

دلال : ادق عليه ...تمسك موبايلها واتكمل : ايه ادق عليه ....

نورة : لا لاتدقين ....تلقينه امعصب ..وراح يقعد يصرخ عليج ..ويمكن ايقط حجي مايثمنه...نطري لين يهده ....


اما خالد حده منقهر من دلال ويتنفس بسرعه ...وجنه شرا ر بتطلع من عينه .....

خالد بقلبه (( انا اعلمج يادلول والله لا اأدبج ...انا بروحا الي فيني كافيني...دراستي بصوب وخالي وانتي اتدزيديني بعد ... انا اعلمج ....)))

بس صج مسكين خالد ...كل شي تكود عليه ...وعنده امتحاان بااجر ومادرس ....بس شنقول ..اثنينهم ماينلامون ....

.................................................. .......................
دلال ونورة وصلو البيت ...شافت دلال خالد واقف بمواقف السيارة قاعدة يكلم اخوه طلال ...وكان قاعد يحرر سيارته بيطلع ....طاحت عينه بعين دلال ..لف ويها على طول وصعد سيارته ....ومشى....ادخلوا نورة ودلال البيت ....وكانوا اهل دلال متيمعين بالصالة ....

ادخلت دلال ونورة ...واول ماشفت ام دلال ويه دلال....

الام : اشفيج دلال ....

دلال بصوت مبحوح:مافيني شي...

الابو: جنه ويهج معتفس...!!

نورة بترقع : ايه شكلها مريضة....

دلال ساكته ..اتحس ان راسها بينفجر من كثر مايعورها ....

دلال اتحط ايدها على راسها: لا لا بس راسي يعورني....

الام اتحاجي سارة : يماا روحي ييبي حق اختج بانادول...

سارة : ان شاء الله يما...

نورة طول الوقت اتطالع دلال...كاسرة خاطرها....

مشاري يطالع نورة : يالله نورة ..مشينا ...

نورة اتطل بالساعة....: مو جنه فيلمنا 11...تو الناس...

مشاري: لأ قلت نتمشى ونقعد بكافيه على مايبدي الفلم ...

نورة : يالله أوكي....


اطلعو مشاري ونورة ....
بعد يومين
=====

خالد طلع مع رفيجه عبدالوهاب...راحوا آفينيوز....كانوا قاعدين بستارباكس الي فوق ...الصغيرون الي يم h & m....

عبدالوهاب : خلود اول مرة اشوفك بهالقوة هذي..اصدق صارلك يومين ماكلمتها ...

خالد : الصراحة وهيّـب ما تنرفز دلول...!!

عبدالوهاب: ايه بس انت اعذرها...يعني اهي صاار عندها لبس ابموضوع منيرة ...اولا كشت فيها وطلعت مع منيرة وثانيا رفيجتها شافت منيرة معاك بالسيارة ...يعني شنو تبي اتكون ردت فعلها ....

خالد : ايه صح ..انا معااك ابهالنقطة ....بس لو يايه امكلمتني...ومتفاهمين ابهدوء...وماخذين ومعطين مع بعض...جان انحلت المشكلة ..اصلا اهيا ماوهلتني....بس كلشي عندهاا اعناد...
يشرب قهوته ويشب زقارته ....ويكمل: انا مو رفيجها...انا بصير ريلها بعد أيااام ...اشلون اتعاندني بهالطريقة ...شنو احنا لا موراهقين ولا يهال ...انا امخليها اتروح وين ماتبي...بس بعض الاماكن عندي عليها ملاحظات...واظن هالشي من حقي...اتقوم واتعاندني...واتطول السانها وتتكلم بطريقة خايسة ...واتقولي وااحد قاعد يتحرش فيني ...شنو تبي اتكون ردت فعلي عبدالوهااب !!!!

عبدالوهااب: لا إهي بتـْـحرك مثل ماحريتها ....

خالد : عاادي ...اهي هذا اسلوبها ..انا قاعد اسوي نفسها الحين ..وبكبر راسي وبعاندها...تذكر ذيج المرة يوم تناجرت معاها على سالفة الي خاطبينها ...اسبوع ماكلمتني....
بس هالمرة صج حرتني...انا ابروحي محتر على خالي..وقاعد احاتي امي ...وامتحاناتي الله يستر اشسويت ...يعني المفروض اتكبر عقلها اشوي...ماتصيرلي نفس اليهال ....لا وتقولي بعد (أعلى مابخيلك اركبه ) ...لا لا السانها يبيله قص...ماكانت جذي قبل...

عبدالوهاب :لا بس ذيج المرة غير ..كانت زعلانه ..بس انت الحين وضعكم غير ...انت جنك اتقولها خلاص مابيج لاتقين علي... يعني انتا من صجك بتهدها...؟؟

خالد : لا من صجك اهدها ...انا احبها ..واحبها وايد بعد ...بس قتلك اهي بتصير مرتي ...مابيها تركب على راسي...ابي أأدبها بس جم يوم ..واخليها اتفرفر اشوي....

عبدالوهاب: اتصدق البناات مايون الا بالعين الحمره ...ماينعطون ويه ....

خالد : موليــّــا ....

عبدالوهاب: ومنيرة بنت خالك ...شلون شنو بتسوي معاها .؟؟

خالد : لا ختولي هذي....موشايل همها .... هذي امدلعه وكلشي تبي...بروحي ما ابلعهاا ....بس انا عاذرها الحين لان نفسيتها تعباانه ...يمكن الكلام الي قالته بس جذي...قااعدة تتخبط بافكارها..

عبدالوهاب يضحك : والله مادري شقولك خلوود....


خالد : آخخخ البنات البنات ..عواار راااس...

عبدالوهاب: ايه بس مانستغني عنهم .....

خالد : على قولتك......

يرن موبايل خالد ....ويلا دلال ....

خالد يطالع عبدالوهااب : هذي دلول....

يحطه بزي...

عبدالوهاب: ماني خابرك قاسي خويلد ....!!

خالد : خل اتأدب....

عبدالوهاب : هذي الغالية ..ام بدر

خالد : آخييييه مو هذا الي معور قلبي....عبالك انا مستانس الحين ..والله ان قلبي قااعد يتقطع عليها ..وادري انها بحاله الحين موهاين علي اشوفها جذي...

عبدالوهاب: ادري فيك ماتمسك زقاارة الا انت ضاايق خلقك ...

خالد يطفي زقاارته : بعد مايصير اخليها على كيفها ...خل ادوس على نفسي يومين..عشان تتأدب اشوي...

عبدالوهاب: الحمد الله ماحب وحده ...ليش اعور قلبي...متى ماطق ابالي قلت حق امي خطبيلي على ذوقج ...بلا حب بلا عوار راس....

خالد : احسن لك .....

دلال كانت قااعدة اتدور بسيااارتها ...عشان تبي اتكلم خالد ..واتخاااف يصير اصراخ بينها وبين خالد ..ماتبي اهلها يسمعون او ايحسون ابشي...مو خالد قااعد يحطه بيزي ...كل ماتدق يحطه بيزي...



دلال بقبلها (( يعني صج مايبيني....شكله صج ....لأ خالد تكفا رد على ...والله احبك والله ماكان قصدي احرك ...ايه صح يمكن ظلمته على سالفة منيرة...اكيد ظلمته ....بس لا يمكن اهوا يبيها وقااعد يدور الزلة علي...لا لا خالد لا يمكن يهدني ..اهوا يمووت على ...أففف يااربي ...يااارب يرد يااارب....ماراح ارتاح الا اذا كلمني))

واتدق عليه... واتدق ..بس ماكوو فايدة ....مايرد....

جان اتدق على نورة...واهي ميته بجي....

دلال : نــــــــــــورة ...نورة ...مايرد علي....شكله صج هدني....شسوي نورو شسوي.....

نورة قاعدة تلبس ..لان الحين مشاري بيمرها ويطلعون.....

نورة : دلول...بس لاتبجين ...لا يصير فيج شي....خلاص كيفه لايرد....

دلال: لا ماقدر ماقدر...والله صارلي يومين ماكل شي...احنا كل مرة نتهاوش ونقعد يومين ثلاث مانكلم بعض...بس ولا مرة قالي مابيج ويلا لا اتدقين ...يعني اذا احد فينا دق على الثاني خلاص ننسى كل شي...بس هالمره غير نورو غير...آآآآآآه بموت ...قلبي يعورني....ماتدرين شنو قااعدة احس فيه ...


نورة : دلول لاتسوين بعمرج جذي...راح اردلج ..خالد يحبج ...والله يحبج ..(تسكت اشوي) واتكمل : تبيني اكلمه لج ...وافهمه السالفة عدل....

دلال : ايه ايه تكفين ....

نورة : خلاص دزيلي رقمه وانا بليل اذا رديت اكلمه ....بس عندي طلب....

دلال اتشاهق : شنو !!

نورة: توقفين بجي...على شان خاااطري ...ماحب اشوفج ...تكفين ...

دلال : بس انا شصبرني لين ترجعين ....

نورة: لا صبري...وانا راح اتفاهم معااه <<<عاد نورة هااادية ومريحة لمن تتكلم ...

اتكمل نورة : انتي جربتي ادزيله مسج ؟؟!!
دلال: لأ..مادزيتله ....؟

نورة : خلاص دزيله مسج ...يمكن ارد عليج ....

دلال : اوكي....

نورة: اول شي دزيلي رقمه ..وبعدين دزيله مسج .....

دلال : اوكي....

نورة : خلاص انا الحين بروح لان مشاري بره ..والله اول مااوصل راح ادق عليه .....

دزت دلال الرقم حق نورة ......

كانت دلال بهالوقت بالخالدية ..رايحة كيفان ..كاانت قاااعدة تكتب مسج حق خالد :

حبيبي والله احبك...لاتسوي فيني جذي....قلبي يعورني....بليييز خل نتفااهم ....

وصل حق خالد ....عوره قلبه حيل ....حييل ....وقال بس خلاص لازم اكلمها...
جان يدز لها مسج : خلاص انا ارجع البيت وادق عليج ...ماقدر اتكلم الحين ....

وكانت جمعية الخالدية على يمينها ...... الاشارة بعيده اشوي...وكانت الاشارة خضرا ...اسمعت دلال صوت المسج ...ومن الخرعة طااح الموبايل من ايدها تحتها ....انزلت تبي تاخذه ...ارفعت عينها ويلا الاشارة صارت حمرااا ...والسياارات جدااامها ....واتطق بريييييييييييييييييييك ....بس ماكو فاايدة لانها كانت واايد قريبة من السيااارة ....ودشت سيااارتها بالسياارة الي جدااامها .....

طق راااسها بالسكااان ....


خالد حق عبدالوهااب : يالله عيل ..فمان الله ....

عبدالوهااب : خقيت ...امسااع اتقول ..بأدبها وبأدبها ...

خالد : كسرت خااطري يوم دزتلي المسج ...بروح اتفااهم معاها ....

عبدالوهاب يضحك: قايلك ..يبا موقدها انت موقدها ....

خالد : ماتكل تبن اشوي ...يالله يالله انا بروح ....

عبدالوهاب: كااااك ....قولي شيصير روميو....

.................................................. ........................



نورة طالعه مع مشاري ورايحين بيرجر بوتيك الي بالراية ...وقااعدين يتعشون .....

اشوي ويلا يرن موبايل نورة ...ويلا دلال .....

نورة : هلا دلول....

.......: السلام عليكم <<<<صوت غريب

نورة اتضم حواجبها مستغربة : منو معااي.....

.......: اختي ...انتي اتصيرين حق صااحبة الموبايل ...انا شفت اخر رقم داقين عليه هالرقم ...

نورة مخترعة : أيييييييييه ...وينها صاحبة الموباايل...

...........: والله شاقولج ...صااحبة الموبايل ...سوت حااادث....

نورة تنقز من مكااانه وزر عقلهاا واتصرخ: شنووو حاااااادث...اشصااار فيها...

..........: لا لاتحاتين مافيها شي...والله مافيها شي...

نورة: اي مستشفى ؟؟

طبعا لاتشوفون وي مشاري...اختص خبيصة....طلع كل الفلوس الي ابوكه وقطهم بالطااولة ...ومسك ايد نورة ويسحبها بسرعة ...عشان بيروح المستشفى ...

.........: الاميري.

نورة : كانا يايين ....بس والي يعافيك ..اي احد يدق على هالرقم لاترد عليه...احنا انقول حق امها وابوها ..اخاف يخترعون ...واذا تبي اي شي دق على رقمي...

........: خير اختي...

وبسرعة اوصلوا الاميري....وسألو عن دلال ...وقالولهم وين صااير مكاانها .....


وصلوو غرفة دلال....افتحوا باب الغرف...ويلا الحمد الله دلال كانت نااايمة ...بس ايدها امجبسه...وعند يبهتها من فوق غرز ....نورة يوم شافتها...قلبها قاام يعورهااا ....باستها على راسها واقعدت تبجي....


اشي جان تفتح دلال عينها .....

دلال : انا وين ....

نورة ومشاري يبتسمون : الحمد الله على السلامة ....

دلال : اشصاار...؟!

نورة : سويتي حادث بسيط ...

دلال : اشصار فيني ؟؟؟؟

نورة: مافيج شي...كلمنه الدكتور...قال بس كسر بايدج ..والحمد الله انها اليسرة ...وجرح اصغير بأيبهتج ...

دلال تلمس الغرز الي بيبهتها ...... : آي ....


اشوي ويلا أم دلال ابوها وسارة اييون لها....والام اقعدت تبجي...واتلم دلال واتبوسهااا ....

نورة ادز حق خالد مسج .....

(( السلام عليكم خالد ...انا نورة رفيجت دلال ....ترا دلال سوت حادث)))


خالد طبعاا عيز ويدق على موبايل دلال وماكان احد يرد عليه ...لان نورة وصت الريال ان مايرد على احد .....

خالد كان قااعد يتسبح ....يوم طلع من الحمام ..وكان لاف الفوطة على خصره ....راح عند موبايله الي كان حاطه بالكومدينه ..بيشوف اذا دلال دقت او لا ...ويلا يشوف مسج ...افتحه ...بغااا قلبه يوقف ...وايده قاامت ترجف ....قعد على الفراش لان فقد توازنه...على طول دق على الرقم الي بالمسج ....

يوم دق على نورة ...نورة اطلعت بره .....

خالد من غير مقدمااات : اشفيهااا دلال ؟؟ صاار فيها شي..؟؟؟

نورة : لا لاتحاتي ..مافيها شي....

خالد : تحلفين نورة ...الله يخليج قوليلي.....

نورة : والله مافيها شي.....

خالد : انا الحين ياي بشوفها .....

نورة : لحظة لحظة ...كل اهلها اهني ....

خالد يصرخ متحسر : أأأأأأأخ كل مني ...انا السبب ...

نورة : لأ مو انتا السبب ..هذا الله الي كاتبه ....

خالد : نورة تكفين ...يرحم والديج ...دبريلي طريقة ...لازم اشوفها..لازم اكلمهااا...

نورة : ان شاء الله ..اصلا انا لازم اخلي دلال اتشوفك ..عشاان ترتااح ..والله ان صارلها يومين موماكله شي ...

خالد : حبيبتي ...حبيبتي دلال ....ياليت انا الي صاير فيني جذي ...ياليت .....

نورة : خلاص انا ماقدر اطول ....اذا راحو اهلها ادق عليك ....

خالد : انا ياي ..بنطر تحت بالمواقف ..واول مايطلعون اهلها تكفين دزيلي مسج....

نورة : اوكي ..لا تحاتي خالد ...

خالد : نورة تكفين لا تسكرين الخط ...خليه مفتوح اشوي...بس ابي اسمع صوت دلال ان مافيها شي...والي يسلمج ....

نورة : خلاص ..ان شاء الله ......

خلت نورة الخط مفتوح 5 دقاايق...وسمع خالد صوتها ...ويوم سمع قاامت عيونه ادمع ادمع ..ويقول بقلبه (( سامحيني ...سامحيني ))

وطبعاا خالد حده داايس....راايح الاميري....وقعد ينطر مسج نورة ...



نورة ومشاري واهل دلال ملتفين حولها ...يدق موبايل نورة ..ويلا رقم غريب ...ردت نورة ويلا الريال الي كان داق عليها بخصوص دلال......قاامت وعطته مشاري....

نورة : هذا الريال ...رد عليه ...

مشاري طلع بره يكلمه لانه ازعااج عند دلال ....

مشاري: الووو ...

.........: السلام عليكم ...

مشاري: هلا هلا اخووي....

.........: اخوي بس انا معاي اغراض الي سوت الحادث..الصراحة خذيت جنطتها وموبايلها ...تدري في ناس مايخافون الله ويبوقون من الي يسوون حوادث...

مشاري: كثر الله من امثالك ...ويعطيك العافية ...بس انت وين ..وانا اييك ....

.........: انا بالاميري..

راح مشاري عند الريال وتشكر منه وااايد ...وخذا اغراااض دلال ...وراايح غرفة دلال ...وقبل لايدخل الغرفة ويلا يشوف مس كوول وااايد ....يفتحه ويلا اغلب الي داق رقم امسجل باسم ((((( خالده))))) ...ماحط شي اباله ...عباله وحده من رفيجاتها ....

ويلا في مسج مو مفتوح ....قام وافتحه .....ويلا يقرا مسج خالد ...

(((خلاص انا ارجع البيت وادق عليج ...ماقدر اتكلم الحين ))))

انقزه قلبه....

قام وفتح الرسائل المرسلة ...وقرا آخر رساله .......



(((حبيبي والله احبك...لاتسوي فيني جذي....قلبي يعورني....بليييز خل نتفااهم ..رد علي ))))

طبعا مشاري يوم شاف جذي ...داااارت فيه الدنيا ....وتسند على الطوفه ...ماتوقع من دلال هالشي...

اطلعت نورة من الغرفة ...جان اتطل بالممر ..ويلا مشاري اشوي بعيد ...شاف نورة ..حط الموبايل وراه ...واتشر عليه يعني تأخرت ...واهو يصوت عليها : يالله كاني يااي....

الرساله الي فتحها مالت خالد سوااها mark unopened..... يعني جنه مابطلها ...

وحفظ الرقم بعقله لانه وااايد سهل .....

وبسرعة دخل الغرفة....عطى دلال جنطتهاا ...وكاان امبين انه متنرفز شوي....

مشاري : يالله نورة مشينا ...

نورة : لا مشاري ...انا بنااام عند دلال ....

الام : ايه والله يزاها الله خير نورة ...والله انا ودي انا مع دلوله بس ظهري ي1بحني ماعبر عالقعدة ...وسارة فقيرة عندها امتحان باااجر....

الابو يطالع دلال : ولا تحاتين احنا من صبااح الله خير عندج ...

اطلعوا كلهم ....

دلال حق نورة : كلمتي خالد ؟؟؟

نورة : ايه كلمته ...

دلال : اشقال ؟؟

نورة: من صجج ين ين ...بغى يمووت ....

دلال : بسم الله عليه....نورو دقي عليه ..ابي اكلمه ...

دقت نورة على خالد ...جان يشيله .....

دلال : الووو ....

خالد : حبيبتي ...حبيبتي دلوله ....انا آسف ..انا آسف ..

دلال تبجي : لا تتأسف....حتى انا آسفه .....

خالد : انا صااعدلج الحين ....شفت اهلج اطلعوا ومشوا.....


طق خالد الباب جان يدخل....اطلعت نوة بره الغرفة ....اول ماشاف دلال منسدحه ....وكان شكلها يكسر الخااطر....جاان يلمهاااا حييييييييييل ويقول : سااامحيني ...سامحيني....انا ماستاهلج...

دلال : انت بعد ساامحني ...ادري تماديت عليك ...بس والله من كثر ماحبك ...ماقدرت اتحمل يوم عرفت انك مع منيرة ....

خالد : لا منيرة ولا عشرة منها يسوون ظفر ريولج ....انتي اصلا حياتي وروحي المعلقة ...

دلال : وانت بعد ...

خالد باسها على رااسها ...وقعد يمهااا ...ومااسك ايدها طوول الوقت ...ويمسح عليها ...ادخلت نورة واقعدت معااهم .....


ابيت اهل دلال ...مشاري رااايح راااد يفكر بسالفة دلال ....وحيييل متضااايق...وقرر يدق على صاحب الرقم .....وطبعا اهوا حاافظة ابقلبه .....

قااام ودق على الرقم ....واول ماسوا سيند ويلا يطلعله اسم (( خـــالـــــــــــــــــد الــــ......))) مشاري بهاللحظة حس ان بقلبه بيوقف من كثر الصدمة ....يعني اطلعت دلال اتكلم خالد ولد ييرانهم !!!!




رن موبااايل خالد ...خالد يطااالع موبااايله ومنصدم حيييل ....يرفع رااسه ويطالع نورة ودلال....

خالد : هــــــــذا رقم مــــــشـــــــاري اخووووج !!!!!!!!!!!

اشر خالد حق نورة ودلال بصبعه يعني لا تتكلمون ....ورد على موبايله ....

خالد : الوو ....

مشاري نوعا ما منفس: السلام عليكم ...

خالد :هلا هلا مشاري..وعليكم السلام ....

مشاري : اشلونك ..

خالد : تمام ....

مشاري : وينك بالبيت ؟؟!!

خالد: لا قريب...آمرني !!!

مشاري: بغيت اكلمك ابموضوع ....

خالد يعقد حواجبه مستغرب ويطالع دلال:ايه على خير...تبيني اييلك الحين ..ويلا بااجر...

مشاري:لا الحيين ..الموضوع مايتأجل لي باجر..

خالد نقزه قلبه ..حس ان الموضوع يخصه ويخص دلال: اممم ..اوكي صار....



مشاري: انطرك ابديوانيتنا.....

خالد10 دقايق وانا عندك ....


سكر الخط خالد...

دلال تعبانة وترفع جسمها خاايفة : شنو اشيبي...؟؟

خالد يهز راسه : مادري مادري....

يكمل : انا رايحله الحين ....

نورة : اخاف عرف بموضوعكم ....؟؟؟

دلال اتحط ايدها على خدهاا : ابيه ...اخاف شاف موبايلي يوم ان ياب جنطتي...!!!

واتبطل الجنطة ....واتطلع الموبايل ...واتشوف ....

دلال : بس اهوا مادق عليك من خطي...وانا مسجلتك باسم وحدة .(تفتح المسج) :ايه وهذا المسج الي دزيتلي اياه قبل الحادث مو مبطل....(دلال اتحاول اتقص على عمرها) : اخاااف يبي يعزمك على عرسه ....

خالد مايبي يضيق خلق دلال واهي بهالحاله ...يمسك ايدها ويضغط عليها : لاتخافين ...ماراح يصير شي...وحتى لو اخووج عرف ..راح اطلعج من السالفة ...

دلال منزله راسها وحدها خاايفة ....

خلاهم خالد وطلع ...ركب سياارته ...يوم وصل عند بيت اهل دلال جان يرن على مشاري...

خالد : انا بره ...

مشاري: ادخل الديوانية .....

دخل خالد الديوانية ..وكان مشاري قاعد ينطره....يوم اجبل عليه خالد ...وقف صافحه ...واقعدوا ...ولا حتى ابتسم ..وامبين ان معصب....

مشاري حده محتر ومتنرفو : خالد انا ناديتك عشان الحجي يصير من ريــّــال لي ريــّــال....انا ماراح الف وادور....بسألك سؤال واحد بس....

خالد : ايه اتفضل ....

مشاري : اشبينك وبين أختي دلال !!!!!!!!!!!!!!!!!!

خالد انربط السانه ..وانحرج حيييل...سكت ماعرف شيقول ....

مشاري : ماتتكلم !!!!


خالد : لـ ..لا مشااري لاتفهم الموضوع غلط ...مابيني وبينها الا كل خير...

مشاري: شنو يعني كل خير...؟

خالد : يعني والله انا شاريكم ..لا اتحط ابالك شي....

مشاري: لا أحط ابالي شي !!!....انا حااط ابالي اشياء...الحين عرفت ليش اترد كل الي يخطبونهاا (ياخذ نفس) وعلى قولتك دامك انك شارينا ليش مادخلت البيت من بابه ...؟؟

خالد : لا والله اني نااوي اخطبها بعطلة الربيع هذي..يكون باقيلي على ماتخرج كورس وااحد...وانا امكلم امي عن الخطبة..بس صدقني دام الموضوع وصل ليهالحد...اول ماترجع امي من السفر من باجر اخليها ادق على الوالدة وتخطبها....

مشاري : شوف انا ماكبرت السالفة على شان الفضايح...وعشان دلال ابحاله الحين...وقلت اعطيك فرصة عشان مااظلمك ..الحين انا سمعت شنو قتلي...وبمَشي السالفة ..بس تدري لو ان كلامك هذا طلع مو صج ... (وايشر بايده) والله محد يفكك من ايدي..

خالد تنرفز اشوي من طريقة مشاري : لا صج ..وكلها ايام واثبتلك هالشي...انا كلمتي كلمة ريال...

مشاري قاااعد يطالع خالد :اممم..وشي ثاني بعد... على ماتيي امك من السفر...مابي السانك يطب بلسان اختي ...ولا ابي اشم ريحة انك امكلمها ...

خالد :على خير ان شاء ....

خالد يكمل: تبي شي بعد ....

مشاري يهز راسه جنه يقول لأ... وموقاعد يطالع خالد ..ليلحين منقهر...مع ان ارتااح اشوي من كلام خالد ...بس مشاري بقلبه يقول ((ماراح ارتاح عدل لين تاخذ اختي)) ....

وقف خالد : فمان الله ..


وطلع خالد من الديوانية ...واحس بقمته ...ماكان وده ان السالفة توصل ليهالحد ..وان احد من اهلها يعرف بموضوعهم ...الحين ماله وي ايطالع مشاري...

رجع بيتهم ...دخل داره ...انسدح بفراشه ...ويفكر بالسالفة ....جان يمسك موبايلة ويدز حق دلال مسج ..

((دلول ..انا كلمت اخوج ...وطلع يدري ابموضوعنا ...وفهمته موقفي عدل...وعطيته كلمه ان اول ماترجع امي راح اخطبج على طول...ووعدته بهالفترة هذي ماراح اكلمج..ديري بالج على نفسج حبيبتي...))

دلال تقرا المسج ..واقعدت تبجي...ونورة اتهديها ...

دلال : ابيه ...مشاري اخووي درا ...ابيييه شسوي....

نورة: خلاص مو تفاهموا ...ليش اتحاتين...

دلال: ادري ..بس ماودي السوالف توصل لي هالحد ..ومالي وي اشوف اخووي....

نورة: لايضيق خلقج ...مشاري متفتح..وقلبه كبير..واكيد بيتفهم...

دلال: ايه ادري ..ادري....

.................................................. .................................





دلال و خالد على حالهم ....وخلص خالد امتحاناته والحمد الله نجح ....وام خالد ليلحين مارجعت ....ودلال كل يوم تبجي لانها مو قاعدة اتكلم خالد ...ومشاري اخوها مايكلمها..وخالد واايد نفسيته تعبانه ...بس نااطر امه ترجع عشان تخطبله دلال.....وصج كانت حالتهم حاله ...وودهم يردون حق بعض...بس على قولتهم ..تمشي الرياح بما لاتشتهي السفن.....


رد يا هواي .. لا تسرق سنيني
طال الطريج .. وضاعت براهيني
بسك غياب .. بسك عذاب
من غبت .. وافراحي سراب
ارجوك ابيك يم عيني رد يا هواي

مر النهار والليل رد بموعده وانا في انتظار
في اليوف نار عطشان ابي قطرة ندى وانته قرار
حبيبي مد الأيادي يطوي مسافات الفراق
حبيبي كلي ينادي واتعبني جمر الأشتياق
ارجوك ابيك يم عيني رد يا هواي

تعال ... تعال
يا غاية احلامي تعال
يا كل ما املك تعال
الشوق فاق الأحتمال
جدد مواعيدك معاي
















خنرد على نورة ومشاري...مشاري كان وااايد واايد مستانس مع نورة ..ومن اول ماخذاها زاد حبها بقلبه ...وقرب عرسهم ...واهيا موقاعدة اتعبر..ودايما تتجاهله..واتحاول ادور اي مشكله عشان يصير بينهم زعل..بس مشاري كان صدره وسيع ودايما احط اباله شغله الي اهيا (ظروفها)..
ماراح يسوون عرس حريم ... نورة قالتله ماتبي عرس لان ماعندها احد تعزمة ...بس مشاري راح يسوي عرس رياييل ...كان عرس الريياييل عقب يومين...وبنفس الليلة راح يسافرون..ويروحون باريس...لان مشاري يقول حق نورة ..هذي ديرة الحب....وودي يكون شهر العسل اهناك ...

دلال مع نورة بالمرينا..يخلصون اغراض نورة حق السفرة ....

دلال : وااي نورو ..اشفيج مالج خلق وطااخه ...ليش ماتشوفين الي ناقصج وتشترين ....؟

نورة بوادي ثاني:هــا ...لأ عندي كل شي....

دلال: شنو عندج كل شي!!؟...انا كنت معااج ....ماشريتي شي...انتي عرووس لازم اتكودين الي خبرج ...ماشريتي ....
(نورة ساكته دلال اتكمل ) : نورو ترا انتي حيييل بااااطة جبدي....عبالج ما الاحظ!!..اصلا من اول ماخذيتي اخووي وانتي طاخة وطاعي اشلون ضعفتي...اشدعواا..وااعليا واهواا طااااير فيج ...ودا اييبلج الدنيا كلها...


نورة لما اسمعت هالحجي...جان تنفجر وتبجي حييييل حيييييل حييييل ...حتى كانو قاعدين ابـ water lemon....دلال اخترعت يوم شافتها جذي..وتتلفت على الطاولات الي يمهم ...

دلال تروح تقعد يم نورة : واتحط ايدها على جتفها ...

دلال : نورو اشفيج...ليش تبجين...ماقتلج شي ..انا موقصدي اقثج ...والله ..

نورة تبجي......

دلال : انزين امشي خل انقوم ....

مشوا دلال ونورة وراحو سيارتهم ...ونورة عيونها اتدمع ورا بعض....

دلال داخل سيارتها : نورة اشدعوااا...ماقتلج شي...

نورة : ادري انج ماقلتي شي بس انا متضايقة....متضاايقة حيل ومحد حااس فيني....

دلال : اشدعوا نورو عيل انا وين رحت ..؟؟

نورة : دلول انتي الي فيج كاافيج ...مابي ازيدج هم ...

دلال : لا عاادي...قلبي يشيل همومج بعد...

دلال اتكمل : قوليلي نورو ..انتي كارها مشاري..ماراح ازعل والله ..بعد الواحد قلبه مو بيده ؟؟؟

نورة : لاموكارهته ...بس مشاري مايستاهلني....

دلال : ترا ذبحتيني بهالكلمة..ليش مايستاهلج ؟؟ لا تقللين من قيمة نفسج...اصلا اهو محظوظ فيج...


نورة تسمع هالحجي وتبجي...تبجي...

نورة : لا مايستاهلني..مايستاهلني...انا منو يبيني...محد ...حاولت اخلي مشاري يكرهني بس مااكو فاايده ...

دلال اتطالعها وضاايق خلقها : نورو شهالحجي ...انتي ليش جذي...بل عكس احنا واايد طايرين فيج وكلنا انحبج....

نورة : اليوم اتحبوني بس بااجر لأ....

دلال : نورو لا تخربطين واايد ...شالالغاز ...بس جبي..لاتصيرين مليقة ....

دلال اتكمل : انا ماراح اخليج اليوم بنام عندج....راح اتسافرين اسبوعين واتخليني....<<<اتلمها دلال (دوام مشاري مو معطينا اجازة غير اسبوعين)

اليوم عرس الرياييل ...وكانوا مسويين العرس بفندق الراية ....ومشاري كان شكله يعقد...وحده رزه ...وحده مستانس ..والونااسة امبينه عى ويها ....

اهواا ليلحين بالبيت ماراح العرس...الام يباااابهاا واصل لي بره البيت ...وخالته وعماته متيمعين وكلهم ايببون ومستانسين لان مشاري اول فرحتهم ...وسارة ودلال بعد...طبعا مشاري كل ماتطيح عينه بعين دلال يصد عنها....والام بس قااعدة اتبوس فيه ...وتبجي من الفرحة...لان ماعندها غير هالولد ...فوايد طاايره فيه ....
لبسّت الام مشاري البشت ..وصوروا معاه ....كلهم ...

مشاري: يمااه اشدعواا ..ليش كل هالبجي...

الام : انتا نظر عيني ...ماتتخيل اشكثر انا مستاانسة ...انا فرحتي ومنى عيني لا شفتك مستانس.....

مشاري: مستانسة وتبجين ....

الام : والله من كثر فرحتي فيك ...ماتتصور اشكثر....

مشاري يبوس راسها ....ويطلع مع ابوه و عمامه ويروحون العرس...

كان خووش عرس مابقا احد بالديرة مايا العرس...وكان زحمة زحمة ....وحتى خالد وطلال راحو العرس...وخلص العرس على خير....ورجع مشاري البيت وسلم عليهم كلهم...وخذا جنطته وراح بيت نورة عشان ياخذها ويروحون المطار....طبعا راح مع السايق لان مايبي احد ايي المطار معاهم ....ودخل بيت نورة ....

ام نورة : ياهلا ابمعرسنا ....

مشاري حب راس عمته .....

ويلا يشوف نورة قااعدة عالقنفة وتبجي بجي....

مشاري عند نورة ......

مشاري: افا ..اشفيها العروسه تبجي....

الام :دي بآلها يوم كامل على الحالة دي....بتبكي على طوول....

مشاري يطالعها ويمسح على راسها...ويبوسه ...ويكمل...

مشاري: ايه عمتي اهيا ضاايق خلقها عشان بتروح عنج اسبوعين ....

الام: والله هيا ماتعرفش اد ايش انا فرحانه ان الله بعتلنا وااد حلال زيك ....

مشاري : والله انا الي محظوظ فيكم عمتي....

ونورة تبجي تبجي...وتقول :مابي اروح ..مابي....

مشاري ينزل من القنفة ويقعد على اركبه ويمسك ايدها الثنتين ويبوسهم ويطالع ويها ....

مشاري : نورة حبيبتي...لا يضيق خلقج...احنا رايحيين نستانس..حتى امج ماراح تفقدينها << يغمز حق عمته...وامها تبتسم..

مشاري: يالله نورة ..علشاني...ويلا مال شان عندج ...

نورة : امبلا ....
قامت نورة وسلمت على امها ...والام حابسه ادموعها ماتبي اتزيد على بنتها ...ونورة تطلع من الباب وخطواتها ثقيله يالله تمشي...وتوصل المطااار ....وتركب الطياارة ....واهي بس تبجي...وودها الطريج ماينتهي...
اوصلوا باريس..ومشاري كان اسعد انسان بالدنيا ..واهيا اتعس انسانة بالدنيا ....

كانوا حاجزين فندق بالشانزيليزيه...اوصلوا غرفتهم ...حطوا اغراضهم ...وكانو تعابه حيييل ...وخصوصا مشاري ..عقب العرس بعد ...بس شيسوي كان بيستغل كل يوم بالاجازة لان ماعنده غير هالاسبوعين ...ويبيهم يكونون احلى اسبوعين بحياته...

دخل مشاري الحمام ..خذاله شاور..ولبس مشاري نفس تريننق خفيف ...يعني نفس البجامة تقريبا..طلع من الحمام ...ونورة ليلحين مابدلت قااعدة على طرف الفراش ...وساكته ...ومحزنة..شافها مشاري ..قام وقعد يمها ..ويلعب ابشعرها ويحطه ورا اذونها...جان ياخذه راسها ويحطه على صدره...

مشاري: ادري ان ضاايق خلقج عشان امج ..ومقدر نفسيتج...يالله قومي روحي الحمام وغيري هدومج ولبس بجامتج ..خل انام ..ادري فيج تعبانه <<< مع ان كان وده فيها حيل بس ماحب يضغط عليها واهي بهالحالة ...

خذت اهدومها..وادخلت الحمام تسبحت ..والبست بجامة ..شورت مع توب علاق ..واطلعت من الحمام ...شافها مشاري ين على شكلها ...يت وانسدحت على الفراش ...وعطته ظهرها ...لمها من خصرها وباسها ...وقالها تصبحين على خير....اهوا نااام واهوا لامها...واهي تبجي واتقووول : ياارب لا ايي باجر... يااارب اموت قبل باااجر...((ياااارب.....يااارب استر علي ياارب)))

الساعة 11.30 الظهر....مشاري يقعد نورة من النوم ....

مشاري: صباح الخير ياحلو...يالله قوم الريوق جاهز ....

ويلا مشاري طالب من الفندق ريوق ويايبينه لهم فوق....قامت نورة ...وغسلت ويها ...واقعدت مع مشاري تريقو...واقعدواعقب يسولف معاها مشاري ...وعقب مسكها مشاري من ايدها ...واقعدوا عالفراااش...و صار الي صار......




الكويت ....

الساعة 2.30 تقريبا ...دلال رادة من الدواام ...مع السايق لان ماتقدر اتسوق بسبت ايدها ...اطالع الدريشة ..واتفكر بخالد.واتحس انها ولهانة عليه حييل..تسمع اغنية "طمني بس"

اوعدني لو تغيب عن بالك ما اغيب
اوعدني بالسؤال لو يعني البعد طاااااااااال
اوعدني كلمتين مو أكثر من كلمتين أرضي فيهم حنين
عمر السنيـــــــــــــــــــــن
طمني بس......................




وهيا قاااعدة تسمع الاغنية ..اتقول ((طمني يا خالد ..طمني بس ..لومسج ...لاتكلمني...ادري فيك لاوعدت احد ماتخلف بوعدك ...بس انا غير ...قاعده اتعذب...ماقدر اصبر على فراقك ..ماقدر ...طمني بس ...

اسفطت دلال عند بيتهم ...ويلا اتشوف طلال قاااعد يبجي حييييل ...وخالد لامه من رااسها وحااطه على صدره .....شافها خالد وطاحت عينها بعينه...واتشوف بعينه ادموع ...وحدهاا خاايفة ....ادخلت البيت ...


ادخلت دلال بيتهم ...

دلال : السلام عليكم ....

الام والابو : وعليكم السلام ....

دلال حطت جنطتها على القنفة واقعدت ....ويها مخطوف..

الام : اشفيج ..ليش ويهج معتفس...

دلال : يما ..يبا... قاعده اشوف عيال ييرانا بره يبجون ...اشصاير

الابو :ايه خالهم توفى.... دق على بو محمد (يارهم ) وقالي ...ان شاء الله بعد صلاة العصر الدفاان ....

دلال انصفق ويها : صج !!!! متى توفى ...

الام : اليوم ...شفيج اخترعتي جذي...

دلال توهقت : لا بس بنته معانا بالدوااام ...مسكينه ...
الام : الله يرحمه ويرحم موتى المسلمين ...باجر انروح انا وانتي واختج ....

دلال :ايه اكيييد لازم ...لازم ....

اصعدت دلال فووق على طول....عشان تبي اتطل من الدريشة واتشوف خالد ..كان حيل كاسر خاطرها ..لان اهما ماعندهم ابو ...وكانو حيل ويا خالهم عبدالرحمن...ولان ام خالد اتعزه حيل لان اصغر اخوانها ...

قاعد اتطالع خالد من الدريشة ...وقلبها يعورها ...ودها ابهاللحظة انها اتلمه واتخفف عنه ...ودها لو يقط كل اهمومه فيها ...ودها لو يرتااح ...


باريس ....
بليل.......

مشاري قااعد بالحديقة الي عند برج ايفل ...والجو كااان باااارد حييييل ..بس اهوا مو قعد يحس بالبرد ..بلعكس قاااعد يحس بنااار تااكله.....قااعد برووحه ....حاط ايده على رااسه ..ومغمض عينه ...وادموعها تنزل دمعه ورا دمعه ...مايبي احد معااااه ...مايبي ولا احد بالدنيا ..لان اهوا بهاللحظه يكره كل الناااس ..واكثر انسااانه بالدنيا يحس انه يكرها اهيااا (( نورة ))...ايه نورة ...لانها اطعنته ...واجرحت رجولته وكرامته ..و ((((( شرفه))))))...ايه للأسف...لانها اطلعت ((موبنت)) ..كانت الصدمة كبيره على مشاري ...مشاري الي حبها من كل قلبها ...حب ابتسامتها البريئة ..حب عفويتها ...حب خجلهااا ...آآآآخ اي خجل ....اي خجل الي يخل صااحبته اتفرط باغلى ماعندها ...اهيا اكيد بنظره اكبر جذااابه وممثله ....اهو الي انقذها من حياااة قاسية تنتظرها ...سبحان الله ...انكتبله الشقا معاها ....كان يرسم احلى حياة بينهم ...لكن ....انصدم صدمة حيااته ...يمكن خلته هالصدمة يفقد الثقة بالكل حتى بنفسه ....


نورة بالفندق متلحفة بالفراااش....ومغطية ويهاا ....وتبجي بجي...يمكن بعمرها وحياتها مابجت جذي...حست ان روحها اطلعت ...بس لأ ...اهيا مو قااعدة تبجي على نفسها ...ابدااا ...اهي قاااعدة تبجي على مشاااري...ايه مشاري...ايلي بالنسبة لها ماتستاااهل حتى دمعه من عينه ولا حتى ظفره ...كانت اتسب وتلعن نفسها 100 مرة بالثانية ....وتتذكر السالفة واشلون صااارت ....

من 3 سنين .....

عبدالعزيز : نورة حبيبتي ...انتي ماتدرين اشكثر احبج ...

نورة : وانا بعد اموت عليك ...

عبدالعزيز : الله ودي اعيش معاااج بمكااان واااحد ...

نورة : اف اليت ..ياليت ....

عبدالعزيز : اتحبيني واايد ...؟؟

نورة : ماتتخيل اشكثر...انت عوضتني عن ابوي وعن اخواني...انت كل شي بالنسبة لي....

عبدالعزيز : اشرااايج اوريج شقتنا المستقبلية ....؟

نورة : اشلووون ؟؟

عبدالعزيز : انا اهلي كلهم امسافرين ...والبيت مافيه احد ...وتدرين تونا بانيين شقتين ..حقي وحق اخوي...خل اوريج شقتي....

نورة : لا مابي ...اخاف....

عبدالعزيز ابخبث: اتخافين من عزوز حبيبج ...زعلتني منج ...

نورة : لا مو منك ..بس اخااف احد يشوفنا ويلا شي....

عبدالعزيز : لا محد راح يشوفنا ...واوعدج انطل على الشقة خمس دقاايق ونطلع ....

نورة خااايفة حدها : لا لا ماقدر.....

عبدالعزيز حده عصب ومتنرفز : عيل انتي ماتحبيني ...ومو واثقة فيني بعد ....

نورة : لا والله حبيبي واثقة فيك ..بس....(اتفكر اشوي) اوكي بس خمس دقاايق ونطلع ....


راحوا بيت اهله ....دخلوا شقة عزيز ..ويلا شقة مفروشه واشحلاتها ....اقعدت على القنفة ....

عبدالعزيز: ...اشرااايج .....؟!!

نورة : اتعقد ...هذي راح اتصير شقتي....

عبدالعزيز : ايه هذي راح اتصير شقتج ....

جان يروح عبدالعزيز المطبخ وييب قلاصين عصير...

عبدالعزيز : وبدام انج بشقتج لاول مرة ..حبيت اضيفج بهالعصير...عااد سامحيني ماعندي طااازج ...

نورة تبتسم : لا عادي..كلشي منك حلو .....

اشربت العصير...

عقب فترة ..ماتدري اشكثر....افتحت نورة عينها وكانت ناايمة ...ارفعت راسها ..لقت نفسها على فراااش...ومن غير اهدووم والفرااش كله (((((((((دم)))))))))...وعبدالعزيز قااعد على الكرسي يطالعها .....طالعته منصدمة ...

نورة قاعده اتصرخ : انا ليش اهني...؟؟؟ ووين اهدومي؟؟؟ انتا شنو سويت فيني؟؟؟؟؟؟

عبدالعزيز : خذيت اغلى ماعندج .....عشان مابيج اتروحين حق غيري ...لاني انا احب اذا كان عندي شي يظل حق بروحي...ماحب احد يشاركني فيه .....


كانت هذي سالفة نورة ...مسكينه ...حالها حال وااايد بنات انخدعوا باسم الحب....وضاعت حياااتهم من غير ذنب...من عقب هذا الموقف نورة اكرهته حييييييييييل ...بس كانت اتسوي روحها اتحبه واتقص على عمرها ...وكااانت اتلاحقه واتدق عليه وتذل عمرها ...بس على شااان يستر عليها ...ولا تنحط بالموقف الي انحطت فيه مع احسن واطيب ريااال بالدنيا (مشــــاري).....

مشاري يدخل الغرفة ...وكانت ظلمه....يفتح الليتات حيل ....وياااخذ اهدومه بعصبية ويحذفهم داااخل الجنطة....

ويوجه الكلام حق نورة من غير مايطلعها ......

مشاري: لمي كل اغراضج وحطيهم بالجنطة ...باااجر الصبح راادين الديرة ....

جان تنقز نورة من فراااشها ...واترووح اتطيح على ريلها واتبوسهم ...

نورة : لا مشاري..الله يخليك ....الله يخليك استر على ...والله لو دروا اخواني راح يذبحوني...الله يخليك ...

جان ينزلها مشاري ويمسكها من شعرها ...ويطق رراسها على الكومدينا...ويقولها ....

مشاري حيييييييل معصب : خاااايفة من خوااانج ها ....وماخفتي من ربج ...ماخفتي من ربج ...يالحيوانه يالزباله يالوسخة ...


واهي تبجي واتقول : الله ماكان بيدي شي...والله غصبن على...والله غصبن على ....والله حاولت اخليك تكرهني..والله ماكنت ابي هاليوم ايي..والله ....

مشاري يصرخ باعلى ماعنده : اكلي تبن ...مابي اسمع صوتج ....لو انج ماتبين...جان متي ..جان انتحرتي..جان دشيتي بشبه ...

نورة : الله يخليج ...آخر شي اتسويلي اياه ...لانرجع الكويت ...ويالي يسلمك ..علشان امك مو عشاني ...عشان لا يضيق خلقها ...

مشاري ليلحين ماسكها من شعرها...قطعه من كثر مايره : لاتييبين طااري امي بلسانج الوسخ ...تف عليج وعلى اشكالج الوسخة .....

هدها غرقااانه دم من راسها ...لانه انجرحت من كثر ماطقها بالطاوله ....وطلع من الغرفة ....

ايه هذا مشاري ...الحليم الطيب المسالم...طلع من طوره ...فقد اعصاابه....لان الحب الي بقلبه تحول لي وحش مايقدر ايوقفه احد ...محد يلومه ...

قرر مشاري ان مايرجع الديرة ...الا عقب الاسبوعين ...يعني راح يقعد المده كلها...مو علشان نورة ..لأ ...علشان امه ...وابوه ..وكل الناس الي فرحوله ...مايبي يضيق خلوقهم ...وقرر اذا رجع الكويت ...على طوول نورة اتروح بيت امها...وعلى طول راح يطلقها....

حاول يحجز غرفة بروحه ...بس مالِقا ..كل الغرف محجوزة ...اضطر ان يشارك نورة الغرفة ...بس شنو ...كان يطلع من الصبح ...ومايجع الا بليل حزة النوم ...كانت نورة اتنام على القنفة واهو ينام على الفراش....وبس مايطب السانه بالسانها ولا عينه بعينها ...واهيا طبعا ماطلعت ولا ولا مكاان..بس قااعدة وتبجي...وحتى الاكل ماتاكله ...بس تشرب ماي...او عصير...

مرت 3 ايام ....

مشاري راد على الساعة 7 تقريبا....لان هناك الحياة اهناك اتخلص امبجر...وكل شي يسكر...فكان يطلع من الفير ومايرجع الا على الـ7 او 8 .....

دخل الغرفة ... وكالعادة لقا نورة منسدحة على القنفة ..فاتحة التلفزيون ...بس موقاعدة اتطالعه ساكته ...وسرحانه ابوادي ثاني...حتى ادموعها انشفت من البجي....حذف عليها جيس...ومن غير مايطلعها....

مشاري: اكلي ...اخااف اتموتين وابتلش فيج <<< قلبه كبير حتى وهو زعلان ومعصب...

وظل على هالحال كل يوم ..لمن يطلع ويرجع ..اييبلها معاه شي تاكله ...بس مايحاجيها ...ويحتقرها ..ولايحط عينه بعينها ...وكانت تقرم قرمتين وبس...لانها ماتشتهي شي....

مرت 10 ايام ....ولما يا وقت النوم ....رن تلفون الغرفة.....

مشاري: Yes…....

........ : مشااااري.....انت وينك ؟؟!!!

مشاري: هلا هلا يمااا...هلا والله ..

الام : هلا يمااا ...صج والله ....انت وينك لادقيت لاشي...خبصتني عليك ...صرت جني مينونه الوووي...<<<< حصلت الام اسم الفندق من رفيج مشاري ....


مشاري: اسف يماا سامحيني ....بس لهيت ...

الام : قلنا معرس ومستانس..بس انا مابس شي..غير "الو يما انا بخير" لا انت ولا نورة ..موبايلاتكم مسكره ....

واهو يقول بقبها (( آآآآخ ياايمااه ...يليتني ياااهل صغير لاضااق خلقي انسدحت بحضنج ...آآآآآخ يااايمااه لو تدرين بالي فيني جااان بجيتي دم ...آآآآخ ياايمااه آآآآآخ))

الام : الووو مشاري....

مشااري: هلا هلا يمااه ....

الام : انتو كلكم زينين ...نورة زينه ...

مشاري: ايه يماا ...كلنا زينين ...

الام قلبها ناقزهاا : اكيييييييد ....

مشاري مايبي ضيق صدر امه : ايه اكيييد ....

الام : عطني نورة اكلمها.....

مشاري اعتفس ويها اشوي : نااايمة ....

الام : خلاص ..سلم عليها وااايد وااايد ....


سكرت الام الخط ....وشكلها ضاايق خلقهاا ....

ويلا بييت الابو....

الابو : عسى مااشر ام مشاري ..اشفيج ..جنه ضايق خلقج ....

الام: ايه والله ..توني مسكرته من مشاري...

الابو : زييين حصلتيه ...اشلونه ...ان شاءالله مستانس....

الام : والله مادري يابو مشاري...قلبي مقمووت ..حسيت الولد مولدي...موصوته ...حسيت فيه شي...

الابو : انتو الحريم اتحبون اتبالغون ...( يطفرها ) اكيد غيراانه من مرته ....

الام : انا اغار من مرت ولدي!! والله لا شفته مستانس جنه انا الي مستانسة ..بس لا لا ..ولدي واعرفه صوته مخنوق....

الابو: تلقين داااقه عليهم ابوقت غلط ..

الام : ان شاء الله مايكوون احساسي صادق...ان شاء الله ....




الاما دلال....خلصلت طبعا ايام العزا...راحت دلال العزا....مع امه واختها ....واكسرت خاااطرها حيييييل منيرة ...لأانها كانت ميته من البجي....وعورها قلبها عليها حييل....

كانت دلال كل مجابله الدريشة الي اتطل على بيت خالد ...وتنطر متى يطلع ومتى يدخل...واهوا نفس الشي....يعرف متى الوقت الي اتروح فيه الدواام ومتى ترجع...كانو صج يكسرون الخاااطر....وخالد عند وعده لاخوها ...ولارفع سمااعة التلفون وكلمها....

ومثل ماذكرنا قبل ...مرت 10 ايام على وفاة خال خالد ....اشوي هداا الوضع نوعاا ما ..وقفت الدمووع ...ومنيرة اشوي ارجعت توازنها...وردت دوامها....

اما خالد طوول الوقت يفكر بدلال...حتى وقت العزا...كان وده اتكون معاه بالافراح والاحزان ...لانه اهوا مايلقى راحته الا معاها ...
يرن موبايل خالد .....ويلا بيتهم تحت داقين عليه .....

خالد : الووو ...هلا يماا ...<<يدري محد يدق من البيت الا امه ...

الام : يما وينك ..فوق...

خالد : ايه يما...تامرين على شي...

الام : ايه يما ...تعال تحت ابي ااكلمك ابموضوع ....

ينزل خالد تحت عند امه ...ويقعد يمها عالقنفة ....

خالد : هلا يماا ..آمريني ....

الام : مايامر عليك عدوو ....(تسكت اشوي واتكمل) تذكر حبيبي الموضوع الي كلمتني عنه من قبل ...موضوع زواجك ....

خالد اهني طااار من الفرحة ...وخصوصا ان ياا من امه ...مع انه كاان مستغرب ان امه امبطله معااه هالموضوع بهالظروووف...

خالد: ايه يماا ...عاااد كان ودي اكلمج بهالموضووع ..بس حسيت انه موقته ...

الام : خلاص ..انتا الحين موصغير ومابقالك شي وتتخرج والحمد الله نجحت هالكورس مع ان الظروف كانت صعبة اشوي.... بسبت مرض خاللك الله يرحمه بعز الامتحانات ... واثبتلي انك قدها....انا الحين تطمنت على موضوع دراستك ...وودي اطمن على حياتك بعد...

تسكت اشوي واتكمل... انت تدري اشكثر غلاتك عند خالك عبدالرحمن واشكثر كاان يحبك انت وطلال ...صج ان الله سبحانه ماعطااه اولاد ..بس ربك عوضه فيكم ...

خالد : الله يرحمه ...

الام :وتدري ماعنده غير هالبنت ...كان يطالعالله ثم يطالعها ...والحين راح اهو ...وبقت هالفقيرة المسكينه ...وكان خالك وااايد شايل همها ....

خالد قااعد يسمع امه واهي تتكلم ومستغرب ليش قااعدة اتييب طاري خاله ومنير ابموضوووع زواجه ...ليش قااعده ادخل سالفة بسالفة !!!!



الام :وطبعا خالك كان يدري ان مايلقا وااحد احسن منك... عشان جذي كانت وصية خالك الاخيرة قبل لا يمووت ...انك تتزوج بنته ((مــــــــنــــــــــيــــــــــــــرة)).....

وقف خالد بسرعة ....

خالد : شنوووو ....منيرة !!!!!!

الام اخترعت : اشفيك اخترعت جذي..؟؟؟؟

خالد رد قعد...ومتنرفززز حييييل : يمااا من صجج انا اخذ منيرة ...منيرة نفس اختي ..وانا بعد مابلعها مولياا...

الام : وليش ان شاء الله ... واشفيها ...زينة البنااات ...وين تلقى نفس جمالها وانوثتها ...واحنا عارفينها وعاارفين اخلاقها ....

خالد معصب ...وايشر بايده : مابي حلاتها ..ولاهمني لاجمالها ولانوثتها ولابطيخ ابويهااا ....

الام اتطالعه ومستغربة : خالد اشفيك ..ليش تتكلم جذي ....

يسكت خالد اشوي ويااااخذ نفس وبصراخ : يمااا ..انا طووول عمري اقولج حاااضر ومن عيوني وتامرين امر ...ولاعمري رديتلج طلب ...من انا اصغير اتمشيني ...من بين اخواني ...حتى بالدراسة ...انتي اخترتي تخصصي بالثانوية ...وعقب الثانوية قلتيلي ابيك مهندس ...مع ان ما كاان ودي اروح الهندسة...دزيتيني امريكا مع خالي وتخصبقت ..ورديت اهني وتأخرت بدراسي..الي بعمري صارلهم 5 سنين يشتغلون ...بس على شان احققلج كل شي تبينا واتحلمين فيه ....بس ليحد زوااجي ...ستوب..هذي حياااتي ..عطيني حرية الاختيااار...خليني اختاار الي على كيفي ...



الام اسكتت ....وانصدمت من طريقة خالد ...واشلون انفعل ....

جان تقعد الام تبجي ....تبجي .....لان امه الحين صااايرة حيل حساسة بعد وفاة اخوها ...

الام : انا عمري مافكرت بهالطريقة ..عمري مافكرت اني امشيلك حياااتك ولا عمري فكرت اسيطر عليك ....انا بس كنت ابيلك المستقبل الزين ...وابيلك احسن شي بالدنيا ...حراام عليك اتطلعني اني الظالمة ...انت تدري اشكثر معزتك ابقلبي ...وانت تدري انك اغلى واحد من اخواانك....

خالد عوره قلبه جان ينزل على الارض ...ويبوس ايد امه : يماا انا اسف ..والله اسف عشان صرخت عليج ...بس يماا انا مابي منيرة ...اذا اتحبيني شيلي هالموضوع من بالج ...اذا تبين سعااادتي الا هالشي خليني اختاارة...الله يخليج....

الام :اليوم ماتحبها بس باجر مع العشرة راح اتحبها ...احنا كلنا تزوجنا جذي...وبعدين حبيبي هذي وصيت خالك ..ماتبي يكوون بقبرة مرتااح ....

خالد : يمااا اهواا راااح الله يرحمه ...هذي حياااتي ...شنو ذنبي انا...

يسكت اشوي : انزين خل ياااخذها طلال ..ليش تبلشوني فيها ...؟؟؟

الام : اشفيك طلال اصغر منها ...اهيا 26 وطلال 25...

خالد : شنو فرق سنه ..مو وايد ...انا مابيها مابيها ....

الام : خالك اخر كلمة نطقها هالكلمة ...وقالي (((خالد))) ...الله يخليك خالد على شاني ....انزين فكر هاليومين ...مو الحين تعطيني الجوااب ...والي يسلمك ...اذا لي خاااطر عندك ...فكر عدل بالموضووع ....والله هذا اخر شي اطلبه منك طووول حيااتي...


خالد شااف امه بهالحالة وقااعد تبجي ...حب يهديهااا ...

خالد : خلاص راااح افكر ...بس ماوعدج اني اوااافق ....


......................................

راح خذاا سويج سياارته جااان يطلع من البيت ....وحيل متنرفز .....
يدق على عبدالوهااب....

خالد : وينك .....

عبدالوهااب: بالبيت اشفيك ....!!

خالد : ابي اشوفك الحين .....

عبدالوهاب: اشصاااير!!!

خالد :ولا شي...ابي اشوفك ...

عبدالوهااب: مرني ...انطرك ...



مر خالد على عبدالوهاااب.....

دخل وسكر باب السياارة ...ويطالع خالد ..ويهاا احمر...

عبدالوهااب: خلووود اشفيك ....

خالد : متضااايق وهيب ..متضااايق....

عبدالوهااب: ليش اشصاااير....

خالد: تخيل امي اليوم كلمتني ابموضوع زواجي...

عبدالوهاااب: شنو مو راضية بدلال....!!!؟؟؟

خالد : لا لا ....تخيل تبيني اتزوج منيرة !!!!!

عبدالوهااب: اي منيره ؟؟!!!!!

خالد : اي منيرة يعني!!! منيرة بنت خالي....لاا وشنو تقولي ...هذي وصيت خالك !!!!!!!

عبدالوهااب منصدم : اتحلف؟؟؟!!! ولا يكووون وافقت .....

خالد : لا طبعااا ومااارااااح اوافق لو شنووو ....

عبدالوهاب: لايكوون اتوافق ...بس خلاص...اسمحلي خالد ...بس الوالدة مصختها تراا....

خالد : لا.. لو شنو لو شنو ما اخذهاا .....

عبدالوهااب: خلووود لاتخق....ترا انت معطي اخوو دلال كلمة ..

خالد : حتى لو مومعطي كلمة ...انا ابي دلال ..

عبدالوهاااب: قلت حق امك انك تبي دلال ..!!!

خالد : شسوي راااح اضطر واقولها ..اهيااا قالتلي فكر وردلي خبر...وراح اقولها ان ابي دلال بنت ابو مشاااري....

عبدالوهااب : ايه لازم اتقولها ....

خالد :آآآآآخ من وين اطلعتلي هالسالفة ...لاكانت على البال ولا على الخااطر....

عبدالوهااب متنرفز وايشر بايده: شالبلشة ...خل يااخذها اخووك ياه ...!!!

خالد : نفس الكلام قلته حق امي ..اتقول انها اكبر من طلال....

عبدالوهااب معصب: الله يرحمه خالك ..في احد يوصي بهالشي!!!

خالد : أأأأخ ..ان شاء الله امي تشيل الموضوع من راسهاا ....

عبدالوهااب: خل كلمتك وحده ...مسماار بلووح ...(يقرب عند ويه خالد) تذكر دلال ...اشكثر اوقفت دلال ابويه اهلها علشانك ....

خالد : ادري ادري....من غير ماتقول ...انا روحي وحياتي دلال ...



دلال قاااعدة بدارها ...وقااعدة اتسولف مع اختها سارة ...دلال زادت علاقتها باختها وخصوصا ان نورة مو موجوده الحين ..ودلال قامت اتحس ان سارة كبرت وقامت تفهمها.....


سارة : دلال ..متى تتوقعين خالد راح يكلم امه عنج ؟؟!!

دلال : مادري سوير...يمكن الايام الياية ..توه خاله متوفي....

سارة : افف يالله نبي نفرح فيج .....

دلال : ان شاء الله ...وبعد انا الي شايله همه مشاري اخووي خصوصا انه عرف بالموضوع ..الصراااحة مالي ويه اطالع اعيونه ...وابي خالد اييلي بسرعة ....

سارة : ايه والله....

تسكت دلال ..

اتكمل : امشي خل نطلع ضيقة خلق.....

سارة : يالله ...خل ابدل ونطلع .....

بدلوا واطلعواا ....وما راكبين السياارة ...ويلا شيخة ومنيرة عند بيتهم بيدخلون...سلمت دلال بايدها من بعيد ...بابتسامه مصطنعة ....

دلال ادخلت السيااارة : ويييييييع وييييييييييع ....ماحبها ..كلا ومجابلة خالد الليل والنهار....

سارة اطق السيارة سلف : حراام عليج ...ماعندها احد غيرهم ...

دلال حست ابتأنيب الضمير شوي: اي صح اهي تكسر الخاااطر...( بعدين اترد واتكمل بعصبية) لا لا بس اهيا موهينة ...ماعليج منها ...تلقين الحين نست ان ابوها متوفي...خو اهيا ماكو احساس...حقيييرة ..من ايام الثانوية ....

سارة : كانت معااج بالثانوية ....؟؟

دلال : ايه بس اهي اكبر بسنة ...

سارة : بس ماشاء الله اتهبل ....

دلال اتطالع سارة بحقد : لاتقولين جذي واتحريني ...ترا اهيا مجابلة خالد على طوول....

سارة : اشتبين بعد هذا الصج ....

دلال : حريني حريني اكثر.....

سارة اتطق دلال على راسه : انزين حركي يالهبلة ...تحترين من شنو ...بدام خالد يحبج راح يشوفج احلى منها بالف مره ....

دلال تبتسم بابتسامة النصر : ايه والله صح ....






فجأة يوصل حق دلال مسج ....ويلا من خالد ....

((دلول ..ولهت عليج واايد ...ماتتخيلين اشكثر...ودي لو اشوفج من بعيد )) <<< كان حيل متضااايق وده يشوفها ويرتااح ...

دلال تشووف المسج ...واتصرخ حيل : آآآآآآآآآآآآآآآآآآآآ وناااااااااااااااااسة ....

سارة : اشفيج يالخبلة ....

دلال اتطالع سارة واتبوسها : واخيرا واخيرا عقب اكثر من اسبوعين ...يدزلي مسج خالد ....

سارة : اشيبي .....

دلال : يبي يشوفني من بعيد .....


اتكمل : وين انروح ...وين نقعد ؟؟؟

سارة : امممم ....اشرااايج انروح افنيو ..ونقعد ابــchocolate bar...

دلال : امممم ..لا لا زحمة ..اخاف احنا نقعد واهوا مايلقا مكاان يقعد فييه....

سارة : اممم عيل ..اشرااايج انروح paul الي ابفنيو ....

دلال : لا لا لا ..زحمة زحمة ...ابي مكاان هادي ..مافي احد .....

سارة : ماشاء الله وين هالمكااان الهادي....

دلال : ايه ايه لقيتها ...ومحد راح يشوفنا بعد ...


سارة : وين ؟؟

دلال : Fauchon...الي اجبال الصالحية ...صاااااد ومافي احد ...<<< بس الحين شالو القعدة الي هناك

سارة : وييييييييع شالقمته ....انزين انتي اتشوفين خالد وتستانسين ..انا شسوي....

دلال اتبوووس سارة : بليييز سويير على شاني ...بعدين انروح مكاان ثاني ....

سارة : خلاص اوكي...بس اتوديني مكاان ثاني....

دلال ادز حق خالد مسج واتقوله مكاانهم ....

دلال كانت لابسة بنطلون كحلي هاي وست مع قميص سكري مدخلته دااخل...وفوقه بالطوو قصير لونه سكري على ذهبي...لابسة قلب على سلسلة ذهبية عريضة ...مع فلات كحلي ..ومسوية شعرها ستريت ولابسة بااند كحلي...وحااطة ميكآب خفيف مع قلوس وردي فااتح ...




اقعدت دلال وجدامها اختها سارة ...واطلبوا ...دلال اطلبت Claire وسارة اطلبت macaroons مع قهوة ...دلال قلبها يرقع يرقع ..جنها اول مرة راح اتشوفه....

دخل خالد مع عبدالوهاب واقعدوا بالطاوله الي اجبالهم ...وقعد خالد جدام دلال....ماكان في احد بالكافيه غيرهم....

كان خالد لابس بنطلون تريننق رمادي فاتح مع بلوزة بيضة جم طويل....وماكان حالق لحيته ...يعني كانت ديرتي...

دلال يوم شااافت ويه خالد ...ضااق خلقها ..حست ان متضااايق....وطول الوقت قاعدين يطالعون بعض....

دلال بقلبه (( متضايق حبيبي...عشان موقاعد يكلمني..يابعد قلبي)))

خالد(( مااخليج لوشنو..انتي حياتي ودنيتي ))

دلال(( وانت روحي المعلقة ))

سارة : هوووب هووب...اشفيج ...بسج خز ...مو جذي الناس يتنحون ...

دلال اتنزل راسها اشوي وتهمس لها : اشتبين !!! صارلي مدة موشايفته ولامكلمته ....جبي لاتصكين علي..

خالد يحرك شفااايفه ويطالع دلال ومن غير مايتكلم ...ويقولها
((( احبج))))


دلال بنفس الحركة اترد عليه

(((احبك ))))

سارة : لاموووصج ....باااايعتهااا ...ماتستحين ....

دلال ولا قااعدة اترد على ساارة ..طول الوقت اطالع خالد...حست..بشي دااااخل قلبها ...حست باحسااااس خااايس...حست ان هذي اخر مرة تسمع الكلمة ...


.................................................. .................

ابيت اهل خالد .....

الام قاااعده مع منيرة وشيخة وطلال ويسولفون ...ويطالعون تلفزيون ...يحاولون مايخلون منيرة بروحها ...

منيرة : انا استأذن بروح فوق اشوي بريح .....<<<حطوا حق منيرة داار عندهم ....

الام : ايه اخذي راحتج...

اصعدت منيرة فوووق....

الام متضااايقة : اليوم كلمت خالد عن موضوع منيرة ...<<<كلهم عندهم فكرة عن الموضوع ....

شيخة منفعلة : ايه وشقااال؟؟؟!!!

الام : مارضى ....

شيخة : يااااسلام ...وليش ان شاء الله ....عشتووو ...حاصلتله منوور <<<<اتموت عليها لانها رفيجتها ....

طبعااا طلال يدري ابموضووع دلال ...فكاااان سااااكت ولا كلمة ....

الام : مادري عنه ...شكله في وحده اباله ...

شيخة : عشتوو بعد خلوود يحب....

طلال : ليش يعني ...بعد حاله حال النااس....

شيخة : ادري ...بس خلوود احس ماعنده هالسوالف....حده قهوة وحدااق...ما احسه يحب هالسوالف....

الام : مادري انا مو متأكده ...بس شكله جذي....

شيخة : يماااا مو تخلينه على كيفه ...ترا هذي وصية خالي....وبعد يماا بقولج شي ....

الام : شنو ؟؟

شيخة : ترا منيرة اتحب خالد ....

الام : والله انا الود ودي يااخذها ...ان شاء الله ..الله يهديه وياخذها ...

شيخة : لا يماا غصبيه ...مو بكيفه ....

الام : هااو اشلون اغصبه ...هذا زواج ..

شيخة : يما خالد مايعصيلج امر...خلاص قوليله.. يامنيرة ياماكووو ...

الام : الله كريم ...ان شاء الله من نفسه اييلي ويقولي ابيها ...

قامت الام واطلعت من الصالة ...وراحت المطبخ .....

جان يقوم طلال ويقعد يم شيخة .....

طلال يتكلم اشويشوي: عاد تدرين ...انا اعرف منو الي يحبها خالد ؟؟

شيخة اتطالعه مندمج : تحلف؟؟؟!!! منــــــــو ؟؟؟

طلال : حلفي ماتقولين حق امي ....لان خالد اموصيني ....

شيخة : والله ماقولها ...

طلال : دلال ....

شيخة تعقد حواجبها : اي دلال ؟؟؟

طلال : دلال بنت ييرانا ...بنت ابو مشاري.....

شيخة تنصدم حيييييل ...ماتوقعت اتكوون دلال ....وتدري ان اهيا ومنيرة مايتواطنون .....


قامت شيخة على طووول واصعدت فوق عند منيرة ....وتفتح الباب بسرعة .....

شيخة: منور منور ...عندي لج خبر ابمليون ...

منيرة :شنو ....

شيخة : انتي مو مرة قايلتلي ان خالد اخووي مايعطيج وي ..وان اكيد اباله وحده ...

منيرة : انزين ....

شيخة : وامي اليوم كلمته ..وقالتله عن وصية ابووج الله يرحمه <<< منيرة تدري عن السالفة لان شيخة قايلتلها من قبل ...

منيرة : ايه اشقاال....

شيخة : مارضى ....

منيرة انصدمت : مارضى ....ليش ...

شيخة : اشفيج ...مو انتي اتقولين اكيد في احد اباله .....
عرفت منو يحب خالد .....

منيرة : منوووو....بسرعة حرقتي اعصابي....

شيخة : دلال حبيبتج ....

منيرة : اي دلال ؟؟؟ لايكوون دلال بنت ييرانكم ....
شيخة : ايه اهيا بلحمها وشحمها ...

منيرة انقهرت : ابيه حريتيني...اكرهااا ...اكرهااا ...حتى بخالد انااشبتني...والله ما اخليه لهاا لو على قص ارقبتي....هيّن يادلول ...يا انا يا انتي ....

شيخة : شنو بتسوين ...

منيرة : راح اتشوفين ......


عقب يومين .....

منيرة قاااعدة مع عمتها ام خالد ...وكانت اموزعة شيخة وقايلتلها بكلم عمتي بروحنا....
\قامت منيرة وصبت شااااي حق عمتها وعطتها اياااه ...

ام خالد : ويه ياحلوج ..يارب اتصيرين وحدة منا وفينا ويتحقق الي ابالي....

منيرة اتكمل على كلام عمتها : شنو الي بالج ..ان ياخذني خالد ...

ام خالد اتطالعها منصدمة : اشدراج ....

منيرة اتجذب : من يومين يوم كنا انا وياج وشيخة وطلال قاعدين جان اصعد فوق ...تذكرين عمتي....

الام : ايه ...امبلا

منيرة : يوم وصلت داري ..تذكرت اني نسيت شي تحت ...ولما ييت انزل بالدري ...سمعتكم تتكلمون بالسالفة ..

ام خالد : ايه والله يابنيتي ...انا الود ودي ياخذج ....

منيرة بخبث : عمتي ..تدرين ان خالد خووش ريال ..واي بنت تتمناه بالدنيا ...ادب واخلاق وتربية ولد عايلة وماتقطين منه شي...( تسكت اشوي وتتكلم ) عشان جذي عمتي ...حتى لو ماكان من نصيبي ...وحتى لو ماراح ياخذني...حراام اتيي وحده مو متربية ...وسمعتها موزينه ..وعندها خراابيط وسوالف تااخذه ....

الام : لا تخسي ...هذا الي ناقص ...انا ولدي ياخذ وحده جذي...بسم الله عليه...

منيرة : ايه بس هذي الي يبيها خالد ...ورافضني على شانهااا...

الام انصدمت : شنوووو !!!! منو قال الحجي...ومنو هذي..ومن بنته...

منيرة : دلال....دلال بنت ابو مشاري...ييرانكم ...

الام : دلال!!! ...دلال خوش بنيه ...انعرفهم من السنين ..واعرف امها ...سنع ومنع ...وعقل وثقل...




منيرة تمسك اهدومها من صوب صدرها : استغفر الله استغفر الله الله يستر علينا ...بس عمتي ...هذا الظاهر..وياما تحت السواهي دواهي...يعني الحين البنات الموزينين اهلهم يدرون ...اكيد لأ.......

الام صدقتها..و متنرفزة : والله ماياخذها لوعلى قص ارقبتي...هذا الي ناقصنا بعد ...

منيرة : ايه ...وترا حتى انا اعرفها عدل عدل...كانت معااي بالثانوية والجامعة ..وحتى بالدوااام ....سمعتهااا زفت ..والكل ااشر عليها ويقول ...هذي الـــ .... ، ( وترفع هدومها صوب صدرها ) استغفر الله ...استغفر الله ..اللهم لاتبلانا....


الام عصبت يووم اسمعت هالحجي...وتحلفت ابخالد ....

الام ادق على خالد : خالد وينك ؟؟؟

خالد : انا مع عبدالوهااب..اشفيج ..؟؟؟

الام : تعااال البيت الحين ...ابيك ابموضوع ...

خالد : خير يمااا ..خرعتيني ..اشصاااير ....

الام : تعال الحين .....

خالد : يالله يالله كاني ياااي ....


دخل خالد البيت ...ويلا امه امعصبه ...واول مرة يشوفها جذي معصبة ....<<<<طبعا شيخة ومنيرة اطلعواا على طوول...عشان يبينون اهم مالهم شغل بالسالفة ...وطبعا منيرة وصت عمتها ماتقول حق خالد ان اهيا الي قالتلها وانها سمعت من بره ...

دخل خالد البيت مختبص....

ولقى امه راااايحة راااده ..رااايحة راااادة .....

خالد : خير يمااا ...اشفيج اشصاااير....

الام : اقعد ..بكلمك .....

خالد قعد وعيونه اتلاحق امه ....وحاااس ان في شي صاااير....

الام : انا عرفت السبب الي امخليك راافض منيرة ...

خالد : وشنو هالسبب.....

الام : دلال ....دلال بنت ابو مشااري....

خالد انصدم حيييييييييييييل : منو الي قالج ....طلال!!!!

الام انصدمت : طلال ..؟؟ ليش طلال يدري بعد ...؟؟

خالد عرف ان مو طلال الي قايلها ....: عيل زين عرفتي ...وفــّرتي علي هم اني اقولج ....

الام : والله والله والله ...لو على قص ارقبتي ماتاخذهاا ...

خالد منصدم : شنووووووو ....؟؟؟ ليش....؟؟؟؟

الام : بعد هذا الي ناااقص ...مابقا غير الناطحة والمتردية ...اتييبلي بنات الشواارع...

خالد الدنيا اتلف فيه يوم سمع امه اتقول هالحجي...: منو بنااات الشوارع ؟؟؟ دلال بنااات الشواارع ؟؟؟ يما شقاااعد اتخربطين ....هذي دلال بنت ابو مشاري...ييرانا ...انتي اشقااعد اتقولين ....

الام : ايه ادري انها دلول بنت ابو مشاري....يااما تحت السواهي دوااهي...بلاك ماتعرفها ...سمعتها وسخة ومعرروووفة انها مو زينه ....

خالد قاااعد يصرخ : يماااا ..تعوذي من ابليس...من الي قايلج هالحجي...هذيل ناااس حاااقدين ومايخاافون من الله ...ترا انتي عندج بنت ...الله يحاسبج على هالكلام ...

الام : شووف ياااخالد كلام يوصلك ويتعداااك ....والله لو يخلصون بنااات الدنيا ...ماتخذلي دلول ...والله ...غير منور ماتخذ...

خالد : يصرخ : والله راااح اخذها ..والله راااح اخذهاا...مالي شغل ...

واصرااخهم وااصل لي فوووق....نزل طلال ...ويسمع خالد اشلون يصرخ على الام ...اول مرة يشوفه معصب جذي....

الام : ايه طوّل السانك علي علشان بنت ابليس...طالع اشلون خربتك على وخلتك اطول السانك على امك ....

يصرخ خالد : يمااا حرااام عليج ...الظلم ظلماات يوم القياامة ..لاتقولين عن البنت جذي...والله اهيا اشرف من الشرف ....

الام اتصرخ : مااكو ...وكاني قتلك ...يا انا يا اهي...والله مادش بيتي دام راسي يشم الهواا...

خالد يصرخ باعلى صوته ...وخلا ص فقد اعصاابه : راااح اخذها وغصبن عليج ...غصبن عليج ...رضيتي ولا مارضيتي ....

الام طالعت خالد مو مصدقة ...خالد ...خالد...يقول جذي ...خالد يطول السان ويصرخ ..

فجأة جااان الام تفقد توااازنها واتطيح .....



ودوها المستشفى...ويلا يطلع معاها ازمة قلبية خفيفة لان ضغطها واايد ارتفع واهيا من اساس فيها ضغط...

خاااالد طووول الوقت يبجي بجي جنه ياااااهل....ويقول : انا السبب انا السبب...اذا صار بامي شي ماراح اسااامح نفسي.....

وعيونه حمره يكسر الخاااطر...بس ماااسك ايد امه ويجبي ويبوسها ....

كلهم ملتمين حاوالين امهم ويبجون طلال وشيخة وخالد ...بس اكثر شي خااالد الي ميت بجي ....

عقب فترة افتحت الام عينها...وكلهم بصوب واااحد : يمااااااه

خالد يبجي: يمااا حبيبتي ...انا اسف ...انا اسف...سامحيني ...الي تبينه يصير...بس لايصير فيج شي...الي تبينه ...

الام : الي ابيه انك تنسى دلال...

خالد ساااااكت......

اتكمل الام : وتاااااخذ منيرة ........







بعد يومين ...سارة ودلال المغرب ...قاعدين بدااار ساارة ويسولفوون....

دلال : الله ونااااسة ...ونااااسة ....باااجر بيون مشاري ونورة ....الكلبة نورو ولا دقت علي....

سارة : اي والله وناااسة ...ياليت يعيشون عندنا .....

دلال : كله من مشاري..يقول ابي استقل بحياااتي....مليق..

سارة : وااي ان شاء الله نورو اتحمل على طوول.. نبي بيبي....

دلال : واااي ان شاء الله ...وانا مابقا شي و اتزوج خالد ...واااي واحمل وناااسة وناااسة ..اصير انا ونورة مع بعض ...

سارة :واااي ونااااسة دلووول ..انا ابي بعد ...ابي اتزوج ...

واقعدوا يضحكون ويسولفون ...فجأة يوصل حق سارة بي بي ام
وافتحته..وقرته ...انصدمت حييييل ....لاحظت دلال على ويها هالشي ...قالتلها....

دلال : اشفيج؟؟!!!!!

سارة : دلول ...اقري هالبرودكاااست ....<<<<<جان تعطي دلال الموبااايل عشان تقرااه ...


((اللهم بارك لهم وبارك عليهم واجمع بينهم على خير...تمت خطبة خالد بدر الــ.... أمه سعــاد مساعد الــ... على منيرة عبالرحمن الـــ... امها اليزابيث مالاري اللهم وفقهما ....)))

دلال قاامت ترجف ...طاااح منها الموبااايل....انربط الساانها ...ودموووعهاااا تنزل تنزل تنزل جنها شلال....واطالع سارة ...

واتهز راسها واتقول: لا موصج ...ترا احد امسوي دقة ...خالد لايمكن ايسويها فيني ...مستحيل ...


اترووح تركض واتبطل البردة ...واتطل على بيت خالد...ويلا زحمة وسيااارات وااايد ....ورياااييل قاعدين يطلعوون من بيتهم ....

بدلت اهدومها...

سارة : وين رايحة ....

دلال : ابي اشووف خالد ....

سارة : دلول برووح معااج ...ماخليج ابروحج ...ولاتنسين ان ايدج مكسورة ...ماراح تقدرين اتسوقين....

دلال اتطالع سارة : ياالله امشي....

البسو بسرعة ...واطلعت دلال بره ...وقاااعدة ادق على خالد ...بس مايشيله ....اصعدواا السيااارة ....

سارة : وين انروح ...

دلال مو معاها قااعدة ادق ورا بعض....مايشيله ....

دلال ادزله مسج ....

((( صج الي سمعته عنك ومنيرة )))))


دقاايق ويوصلها مسج .....


دلال ماقرته....احذفت على سارة الموبايل ....ومسكره اذونها...

دلال : سارة اقري المسج ...خااايفة اقرااه ....

سارة اسفطت السياارة عند جمعية كيفان... افتحت المسج وتقرااه بقلبها (((ايه صج )))

سارة قلبها بينشلع من مكانه ...وانزلت دمووعها...واتطالع دلال ومن غير ماتتكلم ..اتهز راااسها ..يعني ايه .....

دلال عيونها غرقاانة ادمووع واتصرخ : شنو ايه ...شنو ايه...

واتاااخذ من سااارة الموبايل ...وتقراا المسج ...

دلال : لااااااااااااااااااااااااااااااااااااااااااااااااا ااا.....لاااااااااااااااا ....

واتشاااهق من البجي : انا شنو سويتله ..انا شنو سويتله....

واتطق ويها على جنب بايدها الثنتين ...

سارة اتلمهاا وتبجي : دلوول ...كيفه بالطقاق الي يطقه ...خل يولي ...لايوقف قلبج...

دلال ميته بجي : يليييييييييت يوقف ...يليييييييييييييت يوقف ...لا ..لا...إلااا خالد ...اخذووووو مني كل شي ...إلا خالد ...

دلال تسكت اشوي وتطالع سارة واتحط ايدها على حلجها : شاقول حق مشاري اخوي ...شقوله ...شقووووله..ياااارب ان الارض تنشق وتبلعني بهاللحظة يااارب ....شسوي ...شسوي ...

سارة تبجي واتلمهااا حييل : بس قطعتي قلبي بس ...الله يخليج ....



خالد اليوم طلعت الرياااييل من بيتهم ...يعني اليوم الخطبة الرسمية حقه وحق منيرة....اول ما طلع آخر رياال من بيتهم عل طوول خالد صعد فووق...ودخل صالته وسكر الباب ....وقط غترته على القنفة .....وبعدين دخل غرفته ..وتسند على الباب ...بطل ازرار دشداشته الي صوب ارقبته ..لانه حس ان مخنوق...وحط ايده على ويهااا وقعد يبجي نفس الياهل....وينزل اشوي اشوي لين قعد على الارض...(( ادري عمرج ماراح اتسامحيني دلال ...ادري ....والله اني احبج ..وعمري ماراح احب احد غيرج ....والله غصبن علي موبيدي ....آآآخ سامحيني ...سامحيني ...يااارب انج تكرهيني ...مابيج تتعذبين ..انا ماستاااهل انج اتعورين قلبج على شاااني ....انا ماااستاهلج .....

عبدالوهاب يدق على خالد ...ويشكل عليه ...يشيله خالد ...

خالد وامبين ان صوته متغير : الووو

عبدالوهااب : خلود ...انا تحت بيتكم ..انزلي ...

خالد : والله عبدالوهااب مالي خلق شي ..حتى مالي خلق نفسي ....

عبدالوهااب : خلوود انزل ...اذا اتعزني انزل ...

خالد راح غسل ويها بالماي ...وهو نازل بالدري ...ويلا منيرة ابويها ...ابتسمتله ...واهوااا كمل ولا جنهاا موجودة ...

فتح باب سيااارة عبدالوهاااب ...ورد سكره حيييل ...مشى عبدالوهاااب ....

خالد: اشتبي مارني ..؟؟

عبدالوهااب : شنو اشتبي مع ويهك ....ادري فيك ضااايق خلقك ...ومابي اخليك بروحك ....

خالد يلم عبدالوهاب ويبجي : وهيب ...احس بموووت ...والله احس بموووت ...تكفا قووول اني قاعد احلم ...ماني امصدق ان قاااعد يصير فيني هالشي ...كل احلامي الي رسمتها مع دلال طااارت ...

عبدالوهاب يسفط سيااارته صوب مسافط مدرسة فهد العسكر بكيفان .... اول مرة يشووف خالد يبجي ونربط السانه : يحط ايده على راسه من وره ويلمه حيل ...

عبدالوهااب : خلوود ..خلاص ...الي خلقها خلق غيرهاا...يمكن الله خذا منك دلال وعطااك منيرة ..يمكن اتكون احسن منها ...

خالد : ماكو وحدة احسن من دلال بالدنيا كلها ....مااكووو ..الله ماخلق بقلبي الا اهي ....<<< ويبجي بحرقة ..يعني تخيلو ريااال يبجي...ترا صعبة....


راح خالد مع عبدالوهاب الاميري قسم الطوارئ...لان حااس ان فيه هبووط ... لانه صارله يومين مو ماكل شي...ورااسه بينفجر من الالم... ركبوله درب بايده ....يدق عليه رقم غريب....يشيله....

خالد وكان حده تعباان : الووو...

دلال : الووووو <<<<داقة عليه من خط سارة ....

خالد يوم سمع صووتها غمض عينه حييييل .....لان مايبي يكلمها ...قلبه يعوره حييييل عليها ....وده يصك الخط ابويهااا...

دلال تبجي : ليش ...بس ابي اعرف ليش ؟؟؟؟

خالد سااااااااااااااااكت ....

دلال : ليش خالد ؟؟ ليش هنت عليك ؟؟

خالد ساااكت ....

دلال اتصرخ : لـــــــــــــــــــيــــــــــــــش ســــــــــــــاكت ...ماتتكلم!!!

خالد من كثر ماهو تعبان مهوا قادر يتكلم ..ياخذ نفس : ماعندي شي اقوله ...

دلال تبجي حييييييييييييل ومنهارة : أنا أكرهك أكرهك أكرهك....ليش سويت فيني جذي ...ليش ...
آخر وااااحد توقعته يسوي فيني جذي انت....انا عطيتك احلى ايامي وحياتي ...ونطرتك سنين ....آخر شي اتسوي فيني جذي...واتقوم تخطب هالخايسة الي اسمها منيرة ..اكثر انسانة ماحبها بحياتي وانت تدري....
أخ أخ أخ ياقلبي ....أنا انا الغلطاااانه الي وثقت ابريااااال ....انتو كلكم نفس الشي ..كلكم نفس الشي....

خالد بتعب ويالله يبطل عينه :.......................تبين شي بعد...

دلال تبجي و اتصرخ: ايه ..ابي ....ابي ....ابي الله ياخذك ...ابي الله ياخذك.....كسرت قلبي ....كسرت قلبي....


سكرت دلال الخط ابويها ....خالد انسدح على المخده..يحس جنه قلبه بيوقف...من كثر ماكان يدق....وادموعه تنزل علي الجنبين ...وحاط اذراعة ومغطي فيها عينه ...مايبي عبدالوهاب يشوفه بهالحاله ...ولا اي احد ثاني.....

خالد بقلبه (( يالله انك تاخذني وارتااح ))






عبدالوهاب حاط الابهام والسبابة على عينه وقلبه يعوره على اعز اعز ربعه....ومايقول غير : لاحول ولاقوة الا بالله ...لا حول ولاقوة الا بالله ...


من هذي اللحظة كل شي بخالد تغير...صار مو خالد ...صار انسان ثاني...صار شخصية ثانية ...مو خالد المرح...الي يحب الدنيا..الحنون ...لان بالنسبة له احلى ما بحيااته راااح...




.................................................. ............................









باااجر.....

مشاري ونورة رادين الكويت ...وطبعا ولاكلمة ....ولاحرف...ولاهمسة....نورة اتطالع مشاري كل شوي...ودها اتطلع الي بقلبها ...واتقوله انها مالها ذنب...واهوا ولا يبي يكلمها ولا عينه اتشوف عينها ...كانو بالطايرة كل واحد فيهم بواادي...نورة اتفكر...(((شنو يصير عقب ماترجع الكويت ..شنو راح يقول مشاري...هل راح يفضحنى ....انزين يمكن يقول حق اهله عني...او حق اخواني..لاني قاهرته.. لا لا مشاري مو نوعه جذي ماتوقع يفضحني!!!...انزين شنو راح اتكون ردت فعل اخوااني....اختهم اطلقت عقب اسبوعين ...اكيد ماراح يخلوني ...ماراح يرحموني...وراح يعذبوني..انا قبل لاتزوج ماسلمت منهم وكانو بيزوجوني من وااحد اكبر مني 25...الله يعين اذا ييتلهم وانا مطلقة!!!!! ياارب ارحم حالي يارب انا مظلومة ...يااارب ساعدني))))

مشاري (( شقول حق اهلي وربعي ...شقول حق الناااس...اقوول اني خذيت وحدة ........... , وحدة ظنيتها انها راح اتكون سعااادتي وصارت بالنسبة لي شقاا ،شقوول حق امي ..بعد قلبي يايماا ادري راح تحترين على ولدج ...ادري راح يحترق قلبج علي ....انا ماراح افضح نورة ...الله يستر عليها .....وانا لي الله)))

قبل لاتوصل الطيارة بشوي....

مشاري : اذا يت امج ..روحي معاها ...واذا مايت انا راح اوديج بيتكم ...وباجر اطرش مع الخدم اغراضج .....

نورة: اتهز راسها ....<<< واتفكر بامها الي صارلها فترة ادق عليها ومحد يشيله واتحاتيها ...واتحاتي اذا اعرفت انها خلاص راح تتطلق..

نورة منزله راسها : مشاري ....

يلتفت عليها ويطالعها باحتقار : نعم ....

نورة : مشاري الله يخليك ...اسـتـ......<<< وقبل لاتكلم ...

مشاري: اشششش مابي اسمع ولا شي...انا اذا بسكت مو على شانج ...عشان امج المسكينه ...ويلا انتي مو كفو ...

يسكت اشوي ومن غير مايطالعها : دلال تدري بهالموضوع ؟؟؟

نورة : لا لا والله ...محد يدري ..


مشاري : اممم ....وشي ثاني ...مابيج اتطبين بيتنا ...ولا ابيج اترافجين دلال ...فاااهمة !!!

نورة تنزل ادموعها : لا مشاري...الا دلال ...لاتحرمني منها ....

مشاري يلتفت عليها :ولج عين بعد اتيين بيتنا ...شوفي انا قتلج ...واشوفج امكلمتها ...والله لا اهد الدنيا على راسج ...مابي وحدة نفسج ادش بيتنا ...والله اترافج بناات الحمااايل...

نورة تسمع هالكلام وتبجي من غير صوت ....


اوصلو المطار وخذو اغراضهم ...مشاري قااعد يدز العرباانه ...او نورة وراه ....اطلعوا من البوابه ...ويلا ام مشاري وسارة مستقبلينهم ...لان ابو مشاري مسافر عنده شغل ...

الام يوم شااافت مشاااري...انصدمت ...سلمت عليه ......ويوم شافت نورة تأكدت من احساسها ..ان فيهم شي....سلمت عليهم .... وطول الوقت اطالع ولدها ...حتى يوم اصعدوا السيارة اهوا قااام يسوق...الام اقعدت جداام يمه وسارة ونورة وراا..وساااكت مو قااعد يتكلم ....

الام اتحاول اتلطف الجو : تو مانورت الكويت ...والله ولهت عليكم ...وااايد ....

مشاري: منورة بوجودج يماا ....وحتى اانا واايد ولهت عليج وعلى بيتنا ...

الام حست بعيون ولدها حزن ....
سارة نفس الشي حست ان نورة ضااايق خلقهاا ...اسكتت ماقالت شي.....

نورة : سارة عيل وين دلال غريبة مايت ...؟؟

سارة ساكته ...واتأشر من تحت واتقولها بعدين اقولج ....

الام : مادري اشفيها دلال ...من امس واهيا صاااكة الباب على نفسها لاراحت دواام ولا كلت شي...

مشاري: ليش اشفيها ....

الام : مادري اتقول مريضة ...ماتبي اتكلم احد ....

نورة اتطالع سارة ...حست ان في شي قوي....



مشاري وده نورة عند بيت امها ...وقبل لاتنزل نورة ...

الام اتطالع مشاري: هاااو ليش يبتها بيت اهلها ...انا امسويتلكم عشااا ....<<< مشاري ساااكت

نورة : لا خالتي ...ان شاء الله يوم ثاني ...والله ولهانة حييل على امي...وصارلي جم يوم ادق عليها ماترد ..قاعدة احااتيها ....

.نزّل جنطتها ...ومشى ....ودخل سياارته ..


الام :وااي جنه بيتهم ظلمة ...انزين جان نطرتها لين تدخل داخل...

مشاري : امان ماكو شي...

الام :و ليش نزلت جنطتها؟؟ ...شنو مهيا نايمة عندك اليوم ...

مشاري ماحب يفاجأ امه بنفس اليوم الي وصلو وفيه ويصدمها ويقولها ان مايبيها ...قال راح يقولها بااجر بشكل تدريجي ...عشان تمتص الصدمة ولايضيق خلقها وتتكدر ...ويصير فيها شي على هالليل من الحرة ...

مشاري: لا ...اهيا ولهاانه على امها ..فا تبي اتنام عندها اليوم ...

الام امسكت ايد مشاري : حلفتك بالله ...صااير بينكم شي....؟؟

مشاري يبتسم ابتسامة ورا قلبه : لا يمااا ...موصاااير شي...

الام : حلفتك مشاري ...يالله احلف....

مشاري لو شنو مايحلف جذب :آ ..آ. انا امزعلها اشوي...بس اوعدج بااجر اراضيها ولا جنه شي صااار .....

الام : مسكينه ..اتزعلها وتوكم بشهر العسل ....ماهقيتها منك يا مشاري...

مشاري : ان شاء الله بااجر تتصلح الامور..خل اتروح اتشوف امها وتشبع منها ...وانا اقعد معااكم واشبع منكم ..ويصير خير بااجر...

الام : اكيد هذي السالفة ...يعني زعل خفيف ...؟؟

مشاري قصة بقلبه : ايه يماا مااكو شي....



اوصلوا البيت ...اقعدوا تعشواا ...ومشاري حتى ولا سأل عن دلال...

.................................................. .........

اما دلال مسكينه ...قااعدة ابدارها وقافله الباب...ومسكرة الليتات ...وحااطة كرسي عند دريشة دارها ...ومجابلة بيت خالد ....رافعه ريلها على الكرسي وحاطة راسها على ريلها ...وساااكته ..عيونها اخدرت من كثر البجي...لانها من امس لي اليوم ماوقفت من البجي...قااعدة اتطالع بيت خالد ...وسياارته ..ودريشة دااره ...وتتذكر كل لحظة حلوة بحياتها معاه....واتزيد بالبجي....

ودي ابكي

ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام

انطفت في دنيتي كل الشمـــــــوع
والهنا ما يوم في دنيـــــــــاي دام
غربتي طالت متى وقت الرجـــوع
كل عام امني احلامي بعـــــــــــام

ان شكيت للحال محدٍ لي سمـــوع
وان سكت الناس زادوني مـــــلام
طال صبري والزمن عيّ يطــــوع
والرجا باللي عيونه ما تنــــــــــام



.................................................. ..............................


الام ومشاري قاعدين يتعشون ....

الام : سارون وديتي حق دلال عشا ....

سارة : ايه يما ...اتقول اهيا اشوي وتنزل وتااكل...ماتبي الحين ....

مشاري قاعد ياكل ولا كلمة:...................................

كانت الساعة على 8 بليل....يدق تلفون البيت ...اتشيله الخداامه ....

الخدامة اتييب التلفون حق ام مشاري ....

الخدامة : ماما هذا يقول وين ماما مساري...

الام تاخذ السماااعة : الووووو

............ : الو السلام عليكم ...اشلونج ام مشاري عساااج بخير...

الام : يا هلا ومرحبا ...بخير عساج بخير...من معااي.؟؟؟

......... : معاج ام زيـــــــــــــــــــــــــــــــــــاد....!!!!!!

الام اسكتت ..كانت اشوي منقهرة ان مادقوا ...حتى لو كلنو مو موافقين بس مايصيير يعلقون الناااس.....

لام : هــ ..هلا ام زياد ...

ام زياد : والله انا مفتشله منكم ...والصراااحة مالي وي...بس شاقولج ياخويتي...امي اتعبت ..وحسنا فيها من مستشفى لي مستشفى ...والحمد الله الحين اشوي صااارت احسن ...عشان جذي لهيت ولا قدرت ادق عليكم ...

الام : ايه صاااجة ...بهالحلة وين الوااحد له خلق يدق ويلا يقول شي...ماتشوف شر الوالدة وخطاككم السوو ...

ام زيااد : يابعد عمري والله ..الشر ماييكم ....والله الصراااحة بنتك لا الاه الا الله ...قبل لا نطلع من بيتكم ولدي قالي : يما ابيها ...ماشاء الله ماينقط منها شي...الله يحفظهاا....

الام اهني طاارت من الفرحة : ويه ماقصرتي والله ...من طيبج ...

ام زيااد : والبنت اشقالت ....

الام توهقت : والله يام زيااد مادري شقولج ...السالفة صارلها مدة ...مو انتو مادقيتو ؟؟!! ومارديت سألتها ....عطيني هاليومين ...اسألها واردلج خبر....

ام زيااد : ايه والله ياليت ...والله احنا شارينكم ...ولا نلقا احسن منكم ...

الام : ماعليكم زوود يام زياد ...ان شاء الله الله يكتب الي فيه الخير....


سكرت الام التليفون ....

مشاري: لا يكون هذول الي كانو خاطبين دلال ....

الام : ايه اهم ...واعليه كانت اميمتهم تعبااانه ...عشان جذي مادقوا...ويوم استصحت ...دت وقالت ان الولد عاجبته دلول ...وان ودهم فينا ....

مشاري يفكر بسالفة دلال مع خالد....

الام : ايه تعال....ترا بيت ييرانا توفى خالهم من اسبوعين ....دق عزي خالد وطلال....

مشاري: لااااا ...الله يرحمه ...يقولون كااان تعبااان ...لاحول ولاقوة الا بالله .....

الام تاكل السلطة ..واتكمل...

الام : ومرة بوحدة بااارك حق خالد ولدهم ...لانه خــــــــــــــــطـــــــــــــب بنت خاله !!!!!!!


.................................................. ..



لا خطاوينا وراها لقى
وان تلاقينا نتلاقى بشقى
ولازم واحد فينا يضحي يقسى وينسى الذكرى ويمحي
ومهام دمعي ودمعك هل بأيدي وبايدك يبقى الحل
اما بجرحك والا بجرحي لازم واحد فينا يضحي
يا انت يا انا من هو اللي فينا بيبتدي
خل ندعي الفراق ونجرح الاشواق دام الحزن واحد
ادري ترد تشتاق ومثلك انا بشتاق بس لازم نعاند
ومهام دمعي ودمعك هل بأيدي وبايدك يبقى الحل
لا لا تخاف حاول حبيبي ولا تخاف
لا لا تخاف قرر حبيبي ولا تخاف
ما بقى بحبنا بعد شي عليه ينخاف
خل الحزن مره يبدي ولو مره بختياري وبختيارك
ومهام دمعي ودمعك هل بأيدي وبايدك يبقى الحل

مشــــــــــــاري اطلعت اعيووونه : شــــــــــــنــــــــــــــــو!!!!!!!! خطب بنت خاله !!!! متى صار هالشي..!!

سارة بقت اتقص يوم شافت ردة فعل مشاري وخااافت واايد من ردة فعله...

الام مخترعة من مشاري..وشلون معصب ومستغربة بنفس الوقت : امس اطلعوا الرياييل ....


جان يقوم من الطاولة ....

الام اتطالع سارة : اشفيه....

مشاااري: انا اعلمك ياحيواااان ...يالحقير...

الام : شالسالفة!!!!!! اشفيه اخووج!!!!

سارة : مادري مادري.....

طلع مشاري بره ...الظااهر ان راايح بيت خالد .....

سارة اركضت فووق بسرعة واتطق الباب على دلال....
دلال اتبطل الباب....

سارة اتسكر الباب وتفتح الليتات ....

سارة : دلول لحقي لحقي....

دلال مخترعة : شنوووووووووووووووو !!!!

سارة : مشاري مشاري درا ان خالد خطب...والحين شكله رااايح بيتهم ...

دلال قامت تنقز من الخرعة : امبيه ...ليش شنو بيسوي فيه ....

سارة : مادري ...عسى مايتذابحون ...!!!

دلال وسارة يركضون صوب الدريشة ......

ويلا يشوفون مشاري قااعد يطق الجرس ويرفس باب بيتهم حيييييييييييل .....

كان ماكو احد بالبيت غير خالد ....لان شيخة ومنيرة وام خالد رايحيين يجهزون حق منيرة ..وطلال طالع مع ربعه ....والسايق مادري وينه...

نزل خالد تحت ...ويسمع احد يكسر الباب من الطق ومايدري منو ...

خالد ايشر بايده : هي هي هي...كسرتوا الباب ...لحظة لحظة ....

فتح خالد الباب....واول مابطل الباب ...ويلا ييله بوكس على ويها ....طااح خالد على الارض....

مشاري : انا اعلمك يالحقير ..اشلون تلعب على اختي.....

ويسحبه من بلوزته من جداام ...ويعطيه واحد ثاني....

خالد منصدم ...مايدري شيقول ...

خالد يلمس صوب حلجة ...ويطالع ايده ويلا دم ....وماكو مشاري ..يايله مره ثانية ...يرفع رااسه ويلا مشاري ابويها ...جان يمسك خالد ايده .....

خالد: مشاري تعوذ من ابليس.....

مشاري ويصرخ: والله ذابحك ذابحك ...ياحيوااان ...

جان يقوم خالد ويطقه ...وصار طق مطااقق ...قااعدين على الارض....وتقطعت اهدومهم ...وانترسوا دم ...


وسارة دلال قااعدين يطالعونهم فوق ويصارخون ....

دلال : بروح بنزل....ماقدر اشوف خالد قااعد ينطق جذي...

سارة تمسكها : دلول ...شنو ماعندج كرااامة انتي...حسي...ترا اهوا الي خلاج ..اهوا الي مايبيج ...اصلا زين يسوي فيه مشاري...

دلال اتطيح على الارض واتحط ايدها على ويها وتبجي : والله احبه ...والله اموت اموت عليه...

سارة : دلال ...لاتبجين الله يخليج .....

دلال: قاااعده امووت بالدقيقة الف مرة ...محد حااس فيني....

اتروح تركض دلال بسرعة وتنزل تحت واتروح بره عند بيت خالد ...وادز الباب وتدخل ....

واتحاول اتفاككهم....

دلال : مشاري خلاص...خلاص.. لايموت ....هده لايمووت ...

واتطيح عينها بعين خالد ...واتحس بقشعريرة بجسمها ..لانها اول مرة اتشوفه واتحس انه مولها ....واهوا اول ماطاحت عينه بعينها جان يصد ويها...

مشاري يوم شاف دلال يت عند بيتهم ....هد خالد ...ومسكها من زندها ويرهااا حيل .....

مشاري وبصوت واطي وصاك على ضروسه: انـــــــتـــــــي اشيابج اهني.....ذلفي البيت ...واحسابج معاي بعدين ...

دلال: ماراح اروح البيت الا وانت معااي...

مشاري ايرها من ايدها : ذلفي البيت يالااااااااه ...ويدزها من ظهرها صوب الباب....ويسكر الباب ابويها ....

ويزيد الصرااخ....ويمسكه خالد ...ويقوم مشاري يسدح خالد على الارض...
مشاري بصراخ: اصلا انت مو رياااال ...مو رياااال.....والله لا انام فيك اليوم ....

وكان مشاري فوق خالد ...ومشاري حاط ايده على ارقبت خالد ...يبي يزنطه ...وخالد ماسك ايده يبي ويخرها ....

خالد : هدني...هدني اقولك ....

ويرفسه خالد بركبه على مكان حساس عشان يوخر....ويقوم خالد ويطقه ...وصارت لوووويه ....

ودلال قاااعدة تبجي بره ..ويلا طلال توه ياااي....

دلال تركض صوب سياارة طلال وحتى قبل لايسفط ....واطق الدريشة حيييييييييييل ....

دلال : بسرعة الحق الحق...مشاري وخالد قاعدين يتذابحون ...

طلال بسرعة نزل من السيارة ولف من الباب الخلفي...وفااككهم اهوا مع السايق....

طلال ماسك خالد ويقول : خلاص تعوذوا من ابليس....احنا اهل...اشفيكم ....

السايق ماسك مشاري: تخسي انت ويا ...احنا لا اهل ولا قالها الله ...


طلال تنرفز من طريقة مشاري: اقووول بدام انت بديتها...عيل لــِـمّوا بناتكم قبل ...بعدين تعال اتحجى ....

على طول خالد التفت على طلال وطلع عينه كلها ..يعني جنه يقول (( انت شلون اتقول جذي))

مشاري: آ يابن الكلب....<<<ودز السايق ورايح صوب طلال ...

خالد مسك مشاري وبصوت واطي : خلاص مشاري روح بيتكم ...لاتلم علينا الفريج ...(ويقصر صوته اكثر) لاتفضح عمرك ...

مشاري استوعب ...

مشاري: انا اعلمك وانت وياااه ...ولايكون السانكم يطب بلسانـّـا مره ثانية ...طلع وصفق الباب....

اما دلال من اول مادخل طلال اهيا راحت بيتهم على طوول....


اول مادخل مشاري البيت ...عند الباب....

مشاري باعلى صوته حتى عروقه اطلعت : دلــــــــــــــــــــــــــــــــــــول!!!!!!!!!! !!!!!!!!!!!!!!!!

جان يصعد فوق غرفته (ليلحين فيها اغراضه)واييب عقاله ....ويروح داار دلال.....

دلال تنحاش وتنخش ورا ظهر سارة ....

سارة تبجي: الله يخليك مشاري...تعوذ من ابليس...

ودلال قاعدة تبجي....

مشاري: وخري ..وخري ..لا انتي معاها الحين تنطقين .....

جان يدز سارة ...ويمسك دلال من شعرها ....ويطقها طق بالعقال...على ظهرها ...واهيا ميته بجي....ويطلع حرتها وحرة نورة ...

وسارة ميته بجي اتحاول اتوخره ....

واهوا يصرخ : خليتيني مصخرة الفريج ....مالقيتي الا عيال الفريج اتكلمينهم ...ياحيوانه ...طلعتيني موريااال....

اطلعت الام من دارها ميته خرعه .....

الام قاعدة اتطالع مشاري واهو يطق دلال ..ومنصدمة مو صدقة الي قاعد يصير..مشاري حتى القطو مايطقة ....بسرعة اركضت دلال وانخشت ورا ظهر امها ....

الام اتصرخ : اشصاااااااااير....

مشاري بصراااخ : اقول حق امج اشصاااير....اقولها ....

الام: خرعتوني اشصاير....

مشاري : بنتج ...بنتج ..اتكلملي عيال الييران ...طاع كلمته ..وطايحتله حب وغراام ..آخر شي رفسها مثل الجلبة ..وراح خطب بنت خاله...ايه ..اكيد ماينلام ...اكيد يقول عنها ارخيصة ......وواطية

الام اتطالع دلال : منو؟؟؟ ...اي ييران!!!! كنتي اتكلمين خالد ولد ييرانه!!!!!

الام انربط السانها ...وتقعد على الكرسي..واتحط ايدها عل حلجها : هذي آخرة تربيتي فيج يا دلال ...اتسودين ويهي جدام الناس!!!

مشاري يمسك دلال من شعرها ويكمل عليها طراقات لين ابردت حرته وفرغ كل الي فيه عليها ....جان اتطيح دلال من طولها ... لانها اساسا تعبانه نفسيا وجسديا ...زائد الطق الي يالها ...

شافها مشاري جذي...وخلاهم وطلع ....راح داره غسل ويها ...وغير اهدومه وطلع...

والام قااعدة تبجي....

الام : هيّن يادلول ...كله عند ابوج ..انا اعلمج يالي ماتستحين ...

دلال طايحة على الارض وسارة تبجي....ميته بجي....
اتقوم اهي والخدامة ويشيلون دلال ويسدحون دلال على الفراش على بطنها ....واتفسخها بلوزتها وملابسها الي تحت ...واتييب شي واتهف على ظهرها ..لان كله مزلق من العقال...واتييب ثلج وتمسح على ظهرها ...واقعدت طول الليل مع دلال ...مسكينه دلال من كثر الطق...ارتفعت حرارتها وقامت اتوّن...واتخربط بالكلام ..واسم خالد ماطاح من السانها...

مشاري بالسياارة يدور...ضاايق خلقه من الي صار...وضااايق خلقه اكثر ان طق دلال بهالطريقة....اهواا وايد يعزها....ويرد يقول بس تستاهل..ماتوقعت منها هالشي...وساعات يقول يمكن اهيا بحسن نيه ...واهوا الي قص عليها...وفكره اتييبه وفكره اتوديه...

رن موبايله ...يطالع الرقم ويلا رقم ارضي....

مشاري: الوو...

.......: السلام عليكم ..<<<صوت واحد

مشاري: وعليكم السلام ...ياهلا...

.......:لو سمحت معااك مستشفى الاميري...الاخ مشاري...

مشاري اخترع : ايه.. خير ان شاءالله ...

.........: احنا اخذنا الرقم من ( سميه احمد اسماعيل ) وصلة القرابة مثل ماهو امبين عندنا انك زوج بنتها....

مشاري متضايق اشوي : ايه عدل ..

.......: مادري اخووي...بس ياليت اتيي المستشفى ...لان مرتك عندنا ...وحالتها حاله..ويايتلها حاله هستيرية ..ياليت لو اتيي وتاخذها ...

مشاري: مرتي!!! عندكم !!! اشصاااير...

......: والله مادري شقولك ياخوي...بس شكلك ماتدري.. والدتها عطتكم عمرهااا ....

(امها كانت تعبااانه ..وانقلوها الييران ...بعد مادخلت غيبوبة سكر...))


صج صج هالليلة كانت عصيبة ....كل شي فيها كئيب ...مشاري صج ان متضااايق من نورة حيل وخلاص مايبيها ..بس حيل حيل عوره قلبه ..لان ماعندها احد بالدنيا غير امها ....

راح المستشفى ...ويسمع صوت الصراخ ...واللوية <<< بعد ربعنا اهني مايعرفون يتصرفون ..انزين عطوها ابره مهدئة.....

والناس قاعدين يهدونها .....واهيا تبجي وتصااارخ .....
يوم شافت مشاري جدامها ...جان اتلمه حييييييييييييييييل ....

نورة : مشاري راحت امي يامشاري...راحت وماشبعت منها ....

مشاري كسرت خاطره وحط ايده على راسها : هذا طريج كلنا ماشين فيه ..الله يرحمها ان شاءالله ...

نورة ميته بجي : ماعندي احد بالدنيا غيرها....ماعندي...ماعندي....

مشاري هداها اشوي...وخذاها وراحو بيت اهله....واعرفت ام مشاري بسالفت وفاة ام نورة ...وقرروا يصير العزا ابيتهم ...لان ام نورة ماعندها احد بالكويت ....واخوان نورة لو شنو ماراح يسوون لها شي...

خلص العزا... مشاري ماحب ان يطلق نورة واهيا بهالظروف ...فقال خل تهدا الامور اشوي...وبعدين اطلقها ...اهواا مسكين يحن قلبه لها ويميل لها بس من يتذكر الشي الي فيها على طوول قلبه يقسى ومايلقى غير الطلاق حل....فقعدت نورة عنده بالشقة ...اهوا بدار واهيا بدار...لين يمر وقت على وفاة امها وتقدر توقف على ريولها مرة ثانية .....


مروا اسبوعين ....دلال اطلعت من ازمة البجي الي كانت عايشتها ...وادخلت مرحلة يديدة واهيا الصمت ...ماقامت تتكلم ابد ...كل شي قامت اتشوفه اسود ....مسكينه ...انطفات حييييل....تعور القلب....وطبعا لا امها ولا مشاري يكلمونها ....والام ماقالت حق الابو ...لانها مثل ماتقول انها خذت جزاها من مشاري....


دلال راحت غرفة امها عقب ماشافت ان ابوها طلع وراح الديوانية ...



لقت امها قااعدة على القنفة الي بدارها وتقرا مجلة ...الام ارفعت راسها ...شافت دلال ردت نزلت راسها واتكمل قراية ..جنه دلال مو موجودة ....قامت دلال اقعدت يم امها....

دلال بصوت واطي : يماااه ...

الام :..............................

دلال :يمااه ...انا اسفه ....<<<اتقوم تبي اتحب راس امها والام اتخورها....

الام : هذي اخرت تربيتي فيج يادلال...طحتي من عيني ....

دلال تبجي : يمااه الله يخليج سامحيني ...ماتحمل انج ماتكلميني ...<<واتلم امها حييييل ....

الام عورها قلبها : انا مستعدة اسامحج ابشرط !!!!

دلال : اي شي تقولينا انا موافقة عليه ...اي شي....


الام : اهل زيااد دقوا علي ...واخطبووج رسمي !!!! ابيج تزوجين زياااد !!!!!!!!!

دلال بدون تفكير : انا موافقة !!!!!!!!






خبروة اني على وصله حييت ..وان تفارقنا ترى موتي دنى..
لي حبيب يوم روح ماسليت ..يعلم الله توي ماذقت العنى..
عبرتي هاليتها حزن وبكيت ..ياردى عمر الحسوفه ماجنى
ذقت من دنيا حبيبي ومارتويت..جنت الدنيا حبيبي والمنى..
عشت باحلام الهوى ليل وبنيت.. كل امالي تداركها الفنى..
في حياتي ماذكرت اني شقيت ..في هونا ضحكت الدنيا لنا ..
لاحيات عقب محبوبي رأيت ..والممات ارحم ولافرقى السنى..
هو سنى شمسي وغيره ماهقيت يفرح بوصلي ولو موته دنى..

قررت دلال ان تنسى صفحة خالد...(او بالاحرى تتناساه )..خالد الي عطته كل ذره حب ابقلبها ...وبالنسبة لها ان غدر فيها ونسى الحب الي بينهم بغمضة عين ...وحطها ابموقف صعب مع اهلها...
وقررت ان اتعيش حياتها ...بحلوها وبمرها ...صحيح ان خالد راح يظل الحب الاول ويمكن الاخير...بس قررت ان ماتوقف حياتها عليه ...وتستمر...وتنجح...لان بنظرها الحين ان مافي احد يستاهل هالحزن وهالهم ...لان الانسان يعيش مرة وحدة بس......

دلال مع سارة بالصالة .....

سارة: ماني مصدقة انج وافقتي على زيااد؟؟

دلال : وليش ما وافق عليه ؟؟ كل بنت تتمنى واحد نفس زياد...

سارة : دلول...انتي ليلحين بمرحلة الصدمة ...اصلا انتي مو مهيئة انج تاخذين قرار الحين ....

دلال : بلعكس سوير...انا احس الحين اني خذيت احسن قرار..

سارة : دلول مو علشان خالد بيتزوج اتقومين انتي تنتقمين من نفسج وتتزوجين ...ترا ليلحين ماطلعتي من التجربة ..وليحين مشاعرج مو مستقره ....

دلال تبتسم وتاخذ نفس :ليش انتقم من نفسي...انا من زمان كان ودي اني اتزوج واني يكون عندي اسره ...والسبب الوحيد الي كان رادني اني كنت انطر خــ...(تسكت قبل لا اتكمل اسم خالد واتكمل) انتي عارفة الموضوع ....بس الحين ماعندي شي يخليني ارد احد ...وخصوصا ان زياد خووش واحد ...خلاص سوير ..انا ماراح اقدر احب احد ثاني ...لان كل الي بقلبي عطيته اياه (عن خالد) بس انا الحين افكر اني استقر واييب عيال..وخلاص تستمر حياتي...ليش اتعذب واهوا عايش ومستانس...انا بعد بشوف نفسي...والايام مسيرها تنسيني...

سارة : عين العقل دلول...حبيبتي...ماتدرين ...الله سبحانه ياخذ ويعطي...

دلال اتهز راسها : امم صح ...الله ياخذ ويعطي....انا بس ودي اعرف ليش...اكيد في سبب...آآآه ...يالله هذا حظي معاه..مومن نصيبي..

دلال اتكمل : شي ثاني ....مابي احد اييبلي طاريه ...خلاص ابي انساه ...

سارة : ماطلبتي شي.....

دلال اتضيع الموضوع : الا تعالي ..نورو مالها حس...اشفيها ...لاتيينا لاتدق لاشي...

سارة : حرام تكسر الخااطر...تلقينها ليلحين متأثرة بوفاة امها ....

دلال : حتى لو ...انا الحين ادق عليها ..وماترد على كلش...انزين خل اتييلينا انروح لها ...اشوي عشان تنسى ...

سارة : تتوقعين مشاري قايلها لاتكلمج !!؟؟

دلال : لا لا مستحيل مشاري يقولها هالشي...

سارة : احس ان بينها وبين مشاري شي...مادري شنو ...

دلال مخترعة : اشلون ؟؟!!

سارة : احس ان مشاري في شي..يعني احس انهم مو مستانسين مع بعض ..وحتى امي املاحظة هالشي...

دلال : لا لا ماتوقع ...يمكن ليلحين سالفت امها امأثرة عليها ...وسالفتي مع مشاري مأثره عليه ...يعني عليهم ضغوطات اشوي...

سارة : دلول ماراح اتكلمين مشاري....؟؟

دلال ساكته وتتذكر السالفة : مادري ودي اكلمه ..قلبي يعورني عليه ...بس هم بااط جبدي ..اشلون يطقني جذي....

سارة : دلول ماينلام ...يعني اي ريال بالدنيا مايرضى على خوااته ...اهوا كان محتر...بس تلقينه الحين متحسف ...لازم تتأسفين منه ....

دلال خانقتها العبرة : آآه ...وانا اتأسف من الكل ...واراضي الكل...واطيب خااطر الكل....بس ماعندي احد يجبر بخاطري ويلا يمسح على قلبي...

سارة : اشدعواا دلول ..وانا وين رحت ....

دلال تبتسم : الحمد الله ان عندي انتي ..جان مت من زمان ...

سارة : اتلمها بسم الله عليج ...


واهما قاعدين يسولفون ....ويلا يدخل مشاري.....لابس دشداشة من غير غتره ....

مشاري اول مادش وشاف..ما سلم ولا شي....

مشاري يطالع شارة : وين امي..؟؟

سارة : الناس يقولون السلام عليكم بالاول ؟

مشاري: خلصيني وين امي ؟

سارة : واي واي ..فوق ...

يصعد فوق....طبعا مشاري كل يوم ايي يشوف امه ...لازم لازم يطل عليها كل يوم ....

دلال : اروح اكلمه الحين.....

سارة : ايه ايه ...وقوليله انج وافقتي على زياد علشان يستانس....

دلال : ابيه خايفة ...اخاف يدقرني....

سارة : لا لا تخافين ...صدقيني مشاري قلبه طيب...بسرعة يطخ ....


صعدت دلال وحدها خاايفة ...كانت رايحه دار امها على اساس ان مشاري اهناك ...واهيا قاعدة تمشي ويلا اتشوف باب دار مشاري مفتوح ..ومشاري معطيها ظهره ...شكله كان قاعد يدز مسج ....ادخلت الدار ..جان اتروح صوب مشاري واتلمه من ظهره.....

دلال وحاطه خدها على ظهره : أنا آسفة سامحني.....

مشاري:....................

دلال تبجي : انا غلطت ...وكل انسان بالدنيا يغلط ..الله يخليك ..ماتحمل انك ماتكلمني....<<< وتبجي حييل..

دلال : ترا وافقت على زياد....

مشاري يلتفت عليها واهوا مستانس : صج ...!!!

دلال وعيونها متروسة دموع اتهز راسها : ايه صج ...

جان ايلمها حيييييييييييييييييييييييل ....

مشاري: ونستيني ...ونستيني...حبيبتي ...<<يبوسها على راسها ...

ادخلت الام ..وشافتهم واستانست حيل...لانها كانت متضايقة من الوضع ....

انزلوا كلهم تحت وقاعدين مع بعض .....تعشوا مع بعض...وقعدوا يسولفون...

الام : مشاري انا زعلانة منك ...ليش مايبت نورة معاك ..؟؟

مشاري يعتفس ويها اشوي: انا كنت ناوي اطل اشوي عليج وامشي...ماتوقعت اقعد واتعشى ...

الام : لا لا موعذر ..صارلكم اسبوعين من رديتو ولا شفت نورة الا ايام العزا...وعيزت ادق عليها وماتشيله <<<دلال ستانست ان مو بس ماترد عليها اهي ...وبنفس الوقت ضايق خلقها على نورة ...

اتكمل الام : بااجر اليمعة ...اتييب نورة تتغدون عندنا ...

مشاري مايبي ايي معاها: لا يما ..اهيا بس تبجي وضايق خلقها ...خليها مرة ثانية ....

دلال : انا عندي فكره ..احنا انروحلهم ....ونتغدا عندهم ...


سارة : ايه ايه صح ...نبي نغير جو اشوي ..ملينا من البيت ...

مشاري : لا لا خلوها يوم ثاني ....

................

يوم السبت ......

دلال قاعدة بالصالة ...ومنسدحة على القنفة .....وقاعدة اتطالع تلفزيون ...اتفكر...بيوم الأحد....يوم خطبتها الرسمية من زيااااد ....راح يكون هاليوم مفترق طريق في حياتها ...وكانت حييل ضاايق خلقهااا ....

اتيي الخدامة وتعطي دلال شي...

الخدامة : هذي خدامة بيت جييران جييب هذا ...

دلال تااخذ من الخداامة ....اطالعها ويلا بطاقة عرس...تبطلها ...

يتشرف عبدالعزيز ناصر عبدالعزيز الـــ.....
بدعوتكم لحضور حفل زفاف ابن أخيه

خــــــــــالـــــــــــد بـــــــــــــدر الـــــــــــ......... على كريمة
عبدالرحمن مساعد الــــــــــــــــــــــ ....

وذلك مساء يوم الاحد الموافقم 8/3/2009م...
في القاعة الماسية في فندق الشيراتون


اتسكر دلال الدعوة ...خنقتها العبرة يوم قرت البطاقة ...كانت اتقول بقلبها ...ياسبحان الله...بنفس اليوم ...خلاص ياخالد.. انتهينا ...انتهينا....وحطت البطاقات يم الطاولة الي يمها....


راحت غرفتها دلال ..على الساعة 7 المغرب ...وكانت مسكرة الليتات ...وقاعدة على الفراش اتفكر وقلبها يعورها...صج ان اهي قررت تنسى خالد....واقبلت تتزوج زياد....بس تدري انها قاعدة اتقص على نفسها...تسمع صوت بره ...اطالع الدريشة ويلا خالد وطلال بره ...كان خالد قااعد يحرر سيارته ...وطلال واقف بره يكلمه .....دلال كانت لابسة تريننق لونه ازرق(بيبي بلو)...وداخل توب لونه ابيض... ورافعة شعرها...
على طول من غير تفكير...خذت سويجها...وانزلت تحت ....


الام : دلوله وين رايحة .؟؟

دلال :هـ...لا يما بروح الجمعية بسرعة بشتري شي....

الام :عيل بدامج رايحة... يبيي معاج توست....

دلال : اوكي اوكي...

بسرعة اطلعت ...واركبت سيارتها...كان خالد توه محرك سيارته...ويلا تلحقه على طول...اهوا مالاحظها...لان عقب سالفته معاها صار مسبه ....طلع من كيفان وكان رايح الشامية ...صفط عند المصبغة العصرية بالشامية ..بييب غترته ودشداشته حق العرس...توه بينزل...ويلا دلال تفتح الباب الي يمه ..وتدخل وتسكر الباب....وقعد يطالعها واهو من صدم ...

خالد : دلال..اشيايبج ...نزلي لاحد يشوفج معاي...

دلال : ليش... خايف احد يقول حق المسعده ...؟؟!!

خالد : شكوو ...انا خاايف عليج ..نزلي...مالنا خلق اخووج بعد ....

دلال تبجي : وماخفت علي اني اموت يوم انك خليتني...من غير سبب...وفشلتني جدام اخوي...جذي انا رخيصة عندك ياخالد ...وين كلامك لي وين حبك ...وين السنين الي بينا ...بااااح ...كلها راحت ...ومن غير سبب...انا بس ابي اعرف السبب ..بس...


خالد يطالعها بنظره ...كلها حزن ..وحابس دمعته...يطالع جدام وايده على السكان ... يبي يغلب احساسة ...مايبي يضعف ...لان بالنهاية ماراح اتكون له ...ليش يعذبها ....


خالد : دلال ...حطي شي ابالج ...انا ماراح احب احد بالدنيا كثرج ...

دلال اتصرخ وتبجي واتحط ايدها على اذونها: لا تينني...لا تينني...مابي اسمع هالكلمة ....(اتطالعه ) اتحبني ليش خليتني....ليش بعتني....ليش...؟؟؟

خالد ايي صوبها ويمد ايده على الباب الي يمها ويبطل الباب: دلال نزلي ...الله يخليج ..انا ماقددر اشوفج ...جذي قاعده اتعذبيني ....نزلي يالله...

دلال اترد اتصك الباب ..وتمسك بايدها الثنتين ويها ....واتحطه عند ويها ...وهم موقاعد يطالعها...وبصوت واطي: خالد...شوف عيوني....!!!

يطالعها خالد..واتكمل : خالد ..ليش؟؟؟ بس ابي اعرف ليش؟؟؟ الله يخليك ريحني....ابي ارتااح ..قولي ان في سبب ...قول...

خالد يطالعها وقلبه يفز ...كان بلحظة ضعف بيلمهااا حيللل ويبجي بحضنهااا ...ويطلع كل الي بقلبه ...بس ترااجع ..قال ماكو فاايده من الكلام ...خل اتكرهني والايام بتنسيها...انا ماستاهلها....يوخر ايدها ...

خالد : موبيدي...والله موبيدي....

دلال : شنو يعني موبيدك ....؟؟؟ واجهني خالد...لاتتتهرب...عيونك اتقول في اشياء موشي...ضغطوا عليك ؟؟

خالد يهز راسه: ايه ...امي ....


ويقول حق دلال كل السالفة ....

دلال تسمعه وتنزل ادموعها...وخالد يتكلم وتنزل ادموعه....

خالد : ماحبيت اقولج السالفة ...كنت ابيج تكرهيني...كنت ابيج تلعنين اليوم الي عرفتيني فيه ....والله مو هااين علي اكسر قلبج ...انا عندي لو امووت اهون علي من اني اشوفج بهالحالة ....قاااعد اتعذب وقلبي يحترق كل ماطريتي على ...والله انا مابي غيرج بهالدنيا ...سامحيني .....

دلال اتحط ايدها على حلجه : لا ياخالد ..لاتقول جذي...انت الي سويته صح ...هذي امك ...جنتك ونارك..اهي الي ربتك ...اهي اتعبت عليك ...اهي الي شقت ..اهي الي كانت لكم الام والابو ...ماراح اتشوفها اتموت وتسكت ...هذا اهو الصح ...والي مافي خير على اهله ...مافي خير على الناس...ولو كنت مكانك جان سوت نفس الشي ....مسامحتك ...والله مسامحتك...

تمسك ايده وتبوسها : انا صج اني قاعدة اموت بالدقيقة 100 مرة ...بس مستانسة بنفس الوقت انك مو انت الي خليتني...هذا نصيب والله مو كاتبك من نصيبي....(خالد يسمع الكلام و يمسح دموعه)

تسكت دلال : بس عندي طلب أخير....

خالد : عيوني لج .....

دلال : ابي اقعد معاك بهاليوم ...ابي اسولف معاك ...ابي آكل معاك ...ابي امسك ايدك ...ابي اروح معاك المكان الي كله انروحله ...ابي اودعك ....

وراحت دلال مع خالد البحر...في مكان كله يقعدون فيه ...وطول الوقت اهوا ماسك ايدها ويبوسها ...واهيا بعد....
ويطالعون بعض....وكلو مع بعض ووكلو بعض....وكل واحد يودع الثاني بعيونه ....

دلال اتطالع ساعتها : خلاص خالد ...انا لازم امشي...تأخر الوقت ....

خالد ماسك ايدها :ديري بالج على نفسج ....

دلال : وانت بعد ...الله يوفقك ...(وتدمع عينها) ويسعدك مع منيرة ....

خالد:ماظن ..بس ان شاء الله .. وانتي بعد الله يوفقج ....

دلال : ان شاء الله ....<< ماقالتله ان بااجر خطبتها ....

وكل وااحد مشى بطريجه ....ودمعته بعينه...وكل واااحد شايل همه بقلبه ...مايدري شنو خاشتله الايام ....بس تأكدوا من شي وااحد ...ان الحب الي بقلبهم لا يمكن يمحيه اي انسااان [/


لا خطاوينا وراها لقى
وان تلاقينا نتلاقى بشقى
ولازم واحد فينا يضحي يقسى وينسى الذكرى ويمحي
ومهام دمعي ودمعك هل بأيدي وبايدك يبقى الحل
اما بجرحك والا بجرحي لازم واحد فينا يضحي
يا انت يا انا من هو اللي فينا بيبتدي
خل ندعي الفراق ونجرح الاشواق دام الحزن واحد
ادري ترد تشتاق ومثلك انا بشتاق بس لازم نعاند
ومهام دمعي ودمعك هل بأيدي وبايدك يبقى الحل
لا لا تخاف حاول حبيبي ولا تخاف
لا لا تخاف قرر حبيبي ولا تخاف
ما بقى بحبنا بعد شي عليه ينخاف
خل الحزن مره يبدي ولو مره بختياري وبختيارك
ومهام دمعي ودمعك هل بأيدي وبايدك يبقى الحل

ان شاءالله اكملها بكرا او اللي بعده اذا شفت تفاعل منكم

اميرة الحب تره تحمست

كمليها في اقرب وقت

اوك الحين بكملها ولايهمك

=)

خالد طول الليل يفكر بدلال...واليوم قضوا مع بعضهم ....ماقدر ينام ...وطول الليل يتقلب.....

مسك موبايله .....دز حق دلال مسج.....

((قاعدة))

دلال نفس الحالة ...ماقدرت اتنام ..واتفكر اباجر...مو قاعدة اتفكر بنفسها ...قاعدة اتفكر بخالد...اشلون خلاص راح يصير حق غيرها....اشلون راح يجيس غيرها ...اشلون راح يصير ابو حق عيال مو عيالها .....اشلون راح يصبح ابويه مو ويها ....اشلون راح ياكل ويشرب ويقعد ويقوم مو معاها ....تسمع صوت المسج...واترد عليه بمسج...

(( منو يقدر ينام بهاليوم ))

يقراه خالد.....ويرد عليها ...

((دلال احبج ))


واترد عليه ....

((انا احبك بعد))

خالد....

((حتى لو انج مو لي ..بس قلبي راح يضل طول عمري لج ))
دلال ...تقرا المسج وقلبها يعورها ....كانت بترد عليه ...بس ماقدرت ...
ولمت مخدتها... ودمعتها بعينها ...سلمت نفسها وقدرها لله ...لان سبحانه اهوا يعلم بخيرة الامور...وحطت راسها ونامت .....


باجر اهوا يوم الحسم ....زواج خالد ...وخطبة دلال...مفترق طريق لهم اثنينهم ...بس هذي حال الدنيا ...مو كل من حب ياخذ الي يحبه ...

ملجو الرياييل عقب اذان العصر....والعرس بليل ...قرر خالد ان يحاول يتعايش مع الوضع اليديد...لان الحياة لازم تمشي...وراح يحاول يحب منيرة ..مع ان يدري بصميم قلبه انه مايقدر..لان دلال ماكانت حب 5 سنين ..دلال كانت حب عمره كله...ونفس الشي دلال قررت ان تطوي صفحة خالد...وتمضي بحياتها ...واتحب زياد...يمكن هالشي صعب وصعب حييل ...بس خلاص ماكو فاايدة...كل شي راح وانتهى...وخالد الحين راح يصير ذكرى ..واحلى ذكرى بحياتها ....


ام خالد عقب الملجة ......

الام : هلا حبيبي مبرووك ..مبرووك ...عسى الله يفرحك ويهنيك ووفقك ...

خالد ابوادي ثاني ....

الام : خالد اشفيك ....

خالد: هلا هلا يما ...الله يبارك فيج .....

الام اتيبله البشت الاسود....

الام : خالد حبيبي...هذا بشت ابوك ...انا خاشته حق هاليوم....ابوك بالضبط يشبهك ونفس جسمك وطولك ..حيل اتذكرني ببوك الله يرحمه ...اخذه والبسه ...

خالد يروح صوب المنطرة ...يلبس البشت ....ويطالع نفسه ...بقلبه
(( كنت انطر هاليوم على احر من جمر...بس....الله كريم))

الام تبجي .....

خالد يروح عند امه : يمااه ..اشفيج ....

الام : واايد فرحانه ...مومصدقة ...

خالد يبوسها على راسها : ان كل شي اسويه بالدنيا علشانج ...علشان تفرحين ...

الام : وانت مومستانس...

خالد ينزل راسه وبعينه حزن : اذا انتي مستانسة ..انا استانس....


اليوم عقب صلاة المغرب طلعة الرياييل من بيت دلال ...وفعلا ..يو العمام والخوال...وتمت الخطبة على خير...والكل يبارك وفرحان ...

ام دلال عقب ماطلعو الرياييل...

ام دلال اتكلم ام زياد ...لانها داقه عليهم اتباركلهم ....

الام حق دلال : دلوله هاج التلفون ..هذي خالتج ام زياد....

دلال مستحية : الو..

ام زياد : السلام عليكم ..

دلال وعليكم السلام خالتي...

ام زياد: بالمبارك بنيتي ...عسى الله يوفقكم ويسعدكم ياارب...

دلال : الله يبارك فيج ...


سكرت الخط من ام زياد ...واتيي الام وسارةومشاري...

الام : مبرووك دلول مبروك ...مابغينا نفرح فيج....

دلال : الله يبارك فيج يماا...

سارة وقلبها معورها على دلال: مبروك دلول...

دلال اتلمها : الله يبارك فيج....

مشاري : مبروك دلوله ...الله يوفقج ان شاء الله << يلمها ويبوسها...

دلال : الله يبارك فيك ....(اتكمل) : مشاري قلت حق نورة ان اليوم خطبتي...

مشاري : لأ....

دلال : ليش...؟؟

مشاري : نسيت <<< اهوا مانسى بس اهو اصلا مايكلمها ابد....

دلال : بدق عليها بقولها اتيي....

مشاري : ماراح اترد عليج ....

تمسك دلال موبايلها ...وادق على نورة ماتشيله ....اتقوم ودزلها مسج ....

(( نورة ترا اليوم خطبتي من زياد ))

على طول بأقل من ثانية اتدق نورة......دلال اتروح دارها....

نورة : الووو ....

دلال :لا تكلميني ...والله والله مافيج خير نورو...اشدعوااا ....

نورة : والله دلول نفسيتي تعبانة ....

دلال : الله ...وانا وين رحت ...بدال ماتصيير علاقتي فيج اقوى عقب زواجج من اخوي...تقطعين عني لهدرجة ؟؟؟؟

نورة: انزين دلال ...شنو هالمسج الي وصلني....؟؟؟

دلال : مثل ماقريتيه ؟؟

نورة : شنو يعني !!!...؟؟؟ وخالد ...؟؟؟

دلال : خالد اليوم عرسه من منيرة ..!!!

نورة منصدمة : شـــــــنــــــــو !!!! اشلون وليش؟؟؟

دلال : الدنيا يانورة ...الدنيا ماتدوم حق احد ...وموكل الي يتمناه الواحد يااخذه ....

نورة تبجي : دلوول ...لا تعورين قلبي ...ادري انج قاعدة اتكابرين ...وادري انج قاعدة تتقطعين من داخل قلبج ....قوليلي شنو السبب...عورتي قلبي...

دلال : يعني بنتكلم بالموبايل ....ماراح اتيينلي ؟؟؟ ترا اذا ماييتي راح ازعل...انا محتاجتج الحين ....

نورة توهقت لان مشاري مانعها ان اتيي بيتهم ....

نورة : دلول دقيقه دقيقة وادق عليج.....

اتدق نورة على مشاري ...مشاري يشوف رقم نورة ويروح بعيد ....

مشاري: نعم ....

نورة منحرجة : هلا مشاري...مبروك ....

مشاري بنفس : مشكورة ...

نورة : مشاري ...ميـ ...ميخالف ايي ابارك حق دلال..والي يعافيك ..ماراح اطول...

مشاري سكت اشوي : ايه اوكي ...بس مو عشان خاطرج ...عشان اختي بس....

نورة : مشكوور....

واتيي نورة ...وكانت مستانسة انها يايه بيت دلال ...واتلمها حييل ....وتبجي نورة يوم شافت دلال ...تبجي حييل ..لان نورة اتعرف دلال عدل ..وشافت ويها وامبين اشكثر ضاايق خلقها...ولان نورة واايد كانت اتحب خالد ..وناطره اليوم الي يتزوج دلال ...فماقدرت تمسك نفسها ...ويوم شافتها جذي دلال قامت تبجي...واتلمها حيل...والكل عباله ان نورة من كثر ماهي فرحانه تبجي....

الام تمسح دموعها : بس عااد ..حسبي الله على بليسكم بجيتونا....يالله روحوا غسلوا ويوهكم ...

واقعدت دلال مع نورة ....وقالت دلال كل السالفة حق نورة ....

نورة : مسكين خالد ...دايما يضحي...

دلال تاخذ نفس : مونصيبي...مونصيبي...


اليوم بليل عرس الرياييل...خالد صج معرس...الطول والرزة ...والملح المكتت...كان زحمة العرس....والجرايد والمجلات ..كلهم يايين...وكبار الشخصيات...وناس داشة وناس طالعة ...ايي ابو مشاري (ابودلال) ويبارك حق خالد....

ابو مشاري: مبروك مبروك ...مابغينا انشوفك معرس....

يوم شافه خالد...حس جنه سجين بقلبه ...كان يتمنى هالريال اهوا الي واقف اليوم يمه ...والناس يباركون لهم ...على زواجه من دلال....

خالد : الله يبارك فيك عمي...الله يبارك فيك ....

ابيت دلال.... تدخل سارة غرفة دلال وتقعد مع نورة ودلال ..و يسولفون ويضحكون ...اتروح دلال صوب الكبت واتطلع جنطة حاطتها بين اهدومها....تفتحها واتطلع منها صندوق...اتييب الصندوق...وتفتحه....ويلا الصندوق فيه كل الكروت والورود الي عطاها اياه خالد طول 5 سنين ...

تقعد مع نورة وسارة ...وتفتح كرت كرت ...وتقراه بابتسامة ...وبقلبها غصة ...لين اوصلت لي اخر كرت ....

دلال : كنت خاشتهم عشان ليه تزوجنا انا وخـالد ...ولا كبرنا انا واياه ...نفتحهم ونقراهم وتنذكر اللحظات الحلوة الي عشناها ....

جان تمسك واحد واحد ..وتقطعه قطع صغيرة ...واتقطهم ...وطلعت كل الهدايا الي عطاها اياه خالد وحطتهم بجيس وقطتهم ....الا الخاتم الي عطاها اياه اخر مرة ...هالشي الوحيد الي قررت تحتفظ فيه ...



نورة بقلبها (( يابعد قلبي يا دلال ..ادري اشكثر ضاايق خلقج ...))

سارة : زين اتسوين ...لاتخلين شي يذكرج فيه ...

دلال تاخذ نفس : خلاص الي راح راح ...


ويلا يسمعون بره صوت الهرناات ...والسياارت...اعرفوا ان هذا خالد مع ربعه قاعدين يزفونه ....دلال يوم اسمعت صوت الهرنات توترت ...نورة بتقذ الموقف...

نورة : اشرايكم انروح الصاله ..نقعد مع خالتي ومشاري....

سارة بعد حست بدلال : ايه يالله يالله ...خنروح ...

دلال : يالله اوكي....

راحوا الصالة ...كان مشاري قاعد مع امه ....

الام : زين طلعتوا من الدار ...عاد توني بناديكم على العشا ....

سارة : عاد انا ميته يوع .....

ويلا بدشة ابو مشاري.....

الام : هلا وغلا اب ابو مشاري....

الابو : هلا فيج ....

الام : ها شلون عرسهم ...

الابو : والله زحمه حييل ...شفتي اشلون عرس مشاري زحمه ...هذيل عرسهم ازحم ابواايد...عالم عالم ماشاء الله ...

الام : ايه اهم مشاء الله واايد ...ومعارفهم ومعارف امهم وااايد ...(الام ) ايه الله يوفقهم ...

دلال ساااكته ...ومنقهرة ......

الابو يطالع مشاري: ليش ماييت العرس.؟؟

مشاري متنرفز : بس تعبان ...

الابو : مافيك شي...كاك جدامي...عيب ..هذيل ييرانه من عمر...واهم ماقصروا يووك بعرسك ...

مشاري يطالع امه عشان بغير الموضوع : يماا يالله حطو العشا ...

الابو يهز راسه مو عاجبه .....

حطو العشا ...واقعدوا ....

الام اتنادي نورة ....

الام : نورة تعالي يما قعدي يم ريلج .....

مشاري: لا لا يما انا بقعد يمج ...

الام : لا هااو ..خل تقعد يمك مرتك ...ادري انكم اتحبون تقعدون يم بعض...انا اول يوم كنت ابيت الحمولة ..احب اقعد يم بومشاري...(تغمزلهم ) عشان ماتقولون عني نسرة ...<<< الام تبي اتلطف الجو بينهم ...حاسه ان فيه شي بينهم ...

نورة اتقوم تقعد يم مشاري...

نورة : مشاري تبي احطلك من هالسلطة ...؟

مشاري : لا ...

نورة: انزين من هالطبق ...

مشاري : لا ....

نورة : انزيــ.....

مشاري يطالعها : عندي ايد ..انا احطلي الي ابي....

مسكينه فشلها ...

الام حست فيها انحرجت....

الام : انا انا حطيلي من السلطة الي يمج ....

سارة : وحتى انا ....

دلال ساكته ...وبوادي ثاني....

الام اتغير الموضوع ....

الام : ايه دلوله ...بدام اخوج وابوج موجودين ...ترا ام الزياد يوم كلمتني اليوم ...قالت ان الولد حاب يكلم دلال...يعني تلفونات بس طبعا ...عشان يتعرفون على بعض ...وكل واحد يعرف طبع الثاني ...فا انا قتلها والله مادري انا اشاو ابونا بالاول واشوف شيقول....

الابو : اهوا احسن ان يعرفون بعض قبل لا يملجون ..انا من ناحيتي ماعندي مانع ....

الام : وانت مشاري شرايك .؟؟

مشاري مو عاجبه : خلاص مالي كلام عقب ابوي...

الام : وانتي دلال ؟؟

دلال : الي اتشوفونه ...

خلصوا العشا ...


الام :جني ابي ازعتر...

اتكلم الخدامة :سوي شاي عادي...و شاي زعتر..وقهوة عربية

سارة : وانا ابي GREEN TEA....


مشاري قعد واقعدت يمه نورة ...واقعدت يمها ام مشاري...وجدامها نورة وسارة وابومشاري....

نورة اتطالع مشاري طوول الوقت...اتحس صج انها اتحبه ...وودها لو يسمعها ..يمكن يعذرها او يسامحها....
كان كاسر خاطرها...ان قامت ابقلبه ...وان مراعي مشاعرها ليلحين ...

يابت الخدامة الشاي...وقاعدة اتصبه....

دلال : انا ابي شاي عادي...

الابو: وانا شاي عادي..

الام : صبيلي شاي ازعتر....

نورة : وانا نفس خالتي ابي شاي ازعتر....

تلتفت ام مشاري على نورة ..واتحط ايدها على بطن نورة ...وتضحك ....

الام : لا يما مو زين...ماتدرين يمكن في نونو بالطريج ....

نورة توترت حيل وانحرجت من مشاري....نزلت راسها....

الام :وااي ياحلو الي يستحون ...

ترفع ايدها : ويه ان شاء الله ماتمر هالـ9 اشهر الا وولد مشاري بيدي...

مشاري لاتعليق....قام وطلع بره .....

الابو : وين رايح؟؟؟

مشاري :بروح الفرع...بييب كاكاو...

الام : تعال فيه كاكاو اهني....

مشاري: لا ابي كاكاو معين .....

اهو طلع عشان اغير الموضوع ...لان امه حيل اتروح واترد عليه اهو ونورة ....وكان حييل متضاايق من الحوار....لان صج يحس ان يحب نورة ...بس قلبه شاايل عليها حيل ...ويحس ان مايقدر يسامحها...غصبن عليه ...

اما خالد عقب مازفوه ربعه... وكانو عماته وخالاته موجودين وينطرونه ...واول مادش...ويلا اليباب شايل المكان ....وينثرون عليه الورد ...وماكان في طق ولا اغاني...عشان ابو منيرة ....دخل خالد...وعماته وخالاته يبوسونه ويسلمون عليه ..كانو حييل مستانسين لان اول فرحتهم ....

منيرة كانت قاعدة ...ولابسة نفنوف لونه ذهبي...ومسويه شعرها كبه على جنب...وحاطة مكياج خفيف مع حمرة حمرة ...وكان شكلها واايد حلو ...

قعد خالد...يمها ..ولا طالعها...يت شيخة واتسلم على خالد ...وصاكة ضروسها ..

شيخة : قوم حب راسها ..فشلتنا...

خالد ولاجنه سمع شي....التفت على منيرة ....ابتسمتله ...وابتسملها...

اقعدوا وصوروا مع بعض....وام خالد بس تبجي من الفرحة ....ودش طلال وصور معاهم ....وحييل استانسوا ....راحت منيرة وغيرت اهدومها ...والبست نفنوف طلعة...وفسخ خالد بشته ....ومسكت ايد خالد واطلعوا...
واهما راكبين سيارتهم ...ويلا مشاري توه ياي من الفرع ....طالع خالد بنظرة خاايسة ...وخالد وخر عينه عينه ....وحرك سيارته....

خالد : وين تبين اتروحين .؟؟

منيرة : شنو موحاجز مكان ؟؟

خالد : لا والله ...ماحجزت ....

منيرة : مادري كيفك....

خالد : خلاص اوديج على ذوقي ..؟

منيرة : اوكي....

راحوا marina waves....مطعم Living room .....واقعدوا بالطاوله الي صوب البحر على الزاوية .... واطلبو ....وخالد اغلب الوقت ساكت ...

منيرة : وااي خالد ماتتخيل اشكثر انا مستانسة ...

خالد :..........................

منيرة : وانت ؟؟؟

خالد : اممم مستانس <<< امبين مومن قلب.....

منيرة : اشرايك بشكلي اليوم ..حلووو...عجبتك .....

خالد : ايه حلو.....

تمسك منيرة ايده ...

منيرة : راح اخليك اسعد واحد بالدنيا ....

خالد يوخر ايده : انزين يالله ..اكلي لايبرد الاكل.....

منيرة : مشكور مو جذي التدقر....!!!

خالد ماله خلق: لا موقصدي..بس قلت بعدين انسولف احسن ...

واقعدوا عقب العشاء...واطلبو قهوة ...واقعدت منيرة اتسولف واتسولف واتسولف...وخالد يدخن.... ويدخن.... ويدخن ...يطالع البحر....كان مجرد جسد بهالمكان بس عقلة وتفكيرة بمكان ثاني ....ومع شخص ثاني ....

خالد : خلصتي...؟؟؟

منيرة : ايه خلصت ....

خالد : يالله مشينا.....

واهما رايحين السيارة ....منيرة راحت وحطت ايدها بين اذراع خالد...

خالد : لا لا منيرة ...انا ماحب هالحركات ...

منيرة اتطالعه مستغربة : خالد اشفيك !!! ترا احنا معاريٍس..!!!

خالد : يعني مانصير معاريس الا اذا قضبتيني جذي...جني بطير منج ..لا يبا انا ماحب جذي...نزلي ايدج...

منيرة : اففففف ...استغفر الله ....

اركبو السيارة ...كان خالد حاجز ابفندق المرينا ....دخلو اغراضهم ...وطلعت منيرة اهدومها الي تبي تلبسها ...وادخلت الحمام ...اما خالد طلع بيجامته الي يبي يلبسها ...وغير اهدومه ومنيرة بالحمام...وانسدح على ظهره بالفراش...وحط ايده الثنتين ورا راسه ...

خالد : يااارب نسيني دلال..وشيل حبها من قلبي..يارب صبرني...يارب ارحمني...

يغمض عيونه ....يسمع صوت باب الحمام تبطل....

..اطلعت منيرة ...ولابسة قميص ابيض...جرئ اشوي...يت واقعدت بالفراش...وخالد ليلحين منسدح ...وقاعد يطالعها ....

خالد: تعالي....

راحتله منيرة ......

بنفس الوقت دلال منسدحة بدارها...ولامة مخدتها ...ومسكره ليتاتها...ودمعتها على خدها ....وقاعدة اتفكر بخالد ...وشنو قاعد يسوي الحين ... كان الوقت تقريبا على 11 وشي....

دلال بقلبها (( استغفر الله العظيم ...استغفر الله العظيم ....خلاص مالازم افكر فيه ...اهوا تزوج الحين ...وانا بعد محسوب على ريال...ياارب شيل حبه من قلبي...ياارب ...عوضني عن الي فقدته .....))

واهي قاعدة تتقلب ....ماتبي اتفكر ابولا شي....يرن موبايلها ويلا رقم غريب...

دلال : الوو ...

......: مساء الخير....

دلال : مساء النور...من معااي...

.....: معاج زيـــــــــــــــــــــــــــاد !!!!!






ودعتها والشوق بيني وبينها بحور
ودعتها رغم خوفي والوله مجبور
الحزن في ايدها بيأس يشدني
وكل درب عنها بعيد يصدني
مدري المحبه ضيعتني
ولا انا ضيعتها

ما حكت والحزن بيني وبينها
في صمتها تضيع ادور وينها
فجأه اختفى كل الكلام
وتاهت حروفي بالظلام
كل الاماني وقتها
ردت لقلبي اشتقتها
مدري المحبه ضيعتني
ولا انت ضيعتها

لو سنين عمري تضيع والزهور تنسى الربيع
ما انساها ابد
لو يصير الشوق دمي او سواد الليل همي
ما ادور احد
ويش ادور بعدها لو نساني وعدها
مدري المحبه ضيعتني
ولا انا ضيعتها

دلال ساااكته ومنصدمة نوعا ما ..ماتوقعت يدق عليها هالحزة ..

دلال : اهلين....

زياد : اشلونج دلال ....

دلال : بخير الله يسلمك....

زياد : عذريني داق عليج بهالحزة ...بس فعلا فعلا توني فضيت ....

دلال : لا لا عادي...

اقعدوا يكلمون بعض ساعة وشي .....

دلال : زياد ..سوري بس انا لازم اروح انام ...حدي تعبانة وماني قادرة ابطل عيني ...

زياد : اي اكيد اكيد ...اخذي راحتج...تصبحين على خير ...

دلال : وانت من اهله....

سكرته دلال ...وماتوقعت هالمكالمة ....زاد تفكيرها هالليلة ....وماقدرت اتنام ......


الصبح ...الساعة 8 ....خالد قعد من النوم ....وخذاله شور...ولبس تريننق ...

ومنيرة نايمة ...ونزل تحت ...وقاعد يتمشى عند اليال....حاس بقمته مايبي يقعد بالغرفة ....

قعد على الرمل...ويفكر بكل شي....وكل الي صار....قعد على الحالة فوق الساعتين وشي...يرن موبايلة ...ويلا منيرة ....

خالد :الوو ....

منيرة : صباح الخير حبيبي....

خالد : هلا .......

منيرة : وينك ؟؟

خالد : قعدت من زمان ...والحين قاعد اتمشى بره .....

منيرة : ليش ماقعدتني ...؟

خالد : ماحبيت ازعجج .....

خالد يكمل: يالله اتسبحي...ولبسي اهدومج ...عشان انروح نتريق...

منيرة : اوكي....


راح خالد الغرفة ....ويلا منيرة قاعدة اتنشف شعرها بالستشوار....او مادخل الغرفة ...جان اتروحله واتلمة واتبوسه ....

خالد : خلصتي؟؟؟

منيرة : ايه خلصت ....

خالد : يالله امشي....


راحوا يتريقون بالفندق....

منيرة : خالد ...اشفيك !!! جنه مالك خلق....

خالد : لا بس راسي يعورني شوي....

منيرة : اكيد ؟؟

خالد :اممم....

منيرة : اشرب قهوة ....اتعدل راسك ..

خالد : ايه ماكو الا جذي...

خالد يكمل : اليوم نرجع البيت ان شاء الله ....

منيرة : مو جنه تو الناس...؟؟

خالد : اشفيج باجر عندي جامعة .....

منيرة : اممم صح نسيت ....عيل ماراح اخذ اجازتي الحين !!...... خالد لازم انسافر الايام اليايه ...على الاقل لو انروح دبي...نحجز ريزورت..نستانس....

خالد : يصير خير....( يكمل) تبين انروح فلم .؟؟

منيرة: ايه يالله ...

راحو المرينا...تمشوا اشوي ...وتسوقوا ...ودخلوا فلم ...


ابيت دلال ......

دلال رايحة الدوام ....واهيا بالطريج ....يرن موبايلها ....

دلال : الوو ...

زياد: صباح الحلوين ...

دلال تبتسم : صباح النور....

زياد : رايحة الدواام ؟؟

دلال : ايه والله ...شنسوي...الدوام لله ...

زياد يضحك : ياحليلج ...عاد تدرين شكلج صغيرون ...ماجنج اتدامين ..جنج تدرسين للحين ....

دلال تبتسم : الله يجبر بخاطرك ..

زياد :اخليج عيل ...بس حبيت اصبح عليج ....

دلال : ثانكيوو...

زياد : ولو ...

اوصلت الدوام ...اتسوي شغلها ...وراحت قعدت مع البنات ...وسوالف وضحك ...

لطيفة : ايه عاد امس كانت ملجة منيرة .....

رانيا : وعوووو ...الله يعينه ....على ثقاله الدم ....

لطيفة : ايه والله ...الله يعينه ...احنا مجابلينها بالدوام ولايعة جبدنا...الله يعين اهوا يصبح ويمسي ابويها ...

نور: حبيبتي الريااييل يحبون نمونتها ...تدلع وتميصخ ...بعد هذا الي يبونا ...
ويلا شراايج دلال <<<دلال ساااااكته وموعاجبها الموضوع ...

دلال اتقوم اتروح مكتبها ...تاخذ نفس : مالي شغل فيهم ...الله يوفقهم ....

لطيفة : اشفيج ...وين رايحة ....

دلال : عندي شغل بروح اسوي ...مابي شي يتكود على .....

راحت دلال مكتبها ...وكانت حاطه جنطتها هناك...تفتح موبايلها ....ويلا 7 missed call....اتطالع منو الي داق استغربت ...كلهم زيااد ...

دلال ادق عليه : الووو

زياد : دلال .وينج...؟

دلال : بالدوام ...ليش اشصاااير ؟

زيااد : عيل ليش ماتشيلينه ....؟

دلال : كنت قاعدة مع البنات وموماخذه موبايلي....

زياد: لا دلال...اي مكان اتروحينله لازم تاخذين موبايلج ...عشان اذا دقيت اتردين علي....

دلال : ليش في شي ضروري؟؟

زياد توهق : هـ ها ...لا بس كنت قاعد احاتيج ...خفت انج مارديتي....

دلال : يعني شنو بيصير فيني بالدوام ...؟؟

زياد : لا بس انا وايد احاتي الي يهموني....بسمو تعيدينها مرة ثانية ...

دلال : شنو ؟؟!!

زياد بهدوء : موبايلج معاج وين ماتروحين ....

دلال انبطت جبدها : اوكي....<<< دلال بقلبها (( شيبي هذا...!!!!))


.................................................. .....................


خل نتكلم عن نورة ومشاري اشوي....طبعا مثل منتو عارفين انهم ليلحين قاعدين مع بعض بالشقة الي اجروها ...بس مثل ماقلنا من قبل كل واحد بغرفة..


ونورة قاعدة اتداري مشاري...وودها ان مايطلقها ..بس مالها وي اتكلمه ...


كانت كل يوم اتغسل ملابسه ..وتطبخله..واتبخر الشقة..وماتطلع من البيت ...بس اللهم ان اتروح الدوام وترجع ....وودها ان يكلمها ...ودها اتعرف ارضها من سماها ...يدخل ساكت ويطلع ساكت ....

ايي مشاري من الدواام ...يروح داره ويبدل اهدومه ....اتزهبله نورة الغدا ...اهيا ماتاكل معاه ...لان اتخاف ان مايبيها تقعد معاه ....عقب الغدا...يقعد يطالع تلفزيون .....

نورة بصوت واطي : مشاري تبي اسويلك شي..قهوة ويلا شاي...

مشاري : سويلي قهوة تركية ....

راحت نورة سوتله ...وعطته اياه ...مادري اشلون طاح وانكسر ...

نورة : حااااشتك !!! القهوة حااارة...

مشاري من غير لا يحط عينه بعينها : لأ.....<< مايحط عينه بعينها ..مايبي يضعف...

خل اروح اييب المخمة ....

راحت نورة المطبخ ...ومشاري يطالعها بعيونه .....وصج كانت تكسر خاطرة ...بس استغفر الله الشيطان..ينزل يشيل الزجاج الي تحت ريله ..مشاري يفكر (( لا لا مشاري...لاتضعف..شنو انت مو ريال...لاتسامحها..)) يرجع ويقول ((نزين على الاقل خل اسمعها ..خل ادافع عن نفسها )) ..(( لا لا بس مالها عذر))...

ومن كثر ماكان قاعد يفكر ...كان ماسك زجاجة بايده وضاغطها حييييييل ...حس بالم بطل ايده ..ويلا كلها دم ...ويلا نورة ياايه ...

نورة مخترعة واتيي تقعد يمه وتمسك ايده : بسم الله عليك ..بسم الله عليك ...ليش اتجيس الزجاج ...تعال تعال المغسلة خل اغسل ايدك ...

مشاري : انا اروح ...

راح غسل ايده ...وحاط كلينكس ...يت نورة واقعدت يمه ...ويايبه معاها علبة الاسعافات الاولية ...

نورة : ميخالف ايدك ...

مدلها مشاري ايده ....طلعت قطن وحط فيه مطهر ...

نورة : راح يحر اشوي ....

بعدين لفت ايده بشاش....

مشاري : مشكورة ....

نورة : العفو....


قاام مشاري وراح غرفته بريح ....

كان هذا روتين نورة ومشاري ...مايكلمها ...واهي اتحاول واتحاول ...على الاقل حتى لو يقولها اي شي ...يبيها ويلا مايبيها ...اهوا ساااكت ...واهي خااايفة تسأل ....لان اهي راضية معاه بهالعيشة .... وعلى امل تغيره الايام ..وتنسيه ..



.................................................. .........
عقب شهرين ....
خالد قاعد بالصاله منسدح على ظهرة على القنفة ...وقاعد يطالع تلفزيون ...

الام : خالد ماعندك جامعة ..؟

خالد : امبلا ....

الام : ماشفتك رحت اليوم ...!!

خالد : مالي خلق ....

الام : اشفيك مو ملتزم بالدوااام ...اول شحليلك من صباح الله خير فاز وطالع ...وتدرس ...الحين ماشوفك اتداوم ولا اشوفك ماسك كتاب ....

خالد : مال خلق ....

الام :.. مابقالك شي وتتخرج ...اتقوم وتخرب على عمرك ...

خالد يفرفر المحطات : مالي خلق لادراسة ولا بطيخ ...

ويلا بدخلة طلال ....

طلال : السلام عليكم ..

الام : وعليكم السلام ....

الام اتكمل: تعال شوف اخوك الحلو ...مايبي يداوم ...

طلال مستغرب : ليش!!!

خالد : بس جذي ...مليت ....

ويلا منيرة توها يايه من الدواام ....

منيرة : السلام ....

طلال والام : وعليكم السلام ....

منيرة اتطالع خالد : قلنا السلام .....!!!

خالد يقوم ....وياخذ سويجه وجنطة النادي ويطلع ....

الام : هاااو اشفيه !!!

منيرة : عادي عادي عمتي...اهوا كل يوم جذي....

الام : شنو يعني كل يوم جذي...

منيرة : كل يوم جذي منفس .....

الام : مو بس عليج حتى معانا ....

منيرة : انزين ليش.؟؟!!

الام : تلقين يحاتي دراسته ....

منيرة : منوووو ..؟؟ خالد....؟؟ لاتضحكيني خالتي ....الحين انا من اول ماتزوجته يمكن ماداوم الا جم يوم على بعض ....خوو مستانس ماياخذون غياب ولاشي...بس لازم يدااوم اشلون يفهم وقت الامتحان ....مابقى شي ويخلص الكورس....

الام : قعدي معاه ..كلميه...يمكن ياخذ منج ...عاد انتي وشطارتج ...

منيرة ضايق خلقها : عمتي...من صجج ..اهوا مايعطيني وي كلش....

الام : توه مو ماخذ عالوضع ...ترا اصعب وقت هالوقت ...كل واحد منكم ياخذ من الثاني...لين بعد فتره خلاص...تتعودون على بعض...وكل واحد يتأقلم مع طبع الثاني ...

منيرة : ايييه ..شسوي بعد ...





خالد يركب سيارته ....ويروح نادي بلاتينيوم الي بكيفان صوب نادي الكويت ...

خالد يوصل ...ويدق على عبدالوهااب ....

خالد : الوو...

عبدالوهااب : هلا هلا هلا ....

خالد : وينك !!

عبدالوهاب : توني طالع من الدواام ...انت وينك ؟؟

خالد : رايح النادي ....تعال ...

عبدالوهااب : لا من صجك ..حدي تعبان ..بروح اتغدى ..واريح اشوي ...

خالد : اتغدى وريح على ما اخلص من النادي ...وبعدين خنروح القهوة عشان نشرب شيشة...

عبدالوهاب : بدعت بالشيشة ...خلاص اوكي ....

خالد كان كل يوم جذي ...يروح النادي ويقعد طول الوقت هناك ...وبعدين يروح القهوة يشري شيشة ...وبالويك اند يروح الشاليه حق الحداق...


عبدالوهااب يدق على خالد : هاا وينك ....؟

خالد : توني طالع من النادي...

عبدالوهاب : اصبقكك القهوة ...

خالد : يالله اصبقني ..انا بالطريج ...

وصل خالد القهوة ...وعبدالوهاب ناطره هناك...قعد خالد وطلب الشيشة الي يبيها ...

عبدالوهاب: مو جذي الي ينحااشون من البيت ...

خالد : ......................

عبدالوهاب : خلوود اشفيك ...وين الي يبي يفتح صفحة يديدة ..؟؟!!

خالد : ماقدر اقعد بالبيت ولا دقيقه ...احس من ادش على قلبي ينقمت <<عن منيرة ...

عبدالوهاب: خلوود تعوذ من ابليس...خلاص ...ارضى بالامر الواقع ...رحت ولا رديت ...هذي مرتك ...

خالد ساكت اشوي ... ويقول : ماني قادر اتقبلها ...

عبدالوهاب : انت اصلا ماحاولت ...

خالد : والله حاولت ...وقاعد احاول..بس ماني قادر...

عبدالوهاب : لا تقدر ..ياخي عطها فرصة ...ماصارلك شهرين بمتزوج ..وانت تطلع من الصبح لي بليل ....

يكمل عبدالوهاب : تعال... طبعا الجامعة معطيها سكيب !!؟؟

خالد ساكت...

عبدالوهااب: خلوود ..حرااام عليك ياخي...هذا اخر كورس ..لاخرب على عمرك ....

خالد موقاعد يطالعه : بالطقاق ...مايهمني...

عبدالوهاب: عاد صير ريال خلوود ...دااوم ...بس خلاص هااانت ...هذا اخر كورس اتعرف شنو اخر كورس...يعني عقب ماناديك ايلا المهندس خالد ...اشعلييييك <<< يلطف الجو ...

خالد يبتسم من ورا قلبه : انا اول كنت ميت عشان اتخرج واخطبــ (يسكت) خلاص..انا عقب دلال ...مايهمني ولاشي...

عبدالوهاب: ردينا على طير يالي..خلاص انساها ...انساها ...المرة بتتزوج ...انت من دريت انها بتتزوج وانت معتفس....طاع اشلون ضعفت ...لاتاكل لاشي ...ياخي ارحم حالك اشوي ...

خالد سااكت ...وراايح اباله بعيييييييد..............


ودي ابكي لين مايبقى دموع
ودي اشكي لين مايبقى كلام
من جروجا صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا مايوم في دناياي دام
غربتي طالت متى وقت الرجوع
كل عام امني احلامي بعام
ان شكيت الحال محدا لي سموع
وان سكت الناس زادوني ملام
طال صبري والزمن عيا يطوع
والرجا للي عيونه ماتنام